يا درا واش يقولو بنات 2000😂😂😂

[randa.hac]

جماعة 2000 مازالو يتفرجوا طيور الجنة
و يغنوا انا البندورة الحمرة هههههه
كي يزعفها راجلها يفتح ليها توم و جيري تسكت
و تخاف من الظلمة و خطها رديء و ما تعرفش تكتب دوموند
و ما تعرفش تعمر شيك ههههههه
و تخاف من جدول الضرب هههههه
و كي يجوها ضياف فوق الثلاثة تحصل و ما تسلكهاش
ههههههه
واش رايك اختي مريم

او اخويا مش لهاد الدرجة تاع الألفين عمرنا عشرين سنة. صح نخافو الظلمة ومنعرفش نعمر الشيك ومنكتبش الدوموند مي مش نغني البندورة الحمرة ويسكتني بتوم وجيري نغني تاع سبايستون راقيين برك.

 

[soso ana]

جماعة 2000 مازالو يتفرجوا طيور الجنة
و يغنوا انا البندورة الحمرة هههههه
كي يزعفها راجلها يفتح ليها توم و جيري تسكت
و تخاف من الظلمة و خطها رديء و ما تعرفش تكتب دوموند
و ما تعرفش تعمر شيك ههههههه
و تخاف من جدول الضرب هههههه
و كي يجوها ضياف فوق الثلاثة تحصل و ما تسلكهاش
ههههههه
واش رايك اختي مريم

هههه والله ضحكتني الاخ الامين انا من مواليد 2003 ههه والله منكذب عليك مين حبست سبيس تون دورتها انمي ههه
بصح هاذي نتاع البندورة الحمرة لالاوتوم وجيري لدوك نتفرجلو هو وسبونج بوب هههه
منخافش كامل غير من الحشرات برك الخط رديء بصح الدوموند نعرف نكتبها الحاجة نتاع الكتابة غير خليهالي ومتحيرش
هههه الشيك منعرفش نعمرو وجامي عطاولي شيك والرياضيات نحبها بصح نكره الفيزياء والضياف في دارنا قاع ميكملوش كل يوم ثلاثة أربعة وفي الوكاند بالسبعة
خلاص والفت بالميزيرية

 

[soso ana]

