قالك المراة مادير والو

[afnene]

السلام عليكم ورحمة الله
كيف حالكم

علبالي راكم فرحانين سيرتو كي ربحنا ياو علبالكم علاش ربحتو
هاذي باينة باسكو انا تفرجت الماتش
علبالكم من وينتا متفرجتش ماتش منيش عارفة هههههه
من عام لي لعبنا مع مصر دااااك لعام هههه
المهم هادي المرة الزاوجة في حياتي لي نتفرج ماتش
لازم تباركولي
خاطيني لبالو الله غالب غير لفيد
المهم ندخلو لصلب الموضوع
ياك الاخ
sami44
ره يدير تحميات للقصف
وفي المنتدى خطرة على خطرة واحد من الاخوة راه يوري عضلاته ;باش يكون في العلم مام انا كنت كراطمانية حرزوا تغلطو
متخافش خويا سامي الموضوع راح يكون خفيف ظريف حنا الجنس اللطيف ماشي كيفكم تعرفو غير البونيا ههه
بلا منطول عليكم موضوعنا هو المراة مدير والو وركزولي على كلمة والو
شوفو معايا تنوض صباح بكري توجد القهوة لراجلها البوgوص تحطهالوا بالgاطو تاع العيد تاع العام ليفات بصح ماعليش المهم قاطو
تسgدو يخدم وتبدى في شغل الدار وتزيد تقهوي الاولاد وتلبسهم وتبعثهم يقرو طيب لفطور تغسل لماعن وتسيق
تمسح لغبرة مزلتو مركزين ياك
مجموعة هذه الاعمال كيف تسمى عند الرجل العزيز الغالي مومو العين سموها والو
من بعد يجو الاولاد تفطرهم وتسقسيهم واش قراو وراكم تعرفو gاع يبغوا يهدروا ويقولو شا قالتلهم المعلمة
وتزيد تبعثهم يقراو ولا توصلهم وفي لعشية يجي سي خونا من الخدمة يبغي كلشي يكون واجد الماكلة محطوطة فوق الطابلة ومكانش الحس
وزيد يتقلش ياويلها اذا معجباتهش الماكلة يgلب عليها الطابلة وبلاك يضربها بمقلة
المهم نقولو فاتت على خير
تغسل مسكينة لماعن تاع لعشية وطيب القهوة
وتزيد طيب لعشا وسي خونا خلاص خدم في نهار مي البونيشة لي فدار تخدم 24 سا وعلبالكم واش تخدم
ماكثة في البيت تقوم باعمال خفيفة نسميها في مجتمعنا ب والو
ماعليناش ..
تعشاو وكملو .. جا وقت رقاد وعندهم بيبي صغير ناض يبكي
سي خونا يgوللها رفديه وروحي لصالون انا gاع نهار خدام شوفي كيفاش تسكتيه...
شفتو وصلنا للمسgيgاع نهار خدام وهي زعمة كانت دايرة رجل على رجل وحاكمة تيليكوموند وتتفرج
والله لا مليحة ...
gولولي برك شكون راه مع مصطلح المراة مادير والو يبينلي روحه
ياويلك اذا كنت معاهم يا اخ sami44
مفهمتش علاه رجال مباغينش يفهمو بلي لمراة مام هي تعيا وتخدم في الدار
ومرات تكون تخدم برا كيفه وزيد في الدار ويدير روحه غير هو لي يعيا ويتعب
منيش ننكر تعب الرجل خاصة في هذا الوقت بصح شوية كيفاش هادي المرة مدير والو
وزيد تكتني تاع ماكثة في البيت ولا ربة بيت راهي تتعب كثر منك اذا كنت خدام في بيرو وحاكم الميكرو ياسي
وفي الاخير لازم الرجل يحسن عون المراة ماشي عيب اذا الزوج ساعد مرته في شغل الدار ورهش يطيح من قدره بالعكس يرفع من قدره
مناش نgولو هي تخدم وهو يبقى يدير لميناج
بصح على الاقل يحسن العون .
ومام لامراة لازم تحسن عون راجلها ماشي تبقى غير خصني خصني تاني بزاف عليها ...

