أمنيتي حاجة وحدة خاوتي

[الامين محمد]

بسم الله

هي طبيعة الانسان انه يتمنى امور و حاجات
كاين اللي متمني زوجة

و كاين اللي أمنيته سكنة



و كاين اللي امنيته سيارة


و كاين اللي متمني لبسة و كسوة

و كاين االلي متمني تحويسة


كل واحد بشي اللي يحلم بيه و يشوفه مناه
انا خاوتي ما تزعفوش مني حاب نفرغ شوي

انا متمني حاجة ممكن كلكم راهي عندكم لكن ماكمش حاسين بهاذيك النعمة
ممكن كي تزعفوا او تتقلقوا تقولوا راه ما عدناش الزهر او رما راناش لاحقين او او


انا خاوتي عندي مدة طويلة عايش بالسطر و بالألم
تقريبا نادرا وين نكون ملييح

في هته الايام مانيش نقدر نقوم من الفراش و اذا قمت عمري تخرج من شدة الألم

أمنيتي و دعائي يجي نهار و يزول الألم من جسمي


كمية الأدوية اللي راني ناكلها كمية كبيرة
و راهي بدات تضر فيا

لكن لازم ناكل المسكنات و إلا الألم الفضيييع راح يقتلني

تخيلوا بالمسكنات و لما يحكمني السطر و الله نحس راح نموت من شدة الألم
احيانا حتى نرفع السبابة و نشهد و نقول هي الموت راهي حاكمتني
نعراق و نتخبط و في الليل و يروح رقاد

أمنيتي يزول عليا الألم لأنه والله تعبني و اصبحت مرهق جدا جدا

صدقوني والله انا اسعد انسان في هاذ الحياة دايما سعيد و فرحان مع اهل اللمة و مع اهلي و بناتي و ولدي و زوجتي و لله الحمد
لكن امنيتي تكمل سعادتي و اشفى​

 

[ملكة زوجي]

السلام عليكم ورمة الله وبركاته
لواحد دايما يقول الحمد لله على كل حال ربي يعطيك القوة
وربي يحققلك كل ما تتمنى ان شاء الله
أسأل الله بمنه وكرمه وجوده أن يشفيك ويعافيك إنه سميع قريب
وربي يحفظك ويخليك لزوجتك واولادك يا رب
تحياتي​

 

[sami44]

والله يا اخي محمد خربشتلي في الوتر الحساس وطربقتلي ليسونتيمون كامل خيط وما خليتوش في بلاصتو كان غير راسي يوجع حكمتني الحمى
المهم نقولك ربي يشافيك ويعافيك ومن كل الالام يهنيك
صح الواحد لازم يحمد ربي على كل النعم الي عندو وحتى البلاء لازم تحمد ربي عليه على خاطر كاين ناس مقيوسين اكثر منك انت ما تبانش معاهم كاين الي راهم في السبيطار من مدة حتى الصلاة يصلوها رقودا وقعودا
انت راك لقيت الدواء وهذه وحدة من النعم كاين الي ما لقاش باش يشري الدوا راه يداوي بالاعشاب مجبر اخاك لا بطل
انت راه عندك احبابك يدعولك في اللمة كاين الي ما لقاش الي يوقف معاه ولو بكلمة طيبة
انت عندك زوجتك وبناتك و ولدك دايرين بيك كاين الي ما لقاش زوجة تداويه وتواسيه واوةلاد يدورو يخففو عليه
انت لقيت وين تفرغ قلبك وتحكي همك ولقيت من يسمعك كاين الي ما لقاش راه صابر لربي ومكمدها ويستنى الاجل لأن ليس هناك من يواسيه ويبعد عنه الوساوس
لهذا وجب عليك شكر الله على النعم وعلى الطف في البلاء

لي عودة ان شاء الله​

 

[الامين محمد]

السلام عليكم ورمة الله وبركاته
لواحد دايما يقول الحمد لله على كل حال ربي يعطيك القوة
وربي يحققلك كل ما تتمنى ان شاء الله
أسأل الله بمنه وكرمه وجوده أن يشفيك ويعافيك إنه سميع قريب
وربي يحفظك ويخليك لزوجتك واولادك يا رب
تحياتي​