إنها البراءة أخي الأمين
ننن تاع ألفين طايرات بزاف علابيها حابة نعرف تخمامهم

أولا السلام عليكم
لالا مش كامل جيل الألفين طايرين في كل جيل كاين الصالح والطالح مش نحكمو على جيل كامل بسبب البعض
وأنا مقتلكش لالا ماكاش منها سيفري كاين بزاااف من هاذ الجيل نتاعنا ربي يستر ولكن بنات الفاميليا تلقايهم في كل مكان وزمان بالنسبة لي أنا من مواليد 2003
بالنسبة لرأيي
إذا دخلت في مثل هذا النقاش مع الرجل فسأقول:
أولا خلق الله الإنسان وصنفه إلى جنسين الذكر والأنثى لكن لكل إنسان شخصيته النفردة ممكن يكون ملتزم أو لا سواءا كان رجلا أو إمرأة فكما الرجل يخطئ ويصيب يقتل يرتكب المعاصي يقع في المحرمات والشهوات هكذا المرأة يوجد من تقتل تخطئ تصيب تقع في المحرمات تقع في شهوات الدنيا لذا أعتقد بأننا يجب ان نغير نظرة مجتمعنا التي لاتنم على الدين بل هي نظرة سلبية تقول بأن المرأة هي سبب كل الأخطاء في العالم!!ويقع اللوم عليها في كل الحالات كالطلاق والعنوسة فساد الإبن وغيرها من المشاكل التي يتحمل مسؤوليتها كل من الرجل أو المرأة فالإسلام كرم المرأة ولم ينقص من قيمتها أبدا كما يزعم البعض لذا لو التزم الجميع بمبادئ الإسلام وهي بأن تستر المرأة نفسها بحجاب شرعي وأن يغض الرجل من بصره ويتجنب الجنسين كثرة الإختلاط وغيرها من الآداب الإسلامية
فلن يحدث مثل سوء الفهم هذا لكن للأسف المرأة في مجتعنا لم تسلم من الرجال أبدا فحتى بالحجاب الشرعي ويتبلاها الرجل في الشارع وإن كانت ذاهبة للدراسة فقط أو العمل أو الشراء حتى للمسجد!!!للأسف وهذا بسب نظرة بعض الرجال للمرأة يفتحون أفواههم فقط وأعينهم في السماء ويمشي في الأرض مرحا لذا فكما على المرأة من واجبات الستر والتعفف فعلى الرجل أيضا غض البصر والمشي بسرعة والقول بالمعروف هكذا الإلتزام أما إن لم تستر الفتاة نفسها ومشت في الشارع فحتى الرجل الذي تأملها وتحدث معها وانجذب اليها مخطئ أي أن الطرفين مخطئين نقطة وانتهى
وأيضا لمن يقولون أنه على المرأة ضمر رأيها وعدم الإدلاء به والإنقاص من شأنها بأي طريقة من الطرق فهذه أكثر الأشياء التي أكرهها في صفات الرجل لذا أكره الرجال الذين يفكرون بهذه الطريقة والحمد لله نشأت في عائلة تسمح لي بإعطاء رأيي والتكلم بكل حرية واختيار ما أريده في الحياة عائلتنا بنيت على النقاش بين أبي وأمي في كل شيء وبكل رقي أبي لايحط من قيمة أمي ولا من رأييها أو رأيي أو أحد إخوتي بل ويأخذ جميع الآراء في الإعتبار إلا في الدين فلا تناقش أبي في فرض من فرائض الله أو قيم من القيم الأخلاقية كالضيافة والجار وغيرها وحتى إخوتي اكتسبوا هذه الصفة من أبي والحمد لله وهم لا يظلمونني ولم يصرخ علي إخوتي الكبار ولو مرة لأننا نتبادل الإحترام مادام لم يخطئ أحد منا في شيء يغضب الله تعالى فإن جميع العائلة معه يدعمونه وأعتقد أن تربية أبي الصالحة جاءت بسبب فكره حيث لم نره يوما يهين أمي أمامنا حتى وإن تشاجروا فيكون خفيفا أو مزاحا ودائما الإعتذار يكون سريعا من طرف الطرف المخطئ والحمد لله
لقد اطلت كثيرا هههه ولكن هذا الموضوع حقا يشغلني كثيرا ولقد وددت لو بإمكاني الكتابة أكثر لكن تعبي يطغى للأسف
لذا ما أريد اختصاره هنا : يا أيها الرجل تذكر أن من حملتك تسعة أشهر امرأة فلا تهنها حتى لا يهينك الله.
​

 

[الحمد لله💞]

انا نشوف العكس اختي جيل ثمانينات يتصرف بحكمة و ويوزن كلامو قبل مايخرجو عكس جيل تسعينات خفيف شوية وانا منهم احم احم بكل تواضع هههه انا عكس اختي هي ثقيلة في كلش وانا لالا هههه
اما جيل الالفين مانهدروش عليه احسن كااارثة تمشي على سطح الارض جيل تيك توك وتبهدايل ياااحفيظ
بصح ماشي كامل في كل جيل كاين ثقيل وكاين لخفيف
ربي يخليك زوجك و يديم محبتكم وعشرتكم
مشكورة على موضوع اختي

 

[هدى النور]

