الدخول المدرسي في الجزائر

[السلطانة]

السلام عليكم ورحمة الله وبركاته




واش راكم واش حوالكم

خلاصت العطلة وخلاصت معاها السهرات والقعدات والراحة والاستجمام نتمناالكم دخول مدرسي موفق

/////////

بون وانا ندور في الحوانت شفت الجو الباهي تاع التحضير المدرسي المآزر الغوز والبلو والادوات المدرسية
ولولاد: ماما اشريلي بالاديوم ومحظفة تاع ماشا
بابا اشريلي مقلمة تاع الصاروخ
هاذا يكسي في ولادو
وهاذا يشري في الادوات المدرسية

ايييييييييه تفكرت زمان وقت القراية
كي كنت نبات فرحانة بمحفظتي واقلامي
والواني والممحاة تاع الفراولة لي نبات نشم فيها هههه

هاذي الممحاة المشهورة لي تمحي الحبر ههه

والطلاسة لي الغطاء تاعها شفاف

واللوحة تاع الطبشور والطباشير تاع الالوان نموت على اللون الغوز والبنفسجي هههه

نفرحو بالكتب ونغلفوهم كنت نموت على البطاقات تاع الاميرات وباغبي ههه
يغلفلي بابا الكتب ونفرح غير كي نلصق البطاقات
ونروح زعم نقرعج على النصوص تاع القراءة ونقراهم قبل الوقت ههه


هاذو كامل احلام قبل الدخول المدرسي والفرحة تاعو هههه

ونهار دخلت اول نهار للدراسة درت حالة بالبكاء مباعد فرحت بالعالم الجديد
اكيد نتم كيما انا

الآن الأدوات المدرسية تغيرت بمرور السنوات
والكتب تغيرت والدراسة تغيرت على كل حال جيل اواخر الثمانينات والتسعينات ماشو كي جيل ال 2012 لي راح يدخل سنة أولى ابتدائي هذا العام

نتمنى تشاركوني الموضوع بذكرياتكم في الدخول المدرسي



كتبت الموضوع على عجال ونعس في النت تروح ولا متروحش ههه راني تعقدت منها هاذ الايام
اسمحولي على التنسيق كان ماش مليح معنديش الوقت
حاسة روحي كيما تاع من سيربح المليون : عزيزي المتصل في يدك 10 دقائق لما بيبلش المشارك يحكي

 

[السلطانة]

@missing heart
@"viola"
@همس الوُرود
@همسة نجاح
@لؤلؤة قسنطينة
@yaso ياسمين
@سكون الفجر
@عقــ اللمه ــيد
@ضآحكة مستبشرة
@البدر المشرق
@وقفة صدق
@انثى مقهورة
@ناصر dz
@وحي القلم
@بشرى ملاك
@دعاء الجنات
@Nounous nina
@وحيدة كالقمر
@aljentel
@MOHAMED LAMINE7
@Moha le sage
@Soumia hadj mohammed
@Salah eddin
@salim2018
@kacimo samy
@Bêlla93
@hakim story
@زاد الرحيل
@زهرة اللمة
@ربي اغفرلي
@أشرقت نفسي
@Malika Tlm
@fares algerie
@Queen Fati
@لاريمان
@البحر الهادي
@خووخه
@أم منيــــــر
@هدوء المطر
@اكرام براءة
@حلم كبير
@Ma$Ter
@حلم يعانق السماء
@مناجاتي لسجادتي
@HAMZA USMA

 

[يوسےفے]

السلام عليكم و رحمة الله
دخول مدرسي موفق ان شاء الله لتلامذتنا و كل الاسرة التربوية أيضا

انا نشفى على روحي دخلت سنة أولى ف 95 ..كان عنده ذوق خاص بالنسبة ليا ..ماكاش كاين لون محدد للمئزر في ذاك الوقت ..حتى لقيت روحي لابس طابلية بلون الشكولاطة و زيد الملمس تاعها نيلو ..داروها بيا و شلفطتني فيها السخانة.ملصقين فيها بطاقة من ورق مقوى و الله ما شفيت واش كاتبين فيها ..خايفيني نتبحر واقيل ههه و لبسولي سبردينة جديدة ..طول الكوردون تاعها اطول مني..تقدر تربط بيها رجلك كيما ساسوكي ظليت متخابط معاها باه نربطها ..حتى يجو يربطوهملي..

