شكون حنا حنا ليزالجيغيا

[السلطانة]

السلام عليكم ورحمة الله وبركاته

ان شاءالله الجميع بألف خير
وبمناسبة عودة الأوسمة وأول نوفمبر نقوللكم عيدكم مبروك
السلطانة تشعر بالسعادة ياسكان المملكة اللماوية
/////////////////////////////////////////////////////////////////////////////

حبيت نحكي على موضوع الأكل الصحي في الجزائر

كيما هو معروف يامعشر اللماوييييين الدزاير فيها بزاف ولايات وكل ولاية ومنطقة ليها أكلات خاصة بيها
لكن لو نرجعو لتركيبة هذ الاكل نلقاوه فيه بزاف اضرار
stooooop

ماش نطيح في الاكل تاع البلاد نو نو نو

لكن نحكي علينا كشعب انو منعرفوش ناكلو
معندناش ثقافة الاكل الصحي
حنا شعب صاحب المقولة الشهيرة :كي تشبع الكرش تقول للراس يغني دز دق دق دق

مثلا :تلقاه في العشا يضرب المقارون بالخبز ولاسباقيتي
ويزيد معاها طبسي تاع لوبيا فضال من لغدا بالفلفل حار ويرقد مهني
قصدي يبات طع طع الكولون تاعو يتعارك مع المعدة والامعاء الغليظة والرقيقة
حتى يسمعو الجيران ولافامي ورجال الحماية المدنية ويسمع عمر بن عمر

ونلقاوها عند النساء ولا البنات مثلا :تضرب القاطو والحليب الصباح والغدا خبزتين ومرقة ووو والقازوز والجي
والشيكولا حقا تاع مون ماغي ولاختشييييبي ...
وتزيد تخرج تضرب البيتزا xxxxxxxxxxxl والشاورما وتدي معاها للدار وتعاود تتعشا على العشرة تاع الليل تعاود تاكل وتسهر بالمكسرات والشيكولا وحلوة الترك وماتبعها 00 تاع الليل تزيد تروح تشعل اللومبا تاع الفريجيدار وتقضي على ماتبقى

الجزائري اصلا عندو عقلية العشا لازم يكون هو المليح باللحم وتكون الكمية بزاف باه يشبع مع الخبز ولا الكسرة سخونة
وفي راسو تاني الفطور يكون فرنسي حليب بالقهوة والقاطو والقاطو ياكل برك بلامايحسب شحال من حبة
والغدا ياكل برك من الفاست فوود كان خدام معندوش الوقت وكان في الدار يعبي كرشو وقهوة لعشية مينساهاش مع الحليب والقاطو
ومينساش المايوناز والهريسة والفلفل ..

عقلية خلطها تصفى
مباعد يروح للطبيب: السكر لاطونسيون...الكولون...المعدة ...السمنة...انتفاخ البطن ......الخ الخ

عندي عام تقريب منلي بديت نقرا ونحوس على الاكل الصحي وعاداتو
وبديت نغير بالشوي في بعض العادات السئية لي كنت نديرها كيما الاكل السبعة الثمنية نحبس ووجبة العشاء تكون خفيفة اذا كنت عادي وكان نتبع في نظام غذائي معين نطبقو
بديت قبل نقنع في روحي بلي هاذ الاكل يضرني وكون نكمل هك لاقدر الله نمرض ونروح فيها
والسبب وحد المرة في رمضان مرضت رحت للطبيب : قالي مدااام الكولون تاعك منفوووخ والمعدة كيف كيف مشلفطة
كون متديريش ريجيم وتحاذري عروحك ترجعي في امورات خلاف

