رحلة مجانية إلى ...... عالم مميز

[ام أمينة]

السلام عليكم
يعطيك الخير يا ليليا فكرتيني في بزاف حكايات درتهم كي كنت صغيرة

كانت عندي جارتي يسكنو مقابلينا و كنا نقراو في نفس القسم هاداك الوقت كنت سنة اولى و لا ثانية
واحد النهار قاتلي راني حابة نجي نبات عندكم
شاورت ماليها و جات لعندنا
ايا ختكم ام أمينة حكمت المقص و قصيت شعري شوية و هي قصيتلها لاماش و الداخل قريب كامل
ايا الصباح كي نضنا و بدلنا حوايجنا و شربنا قهوة و مشطتلي ماما ربي يحفظها و ما نتبهتش بلي قطعت شعري و الطفلة شعرها شباب يعني بلا ما يتمشط شباب
ايا كي دخلت على 11 و نص لقيت ماما تستنى فيا بالبالي
قاتلي الشعر لي كان تحت الخزانة تع من ؟
قلتلها نقيت المشطة و حطيت هاداك الشعر لتم
ايا كي خديت طريحة ثلاثية الابعاد اعترفت بالجريمة
و لعشية كي وليت من المدرسة رحنا عند جيرانا و اعترفت بفعلتي و طلبت السماح بصح جارتنا ولات تشوفتي تهرب ما نعرف علاه

و بنتي ربي يحميها خرجتلي ليا سبحان الله العام لي فات لقات المقص قصت شوشتها مكان ما نلم فيها
و عندها وحد الشهرين قصت شعر ختها
يعني وراثة

امبعد نولي بقصة اخرى
انتظروني​

 

[ليليا مرام]

السلام عليكم
يعطيك الخير يا ليليا فكرتيني في بزاف حكايات درتهم كي كنت صغيرة

كانت عندي جارتي يسكنو مقابلينا و كنا نقراو في نفس القسم هاداك الوقت كنت سنة اولى و لا ثانية
واحد النهار قاتلي راني حابة نجي نبات عندكم
شاورت ماليها و جات لعندنا
ايا ختكم ام أمينة حكمت المقص و قصيت شعري شوية و هي قصيتلها لاماش و الداخل قريب كامل
ايا الصباح كي نضنا و بدلنا حوايجنا و شربنا قهوة و مشطتلي ماما ربي يحفظها و ما نتبهتش بلي قطعت شعري و الطفلة شعرها شباب يعني بلا ما يتمشط شباب
ايا كي دخلت على 11 و نص لقيت ماما تستنى فيا بالبالي
قاتلي الشعر لي كان تحت الخزانة تع من ؟
قلتلها نقيت المشطة و حطيت هاداك الشعر لتم
ايا كي خديت طريحة ثلاثية الابعاد اعترفت بالجريمة
و لعشية كي وليت من المدرسة رحنا عند جيرانا و اعترفت بفعلتي و طلبت السماح بصح جارتنا ولات تشوفتي تهرب ما نعرف علاه

و بنتي ربي يحميها خرجتلي ليا سبحان الله العام لي فات لقات المقص قصت شوشتها مكان ما نلم فيها
و عندها وحد الشهرين قصت شعر ختها
يعني وراثة

امبعد نولي بقصة اخرى
انتظروني​

السلام عليكم ورحمة الله وبركاته
اهلا وسهلا بك أختي أم أمينة وهل يوجد أحلى من الطفولة لنعود لها ونتذكر أجمل أيام عمرنا
هههه أنا عجبتني نتاع بنتي خرجت ليا هههه المقص حفافة من الصغر قرعتيها بنت الناس هههه
انا دابزت مع أختي قطعتلها شعرها وهي راقدة هههه رجعتها طفل ديت طريحة من الكبار مي فالتالي درت اللي فراسي
سررت بردك جدا وانتزر قصصك الممتعة وقصص بناتك حفظهن الله لك
شكرا لك

 

[sami44]