اما كي دخلت المدرسة ..تقول دخلت الحبس، الرعب يا جدك يرركبك من معلمين ذلك الزمن الجميل..بقيت نشوف في وجوهم و نخمم شكون لي يقريني..ههه تفكرت (كتف ..ضع.. كتف.. ضع) و لي قدامي طويل كي نرفد يدي ليه ما نلحقوش تقول راني نتحي في زعيم النازية هتلر هههه
و لي يعطي لدخول المدرسي نكهة أكثر هو شراء الأدوات و ترتيبها في البيت في الليل تغلف ذا و تلصق ذا اشكال و ألوان..و تشم فيها رائحة مميزة.
أكثر افلام الرعب بالنسبة لي في المدرسة هو الاستدراك ?? كاين يحكني فيه المعلم من أجل الخط التاعي ..ما شاء الله جميل هههه بالرغم اني كنت مجتهد ..احم احم شكرا شكرا لا داعي لتصفيق هههه.
شكرا سلطانة على إحياء ذكريات الزمن الجميل.

 

[الامين محمد]

هههههههههه لاه تفكري فيا أختي السلطانة
أـنا كنت ناخذ معايا الكرة للقسم و ندي الكسرة و حبة طماطيش و شوي ملح في ساشي
كنت مسؤول القسم و صحابي ما نسجلش أسماؤهم مع التلاميذ الفوضويين
و اللي نسجلوا إما يجيب رشوة أو يدي طريحة من عند المعليم

في السنة الثانية كان عندنا معليم كان حاقد عليا كل يوم ندي زوج صفعات من عنده و في الليل نروح نرمي بيته بالحجارة
مرة لقيته يسرق في المازوت من المدرسة هههههههههههه بقيت نشوف فيه حتى شافني و عرفني فقت ليه
غدوة من ذاك أصبح صديقي و اصبحت التلميذ المقلش تعرفي علاه هههههههههه باش مانبيعوش
يااا أيام زمان هههههههه

 

[aljentel]

انقضت سنين وسنين ولم تعد الذاكره تستوعب ما مضى وكان ؛ لكنني اذكر انه اول يوم لي بالدراسه كان ذلك عام 1993 وكانوا الاهل مجهزين كل شيء من ملابس عباره عن بنطلون لونه رمادي وقميص ابيض له اكمام وهذا هو اللباس الموحد لكل الطلبه .. وحضر معي لأول يوم والدي اطال الله عمره وخالي رحمه الله رحمة واسعه وكانت شنطتي مملؤه بالدفاتر والاقلام والبرايات وعلبة الالوان لكنني لم اعد اذكر كيف استمرت دراستي لكن مشي الحال وكنت بالابتدائيه من المتفوقين جدا حيث كنت اخذ الترتيب الاول على صفي واستمريت متفوقا حتى اول ثانوي بدأت اللخبطه .. لكن الحمد لله اكملت تعليمي وهانحن نتذكر ماكان بصعوبه فالحمد لله على كل شيء ....

ادعو الله سبحانه ان يوفق طلبة الامة الاسلاميه في شتى البقاع لكل خير ...