هاخلايا واش داني واش درت في روحي
من هنا كانت نقطة البداية
وبديت بالشوي بالشوي في عملية البحث عن الاكل الصحي المفيد
وتخليت على واش يضرني واكتسبت عادات جديدة
وتاني المرا لازمها تحافظ على جسمها
خير من تدخل في موضوع السمنة وووو اكبر عدو هو الحلويات واكلها العشوائي والحمد لله
وليت ناكلها بموعد محدد ومنضعفش قدامها
ضحكني بابا ربي يحفظو :رحت عندهم مرة طيبتلو بويون بزيت الزيتون
قالي هاذا واش ؟ قتلو بويون صحي قالي :اذهبي يذهبك كان هاذا يتكل
متزيديش تجربي فيا جربي في دار راجلك
عجوزتي ودار راجلي : شافو السوب تاع الكابويا تخلعو
ماهذا يافتاة هذا ليس بالاكل المعتاد اغربي عن وجوههنا
حاولت نقنعهم والو مالا في الاخير اقتنعت اني
نقدر نتصرف في روحي وفي اكل بنتي وراجلي فقط لانو الوحيد لي تقبل تغييري لنمط الاكل االصحي باقي العائلة نطيبلهم كيما رادوو
ماش معناه اني نحرم روحي لالا
كي نسخف ناكل لكن بنظام
او كمية قليلة
القازوز والمقلي وماتبعه منعتووو ونعوضو بطرق صحية
الحلويات وماتبعها كيف كيف مرات قليلة فقط ناكل
المعجنات والبقوليات في الغداء فقط في الليل ممنوع
عدت نكثر من الشربات الصحية المطبوخة بطريقة صحية والكسرة الصحية واكلات الفرن الصحية..والخضر المفورة
البروتين في الغداء فقط
الاكثار من الماء والمشروبات الحارقة والفاكهة.......
اخيرا فهمت بلي جسمي نقدر نتحكم فيه كيما نحب انا وفق مايقولي عقلي
جسمي نقدر نبروغراميه كيما نحب أنا ماش كيما تحب العادات والتقاليد او كيما تحب العائلة الكريمة وتفرض عليا الاكل لي يضرني



زعم انت كلماوي كيفاه حالتك مع الاكل ؟
وهل تدير حساب لواش تاكل ولا لا ؟
وهل تقدر تغير نوعية اكلك من اجل صحتك ؟



تقبلوا تحياتي












​

 

[faith8]

السلام عليكم ورحمة الله وبركاته
قتلتيني بالضحك أضحك الله سنك ههههههههه
خاصة تع الوالد ربي يحفظو ههههه كامل يهدرو بنفس الأقوال
والله عندك الحق أصل الداء كله مما نأكل كله يبدا من الفم
خير ما عملتي راكي كيما أختي الكبرى سبحان الله كلي هي اللي راهي تهدر تضل تجري مورانا أنا وأختي الأخرى وماما كولو بتظام كولوا صحي ....
رانا نديرو مجهود لكن ما لحقناش للأكل الصحي المثالي الواحد يكن صريح واعر الحال
زعم انت كلماوي كيفاه حالتك مع الاكل ؟
أنا ففترة الدراسة أكلي ملخبط ما عندي ما نحكي حاجة ما فوقتها نضل نجري ما عنديش الوقت
نهار يكون عندي الوقت ننظم روحي ونوجد ماكلة نديها معايا للجامعة
وهل تدير حساب لواش تاكل ولا لا ؟
طبعا نحاول نبعد قدر الامكان على السكريات والدسم والمقلي
وكذلك القرنون والجلبانة فأوقات الدراسة ممنوع خطر محدق عندي الكولون العصبي يقتلوني بالسطر كون ناكلهم مع الستراس والقلق
وهل تقدر تغير نوعية اكلك من اجل صحتك ؟
راني نحاول قدر الإمكان

 

[Skor m@k]