[

السلام عليكم
يعطيك الخير يا ليليا فكرتيني في بزاف حكايات درتهم كي كنت صغيرة

كانت عندي جارتي يسكنو مقابلينا و كنا نقراو في نفس القسم هاداك الوقت كنت سنة اولى و لا ثانية
واحد النهار قاتلي راني حابة نجي نبات عندكم
شاورت ماليها و جات لعندنا
ايا ختكم ام أمينة حكمت المقص و قصيت شعري شوية و هي قصيتلها لاماش و الداخل قريب كامل
ايا الصباح كي نضنا و بدلنا حوايجنا و شربنا قهوة و مشطتلي ماما ربي يحفظها و ما نتبهتش بلي قطعت شعري و الطفلة شعرها شباب يعني بلا ما يتمشط شباب
ايا كي دخلت على 11 و نص لقيت ماما تستنى فيا بالبالي
قاتلي الشعر لي كان تحت الخزانة تع من ؟
قلتلها نقيت المشطة و حطيت هاداك الشعر لتم
ايا كي خديت طريحة ثلاثية الابعاد اعترفت بالجريمة
و لعشية كي وليت من المدرسة رحنا عند جيرانا و اعترفت بفعلتي و طلبت السماح بصح جارتنا ولات تشوفتي تهرب ما نعرف علاه

و بنتي ربي يحميها خرجتلي ليا سبحان الله العام لي فات لقات المقص قصت شوشتها مكان ما نلم فيها
و عندها وحد الشهرين قصت شعر ختها
يعني وراثة

امبعد نولي بقصة اخرى
انتظروني​

مليحة تع طريحة ثلاثية الابعاد عييت نخمم ما عرفتهاش مثلا التشنشيف مع المونش تاع البالي والبشماق هذي من اخطر الاسلحة عن الاولياء
وماكان لاه تجربيها مع بنتك
في انتضار عملية اخرى من عمليات الخطيرة

 

[ام أمينة]

نزيدلكم هادي
كنت صغيرة نقرا سنة سادسة هداك الوقت خويا بيبي كان مريض عطالو الطبيب الدوا تع الرقاد باش يريح و يتكالما
ايمالا جات عندنا عمتي و جابت معاها بنتها كبيرة عليا عام و نص
حبيت نتحايل عليها قلتلها عندنا وحد الدواء تشربيه تولي شابة
المخلوقة ما امنتش شربت نص قرعة و انا كملت لي بقا
و الله يومين حنا راقدين كامل انخلعو فينا ايا كي صحصحن مليح اعترفنا بفعلتنا و طبعا الطريحة فيها فيها

الشقاوة الله غالب

 

[ام أمينة]

[

مليحة تع طريحة ثلاثية الابعاد عييت نخمم ما عرفتهاش مثلا التشنشيف مع المونش تاع البالي والبشماق هذي من اخطر الاسلحة عن الاولياء
وماكان لاه تجربيها مع بنتك
في انتضار عملية اخرى من عمليات الخطيرة

يا ودي الطريحة هاديك نتفكرها نحس بالسطر
انتظروني فالجديد
تحياتي لك

 

[ام أمينة]

السلام عليكم ورحمة الله وبركاته
اهلا وسهلا بك أختي أم أمينة وهل يوجد أحلى من الطفولة لنعود لها ونتذكر أجمل أيام عمرنا
هههه أنا عجبتني نتاع بنتي خرجت ليا هههه المقص حفافة من الصغر قرعتيها بنت الناس هههه
انا دابزت مع أختي قطعتلها شعرها وهي راقدة هههه رجعتها طفل ديت طريحة من الكبار مي فالتالي درت اللي فراسي
سررت بردك جدا وانتزر قصصك الممتعة وقصص بناتك حفظهن الله لك
شكرا لك

و عليكم السلام
و الله ايام الطفولة عمرها ما تولي
و انتي من بكري شقية
ربي يحفظك اختي

 

[sami44]

و عليكم السلام
و الله ايام الطفولة عمرها ما تولي
و انتي من بكري شقية
ربي يحفظك اختي

من بكري شقية برك
عبد القا مسكين وهبلاتو مالقاش روحو من داك الوقت وما نعرف واش من سبيطار دخل مسكين

 

