رمضان اللماويين 😂😂

[sanaya]

صحا فطوركم لمة الخير
اليوم كنت رايحة لداري و داري جاية في وسط غابة رحت برجليا ماديتش الطوموبيل و بديت نمشي نمشي لقيت طفل صغير ضايع قالي جاي من متليلي أيا قتلو ريح هنا نعيط لباباك يجي يديك هرب قلت نعيط لابوليس نقولهم واش من طريق راهو فيه لقيت نسيت رقم لابوليس عييت نتفكر فيه مشفيتش عليه
أيا قلت نزيد نمشي كلحقت للحي اللي من جهتو نروح لداري لقيت زوج طوموبيلات وسط الطريق مكاش كفاش نفوت
وحدة قديمة ولخرى بيضاء مرسيديس تشبه لطوموبيلات الرالي بديت نستنى مولاها يجي يديها نفوتو لقيت تما واحد الشاب عربي هو جاري جاي من ولاية وحد اخرى عندو شي عشرين سنة خدام فغرداية
أيا سقسيتو
علابالك الطوموبيل هاذي لمن ؟؟
قالي :
والله غير قلقني من صباح راني نسب فيه الله غالب
قتلو لاه يا خويا تسب لا السبان مهوش مليح المهم كاش نهار ديرونجيتك و لا ستاسيونيت فبلاصة تعطلك خبرني⁦⁩⁦⁩
قالي لا والله غير نتي ناس ملاح مام راجلك ناس ملاح
فهاذ الوقت بناتي باعدو شويا
حشمت نعيط قدام الناس قتلو معليش تعيطلهم
بدا يعيط مااااااريااااا أيا جات بنتي مع اختها
لقينا مكاش كفاه نفوتو قالي نروحو من طريق وحد آخر و رحنا أيا طلبتو قتلو معليش الحال راه توخر و داري بعيدة تجي معايا حتى الطريق و غير ندخل للدار تروح قالي معليش
بديت نمشي نخمم نقول
يامريم جارك علابالو راجلك مسافر غير متريسكيش لمي صوالح لبنات و عاودي ولي تباتي عند باباك مصح الحال روطار كفاش نلحق
أيا دخلت للدار لقيت فيها حركة قلت سلفتي راهي هنا الحمد لله نبات معاها أيا دخلت لقيت ناس منعرفهمش و خرجولي من الكوزينة شي خمس نسا علاش كامل شعرهم شايب بزااااف و كامل راهم يطيبو فالكوزينة أيا قلتلهم اسمحولي تبانلي غلطت فالدار
سقساوني شكون نتي؟؟؟؟
قلتلهم أنا جارتكم......
أيا خرجت رايحة لداري ......
يااااايما شحال الساعة
الستة مزال مدرتش السلاطة و البوراك
بسم الله.....
واش كنت نشوف .....
المهم هذا منامي
كوووووشمار غاضتني غير ذيك الدار فالغابة
مصح الحمد لله و العربي هذاك منعرفوش خخخخخ و داري مش في غابة و هاذ المنام من أسوأ المنامات اللي نشوفهم نهار نكون روتار على حاجة
المهم صحا فطوركم

 

[sami44]

والله ما فهمت حاجة يا مريم خلطتيلي لافونص مع الروطار
عييت نخمم ما لقيتش الحل والرد المناسب
هذي قصة حقيقية ولا منام ولا رواية
على كل بالصحة فطورك ومانخرجش من هنا حتى تفهميني ليستوار
وصح فطورك

 

[sanaya]

والله ما فهمت حاجة يا مريم خلطتيلي لافونص مع الروطار
عييت نخمم ما لقيتش الحل والرد المناسب
هذي قصة حقيقية ولا منام ولا رواية
على كل بالصحة فطورك ومانخرجش من هنا حتى تفهميني ليستوار
وصح فطورك

أوااااه راك بديت تكبر هذا منام كنت شفتو فالقيلولة ههههههههههههه

 

[sami44]

@sanaya.
راني فهمت هكا من الاول قولي منام تاع قيلوله علاش تخليني نعصر في مخي
ارقدو في المقيل ولعشيه نوضو تجرو لتحضير الفطور وحدة تحرق البوراك وحده تملح الحريره
وحددة تدير السلاطة مسوسه وحصلوها فالصيام

 

[sanaya]

@sanaya.
راني فهمت هكا من الاول قولي منام تاع قيلوله علاش تخليني نعصر في مخي
ارقدو في المقيل ولعشيه نوضو تجرو لتحضير الفطور وحدة تحرق البوراك وحده تملح الحريره
وحددة تدير السلاطة مسوسه وحصلوها فالصيام