السلام عليكم
الله يعطيك الربح ان شاء الله في هذا الليل المظلم والمبرد هههههه
انت كيما خالتي سميناها السعيد ديكارت ههههه
تتفلسف في كل المأكولات وتقول ماشي صحي في اي حاجة تشوفنا ناكلوها ههههه
هي نهار كامل وهي تبع فالحصص فالتلفزيون والانترنت تاع الاغذية
كي جي لعندنا ماتحبش طيب الخالوطات تاع الاكل
تقتلنا غير بالحشائش والاغذية الصحية
انا عليا مانحاذرش كامل صحي ولالا المهم يكون لذيذ ههههه
لايهم شكون طيبو ولا منتا طاب ولا باش طاب ولا كيفاه طاب المهم صالح ولا الزوبير ههههه
صح منذاك يجيني جورج قداحي الصغير في راسي يقولي خير تريح للجوع ولا تاكل برك
الله غالب يغلب سعدان ديما ديفونس كول برك ههههه
هي الاكل تاعنا ماولاش صحي ومتناسب مع الوقت ولينا ناكلو برك سورتو تاع نتعشاو ونرقدو ديركت
ان شاء الله نسييو نغيرو بعض العادات فقط ماشي كامل ههههه
صحيتي ختي السلطانة لازم تتلاقاي مع خالتي انت ههههه السعيد ديكارت مع شوشو ارسطو​

 

[إنسانة ما]

وعليكم السلام ورحمة الله
اهلا أم ياسمين .. موضوعك مهم بزاف بارك الله فيك ..
أنا ثاني كانت عندي تجربة مع هذا الأمر والحمد لله قدرت نسيطر على نفسي ..
بعد الزواج والولادة أطلقت العنان لنفسي ولقيت روحي اكتسبت كيلوغرامات ياااااسر وأوقعت نفسي في مطب السمنة .. حتى وصلت لمرحلة قلت لنفسي stoooop
قررت اني نعمل ريجيم وناكل صحي وفعلا عزمت وغيرت عاداتي في الأكل .. كنت مثلا ما نحملش حاجة اسمها soupe لكن أصبحت وجبة أساسية في طاولتي كنت ما نقدرش ناكل yaourt nature لكن أصبح عشايا ..
وبالرغم من ذلك ما حرمتش نفسي كيما قلتي أنت .. ندير شاورما صحية .. غراتان صحي وغيرو .. والحمد لله ريحت كولوني (لي أصلا كان دايما عندي مشكل معاه) ووصلت للوزن المثالي لي نصيب فيه راحتي .. وعودت زوجي على الأكل الصحي مع انو باقي المحيط ما يتقبلكش ويشوفك تتفلسفي ومستحيل يتخلى على عادات توارثها (الزوج مسكين يبقى حقل تجارب) ..
الأكل الصحي مش حرمان كيما يفهموه الكثير من الناس ..
صحيتي على الموضوع المهم ..

 

[البحر الهادي]

السلام عليك
لي عودة لأنني مرت بسرعة عليه

 

[آية نور اليقين]

السلام عليكم
ههههههههه قتلتيني بالضحك خصوصاٌ من ردت فعل ابوك رانا كامل هاك في اي موضوع بصح الله غالب ثقافتهم محدودة والاستعمار ما خلاش فيهم صراحة .....مهم حبيبتي لي قلتيه صح لازمنا ثقافة الأكل الصحي ان شاء الله نخرجوا من قوقعة الأكل التقليدي بصح نبقوا محافظين عليه ....انا دخلت لهم في اطباقي اليومية زيت الزيتون بصراحة نطيب به ويجيهم هايييييييييييييل??????

 

[السلطانة]

السلام عليكم ورحمة الله وبركاته
قتلتيني بالضحك أضحك الله سنك ههههههههه
خاصة تع الوالد ربي يحفظو ههههه كامل يهدرو بنفس الأقوال
والله عندك الحق أصل الداء كله مما نأكل كله يبدا من الفم
خير ما عملتي راكي كيما أختي الكبرى سبحان الله كلي هي اللي راهي تهدر تضل تجري مورانا أنا وأختي الأخرى وماما كولو بتظام كولوا صحي ....
رانا نديرو مجهود لكن ما لحقناش للأكل الصحي المثالي الواحد يكن صريح واعر الحال
زعم انت كلماوي كيفاه حالتك مع الاكل ؟
أنا ففترة الدراسة أكلي ملخبط ما عندي ما نحكي حاجة ما فوقتها نضل نجري ما عنديش الوقت
نهار يكون عندي الوقت ننظم روحي ونوجد ماكلة نديها معايا للجامعة
وهل تدير حساب لواش تاكل ولا لا ؟
طبعا نحاول نبعد قدر الامكان على السكريات والدسم والمقلي
وكذلك القرنون والجلبانة فأوقات الدراسة ممنوع خطر محدق عندي الكولون العصبي يقتلوني بالسطر كون ناكلهم مع الستراس والقلق
وهل تقدر تغير نوعية اكلك من اجل صحتك ؟
راني نحاول قدر الإمكان