آآآآمييين آآآميين بارك الله فيكم
فعلا الحمد لله على كثير نعمه و الله نعم الله علينا غمرتنا اللهم لك الحمد و الشكر

 

[نوساا]

ربي يشافيك ويحقق لك كل امانيك الاخ الكريم

 

[الامين محمد]

والله يا اخي محمد خربشتلي في الوتر الحساس وطربقتلي ليسونتيمون كامل خيط وما خليتوش في بلاصتو كان غير راسي يوجع حكمتني الحمى
المهم نقولك ربي يشافيك ويعافيك ومن كل الالام يهنيك
صح الواحد لازم يحمد ربي على كل النعم الي عندو وحتى البلاء لازم تحمد ربي عليه على خاطر كاين ناس مقيوسين اكثر منك انت ما تبانش معاهم كاين الي راهم في السبيطار من مدة حتى الصلاة يصلوها رقودا وقعودا
انت راك لقيت الدواء وهذه وحدة من النعم كاين الي ما لقاش باش يشري الدوا راه يداوي بالاعشاب مجبر اخاك لا بطل
انت راه عندك احبابك يدعولك في اللمة كاين الي ما لقاش الي يوقف معاه ولو بكلمة طيبة
انت عندك زوجتك وبناتك و ولدك دايرين بيك كاين الي ما لقاش زوجة تداويه وتواسيه واوةلاد يدورو يخففو عليه
انت لقيت وين تفرغ قلبك وتحكي همك ولقيت من يسمعك كاين الي ما لقاش راه صابر لربي ومكمدها ويستنى الاجل لأن ليس هناك من يواسيه ويبعد عنه الوساوس
لهذا وجب عليك شكر الله على النعم وعلى الطف في البلاء

لي عودة ان شاء الله​

اهلا اخي الغالي
فعلا والله عندك حق كاين اللي معاناتهم اكبر بكثير مما نحن فيه
بل ما نحن فيه هو فسحة و سياحة مقارنة بما ذكرت
فعلا علينا ان نحمد الله على ما نحن فيه من نعم
انا شخصيا اخي ما لقيته من اهلي في اللمة والله امر لا يقدر بثمن
لقيت منكم كل الدعم و كل التكافل و كل الاحتضان و الرحمة
انتم اهلي و عايلتي والله و ناسي و قبيلتي انتم خاوتي و خواتاتي
ربي يحفظكم كااامل

 

[الامين محمد]

ربي يشافيك ويحقق لك كل امانيك الاخ الكريم

آآآمييين آآآمييين بارك الله فيكم

 

[نوساا]

وفيك بارك اخي

 

[ام أمينة]

السلام عليكم
ربي يشافيك و يعافيك و يشدلك في وليداتك
تحياتي لك​

 

[وۣۗهۣۗہۣۗم]

السلام عليكم ....
والله لقد اخوانى اخى الكريم يقولو ان الصحة تاج فوق الرأس وأى أفقدها وميعرف الليلو لا نهاروو نسأل الله ان يجعل كل الم مس جسدك في ميزان حسناتك ويخفف عنك ويغمددك بشفائه ورحمته

 

[حلم كبير]

السلام عليكم ورحمة الله تعالى وبركاته
أخي الامين والله دايما ندعيلك بالشفاء وربي يعلم ،وخاصة في الآونة الاخيرة كي ڤلتلنا راني نتألم لأني نعرف واش معنتها إنسان يتألم ليل نهار ويمنعو الألم من القيام بحتى مهمة ولا على الأقل تدور وتشوف الدنيا بلا تشويش من الالام الفضيعة
لكن لك ولكل من يمر بآلام فضيعة أقول إن الله يتذكرك ويحبك..