[sami44]

كنت صغيرا وشقيا وكان لي اخ مثل ( عيشة وباندو وين يروحو يتgاودو)
كان ابن عمي صديق لنا وكل جمعه وخميس يجي يبات عندنا نباتو نلعبو ما نخلو الغميضة -قرد- الدامة- المهم كامل الالعاب حتى للصباح
وهذا ولد عمي قليل وجونتي بزاف كنت نتفاهمو عليه انا وخويا كل مرة نعملولو عملة حتى الشيطان وما يفكلرش فيها
وحد النهار نفذنا خطة محكمة تفاهمنا كي يرقد نربطولو اصابع رجليه بالخيط المتين اي السبيب اذا تعرفوه والصباح نوضو قبلو ونخلعوه نقولولو اجري نوض الزلزلة وصار الامر هكذاك والصباح لما نوضناه ناض يجري قريب تقطعو صباعتيه ورجع غير الدم من هذاك النهار ما يأمنناش ويرقد كيما الذئب بعين وحدة
الصغر والشقاوة الله يغفرلنا

 

[ليليا مرام]

و عليكم السلام
و الله ايام الطفولة عمرها ما تولي
و انتي من بكري شقية
ربي يحفظك اختي

السلام عليكم اختي
انا والله لضرك هههه مازال ما ندير الديقات وعلاه كبرت على هذي مازال غير كيفكيف ههه
فعلا أيام الشقاوة لا تعود
شكرا لك ويحفظلك اسرتك الكريمة
شكرا لك

 

[ليليا مرام]

من بكري شقية برك
عبد القا مسكين وهبلاتو مالقاش روحو من داك الوقت وما نعرف واش من سبيطار دخل مسكين

ايه عبد القا مسكين كبر وتزوج وكي يشوفني يحشم وانا نضحك ديركت نتاع عبد القا مازال ما متفكرة واش جرجرتك ههههه
ونزيدك بنتو واسمها ليليا عليا ههههه حب الطفولة ياه ههههه
مازال ما وصلش لسبيطار هذاك لو كمل معايا غرونتي راه فبليدة حتى ريدوح ومات شكون يداويه هه

 

[ليليا مرام]

كنت صغيرا وشقيا وكان لي اخ مثل ( عيشة وباندو وين يروحو يتgاودو)
كان ابن عمي صديق لنا وكل جمعه وخميس يجي يبات عندنا نباتو نلعبو ما نخلو الغميضة -قرد- الدامة- المهم كامل الالعاب حتى للصباح
وهذا ولد عمي قليل وجونتي بزاف كنت نتفاهمو عليه انا وخويا كل مرة نعملولو عملة حتى الشيطان وما يفكلرش فيها
وحد النهار نفذنا خطة محكمة تفاهمنا كي يرقد نربطولو اصابع رجليه بالخيط المتين اي السبيب اذا تعرفوه والصباح نوضو قبلو ونخلعوه نقولولو اجري نوض الزلزلة وصار الامر هكذاك والصباح لما نوضناه ناض يجري قريب تقطعو صباعتيه ورجع غير الدم من هذاك النهار ما يأمنناش ويرقد كيما الذئب بعين وحدة
الصغر والشقاوة الله يغفرلنا

السلام عليكم
يا يمى مسكين السبيب يا لطيف لوكان تقطعو صباعتيه لو راه معاق لليوم وتكبرو وتندمو عليها ندمة كبيرة احنا كنا أشقياء مي مانروحوش لحاجة تضر زعمى نشفى مرة درت حاجة تضر دفنت طفلة حية هههههه
ايا قالك كنا نلعبو فوبيتة ايا شفنا حفرة قاتلنا طفلة أبي قالنا زمان كانت طفلة يدفنوها حية وانا فبالي يدفنوها حية ويخرجوها زعمى عادة
قتلها انا ارواحي ندفنوك طفلة خافت وانا قتلها لالا باينة كاينة حاجة باه كانو يدفنوهم ارواحي ومن بعد أنت اخرجي ادفنينا دخلناها فالحفرة ونجيبو تراب ونغطوها لحقنا لراسها قاتلنا نموت قتلها ما تموتي ما والو ضرك تشوفي ودفناها هههههه زهرها غير فالراجل شافنا جا يجري ههه ولات قاع تراب عينيها وتسعل وحالتها حالة خرجوا كامل الجيران انا اختفيت بابا ربي يرحمو ما عرف قاع كيفاه يديرلي وكنت مقلشة عندو لانو انا اللي ناقصة صحة فخاوتي وندير فالديقات سودتلو وجهو ندفن فلبنات بقات وقت ما يخلوش الجارات بناتهم يلعبو معايا هههه شريرة رقم 1

