اختيار الأم زوجة ابنها.

[Badrou94]

نو بصح تقدر تحط عينك علي وحدة من بعيد تشوفها وش تدير وش متديرش من بعيد برك تسقسي عليها ومن بعد اكيد راح تعرفها

شكون هاذي اللي تحط عينك عليها و تسقسي عليها ؟ الطفلة التي تشوفها و تبغي تحط الكلمة عليها يقوللك عندها حنونها و تلقها مداخسا الاولاد ... انا بالنسبة ليا الراجل اللي يخير الطفلة وحدو هو اللي عندو صحبتو راح يتزوجها ولا مداخس بنات يعنو مداير اصدقاء بنات يحكي معاهم في حالة يبغي يتزوج يخطب وحدة فيهم باه يتزوجها لانه يعرفها ...بصح فالحالةتاعي ماعندي صاحبتي ماعندي اصدقاء بنات مشكيتش نقدر نخطب وحدي .... نتي تقوليلي سقسي على الطفلة ... مثال كنت في الشارع انا و صاحبي و شفت وحدة تعجبني ... انا منعرفها و صاحبي ميعرفها يسمى تخطب اي وحدة تشوفها متصلحش لازم تدي وحدة معرفة على الاقل الناس ولا العئلة نتاعك شكرو الاخلاق نتاعها و طبعها .... نتمنى تكوني فهمتي مقصودي و تقدري تتفضلي تشرحيلي فكرتك اكثر.

 

[نوساا]

نو بصح نتا خويا لبنات بزاف متلا نتا ماشي جات في عينك وحدة عجباتك من اللحظة هديك سقسي عليها حباباتها جيرانها الناس لي يعرفوها شوفها نتا وش تدير وش متديرش وتقدر تخطب وحدك علاه لا بسكو ماش لينات كامل مصاحبين ولا عندهم وانا شخصيا منيش مع لي يصاحبو لان مضيعة للوقت ومنعرف بصح لازم تخطب وحدك احسن ليك

 

[نوساا]

ورح اعود لك بعد قليل لاشرح اكتر

 

[Badrou94]

نو بصح نتا خويا لبنات بزاف متلا نتا ماشي جات في عينك وحدة عجباتك من اللحظة هديك سقسي عليها حباباتها جيرانها الناس لي يعرفوها شوفها نتا وش تدير وش متديرش وتقدر تخطب وحدك علاه لا بسكو ماش لينات كامل مصاحبين ولا عندهم وانا شخصيا منيش مع لي يصاحبو لان مضيعة للوقت ومنعرف بصح لازم تخطب وحدك احسن ليك

يا اختي الكريمة افهمي قصدي ... تابعيني خطوة بخطوة ... نفترضوا كنت نمشي في الشارع اوكي ؟ لقيت وحدة عجبتني فيا لطريق مانعرفها متعرفني .... شكون راح نسقسي عليها الجنون ؟ لا انا اعرفها ولا يوجد احد معي يعرفها يعني مكانش شوكن نسقسي ... وش ندير نتبعها وين تسكن ؟ تشوفني نتبعها تقول هذا راعي زوفري راح يديرلي حاجة ماشي مليحة .... نروح نحكي معاها ؟ متقيمكش و تقول انت تتمسخر ببنات الناس و متديهاش باللي سيريو راح تخطبها .... يعني قوليلي برك كيفاه راح تخطب هكاك عشوائيا ... يعني كي نقولك لازم الام نتاعك تساعدك و لازم واحد يحوسلك .... مستحيل دير وحدك .... واذا حابة تقنعيني مرحبا بيك مذا بيا تنصحيني كيفاه راح نخططب ولا كيفاه ندير وحدي ..... ياخي فهمتي مقصودي و فكرتي وش حاب نوصلك ؟

 

[Badrou94]

ورح اعود لك بعد قليل لاشرح اكتر

انت ابسط مثال كون نقولك راكي عجبتيني و حاب نجي نخطبك تبداي تقوليلي لالا و منعرفكش و راح تحسبيني نتمسخر ... يعني باه نوصلك فكرة برك كيفاه لبنات يخممو ... ماشي اي وحدة متعرفكش راح تقبل بيك تجي تخطبها .... يعني حتى الفتاة المعاصرة تقولك لازم نعرف اللي جاي يخطبني .