 

[zohor kfz]

قريت كل تعليقاتكم و الله تقتل بالضحك هههههه
المهم انا دخلت صغيرة و زيد بعد شهرين من بداية الدراسة ... نعقل كي بابا جا خرج من القسم بكيت خرجت قلبي ههههه و لامعلم و تلاميذ كلهم يتفرجو فيا هههه ... السنة الاولى كانت غير غناء و موسيقى و انا كنت من الفرقة نغني و نعزف بصح السنوات لي مور خلصناها مع معلم وهد اخر لقانا منعرفوش الحروف بزاف ... كلينا الضرب ههههه
ايه نسيت حاجة ... راكم عاقلين على ريحة الكتب الجديدة ؟؟؟ كنت نعتبرها هي ريحة الدخول المدرسي
الله يوفق كل الطلبة

 

[هدوء المطر]

وعليكم السلام ورحمة الله
إيييه يا شوشو فكرتيني بأيام الزمن الجميل
نشفى على روحي النهار الأول لي رحت فيه نقرا جات المعلمة باش تديني للكلاصة وأنا حاكمتني واحد الخلعة تقول رايحين يدوني للإعدام ههه أيا داتني ولقيت التلاميذ ديجا فالكلاصة قاعدين ومربعين يديهم وكامل يشوفو فيا، تشوكيت من الجمهور الغفير، يا إلاهي من أنتم؟ قاتلهم هذي زميتلكم وجات جديدة، أيا قاتلي اقعدي وبدات الدرس الأول، وأنا في قلبي نقول شاراكي تهدري يا مخلوقة؟ على خاطر قلبي كان غير وقتاش نروح للدار حسيت روحي في سجن المهم المعلمة لي قراتني السنة الأولى كانت في القمة ربي يذكرها على خير ومازالني لحد الآن كي نتلاقاها نقولها سيداتي عاملتني بأروع معاملة وكانت تقلي بنتي ربي يجازيها كل خير إن شاء الله، لولا فضل الله ثم فضلها لوكان راني كرهت حاجة إسمها القراية، ومام معلمة اللغة الفرنسية ربي يذكرها على خير خلاتني نعشق اللغة الفرنسية وبقيت ممتازة فيها حتى مشواري الجامعي، كانت ديما كي تخرج تقلي احرسي لي يدير الفوضى قوليلي، وأنا بسلامتي شريرة غير لي يهدر كلمة نسجلوا وكي يزيد يهدر نديرلوا علامة فوق إسمو حتى يولو يبكوا مساكن ربي يغفرلي ههههه
وشحال كنت نموت على ريحة الغلافات والكرطابل نستنى العام الجديد غير باش نشري الأدوات ونشم الريحة نتاعهم كنت نكره اللوحة كي تتشوه بالطباشير نروح للدار نغسلها طول ونحطها قدام الفورنو تنشف تولي جديدة، وأنا ساعتها نحس بفرحة لا توصف ، يا حصراه عفسة صغيورة كانت تفرحنا، بلا ما ننسى الألوان كنت نحب نشري نتاع 24 لون كنت نكره نتاع 6 ألوان، بصح التلوين في كراس الرسم شخبط شخابيط والممحاة كنت نفضل البيضاء على الممحاة المشهورة ، وكنا نستناو غير وقتاش تلحق السنة الرابعة باش نوليو نكتبوا بالستيلو وماشي بالريشة، نحسوا رواحنا كبرنا ولينا رجالة ونساء وتهنينا من قيود الحبر والريشة
يا ريت يرجع منها يوم واحد
اسمحولي كثرت الهدرة، بصح فرغت قلبي
يعطيك الصحة السلطانة خليتينا نتفكروا أيام البراءة.

​

 

[صانعة الإبتسامة]

سلااااام
موضووووع هااااااايل يعطيك الصحة والأعضاء لي ردو فيه قتلوني بالضحك هههههههههههههه
انا نموووووت على دخلة تاع ليكول والله هههه نشري لبسة جديدة لاااازم قبل الأدوات ههههه دخلت ليكول سنة 2001 نشفى مليح لشيخة كانت مليحة معنا توحشتها بزاااف ياااحصرااااه بون خلونا من دراما هههههههه
كان بابا لعزيز يجبلنا كرطونة كبييييرة معبية ادوات تالمون حنا كنا 5 خاوة نقراو ويبدا يوزع علينا وتنوض لبغااار على الأدوات هههههه والله ذكريات هايلين جامي ننساهم
قبل مانختم كلامي أنا كنت ندي 9 معدل من 10 والله أحم أحم ههههه