 

[ام أمينة]

السلام عليكم
يا يمى مسكين السبيب يا لطيف لوكان تقطعو صباعتيه لو راه معاق لليوم وتكبرو وتندمو عليها ندمة كبيرة احنا كنا أشقياء مي مانروحوش لحاجة تضر زعمى نشفى مرة درت حاجة تضر دفنت طفلة حية هههههه
ايا قالك كنا نلعبو فوبيتة ايا شفنا حفرة قاتلنا طفلة أبي قالنا زمان كانت طفلة يدفنوها حية وانا فبالي يدفنوها حية ويخرجوها زعمى عادة
قتلها انا ارواحي ندفنوك طفلة خافت وانا قتلها لالا باينة كاينة حاجة باه كانو يدفنوهم ارواحي ومن بعد أنت اخرجي ادفنينا دخلناها فالحفرة ونجيبو تراب ونغطوها لحقنا لراسها قاتلنا نموت قتلها ما تموتي ما والو ضرك تشوفي ودفناها هههههه زهرها غير فالراجل شافنا جا يجري ههه ولات قاع تراب عينيها وتسعل وحالتها حالة خرجوا كامل الجيران انا اختفيت بابا ربي يرحمو ما عرف قاع كيفاه يديرلي وكنت مقلشة عندو لانو انا اللي ناقصة صحة فخاوتي وندير فالديقات سودتلو وجهو ندفن فلبنات بقات وقت ما يخلوش الجارات بناتهم يلعبو معايا هههه شريرة رقم 1

و الله غير وحدك كلش توقعتو غير تدفنو الطفلة حية فكرتيني فواحد الحكاية امبعد شوية نحطها

 

[ام أمينة]

واحد النهار رحنا عند عمتي لي كانت تسكن قدام البحر سواسوا
حكاتلي بنتها قاتلي شفت وحد الشريط بلي واحد البلاصة شمخوها كي يمشو فيها جبدتهم الارض و بلعتهم
ايا رحنا للبحر مع العشية و قعدنا نحفرو بالدالة و نديرو الماء حفرنا المهم حفرة كبيرة و عمرناها ماء البحر و دخلنا رجلينا و كانت المفاجئة و الله غير جبدتنا لرض
و للان مازالت عندي هاديك الصورة

 

[ام أمينة]

و مرة كنت صغيرة و رحت لدار جدي ربي يرحمو
كنت انا الكبيرة في ولاد خوالي يعني يسموني رئيسة العصابة
جدي كان عندو جنان الله يبارك كل الخير فيه واحد العام غرس الفراز و هداك الوقت وين طابت و ما حبش ينحيها
تفاهمت مع وليد خالي و اختي و وليد خالي نعسوه كي يرقد نروحو نسرقولو
و ملي نضنا الصباح و احنا نعسوه
اسنيناه فطر و صلى الظهر و راح لبيتو يرقد و بيتو فالطابق الاول يعني يقابل كلش
دخلنا لبيتو زعما ندو المطارح باش نديرو قيلولة ايا لقيناه مغطي راسو بواحد الشاشية كان يلبسها و فمو محلول و يشخر
ايا قلتلهم انتوما عسو و انا نروح للجنان نجيب الفراز و نجي
ايا اختي و وليد خالي عند الباب تع الدار و وليد خالتي عند الباب تع الجنان و انا لحقت و نحيت شوية في جيبي و شوية تجيني حجرة فوق راسي انا حرت منين جات و انا طلعت رسي نلقاه جدي تيرا عليا بالتيربولات كان خادمها يتيري على الزواوش كي يروحو ياكلو من الشجر تع الفاكية
ما خلاليش بالمعايرات و الهدرة و قالي في طوع ما نتي لي تعسيهم و توريلهم
من هاداك النهار وليت نحشم منو بزاف و وين يدور نتسرسب
ربي يرحمو و يجعلو من اهل الجنة