اهلا وسهلا ديجا عجبني توقيعك قعدت نخزر فيه كي عاد في المطر يصب خخخخ
راكي في مجال الطب وتعرفي مليح الامراض والاكل احد العوامل لي يتسبب فيها
تحياتي لاختك ههه راهي هايلة مع اللول تجيكم غريبة مباعد كي تقنعو خلاص
تولو كيما هي بعد خخخ
صح الاكل في الجامعة صعيب باه يتنظم سورتو مع الواحد يقرا ويبذل مجهود
ويبات يقرا
ان شاءالله تقدري تتخلاي على بعض عادات الاكل غير الصحية
وتربحي صحتك
منورة اختي

 

[السلطانة]

السلام عليكم
الله يعطيك الربح ان شاء الله في هذا الليل المظلم والمبرد هههههه
انت كيما خالتي سميناها السعيد ديكارت ههههه
تتفلسف في كل المأكولات وتقول ماشي صحي في اي حاجة تشوفنا ناكلوها ههههه
هي نهار كامل وهي تبع فالحصص فالتلفزيون والانترنت تاع الاغذية
كي جي لعندنا ماتحبش طيب الخالوطات تاع الاكل
تقتلنا غير بالحشائش والاغذية الصحية
انا عليا مانحاذرش كامل صحي ولالا المهم يكون لذيذ ههههه
لايهم شكون طيبو ولا منتا طاب ولا باش طاب ولا كيفاه طاب المهم صالح ولا الزوبير ههههه
صح منذاك يجيني جورج قداحي الصغير في راسي يقولي خير تريح للجوع ولا تاكل برك
الله غالب يغلب سعدان ديما ديفونس كول برك ههههه
هي الاكل تاعنا ماولاش صحي ومتناسب مع الوقت ولينا ناكلو برك سورتو تاع نتعشاو ونرقدو ديركت
ان شاء الله نسييو نغيرو بعض العادات فقط ماشي كامل ههههه
صحيتي ختي السلطانة لازم تتلاقاي مع خالتي انت ههههه السعيد ديكارت مع شوشو ارسطو​

أهلا وسهلا بيك ميستر سكر ديجا انت اسمك لازم تبدلو ماهوش صحي هههه
تعوضو بالسكر دايت ولانعملك بلوك
هاذا شابو لخالتك السعيد ديكارت ههه وي صح تقنع بالاكل الصحي خلاص
تولي تطيب باه تحسب السعرات لي تاكلهم في اليوم
انت راك وحدك خخخ كيما خويا يقولي ميهمنيش النوعية تهمني الكمية ناكل نعمر كرشي
حييلي سعدان لي في راسك عندك لاتبدلو ب بن شيخ برك
الانسان يقدر يبدل من بعض العادات لي تضرو وينقص منها
صعيبة باه الجزايري يتخلى فجأة على واش تربى عليه هههه
وتقنعو ياكل 5 مغارف طعام بدل ماياكل طبسي كامل خخخخ
نورت خويا

 

[السلطانة]

