كيفاه تقولها بلهجتك ؟

[Omaar Zengarr]

ده هيروغليفى هههههههههه

ممكن يكون امازيغي ... بس الاكيد انه مش عربي وملهوش اي علاقة بيه ههههه

 

[amro mostafa]

منور اخي وتحية لاخوتنا في مصر

الله يسلمك ويحفظك شكرا ليكى

 

[amro mostafa]

تلاكيد معروض آسن نلخميس أداسن لوقاول مميس ن بتيش أويد معاش تمطوطش دطرواش و لا تتا أتاويد معاش ماماش د باباش
❤❤غرداية-بني يزجن
يعطيك الصحة موضوع شباب اختي ❤❤

معروض على الامازيغ أداسن آسن speakingتلاكيد مميس ن نلخميس أويد لوقاول تمطوطش دطرواش بتيش معاش و لا تتا د أتاويد باباش ماماش معاش
اى خدمة ديه الترجمة بتاعتها هههههههه

 

[sanaya]

معروض على الامازيغ أداسن آسن speakingتلاكيد مميس ن نلخميس أويد لوقاول تمطوطش دطرواش بتيش معاش و لا تتا د أتاويد باباش ماماش معاش
اى خدمة ديه الترجمة بتاعتها هههههههه

هههههههه مراجع الترجمة ناقصة للأسف نعم أمازيغية هي ميزابية

 

[amro mostafa]

هههههههه مراجع الترجمة ناقصة للأسف نعم أمازيغية هي ميزابية

المهم انى عرفتها اكيد ليا جايزة ههههههههه

 

[وۣۗهۣۗہۣۗم]

راك معروض نهار الخميس للفيونساي تاع ولد عمتك انت والمدام ومتنساش تقول ليماك وباباك تيبازة




اسن اللخميس دلفيونساي نمميس اعمتيك شك دلمدام اوتتوش الشيخ دلعجوزة كابيل
????​

 

[أبو عاتكة]

أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد

نهار الخِميس ان شاء الله راك معروض للعُقد نتاع بنت عمتك باه تجيب المرا والذراري وعندك لاتنسى الشايب والعِزوج.

طريقة اخرى أكثر تهذيب.
نهار الخميس راك معروض للهردة نتاع بنت عمتك "نديبة" ( على وزن نعيمة) باه تجيب الموصيبة نتاعك وتكركر الذراري معاك ومتنساش بويك وأمك راني عارف ق هايشة....

يعطيك الصحة ام ياسمين على الفكرة نتعرف من خلالها على لهجات بلادنا المتنوعة كل ميات ميترة.

 

[sanaya]

راك معروض نهار الخميس للفيونساي تاع ولد عمتك انت والمدام ومتنساش تقول ليماك وباباك تيبازة




اسن اللخميس دلفيونساي نمميس اعمتيك شك دلمدام اوتتوش الشيخ دلعجوزة كابيل
????​

قبائلية ؟؟؟؟ سبحان الله تشبه لمزابية بزاف

 

[وۣۗهۣۗہۣۗم]

قبائلية ؟؟؟؟ سبحان الله تشبه لمزابية بزاف

اهاا صح والله منعرف
مى هادى كابيل ​

 

["viola"]

تهلا الخميس الجاي بن عمتك راح يخطب باه تجي و جيب الدار و الذراري و متنساش الشيخ و العزوج خخخ
فرانكفورت سونطر هههه الجلفة ​

 

[السلطانة]

الموضوع نور


لي عودة ان شاءالله

 

[أم أُنٌَيسة]

راك معروض نهار الخميس للفيونساي تاع ولد عمتك انت والمدام ومتنساش تقول ليماك وباباك تيبازة




اسن اللخميس دلفيونساي نمميس اعمتيك شك دلمدام اوتتوش الشيخ دلعجوزة كابيل
????​

لقيت شكون يعلمني الشاوية ولا القبايلي المهم اي حاجة تتعلق بالامازيغية نعشق فيها
شوفي روحي لصفحة اللمة الجزائرية في الفيس تلقايني دايرة اعجاب وتلقاي اسمي
اوكي حبيبة؟​

أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد

نهار الخِميس ان شاء الله راك معروض للعُقد نتاع بنت عمتك باه تجيب المرا والذراري وعندك لاتنسى الشايب والعِزوج.

طريقة اخرى أكثر تهذيب.
نهار الخميس راك معروض للهردة نتاع بنت عمتك "نديبة" ( على وزن نعيمة) باه تجيب الموصيبة نتاعك وتكركر الذراري معاك ومتنساش بويك وأمك راني عارف ق هايشة....

يعطيك الصحة ام ياسمين على الفكرة نتعرف من خلالها على لهجات بلادنا المتنوعة كل ميات ميترة.

قتلتني عمي الكريم والله غير قتلتني بالضحك ههههههههههههههههه
اضحك الله سنك واسعد كل اوقاتك وملاها بالفرح والسرور​

 

[أم أُنٌَيسة]

السلام عليكم ورحمة الله وبركاته​

أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد

راك معروض نهار الخميس الجاي للخطبة ديال ولد عمتك بيك بالمراة ديالك وماتنساش تجيب معاك باباتك وماماتك ..... هذه بلهجتي انا والله ماعلابالي كيفاه يقولوها بالسكيكدية وتان كل بلاصة فسكيكدة عندها لهجة مميزة ليها ياحوشي انا منحفهم ومنيش عارفة كيفاه دايرين لدا اخترعت لهجة خاصة بي هههههههههههههههههههه

تحياتي احترامي وتقديري لشخصكم الكريم الطيب غاليتي
​

 

[وۣۗهۣۗہۣۗم]

اووووكى رانى جاية
نظن رانى تم فالصفحة
ارواحى نعلم ختى ?????​

 

[ام أمينة]

أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد

راك معروض نهار الخميس للفيونصاي تع وليد عمتك جيب معاك المدام و الدراري و تنساش باباك و يماك.....alger centre

 

[♥حلم القمر♥]

أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد
أقليك تسوارضض آس لخميس ذي لفيونصاي نميس نعامتيك أويد إيذك تمطوثيك يوك اراويك وتتسويارا vavak يوك يماك

 

[أشــواق 19]

يا خويا راكم معروضين نهار الخميس للخطبة تاع ولد عمتك نت والعايلة ومتنساش تجيب معاك شيخ ولعجوز (سطيف ?)

 

[dahman kz]

راك معروض الخميس الجاي للخطوبة تاع ولد عمتك و جيب معاك المرا و الذر وماتنساشي جيب معاك الشايب والعزوز ... ( واد سوف ).

 

[الورد الأحمر]

عجبتني الفقرة هذي ? ما تولهتلهاش ?

الجملة:
أنت مدعو يوم الخميس المقبل الى حفل خطوبة ابن عمتك احضر معك زوجتك واولادك ولاتنسى احضار الوالدة والوالد .

الترجمة للهجة السكيكدية ?
راك معروض نهار لخميس الجاي للخطبة تاع ولد عمتك وجيب معاك مرتك وولادك وما تنساش أمك وبوك .

@Fethi.dz أرواح تعرض للخطبة تاع ولد عمتك بلهجتك ? قالك كل بلاصة في سكيكدة تعرض بطريقة ?٠

 

[دكتاتور]

راك معروض نهار لخميس نشاء الله لخطوبة تاع وليد عمتك جيب معاك قاع لافامي الزوجه ووليداتك بيانسير ومتنساش شيباني وسيبانية تاعك خووو
.
العاصيمه