أذكر قصة في هذا السباق
كانت إمرأة متزوجة وسعيدة وهانئة زوجها يطلب لها الرضا ترضى ومر عام على زواجها السعيد حتى طلبت منه الطلاق فجأة ،تفاجأ الرجل وحاول أن يردعها عن قرارها بشتى الوسائل وفي النهاية ولأنه انسان طيب قرر أن يأخذها الى بيت أهلها ويطلقها هناك وفي طريقهما صدمته سيارة واضطر أن يدخل المستشفى لأن ساقه كسرت ،فطلب من زوجته أن تمهله حتى يشفى ويأخذها الى أهلها ويطلقها
فرفضت الطلاق وتراجعت عن قرارها ،فسألها لماذا قررت الطلاق ثم تراجعت
فقالت تزوجتك عام كامل ولم أرك تمرض حتى بحمى خفيفة فخفت أني تزوجت برجل فاسد لا ينظر الله اليه ولا يتذكره لذلك طلبت الطلاق
وعندما صدمتك السيارة أمامي تراجعت لأني تأكدت أن الله تذكرك بابتلاء في جسمك وألم .

لذلك أخي أعرف أنه مهما قلت لن يواسيك في حجم المعاناة التي تعانيها الان ،لكن القصة لأخفف عنك قليلا فما أعرفه عنك أنك مؤمن وصبور .

وأدعو لك الله وأنا في غربتي أن يشفيك شفاءا عاجلا غير آجل ويخفف عنك آلامك ويصبرك عنها
اللهم إشف لا شفاء إلا شفاؤك
دعواتنا لك بالشفاء
إحتراماتي ​

 

[ليليا مرام]

السلام عليكم
اااه يا خويا أمين حطيت يدك عالجرح ماراحش نقولك انت خير مني أو نقص من وجعك ونقولك غير انا مريضة لالا فالمرض كل الاعمار يوحدها الوجع الوجع ما فيهش شيخ وجون او طفل فيه شكون يحمل وشكون لالا ربي خلانا نشوفو حالات اكثر منا باه نونسو بعضانا ونحمدوه سجل عندك
رجليا مكسورين للزوج واحداهما تعفنت 9 سنوات نبدل فالضمادات
اربع فقرات فظهري مشققين راحيت يتكسرو فاي لحظة مع الحوض مريض
نزيدك عمليه درتها فالاردن لعظم الفك ما نجحتش وتورم فمي وجهي كله منتفخ وفي احتمال كبير يحكمني سرطان الفك والاطباء صارحوني
البارح عرفت عظم الفقص الصدري يتفتت يتكسر بلا سبب فالعالم كامل حكمني مرض نادر 5 من ناس فالعالم او 6 يمرضو بيه
ما نحكيلكش على الاوجاع تخيل عظمك كلو مريض وامراض خطيرة وتروح وحدك لطبيب وتمشي وتوقف فطريق بالعكاز تخاف يتكسر جزء منك النهوض من فراش يعتبر معجزة هذا لو قدرت تنوض لانو يديك اللي تنوض ايضا اوجاع عظم جاف. ورغم هذا متحملة عارف علاه فرحانة كنت نقنط ونبكي ونتقلق ما عندي اب يجري معايا ولا خويا ولا وليد عم وليد خال يمى وبرك ربي يحفظها. لكن رجعت نشوف روحي عزيزة عند ربي تخيل من ناس عالم ملايير تكون اقرب ليه وتحت عينه ويجازيك على ابرة لما تضرك تخيل كل هذا وجع انا قابلة نتعذب فدنيا وربي يجازيني فلاخرة
احمد ربي عندك اولاد يمدولك كاس ما انا يمى تروح تخدم ساعات نزحف باه نوصل لكاس ما نبكي نعيط من وجع وحدي لو نطيح نتكسر. احد ما يفيقلي احمدربي اولادك هوما صحتك
وقت وجعك غمض عينيك وتخيل نفسك واقف قدامي ربي وتبكيلو ربي مسني الضر وانت ارحم الراحمين ابقا تكرر تلقى وجع خف وراح وترقد والله عن تجربة
ربي يشفيك ويشفيني ويشفي كل مريض راضيين بحكمك يا ربي
ويا كحلوش مابيك والو حاب تتزوج دوزيام راني قابلة ههه

 

[اميرة المدائن]

السلام عليكم ورحمة الله وبركاته
الله يشفيك ويقويك و يرزقك راحة البال ان شاء الله
ربي يشفيك شفاء لا يغادر سقما ...ربي يشفي كل المرضى الذين لا يعلم بحالهم الا الله

 

[لؤلؤة قسنطينة]