ولي راه من جماعة والو يوري روحه هنايا
نورمال يحكم سيمانة يدي الزوجة تاعه فاكونس لدارهم ويgابل الدار بصح الاولاد يبقاو معاه هادي باش نتفاهمو
وردلي لخبر جامي تزيدو تgولو والو هادي ​

 

[sami44]

هذا قصف موجه ارض جو
لازم الدعم والمسانده

@السلطنة
@فريد أبوفيصل
@Golden Man
@لؤلؤة قسنطينة
@ماغيكاي تشان.
@الامين محمد
@طموحة
@صمت المشاعر
@حلم كبير
@خووخه
@NAPOLA
@Amant liberti
@أم منيــــــر
@الصراحة راحة
@صمت النبض
@حاتم07
@آڸعيۉن آڸسۉد
والدعوة مفتحة للجميع

 

[afnene]

الدعوة عامة
كوبي كولي


@الامين محمد
@Adam dz
@ALGERIA DZ
@حاتم07
@طموحة
@خووخه
@صمت المشاعر
@صدى الصورة.
@NAPOLA
@عبدالرؤوف

@السلطانة
@4algeria.com
@Golden Man
@sanaya
@خديجة ph
@اميرة المدائن
@amro mostafa
@sami44
@فريد أبوفيصل
@ملكة زوجي
@جليلوس
@أم منيــــــر
@أم أحمــــد يــسّ
@البحر الهادي
@Autumn leaves
@لؤلؤة قسنطينة
@سكون الفجر
@أشــواق 19
@حلم كبير
@quěěŋ ŏŏŏŏf gříěf
@آية نور اليقين
@آسِيَّه
@فتى من الغد
@فاعل الخير
@Omaar Zengarr
@ام أمينة
@Golden Man
@Soumia hadj mohammed
@صمت النبض
@أشرقت نفسي

 

[sami44]

بديتيها بالماتش عجبني الموضوع عند بالي رايحة تحكي على محرز وووناس وقلت الحمد لله كابن عضوة تسيبورتي الخضر
زدت شوية لتحت لقيت اسمي حسبت عيد ميلادي وما علاباليش فرحت
زدت هبطت شويه لقيت المرا ما تدير والو فرحت وغلبني الضحك قلت انا مزية شهد شاهد من اهلها
زدت شوية نلقى تحذير شديد اللهجة من صاحبة الموضوع ودفاع شرس عن المرأة
حتى حسبتك منخرطة في احدى جمعيات حقوق المرأة
واخيرا كتشفت انك تقصدي الراجل علاش ما يعذرش المرأة الي تتعب اكثر منو وما يقدرهاش ورجعتيها مسكينة خادمه الانسانية والرجل رجعتيه ياكل ويتكسل ويامر
وميمبا ما قلتيش بلي الرجال قوامون على النساء
وما قلتيش الراجل مسكين يضل ينحرق في هذ السخانه الي راهي هذ الايام يدخل العشية ناقص منو 3 كيلو ولسانو طايح من التعب وشعرو مغبر ووجهو مكشر ومزير من الزعاف تاع الغاشي برا والريحة الي تخرج من صباطو اعزكم الله تصرع بنادم نورمال
وكي يدخل يلقاها دايرة البراد 16 وتشوف مسلسل سامحيني وتكوناكتي في نفس الوقت وووووووووووووووووووووو
لا داعي للقصف الممنوع اشفقي على اخوك الرجل يا حواء

 

[afnene]

بديتيها بالماتش عجبني الموضوع عند بالي رايحة تحكي على محرز وووناس وقلت الحمد لله كابن عضوة تسيبورتي الخضر
زدت شوية لتحت لقيت اسمي حسبت عيد ميلادي وما علاباليش فرحت
زدت هبطت شويه لقيت المرا ما تدير والو فرحت وغلبني الضحك قلت انا مزية شهد شاهد من اهلها
زدت شوية نلقى تحذير شديد اللهجة من صاحبة الموضوع ودفاع شرس عن المرأة
حتى حسبتك منخرطة في احدى جمعيات حقوق المرأة
واخيرا كتشفت انك تقصدي الراجل علاش ما يعذرش المرأة الي تتعب اكثر منو وما يقدرهاش ورجعتيها مسكينة خادمه الانسانية والرجل رجعتيه ياكل ويتكسل ويامر
وميمبا ما قلتيش بلي الرجال قوامون على النساء
وما قلتيش الراجل مسكين يضل ينحرق في هذ السخانه الي راهي هذ الايام يدخل العشية ناقص منو 3 كيلو ولسانو طايح من التعب وشعرو مغبر ووجهو مكشر ومزير من الزعاف تاع الغاشي برا والريحة الي تخرج من صباطو اعزكم الله تصرع بنادم نورمال
وكي يدخل يلقاها دايرة البراد 16 وتشوف مسلسل سامحيني وتكوناكتي في نفس الوقت وووووووووووووووووووووو
لا داعي للقصف الممنوع اشفقي على اخوك الرجل يا حواء