لالا يا خويا مولات الصباط المقطع متحرقش و متملحش بركا متحصلها فيا مولات البوراك المحروق تعرف روحها نسيت اسمها لوكان غير درتلها اشارة باش متتسماش غيبة

 

[sami44]

مولات البوراك المحروق غير تشم ريحة الشياط تعرف بلي رانا عليا تجي وحدها
@صمت النبض. ارواحي تدافعي على روحك
البوراك تاعك محروق بلعاني ولا وصفه محفوضة الحقوق

 

[صمت النبض]

@sami44
كل حقوقي البوراكية محفوظة الله يبارك عليا
و هذي التحلية تاع اليوم
بالعقل ماتتهاوشوش عالروسات مانمدش

 

[sami44]

الله يعطيك الربح
راني وليت نوالف ليروسات توعك
وهذي كيكة ولا واش

 

[صمت النبض]

الله يعطيك الربح
راني وليت نوالف ليروسات توعك
وهذي كيكة ولا واش

هههه مليحة هكا

تكريفالي الموسكوتشو

 

[sami44]

هاذي ما تبانش موسكوتشو
انا. والله بانتلي كيما الاشغال اليدوية تاع الطين
اخر حاجة ممكن نفكر فيها الموسكوتشو
وهذي اهديها لمريم الي شافت منام فالمقيل

 

[صمت النبض]

ههههه أوكي
اهديها تحياتي الحارة مع مسكوتشو الطين الجديد

 

[kacimo samy]

والله قريتها زوج مرات لا فهمت حاجة و عرفت بلي منام لانو مخلط تاع صح

 

[sanaya]

والله قريتها زوج مرات لا فهمت حاجة و عرفت بلي منام لانو مخلط تاع صح

يااااه شحال مليحة كتخلط لواحد المخ نتاعو

 

[صانعة الإبتسامة]

مريم المجنونة ههههههه
كي قلتي داري في غابة تحلبتلها انا ههههه

 

[sanaya]

مريم المجنونة ههههههه
كي قلتي داري في غابة تحلبتلها انا ههههه

هههههههههه كان جاية في غابة معليش شرط ميكونش فيها حشغات

 

[صانعة الإبتسامة]

هههههههههه كان جاية في غابة معليش شرط ميكونش فيها حشغات

ياعمري تهدري بالفغووونسي ههه "حشغات"هههههه يعطيك غمة

 

[sanaya]

ياعمري تهدري بالفغووونسي ههه "حشغات"هههههه يعطيك غمة

اااامين حبيبتي هههههههه

 

[صانعة الإبتسامة]

اااامين حبيبتي هههههههه

ان شاء الله ربي يحميك ويحقق احلامك حنونة
الغمة تغم عديانك هههه

 

[أبو عاتكة]

ماشاء الله.
خليني نحاول نفسروا.

الطفل الصغير كان رزق جايك..
الطريق مغلوقة عندك سفر بعيد ربما خارج البلاد لكن مزال كاين حاجة تعيق هذا السفر .
جارك هو الغربة خايفة من الغربة.
والنساء في الدار هو خيرك واعمالك الصالحة وصلواتك.

...

شوفي أستاذة سنايا والله خاطيني التفسير من راسي أنا ثاني كنت في قيلولة وراني مرمضن.
منامك ممكن فيه علامات وممكن مجرد منام عابر.
ان شاء الله خير
والفايدة في البوراك كيفاش خرج؟

 

[sanaya]

ماشاء الله.
خليني نحاول نفسروا.

الطفل الصغير كان رزق جايك..
الطريق مغلوقة عندك سفر بعيد ربما خارج البلاد لكن مزال كاين حاجة تعيق هذا السفر .
جارك هو الغربة خايفة من الغربة.
والنساء في الدار هو خيرك واعمالك الصالحة وصلواتك.

...

شوفي أستاذة سنايا والله خاطيني التفسير من راسي أنا ثاني كنت في قيلولة وراني مرمضن.
منامك ممكن فيه علامات وممكن مجرد منام عابر.
ان شاء الله خير
والفايدة في البوراك كيفاش خرج؟

أنا بطلت نفسرلمنام ههههه بيسك ديمااااااااااااا نشوف منامات وقيلا نص سكان الأرض تلاقيت بيهم فلمنام
نهار تكون روتار نشوف منامات من هذا النوع مثلا جاولي ضياف و مزال مطيبتش ولا راح الحال على لقراية كنوض نلقى روحي روتار على حاجة
البواراك حمد لله كان بنين و لحقت شغليصح رمضانك