 

[sami44]

السلام عليكم
يا يمى مسكين السبيب يا لطيف لوكان تقطعو صباعتيه لو راه معاق لليوم وتكبرو وتندمو عليها ندمة كبيرة احنا كنا أشقياء مي مانروحوش لحاجة تضر زعمى نشفى مرة درت حاجة تضر دفنت طفلة حية هههههه
ايا قالك كنا نلعبو فوبيتة ايا شفنا حفرة قاتلنا طفلة أبي قالنا زمان كانت طفلة يدفنوها حية وانا فبالي يدفنوها حية ويخرجوها زعمى عادة
قتلها انا ارواحي ندفنوك طفلة خافت وانا قتلها لالا باينة كاينة حاجة باه كانو يدفنوهم ارواحي ومن بعد أنت اخرجي ادفنينا دخلناها فالحفرة ونجيبو تراب ونغطوها لحقنا لراسها قاتلنا نموت قتلها ما تموتي ما والو ضرك تشوفي ودفناها هههههه زهرها غير فالراجل شافنا جا يجري ههه ولات قاع تراب عينيها وتسعل وحالتها حالة خرجوا كامل الجيران انا اختفيت بابا ربي يرحمو ما عرف قاع كيفاه يديرلي وكنت مقلشة عندو لانو انا اللي ناقصة صحة فخاوتي وندير فالديقات سودتلو وجهو ندفن فلبنات بقات وقت ما يخلوش الجارات بناتهم يلعبو معايا هههه شريرة رقم 1

هذ الشي كامل وما ترحوش لحاجة تضر وعلاه كاين ضر اكثر من هذا
قريب قتلتو بنت الناس اواه راكي تخوفي ليبليا
مزية المرحوم كان يعزك سينون كنتي تاخذي طريحة ثلاثية الابعاد كيما قلت ام امينة
بصح هذا هو الصغر مرات الواحد كي يتفكر يضحك ويبكي مي ما وصلناش لدفن الاطفال هذي وحدها يا الشريرة

 

[sami44]

كنا صغار و اشرار بصح ما نعرفوش الصح من الغلط
كنت انا وخويا نروحو للطريق الوطني الي قريب من بيتنا ونقايسو بالتيربولات على السيارات بالحجر يعني حجر صغير ماشي كبير
ونتخباو باش حتى واحد ما يشوفنا
ونهار من نهارات خويا قاللي علاش عيينا نقايسو و حتى واحد ما تكسرلو الزجاج اواه لازم نقيسو بالحجر الكبير
قلتلو معليش المرة هاذي نجربوها وكانت دالتو هو يقايس رمى جحرة كبيرة وكسر الباربريز تاع السيد ونهار حبس شافنا جا يجري مورانا انا كنت صغير وما نقدرش نجري خويا هرب وخلاني وانا الرجل القى عليا القبض وضربني ضربا لا يمكن ان تتخيلوه احسست بعضامي تصدر اصواتا
وزاد اداني للدار مزية المرحوم ماكانش في البيت سينون كنت نزيد ناخذ طريحة اخرى
ومن ذاك اليوم وليت نخاف الطريق كي نجي نجوز الطريق ندير الف حساب
هذا هو الصغر وللاسف لا يعود بالرغم من قساوته

 

[ليليا مرام]

و الله غير وحدك كلش توقعتو غير تدفنو الطفلة حية فكرتيني فواحد الحكاية امبعد شوية نحطها

السلام عليكم اختي
انا فالحقيقة وانا صغيرة درت كلشي تتوقعيه والمشكلة انو نلعبها عاقلة يعني ميم يروحو يشكو ما يامنوهمش ههه ارض ارض
ربي يحفظك

 

[ليليا مرام]