 

[نوساا]

شوف اولا نتا كي تحط عينك علي وحدة صاي عجباتك مهم نت اول حاجة يخي متعرف عليها والو خويا تبعهت من لبعيد ودير روحك متعرفهاش وشوفها من لبعيد وين تسكن ساهلة هدي ومن بعد ولي سقسي عليها وادا راك حاب لام نتاعك تساعدك هديك حاجتك بصح لازم تخمم كل خطوة تدرها ولبنات ماراهمش عندهم نفس العقلية اك هخويا

 

[نوساا]

انا شخصيا متلا وحد قال عجبتيني حاب نخطبك انا اول شيئ رح نقول خويا الدار قدامك لانو بنات الناس مش تلعب

 

[Badrou94]

انا شخصيا متلا وحد قال عجبتيني حاب نخطبك انا اول شيئ رح نقول خويا الدار قدامك لانو بنات الناس مش تلعب

باينة ماهوش راح يلعب يسمى مدام قالك راح نخطب راهو سيريو .... قللك كاين بنات يرفضو يزوجو ولا يحي واحد يخطبهم ميعرفوهش ... و يديرو حجة بالدراسة.

 

[Badrou94]

شوف اولا نتا كي تحط عينك علي وحدة صاي عجباتك مهم نت اول حاجة يخي متعرف عليها والو خويا تبعهت من لبعيد ودير روحك متعرفهاش وشوفها من لبعيد وين تسكن ساهلة هدي ومن بعد ولي سقسي عليها وادا راك حاب لام نتاعك تساعدك هديك حاجتك بصح لازم تخمم كل خطوة تدرها ولبنات ماراهمش عندهم نفس العقلية اك هخويا

هكاك صامتة تبعها لدارها و قادر يشوفك خوها تبع فيها و يصراو مشاكل .... مليحة كون توصي قال مثال انت حاب تتزوج تسقسي اختك ولا امك ولا واححد من صحابك تقولهم كاشيما تعرفو طفلة زينة عاقلة نجي نخطبها ... هكا احسن يدلوك على بيت تاع وحدة مليحة تتزوج بيها ... انا وجهة نظري هكا اذا حاب تتزوج سقسي الاقراب ليك اعطيهم المواصفات اللي تبغيهم و هوما يشوفو معارفهم.

 

[نوساا]

خويل بصح مش كامل لبنات هكا ونت وش هي الهدف تاعك لي حاب توصلو

 

[نوساا]

بصح ممكن هديك الطفلة قادر اهلك ومعارفك ميعرفوش عليها كلش علابيها انا قلت كي تحوس وحدك خير

 

[نوساا]

وكاين لي يحبو يوقتو متلا يقولك اني جاي نخطبك وعجبتيني ومن ومن

 

[Badrou94]

بصح ممكن هديك الطفلة قادر اهلك ومعارفك ميعرفوش عليها كلش علابيها انا قلت كي تحوس وحدك خير

معليش اخلك و معارفك ميعرفوش عليها كلش ... حتى انت كي تتبعها لباب دارهها و تعرف وين تسكن و تسقسي عليها الناس ماراهيش راح تعطيك كلش .... يسمى كي قلتيلي سقسي الناس بعد ما تحوس وحدك راكي رجعتي للنقطة نتاعي اللي قلتلك نقول لعائلتي يجوسولي و بالتالي راح يلقاولك طفلة مليحة ..... المشكل البنات كامل ملاح كل وحدة تنسيك في ختها .... مثال تفوت عليك وحدة تعجبك تبان عاقلة بعد 5 دقائق تفوت وحدة احسن نها و هكذا يعني النسان يتحير يقول نصبر ممكن نلاقي وحدة احسن ... يعني صعيب الحال.