وعليكم السلام ورحمة الله
اهلا أم ياسمين .. موضوعك مهم بزاف بارك الله فيك ..
أنا ثاني كانت عندي تجربة مع هذا الأمر والحمد لله قدرت نسيطر على نفسي ..
بعد الزواج والولادة أطلقت العنان لنفسي ولقيت روحي اكتسبت كيلوغرامات ياااااسر وأوقعت نفسي في مطب السمنة .. حتى وصلت لمرحلة قلت لنفسي stoooop
قررت اني نعمل ريجيم وناكل صحي وفعلا عزمت وغيرت عاداتي في الأكل .. كنت مثلا ما نحملش حاجة اسمها soupe لكن أصبحت وجبة أساسية في طاولتي كنت ما نقدرش ناكل yaourt nature لكن أصبح عشايا ..
وبالرغم من ذلك ما حرمتش نفسي كيما قلتي أنت .. ندير شاورما صحية .. غراتان صحي وغيرو .. والحمد لله ريحت كولوني (لي أصلا كان دايما عندي مشكل معاه) ووصلت للوزن المثالي لي نصيب فيه راحتي .. وعودت زوجي على الأكل الصحي مع انو باقي المحيط ما يتقبلكش ويشوفك تتفلسفي ومستحيل يتخلى على عادات توارثها (الزوج مسكين يبقى حقل تجارب) ..
الأكل الصحي مش حرمان كيما يفهموه الكثير من الناس ..
صحيتي على الموضوع المهم ..

اهلا بيك اختي العزيزة
شتي راهي المرأة معرضة للخطر اكثر من الراجل خاصة بعد الولادات
تقدر تروح فيها
تأكدت بلي حنا كنا ناكلو حسب واش تربينا عليه ماش حسب واش يفيدنا ويضرنا
لي سوب والناتير ههه انا تاني اول مرة ذقت الناتير قلت هاذا صامط يقتل ومنقدرلوش وشوي بشوي رجع ياوورتي المفضل وبدلت باقي الانواع كامل بيه
صح صعيب باه تقنعي لي عايشين معاك
الاكل الصحي ماش حرمان بل هو اسلوب حياة
منورة عزيزتي ومشكورة على الاضافة القيمة

 

[السلطانة]

السلام عليك
لي عودة لأنني مرت بسرعة عليه

في انتظار عودتك استاذ

 

[السلطانة]

السلام عليكم
ههههههههه قتلتيني بالضحك خصوصاٌ من ردت فعل ابوك رانا كامل هاك في اي موضوع بصح الله غالب ثقافتهم محدودة والاستعمار ما خلاش فيهم صراحة .....مهم حبيبتي لي قلتيه صح لازمنا ثقافة الأكل الصحي ان شاء الله نخرجوا من قوقعة الأكل التقليدي بصح نبقوا محافظين عليه ....انا دخلت لهم في اطباقي اليومية زيت الزيتون بصراحة نطيب به ويجيهم هايييييييييييييل??????

مسرورة ان الموضوع نال اعجابك
صح الاكل الجزائري توارث منذ القديم ولكل ولاية اطباق تقليدية خاصة بها
يقدر الواحد ياكلهم لكن يعرف كيفاه ياكل ماش مثلا الغداء شخشوخة والعشاء كسكس
الزيتون تاني مثلا 5 حبات في السلاطة بزاف خخخ
لانو يحبس السوائل في الجسم ويمنع الجسم من الحرق
منورة اخيتي

 

[Hakan]

أنا في الشهرين لي فاتو كارثة
ما تتخيليش وش ناكل حتى سمنت بزاف
هيا وعندي اسبوع بديت حاجة اسمها الصيام المتقطع راني معاها وبما انو الشتاء فصل حرق السعرات الحرارية كي نكمل نحكيلكم على التجربة تاعي..
حاجة الوحيدة اللي قنعتني انو رانا غالطين مليار في ساعة.. هي الحديث اللي يقول انو بيت النبي صلى الله عليه وسلم كانت نار ما تشعلش ثلاث ايام
وهذا يدل على انو كان ما ياكلش كما حنا وزيد
.
عَنْ الْمِقْدَامِ بْنِ مَعْدِي كَرِبَ - رَضِيَ اللَّهُ عَنْهُ - قَالَ: سَمِعْت رَسُولَ اللَّهِ - صَلَّى اللهُ عَلَيْهِ وَسَلَّمَ - يَقُولُ: (مَا مَلَأَ آدَمِيٌّ وِعَاءً شَرًّا مِنْ بَطْنِهِ بِحَسْبِ ابْنِ آدَمَ أَكَلَاتٍ يُقِمْنَ صُلْبَهُ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِه )
هذا اعظم اختصار للاكل الصحي وربي يهدينا...