 

["viola"]

هههههههه يا حسراه ليام
كنت نموت على ريحة الادوات الجدد خخخخ
و الله حتى انا راني على عجلة ههه و الله كون تفكرت ليامات معاكم
صحيتي
​

 

[السلطانة]

السلام عليكم و رحمة الله
دخول مدرسي موفق ان شاء الله لتلامذتنا و كل الاسرة التربوية أيضا

انا نشفى على روحي دخلت سنة أولى ف 95 ..كان عنده ذوق خاص بالنسبة ليا ..ماكاش كاين لون محدد للمئزر في ذاك الوقت ..حتى لقيت روحي لابس طابلية بلون الشكولاطة و زيد الملمس تاعها نيلو ..داروها بيا و شلفطتني فيها السخانة.ملصقين فيها بطاقة من ورق مقوى و الله ما شفيت واش كاتبين فيها ..خايفيني نتبحر واقيل ههه و لبسولي سبردينة جديدة ..طول الكوردون تاعها اطول مني..تقدر تربط بيها رجلك كيما ساسوكي ظليت متخابط معاها باه نربطها ..حتى يجو يربطوهملي..

اما كي دخلت المدرسة ..تقول دخلت الحبس، الرعب يا جدك يرركبك من معلمين ذلك الزمن الجميل..بقيت نشوف في وجوهم و نخمم شكون لي يقريني..ههه تفكرت (كتف ..ضع.. كتف.. ضع) و لي قدامي طويل كي نرفد يدي ليه ما نلحقوش تقول راني نتحي في زعيم النازية هتلر هههه
و لي يعطي لدخول المدرسي نكهة أكثر هو شراء الأدوات و ترتيبها في البيت في الليل تغلف ذا و تلصق ذا اشكال و ألوان..و تشم فيها رائحة مميزة.
أكثر افلام الرعب بالنسبة لي في المدرسة هو الاستدراك ?? كاين يحكني فيه المعلم من أجل الخط التاعي ..ما شاء الله جميل هههه بالرغم اني كنت مجتهد ..احم احم شكرا شكرا لا داعي لتصفيق هههه.

شكرا سلطانة على إحياء ذكريات الزمن الجميل.​

اهلا وسهلا بيك اخي راك دخلت في نفس العام لي دخلت نقرا فيه انا
راني تفكرت الطابلية لي راك تحكي عليها ههههه نشفى على التلاميذ لي كانو يقرو معايا لبسوها والله يالسبادرينات تاع وقتنا هههه انا كنت نكرهم ونحب البالاديوم وبابا يقولي تاع الذكور هههه
وفكرتني في طابليتي جاية بيضا وفيها نقاط كحل وفي الجيب مصور فيها ارنب هههه
الله يرحم دوك الايام والاساتذة تاع وقتنا كنا نطلعو راسنا برك نخزرو فيه طويل وعريض الله يبارك وموسطاش يزيد يحكمنا الرعب ههه
وهاز لعصا يامحاينك تقول درك يجي ليا يهرسني
ربي يقدرنا ويخلينا لولادنا ونعيشو معاهم لحظة الدراسة وترتيب الادوات
الاستدراك كنا نتخيلو فيه غير للكسالى المشاغبين هههههههههههههه
اكيد كنت مجتهد استاذنا الفاضل مشكور لمشاركتنا احلى الذكريات ​

 

[السلطانة]

هههههههههه لاه تفكري فيا أختي السلطانة
أـنا كنت ناخذ معايا الكرة للقسم و ندي الكسرة و حبة طماطيش و شوي ملح في ساشي
كنت مسؤول القسم و صحابي ما نسجلش أسماؤهم مع التلاميذ الفوضويين
و اللي نسجلوا إما يجيب رشوة أو يدي طريحة من عند المعليم