واحد النهار رحنا عند عمتي لي كانت تسكن قدام البحر سواسوا
حكاتلي بنتها قاتلي شفت وحد الشريط بلي واحد البلاصة شمخوها كي يمشو فيها جبدتهم الارض و بلعتهم
ايا رحنا للبحر مع العشية و قعدنا نحفرو بالدالة و نديرو الماء حفرنا المهم حفرة كبيرة و عمرناها ماء البحر و دخلنا رجلينا و كانت المفاجئة و الله غير جبدتنا لرض
و للان مازالت عندي هاديك الصورة

ههههه هي قوة إمتصاص الماء فالرمل إحنا لانو عقلنا صغير نأمنو بالخرافات ماكناش نعرفو الأمور جاذبية وهذا الصوالح هههه

 

[ليليا مرام]

هذ الشي كامل وما ترحوش لحاجة تضر وعلاه كاين ضر اكثر من هذا
قريب قتلتو بنت الناس اواه راكي تخوفي ليبليا
مزية المرحوم كان يعزك سينون كنتي تاخذي طريحة ثلاثية الابعاد كيما قلت ام امينة
بصح هذا هو الصغر مرات الواحد كي يتفكر يضحك ويبكي مي ما وصلناش لدفن الاطفال هذي وحدها يا الشريرة

ايه هي لوكان غير دفناها لضرك اهل راجلها راهم حابين يدفنوها هه على فعايلها ندمت انو ما دفنتهاش صح هههه
ايه المرحوم معايا ظالمة أو مظلومة والصراحة نفتخر بتربيتو ليا علمني ما نخافش ونقول واش كاين وامام اي كان كنت ندير حاجة نوقف قدامو ونقولو درتها نتعاقب لكن بطريقة التكلاخ كنت ندي واش نحب ولاني من زدت مريضة وقليلة صحة والدي يشارشي لخاوتي لاخرين يعاقبهم يروح زعافو حتى فيمى إلا انا خط أحمر ربي يرحمو يا رب
انا ندفن نورمال ههههه كاين شي اطفال شواطن ماشي غير تدفنو هههه
لضرك كبروا وتزوجو وكي نتلاقاهم غير الضحك ماكاش اللي نسا قضية الدفن ههه وعندي صحبتي كي نتلاقاها نقولها كاينة جنازة اليوم كاش دفينة تموت بالضحك ههه ومرة تلاقينا مع مولات دعوتنا فوليمة تغامزت عليها قتلهم جماعة عندنا دفن اليوم ههه ياو ناضت راحت أمنت خافت هههه

 

[sami44]

كنا صغارا ولا نعرف الخطأ من الصواب
كان اخي براهيم ينافسني على لقب شغيغ وانا كنت اشغ منه نوعا ما لأنه كان سمين وانا خفيف استطيع المناورةبكل سهولة
في احد الايام ذهبنا الى بستان جارنا اللذي فيه اشجار الخوخ والرمان والتفاح وتقريبا كل الفواكه واحسن فاكهةفيه كانت العنب الاحمر كما نسميه عندنا احمر بوعمر
وكنا محضرين خطة شريرة ومحبوكة بطريقةمحكمة
انا واخي ذهبنا من الجانب الشرقي للبستان وبعثنا صديق لنا الى الجانب الغربي من البستان وقلنا له نحن نلهيه وانت ادخل واجمع ما تستطيع من العنب وبعد الخروج تعالى نلتقي في الواد القريب من البيت ونتقاسم الغنيمة وهو صدق الخطة ( الجيلالي مسكين)
لما ذهب بعد نصف ساعة ذهبنا انا واخي لبيت صاحب البستان واخبرناه انا الجيلالي يسرق العنب وانت ترعى الاغنام هنا فهرول يجري كي يقبض عليه متلبس وانتهزنا الفرصة ودخلنا البستان وجمعنا ما استطعنا من العنب وخرجنا بسلام والجيلالي اخذ طريحة اضنه لم ينسها الى اليوم
ولما قال له فلان وفلان هم بعثوني لم يصدقه
ومازلنا لليوم نلتقي ونتذكرها