 

[السلطانة]

أنا في الشهرين لي فاتو كارثة
ما تتخيليش وش ناكل حتى سمنت بزاف
هيا وعندي اسبوع بديت حاجة اسمها الصيام المتقطع راني معاها وبما انو الشتاء فصل حرق السعرات الحرارية كي نكمل نحكيلكم على التجربة تاعي..
حاجة الوحيدة اللي قنعتني انو رانا غالطين مليار في ساعة.. هي الحديث اللي يقول انو بيت النبي صلى الله عليه وسلم كانت نار ما تشعلش ثلاث ايام
وهذا يدل على انو كان ما ياكلش كما حنا وزيد
.
عَنْ الْمِقْدَامِ بْنِ مَعْدِي كَرِبَ - رَضِيَ اللَّهُ عَنْهُ - قَالَ: سَمِعْت رَسُولَ اللَّهِ - صَلَّى اللهُ عَلَيْهِ وَسَلَّمَ - يَقُولُ: (مَا مَلَأَ آدَمِيٌّ وِعَاءً شَرًّا مِنْ بَطْنِهِ بِحَسْبِ ابْنِ آدَمَ أَكَلَاتٍ يُقِمْنَ صُلْبَهُ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِه )
هذا اعظم اختصار للاكل الصحي وربي يهدينا...

اهلا وسهلا بيك خويا حكيم
نعم الصيام المتقطع احد افضل انظمة الدايت او الانظمة الصحية معولة نجربو تشوقت ليه بزاف يشكرو فيه
ياريت تحطلنا تجربتك معاه كي تخلص
عليه الصلاة والسلام كون جينا ناكلو كيما وصانا كون رانا لاباس كامل
والملح والسكر العدويين لي حذرنا منهم هادوك سباب المراض
يعطيك الصحة لوضعك الحديث الكافي الوافي
منور

 

[البحر الهادي]

زعم انت كلماوي كيفاه حالتك مع الاكل ؟ طبعا الأكل عندي عادي وحسب الشهية والمورال ،كنت نحب المشروبات الغازية بزاف وهي ضرورية على الطاولة لكن اكتشفت أني أهلك نفسي فبدأت أتوقف عنها والحمد لله أصبحت غير مهمة بالنسبة لي
وهناك البركوكس ماناكلهش خلاص وكذلك المأكولات الطازجة خارج المنزل
وهل تدير حساب لواش تاكل ولا لا ؟ طبعا هدي باينة بلي الأكل نحسب للصحة نتاعي حساب مش كل شيء يدخل بطني
وهل تقدر تغير نوعية اكلك من اجل صحتك؟ طبعا أصبحت أهتم بصحتي أكثر لهذا أفكر في ماآكله وخاصة في الصباح

شكرا لك على الموضوع القيم

 

[الامين محمد]

ياحوجي انا يا حوجي انا
كي تحكو على الاكل اصحي راكم تحكوا عليا انا
ماعنديش هذا المصطلح في حياتي
يعني الشهية مفتوووحة على طول خصوصا نهار يكون الكسكس
نتعشى بعد اذان المغرب و نعاود عشا بعد صلاة العيشا ههههههههههههه

 

["viola"]

هههههههههه مدولي مالموهبة تاع الماكلة انا ختكم راني ضايعة
انا عندي بروبلام تاع كي نشبع نتسكر تاع الصح لدرجة اني نزيد مغرف وحدة حاشاكم والله نردها -_-
و اكديلي عالشيكولا و الماقارون و البيتزا و القازوز خخخخ و الله نسخف كي نشوف الناس ياكلو قد ما درت و والو
معنداكم كولو تاليتها موت هههه
المرجونة تزحلقت خخخ​

 

["viola"]