في السنة الثانية كان عندنا معليم كان حاقد عليا كل يوم ندي زوج صفعات من عنده و في الليل نروح نرمي بيته بالحجارة
مرة لقيته يسرق في المازوت من المدرسة هههههههههههه بقيت نشوف فيه حتى شافني و عرفني فقت ليه
غدوة من ذاك أصبح صديقي و اصبحت التلميذ المقلش تعرفي علاه هههههههههه باش مانبيعوش
يااا أيام زمان هههههههه

ههه انت كنت مشاغب كبير
وعاقل في نفس الوقت وزيد تحرص وتكتب الاسماء وتحط عليهم كروا روج باه يدو طريحة كحلة ههههههه
منور اخي

 

[السلطانة]

انقضت سنين وسنين ولم تعد الذاكره تستوعب ما مضى وكان ؛ لكنني اذكر انه اول يوم لي بالدراسه كان ذلك عام 1993 وكانوا الاهل مجهزين كل شيء من ملابس عباره عن بنطلون لونه رمادي وقميص ابيض له اكمام وهذا هو اللباس الموحد لكل الطلبه .. وحضر معي لأول يوم والدي اطال الله عمره وخالي رحمه الله رحمة واسعه وكانت شنطتي مملؤه بالدفاتر والاقلام والبرايات وعلبة الالوان لكنني لم اعد اذكر كيف استمرت دراستي لكن مشي الحال وكنت بالابتدائيه من المتفوقين جدا حيث كنت اخذ الترتيب الاول على صفي واستمريت متفوقا حتى اول ثانوي بدأت اللخبطه .. لكن الحمد لله اكملت تعليمي وهانحن نتذكر ماكان بصعوبه فالحمد لله على كل شيء ....

ادعو الله سبحانه ان يوفق طلبة الامة الاسلاميه في شتى البقاع لكل خير ...

اهلا وسهلا بك اخي
اللبس الموحد اراه افضل في المدارس نحن في الجزائر لايطبقونه عدى المآزر الوردية والزرقاء
ماشاءالله كنت تلميذ نجيب وهادئ
مهما مايحدث مع الشخص في مرحلة الدراسة غير ان الاهم ان يكمل مشواره فكل شي ء يمضي ويتغير
ان شاءالله بالتوفيق للجميع

 

[السلطانة]

قريت كل تعليقاتكم و الله تقتل بالضحك هههههه
المهم انا دخلت صغيرة و زيد بعد شهرين من بداية الدراسة ... نعقل كي بابا جا خرج من القسم بكيت خرجت قلبي ههههه و لامعلم و تلاميذ كلهم يتفرجو فيا هههه ... السنة الاولى كانت غير غناء و موسيقى و انا كنت من الفرقة نغني و نعزف بصح السنوات لي مور خلصناها مع معلم وهد اخر لقانا منعرفوش الحروف بزاف ... كلينا الضرب ههههه
ايه نسيت حاجة ... راكم عاقلين على ريحة الكتب الجديدة ؟؟؟ كنت نعتبرها هي ريحة الدخول المدرسي
الله يوفق كل الطلبة

اهلا وسهلا زهور
ههه انتي مالا دخلتي مولات 5 سنين
وزيد بكاية كبيرة هههه الصغر الله غالب
دوك الاناشيد يهبلو حتى هوما ههه وزيد فرقة موسيقية خلاص حنا شعب تاع رديح خخخ
وريحة الكتب الجديدة تهبل
نسنى في بنتي وقتاه توصل تقرا ونشم ديك الريحة ههه
منورة

 

[السلطانة]