مين داك نكون نتناقش مع الميسيو المحترم يقولي أحد الأقوال المشهورة اللي تدل على أننا فعلا مجتمع شرقي التفكير , كمثال الراجل مهما يدير العيب ما يلصقش فيه، و لا الراجل يمكن يغلط هاذيك طريقو ، بون موش يحكي على روحو هو تحديدا، و إنما يمكن علق على حكاية مثلا، او يتعمد استفزازي بيسك علابالو ما نسكتش، اخر مرة كنا نحكو بلا بلا بلا بلا قالي في وسط حديث الراجل ما يعيبو شي.....
قتلو اصبر دقيقة علابالك حنا جيلنا ما فيهاش انو انا راجل و ندير واش نحب و نتي مرأة ووووو، هاذي بكري درك مكاش كاين حلال و حرام ، و بعد مدة من النقاش كالعادة قتله.....
و شكون قالك جيب وحدة مواليد تسعين،؟ لوكان جاية كيفك من مواليد 80 تأيدك مصح تاع 90 محال....
ديجا علابالك تاع 80 قبل ما تحكي راح تقولك حاضر ، و تسقسيها نخرجو تجاوبك كما تحب،تسقسيها تاكلي تجاوبك كما تحب، ديما تهبط راسها، و بديت نقلد زعما كفاش تحكي و تاكل ، و كي تزعف تروح تجري تجيبلك كاس ما و تقولك.... سمحلي أنا الغالطة في كلشي يا سيدي......و ما تحكيش بزاف عااااااااقلة.....اللي تشريه تلبسو جامي تقول على حاجة ماشي شابة و اللي تجيبو تاكلو يا لوكان فارجاوبني:
ياربي مرا كما هاذي
من هاذ الجيل ما تلقاش و زيد راح تكره منها راك تهدر برك


حابة نعرف درك مواليد 2000 كفاش راح تجاوبو رجالكم كي يقولك أنا راجل و ندير واش نحب و العيب يلصق فالطفلة برك
ملاحظة:
الموضوع للضحك مش دعوة للتمرد لأنو كل واحد يعرف قدر نفسو و مهوش حاجة شخصية و دعوة للزوجات و الأزواج يلطفو الأجواء في مواقع التواصل بطرفاتهم يعني مش ديما مشاكل و هم و خيانات......
سلام

شكرا اختي الجميلة على هذا الموضوع القيم
صدقت في كل ما قلته مع تحياتي لكل رجل يحترم المرأة ولكل امرأة تحترم الرجل
في واقعنا دائما الضحية المرأة لقولهم انها ضعيفة صحيح ضعيفة لكن لا يعني هذا ان يستقوى عليها الرجل في كل شيء
مثلا اختي الكريمة قلتي ان الرجل يطلب من المرأة اي شيء فتلبيه له على حسابها
بالنسبة لي ليس مشكل ان اقول نعم في امور بسيطة كأن يشتري لي شي وهو لم يعجبني سأقبله بكل حب مادام هو قد اشتاره لي بكل حب
وغيره من الامور البسيطة التي تجعل المرأة والرجل متقربيين من بعض بعيدا عن اي خلاف قد يلحق بعلاقتهم الزوجية
على الاقل الخلاف سيزيد من معرفت بعضهم البعض
لكن اذا كانت طلابته غير معقولة بمعنى حتى عقولنا لا تستطيعوا تقبلها مثلا كأن اكل فأر ههههه هذا شيء غير معقول هل لم يتبقى شي لاكله سوى الفأر وان قالها اي رجل لي بدل ان اكلها سأطعمها له هههههه
هذا مثال فقط توجد بعض الامور الكثيرة لا يتقبلها العقل يطلبها الرجل من زوجته فقط لارضائه بدون ان يراعي مشاعرها
كثيرا من الامهات صبرنا على ازواجهم فقط لارضائهم اقول لمثل هذا الرجال حرام عليكم هي بتكون زوجتك وام ابنائك لماذا تعاملها بهذه القسوة بما انكم تحترمون امهاتكم كذلك احترموهم
هذا كل ما عندي لاقوله ربما دخلت في الموضوع بجدية. بسبب ماأراه امام اعيني قلته
هههههههههه
مثل هذه الامور تجعل من لا يتكلم يتكلم
ارجو ان تكون صاحبة الالفين قد افادتكم مع كامل تحياتي لكل شخص