السلام عليكم
الله يعطيك الربح ان شاء الله في هذا الليل المظلم والمبرد هههههه
انت كيما خالتي سميناها السعيد ديكارت ههههه
تتفلسف في كل المأكولات وتقول ماشي صحي في اي حاجة تشوفنا ناكلوها ههههه
هي نهار كامل وهي تبع فالحصص فالتلفزيون والانترنت تاع الاغذية
كي جي لعندنا ماتحبش طيب الخالوطات تاع الاكل
تقتلنا غير بالحشائش والاغذية الصحية
انا عليا مانحاذرش كامل صحي ولالا المهم يكون لذيذ ههههه
لايهم شكون طيبو ولا منتا طاب ولا باش طاب ولا كيفاه طاب المهم صالح ولا الزوبير ههههه
صح منذاك يجيني جورج قداحي الصغير في راسي يقولي خير تريح للجوع ولا تاكل برك
الله غالب يغلب سعدان ديما ديفونس كول برك ههههه
هي الاكل تاعنا ماولاش صحي ومتناسب مع الوقت ولينا ناكلو برك سورتو تاع نتعشاو ونرقدو ديركت
ان شاء الله نسييو نغيرو بعض العادات فقط ماشي كامل ههههه
صحيتي ختي السلطانة لازم تتلاقاي مع خالتي انت ههههه السعيد ديكارت مع شوشو ارسطو​

خخخخخخخخخ عمتي حق ربي
لحليب تقولنا فيه الكولسترول تشري هذاك تاع جماعة الريجيم سيلوات
و تظل مع الطبة و تهدر فرونسي ههههههه والخضر لازم تتفور ممنوع القليان منعا باتا
مسكين راجلها يعاني ههههههه​

 

["viola"]

أنا في الشهرين لي فاتو كارثة
ما تتخيليش وش ناكل حتى سمنت بزاف
هيا وعندي اسبوع بديت حاجة اسمها الصيام المتقطع راني معاها وبما انو الشتاء فصل حرق السعرات الحرارية كي نكمل نحكيلكم على التجربة تاعي..
حاجة الوحيدة اللي قنعتني انو رانا غالطين مليار في ساعة.. هي الحديث اللي يقول انو بيت النبي صلى الله عليه وسلم كانت نار ما تشعلش ثلاث ايام
وهذا يدل على انو كان ما ياكلش كما حنا وزيد
.
عَنْ الْمِقْدَامِ بْنِ مَعْدِي كَرِبَ - رَضِيَ اللَّهُ عَنْهُ - قَالَ: سَمِعْت رَسُولَ اللَّهِ - صَلَّى اللهُ عَلَيْهِ وَسَلَّمَ - يَقُولُ: (مَا مَلَأَ آدَمِيٌّ وِعَاءً شَرًّا مِنْ بَطْنِهِ بِحَسْبِ ابْنِ آدَمَ أَكَلَاتٍ يُقِمْنَ صُلْبَهُ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِه )
هذا اعظم اختصار للاكل الصحي وربي يهدينا...

تاع النار متشعلش وقيلا من شدة مكانش عندهم واش يطيبو و الفقر مش يصوّم روحو و الله اعلم ​

 

[Hakan]

تاع النار متشعلش وقيلا من شدة مكانش عندهم واش يطيبو و الفقر مش يصوّم روحو و الله اعلم ​

هيا كلمة فقر فيها هدرة
مهم المعنى انو كاين فترات ما ياكلوش بغض النظر عن السبب وهذا يخلي المعدة تريح مش ياكلو اربع وجبات وديما ياكلو حنا رانا رمضان وهاردينها مخلطينها وخلاص ?

 

[وۣۗهۣۗہۣۗم]

ربي يهنيك ختى شبعتينا ضحك ههههههههههههههههه
اى بالفعل كل منطقةتختلف على اخرى وكى نجوو نشوفوها من المنظور الايجابي نلقاوها ثقافات متبادلة غاليتى رغم هد الاختلاف تبقى الجزائر واحدة