وعليكم السلام ورحمة الله
إيييه يا شوشو فكرتيني بأيام الزمن الجميل
نشفى على روحي النهار الأول لي رحت فيه نقرا جات المعلمة باش تديني للكلاصة وأنا حاكمتني واحد الخلعة تقول رايحين يدوني للإعدام ههه أيا داتني ولقيت التلاميذ ديجا فالكلاصة قاعدين ومربعين يديهم وكامل يشوفو فيا، تشوكيت من الجمهور الغفير، يا إلاهي من أنتم؟ قاتلهم هذي زميتلكم وجات جديدة، أيا قاتلي اقعدي وبدات الدرس الأول، وأنا في قلبي نقول شاراكي تهدري يا مخلوقة؟ على خاطر قلبي كان غير وقتاش نروح للدار حسيت روحي في سجن المهم المعلمة لي قراتني السنة الأولى كانت في القمة ربي يذكرها على خير ومازالني لحد الآن كي نتلاقاها نقولها سيداتي عاملتني بأروع معاملة وكانت تقلي بنتي ربي يجازيها كل خير إن شاء الله، لولا فضل الله ثم فضلها لوكان راني كرهت حاجة إسمها القراية، ومام معلمة اللغة الفرنسية ربي يذكرها على خير خلاتني نعشق اللغة الفرنسية وبقيت ممتازة فيها حتى مشواري الجامعي، كانت ديما كي تخرج تقلي احرسي لي يدير الفوضى قوليلي، وأنا بسلامتي شريرة غير لي يهدر كلمة نسجلوا وكي يزيد يهدر نديرلوا علامة فوق إسمو حتى يولو يبكوا مساكن ربي يغفرلي ههههه
اهلا وسهلا بيك اختي الزينة
اواه داك المشهد منعرف علاه كنا نخافوه هههه
تاع تكون تلعب ماعلابالك بوالو يدوك غدوة يقولولك تقرا هنا مع ناس متعرفهمش فيلم رعب ههه
وتزيد تسمع كلمة المعلم واعر من النية والصغر تصدق وتترعب
ربي يذكر استاذتيك بخير
ههه والله يالحراسة المهمة العجيبة لي كنا نشوفو فيها انو رانا خارقين وعندنا حصانة
وشحال كنت نموت على ريحة الغلافات والكرطابل نستنى العام الجديد غير باش نشري الأدوات ونشم الريحة نتاعهم كنت نكره اللوحة كي تتشوه بالطباشير نروح للدار نغسلها طول ونحطها قدام الفورنو تنشف تولي جديدة، وأنا ساعتها نحس بفرحة لا توصف ، يا حصراه عفسة صغيورة كانت تفرحنا، بلا ما ننسى الألوان كنت نحب نشري نتاع 24 لون كنت نكره نتاع 6 ألوان، بصح التلوين في كراس الرسم شخبط شخابيط والممحاة كنت نفضل البيضاء على الممحاة المشهورة ، وكنا نستناو غير وقتاش تلحق السنة الرابعة باش نوليو نكتبوا بالستيلو وماشي بالريشة، نحسوا رواحنا كبرنا ولينا رجالة ونساء وتهنينا من قيود الحبر والريشة
ههههه والالوان صح كنا نبقاو نعسو في تاع بعضانا لي يشري حاجة جديدة نلحقوه ونشرو وسورتو تاع 24 لي فيهم الالوان بالتدرج انا كنت نحب الغوز والموف اللونين المفضلين نقضي عليهم تم تم
واللوحة كي قلتي نغسلها تفكرت وحد المعلم تاع الفرونسي قراني كان يضربنا كون منغسلوهاش ونجيبوها نقية وياويلو لي ينسى
يا ريت يرجع منها يوم واحد
شتي ياريت
اسمحولي كثرت الهدرة، بصح فرغت قلبي
يعطيك الصحة السلطانة خليتينا نتفكروا أيام البراءة.


​

منورة حبيبتي

 

[السلطانة]

سلااااام
موضووووع هااااااايل يعطيك الصحة والأعضاء لي ردو فيه قتلوني بالضحك هههههههههههههه
انا نموووووت على دخلة تاع ليكول والله هههه نشري لبسة جديدة لاااازم قبل الأدوات ههههه دخلت ليكول سنة 2001 نشفى مليح لشيخة كانت مليحة معنا توحشتها بزاااف ياااحصرااااه بون خلونا من دراما هههههههه
كان بابا لعزيز يجبلنا كرطونة كبييييرة معبية ادوات تالمون حنا كنا 5 خاوة نقراو ويبدا يوزع علينا وتنوض لبغااار على الأدوات هههههه والله ذكريات هايلين جامي ننساهم
قبل مانختم كلامي أنا كنت ندي 9 معدل من 10 والله أحم أحم ههههه