السلام عليكم ورحمة الله وبركاته
والله يا أخي الامين موضوعك جا في وقتو، أولا ربي يجعلك الشفاء العاجل وربي يطول في عمرك ويحفظك لبناتك وابنك
ان شاء الله يزول الألم، وترجع تقدر تتحرك وتجري ان شاء الله، واش يقول الإنسان غير الحمد لله، انا والله كيما قال الأخ سامي
ساعات نتخنق تلحقلي للآخر، والله ماش معناها قنوط ولا تكبر، والله نلحق صح لظروف مايعلمها غير ربي وجد صعبة وباه نصبر روحي
نشوف مشاكل الناس، يولي الهم تاعي ضئيل جدا، نحب نهذب نفسي برؤية مشاكل الغير باه نحمد ربي على النعمة لي عندي
لعشية برك بقيت نشوف في حصة تلفزيونية اقسم بالله النص طاح مني، رحت خلاص لعالم خلاف، امرأة تجيب 4 بنات لي تزيد عندها
يظهر فيها واحد المرض هكا يولي فمها يسيح منو الدم وعينيها يبقى يسيح منها الدم حتى تتعمى العين هاديك، وحدة من بناتها ماتت مسكينة
لحقت لدرجة مانقدرش نحكيها هنا رأفة بالقلوب الضعيفة، بصح لي غاضني كتر بنتها الكبيرة شابة في العشرينات هكاك مسكينة حكمها نفس المرض
عينها الأولى راحت وزادت لحقت التانية، قاعدة نشوف معاها، قلت في نفسي هادي مسكينة حتى حق الحلم وماعندهاش، انا مهما تطيح بيا
مهما تضيق بيا على الاقل نقدر نحلم، نحلم بحياتي كأم كزوجة، بصح هي مسكينة شكون لي يقبل يديها هكا شبه عمياء، ومرض غير
معروف، هو مكتوب ربي وقادر ربي يبعتلها رزقها، بصح مسكينة غاضتني، شابة في مقتبل العمر حتى الأحلام الوردية لكل بنت ماتقدرش
تحلمهم، غاضتني بزااف، وغاضتني يماهم وبزاف قصص كي نحب نشحذ الهمة تاعي نشوفهم باه نحمد ربي خاطر الحياة لي نشوف فيها هم
هي نعمة لناس خلاف، ربي يغفرلنا ان شاء الله، على هادي خويا الأمين كيما قالك الأخ شوف من الجانب المشرق، الحمد لله عندك ابناء
وعندك زوجة واقفة لجنبك، ربي يرزقك من خيرو اضعاف ماتتمنى ان شاء الله ويشفيك ويعافيك ويرزقك كل خير، وربي يخفف عليك
الألم ويجعلك فيه الأجر، ربي يكون في العون ان شاء الله​

 

[*amani*]

السلام عليكم
والله تعجز الكلمات عن التعبير أمام كلماتك اخي الامين
ربي يشفيك ويعافيك أن شاء الله
ربي خفف عليك اوجاعك يارب
خلي دائما املك بربي العزيز الكريم
ربي خليك وحفظك لزوجتك واولادك
مايكون غير الخير أن شاء الله
وربي يجيب الشفاء لجميع المرضى أن شاء الله

 

[sad_pb]

اللهم أَذْهِبِ الْبَاسَ رَبَّ النَّاسِ وَاشْفِ أَنْتَ الشَّافِي لا شِفَاءَ إِلا شِفَاؤُكَ... شفاك الله و عافاك أخي الكريم

 

[sanaya]

أخي محمد لن أطيل الكلام كثيرا ولكني سأدعو لك بالشفاء التام كلما خطرت ببالي ربي يشافيك و يعافيك يارب

 

[Autumn leaves]

السلام عليكم
أسأل الله العظيم رب العرش أن يشفيكما أخي الأمين ’’ والغالية ليليا,,
ويكتب لكم أجر الصابرين ,,
المحتسبين ..
..
في حفظ الله ورعايته..​

 

[السلطانة]

وعليكم السلام ورحمة الله وبركاته

اصعب شي انو الانسان ينضر
الصحة صعيبة ...
ربي يشفيك ان شاءالله يااااااارب خويا لعزيز
ويحفظك لوليداتك