 

[Badrou94]

وكاين لي يحبو يوقتو متلا يقولك اني جاي نخطبك وعجبتيني ومن ومن

حنا ماراناش نهدرو على اللي يتمسخر حنا رانا نهدرو على واحد سيريو

 

[نوساا]

شوف بصح انت دك الطفلة هدي اقعد مدة وانت تراقب فيها من بعيد ممكن تعرف عليها كل شيئ
خاطر وحدك نغلا كي تتزوج متكونش نادم لامك نتا لخيرتها

 

[Badrou94]

خويل بصح مش كامل لبنات هكا ونت وش هي الهدف تاعك لي حاب توصلو

انا الهدف نتاعي يعني قلتلك كشاب ملتزم مانيش مخالط البنات منعرفش شكون نخطب و كيفاه نحوس وحدي .... الطريقة السهلة بالنسبة ليا نقصد عائلتي يحوسولي و نشوف اصدقائي اذا يعرفو وحدة من العائلة نتاعهم ولا جاراتهم .... نشوفها سع برا بلا منحكي معاها ...اذا عجبني شكلها ندير الرؤية الشرعية و نحكي معاها و نتعرف عليها تعارف اولي .... واذا راح تشوفلي امي ولا اخواتي وحدة من معارفهم ينعتولي الصورة نتاعها و اطا عجبتني نقولهم حددولي موعد ندير الرؤية الشرعية. انا بالنسبة ليا هاذي طريقى احسن من طريقتك صراحة ...طريقتك صعبةبزاف سيرتو انا شاب خجول يعني مستحيل نلقى طفلة في الشارع و قعد وراها نهار كامل نتبع فيها كي الراعي و ممكن تكو مخطوبة يمكن يكون عندها صاحبها ... بصح كي نطلب من اصدقائي ولا العائلة هوما راح يسقسو على وحدة بالمواصفات اللي نبغيها مثال تكو زينة و قارية و متربية ... راح نشوفها من بعد نخطب

 

[Badrou94]

شوف بصح انت دك الطفلة هدي اقعد مدة وانت تراقب فيها من بعيد ممكن تعرف عليها كل شيئ
خاطر وحدك نغلا كي تتزوج متكونش نادم لامك نتا لخيرتها

يا بنت الناس انا نخدم كل يوم .... يسما نخلي خدمتي و نراقب بنت الناس ؟ ديجا هي كي تشوفك تراقب فيها تتوسس منك و تهز عليك نظرة ماشي مليحة ... يسمىى نخلي خدمتي و نقعد نتبع بنت الناس وين تروح ؟ .... رانا نحكيو منطقيا .... ترضايها لروحك واحد يتبعك نهار كامل مثل ظلك ؟ ياخي تحسي روحك مخنوقة

 

[Badrou94]

يا اخت نوسا انت الموضوع نتاعي والله كاكي فاهمتيه انا نحكيلك هكا نتي تجاوبي هكا
كي قلتلك امي تخيرلي ماشي معنتها شريت الحوت في البحر
هي تقولي يا وليدي راني لقيتلك طفلة زينة و قارية و متربية اذا تخطبها انا نقولها معليش يا امي نشوف الطفلة سع ... نروح ندير الرؤية الشرعية و نتعرف على الطفلة ... اذا عجبتني عقليتها نخطبها ... اذا مععجبتنيش نقولها شوفيلي وحدة اخرى .... هكا ماشي معنتها باللي راح تشوفهالي راح نديها و عينيا مغمضين .... افهمي مقصودي

 

[نوساا]

انا منيش ضد فكرة انو وحد يشوفلك هديك نانا حاجة زينة بصح اني الي حاباتو هو نغلا كي تتزوج وتكون نتا ليخيرتها متلا كون تسرا مشاكل بناتكم شكون لي راح تلوم تلوم روحك ماشي ولديك وصحابك هدا لي حبيت نوصلك وانا حاجة باينة منحبش واحد يتبعني كي ظلي مي مش لازم تبين روحك علي فكرة الاخ

 

[نوساا]

راني فهمتك وش تقصد حاجة باينة مش رح تديها مباشرة