هههه اهلا وسهلا بيك
وتحسي بسعادة كبيرة كي تقيسي لبستك وتبيتيها قدامك ليلة كاملة وغدوة من داك تلبسي الصباط يضربك في رجلك تديري لقطن هه
وكرطونة الادوات تزيد تحلى كثر هههه كل واحد يحب يخير لي تعجبو
انا كنت مع خويا حرب على الادوات وخويا مع خويا الصغير على المحافظ ديما تعجبهم نفس المحفظة
كنتي قراية الله يبارك ههه
منورة اختي

 

[السلطانة]

هههههههه يا حسراه ليام
كنت نموت على ريحة الادوات الجدد خخخخ
و الله حتى انا راني على عجلة ههه و الله كون تفكرت ليامات معاكم
صحيتي
​

ههه والله ياانتي من الضحكة الطويلة هاذي باينة كنتي تديري طوايش كبيرة
معليهش حبيبتي منورة
​

 

[البحر الهادي]

السلام عليك
شكرا لك
لقد ارجعتني إلى الوراء كثيرا
حتى تذرت يوم دخلت غلى المدرسة نادو باسمي
وتلكالمعلمة التي درستني
إنها ايام رائعة تمر الأيام بسرعة
طبعا كنا نشتاق إلى الدراسة
الأمور تغيرت كثيرا لم تعد مثل السابق
حتى التنافس لم يعد غلا قليلا ونادرا
طبا اروع السنوات هي سنوات المتوسط [لقد درست الأساسي طبعا]
أتذكر حتى الأاساتذة الذين درسوني
حتى لوذهبت اذكر شعوري لم يوصف لأنه رائع
أروع سنة مرت علي هي السنة النهائية لأنها السنة التي حدث لي فيها ماحدث
وقد كنت محبوبا عند الاساتذة
ماعدا أستاذة التكنواوجبا فقد انا وهي مثل القط والفأر

 

[Malika Tlm]

السلاموعليكم
ايييه يا ختي ذكرتيني بأيام الدراسة ورائحة الكتب كنت نموزوووت عليها ،كانت وحد الفرحة والنشاط باش نشريو الأدوات كانت أشياء بسيطة مي كنا نقراو ومجتهدين
نشفي علي روحي نجحت ونهار الاحتفال مرحتش المعلم نتاعي ربي يدكرو بخير لحقلي هديتي حتي للدار وانا مزالني عاقلة علي
نزيدكم حاجة كنت عااااااقلة لدرجة كبيرة وكااامل المعلمين والأساتذة كانوا يحبوني،كنا نحشموا ونخافو من المعلمين
يا لوكان تعود هذيك الأيام
هذيك الفرحة يا حسرااااااه
اليوم كلشي متوفر والقراية زيرو
الله يخليك حبيبتي
ربي يوفقك وليداتنا يااارب

 

[HAMZA USMA]

موضوع مميز شكرا

 

[sanaya]

هههههههههه لاه تفكري فيا أختي السلطانة
أـنا كنت ناخذ معايا الكرة للقسم و ندي الكسرة و حبة طماطيش و شوي ملح في ساشي
كنت مسؤول القسم و صحابي ما نسجلش أسماؤهم مع التلاميذ الفوضويين
و اللي نسجلوا إما يجيب رشوة أو يدي طريحة من عند المعليم

في السنة الثانية كان عندنا معليم كان حاقد عليا كل يوم ندي زوج صفعات من عنده و في الليل نروح نرمي بيته بالحجارة
مرة لقيته يسرق في المازوت من المدرسة هههههههههههه بقيت نشوف فيه حتى شافني و عرفني فقت ليه
غدوة من ذاك أصبح صديقي و اصبحت التلميذ المقلش تعرفي علاه هههههههههه باش مانبيعوش
يااا أيام زمان هههههههه

بابابا كنت مجرم تاع الصح هههههه