​

 

[أم أُنٌَيسة]

وعليكم السلام ورحمة الله وبركاته
اسال الله ان يرزقكم بما تحبون في ما يحب ويرضى لكم ان شاء الله يارب
طهور ان شاء الله يارب
الحمد لله الذي عافانا مما ابتلاكم، اسال الله ان يرزقكم صبرا جميلا طيبا مباركا فيه اللهم امين يارب
واسال الله ان يحفظ لك عائلتك واهلك ان شاء الله يااااااارب
وبارك الله فيك وجزاك كل خير لما تقوم به ولصبرك الجميل وعسى ان يكون في ميزان حسناتك ان شاء الله يارب

المرض نوع من انواع الابتلاءات ولا يكلف الله نفسا الا وسعها
فلتعلم اخي الكبير الطيب ان كل ما يبتلى به المرء هو على قدر وسعة نفسه والله عز وجل يبتلي المسلم على قدر ايمانه
والابتلاءات يمكن ان تكون غضب من الله عز وجل او حب منه جل وعلا وفي كلا الامرين خير للمسلم
فان كان غضبا فهذا يعني ان الله عز وجل يعذبك في الدنيا ويخفف عليك عذاب الاخرة وبكل الم وابتلاء تمحى سيئة وتعوضها حسنة
وان ان حبا منه عز وجل هذا يعني رفع في درجاتك او ان الله عز وجل وضع ذلك الانسان في درجة عليا ولم يستطع ان يصلها باعماله فابتلاه بالمرض او بامر اخر ليصل الى تلك الدرجة

واعلم جيدا ما تقصده اخي الكريم الطيب، ونحن بشر واحيانا ننسى فضل الله عز وجل ويوسوس لنا الشيطان لعنة الله عليه
لكن اتمنى ان نكون كما بلال رضي الله عنه عز وجل وارضاه : حلاوة الايمان ولذتها في قلوبنا تطغى على مرارة الالم في اجسادنا

واذا لم يصب المسلم بابتلاء من الله عز وجل طوال اربعين يوما فهذا لانه يوجد امر خاطيء في علاقته مع ربه فليراجع نفسه
والدنيا دار بلاء وابتلاء ولا يوجد من هو مرتاح الجسم والبدن والبال وهذا ايضا من فضل ربي
فليس كل من يفكر في اخطاءه بارادته ومن يلوم نفسه وقلبه عن انحرافه بارادته انما هذا من فضل الله عز وجل عليه نسال الله ان نكون منهم ان شاء الله يارب

ومن يريد الراحة النفسية والقلبية وان لم يكن في جيبه فلس واحد، فليثق بالله عز وجل وليلزم طريق الله
الله عز وجل يقول انه ما انزل القران لنشقى
وان من امتنع عن ذكر الله عز وجل سيعيش معيشة ضنكا
نسال الله العفو والعافية لنا ولكم ولكل امه محمد صلى الله عليه وسلم

والذي يظن ان ليس لديه احد فهو مخطيء فالله عز وجل معه وان كان الله معه فماذا خسر وان تركه الله عز وجل فما الذي سيريده بالناس وماذا كسب
فلا اروع من الوقوف امام الله عز وجل الشكوى له بكل ما يؤلم الروح والقلب اللجوء اليه والى رحمته عز وجل
والله العظيم ستجد راحة نفسية مابعدها راحة ولن يهمك حينها الالم الذي تمر به والحمد لله الذي من علي بفضله


انما يوجد علاج باذن الله اخبر عنه الرسول صلى الله عليه وسلم، وهو باذن الله علاج لكل شيء حتى لامراض البدن
وهو الدعاء مع الصبر واحتساب الاجر والثقة بقضاء وقدر الله مهما كان انه خير
وايضا الصدقة لوجه الله عز وجل

نسال الله صبرا جميلا لنا ولكل مرضى المسلمين ونسال الله الشفاء لنا ولكل مرضى المسلمين ان شاء الله يارب
ارجو تقبل مروري اخي الكريم الطيب
تحياتي احترامي وتقديري لشخصكم الكريم الطيب
في امان الله وحفظه

​