لا انا مهدرتش على gاع نسا كاين لي تظل تكونيكتي ودارها لهلا شوفك فيها هاذي يدربها بمارطو وقليل فيها
انا هدرت على فئة لي حاسبين المراة خدامة عندهم
كي شغل غير هوما لي راهم يتعبو في هاذي الدنيا
وزيد هدرت على الراجل لي صح يتعب مسكين وزيد مسكين مايكمونتي ماوالو
والله غير ناس ملاح ههههه
مكان لاه تgعد تتمسكن gول نيشن يا مع جماعة والو يا معانا هههه
مشكور على الرد والتفاعل مع الموضوع

 

[sami44]

او راني فهمتك
انا درت التحليل تاع دخولي للمباراة عفوا للموضوع
اعرف ان المرأة الماكثة في البيت تتعب ومن ينكر هذا جاحد لكن هذي سنة الحياة هي فالدار والراجل برا وكل واحد يقوم بالواجب ديالو وهنا يكون التكامل والا فلا
وعلى الرجل الاقتداء بخير البرية فالرسول عليه الصلاة والسلام كان يعين زوجاته كان يخيط اللباس ويقوم ببعض الامور التي تقوم بها نسائه
لكن اعرف ان المراة تتعب اقل من الرجل في زماننا هذا
يخي راكم تاكلو البيتزا والتاكوس من برا واش طياب
وراكم بالدالدوصول واش تسياق غير االنشاف وسحب تديري النشاف في رجلك وتبقاي تمشي بين البيوت تلقاي كلش يلمع
الغسيل راه فالغسالة تحطيهم نهار تكمل تديرلك موسيقى سونتيمونتال تنحيهم ناشفين
الخبز راه يجي من المخبزه ميم الماوني
والقاطو راه يجي من الحانوت ميم البقلاوة والتشاراك
الي تمشط لولادها كلش بالليسوغ والسوشوار الشعر يخاف يتسرح وحدو
الطعام تاع عمر بن عمر راه يجي واجد تفويرة وحدة واعطي للجيعان
واش نزيدلك تاني
لي عودة للقصف من جديد

 

[الامين محمد]

عقلي واش راكي تقولي نهار نحكمك نلسق ليك العلك في شعرك ههههههههههههههه
بديتيها مليح على البالون منبعد خسرتيها بالقصف
يا لالة ما تنسايش نهار تلقاي رتيلا في الدار او فار فقط بلا ما نحكوا على الافاعي او العقارب
راكم تحصلوا لولانا نحن معشر الرجال
نزيد نذكرك ياك مصباح ما تعرفوش تنحوها لولانا نحن
نزيد نذكرك كيفاش راكم تستغلوا فينا نهار تشوفو بدعية زوينة و غالية ديروا عشا شباب
و نهار تشروها تقلبوا العقلية و هذا في حد ذاته استغلال براءة الرجل
تستحقوا عليها تدخلوا سجن الحراش

بلا ما ننسى نهار تخص حاجة في الدار تقولوا للراجل جيبها دبر رااسك

معنتها انتن ايضا سلكوا روسكم الله يسهل عليكن هههههههههه

خويا @sami44 نزيدهن و لا يااسر عليهن هههههههههه

 

[Malika Tlm]

السلام عليكم
بردتي قلبي الله يعطيك ماتتمنااااي
المرأة مسكينة حياتها كااامل وهي تخدم فالزوج ديالها صحة هذا واجبها تقوم بيه وبعايلتوا ووليداتها أوكولكن المشكل كيما قلتي ديما يقوللها واسم درتي ؟مدراي والوووا
ولي تقتلني وتهبلني وطلعلي السكر ولاطونسيو ههههه الزوج الأناني يروح يحوس مع صحابوا وهي المسكينة يغمها فالدارويلا قالت كلمة يسمعها درس المرأة تقعد فالدار تخدم اسرتها
والسيجي هذا طويبييبل وكان نبدا نخرج المكبوت اليوم متفراش
المهم سيدي الرجل رفقا بالقواريييييير
ومتنكرش خبير زوجتك ،وديما بينلها الحب نتاعك أشكرها لي راهي قائمة بيك
هدية مرة علي مرة هكذا تكون الحياة الزوجية جمييبيييييلة
ربي يهني كااااامل ا لا زواج
تقبلي مروري

 

[الامين محمد]

السلام عليكم
بردتي قلبي الله يعطيك ماتتمنااااي
المرأة مسكينة حياتها كااامل وهي تخدم فالزوج ديالها صحة هذا واجبها تقوم بيه وبعايلتوا ووليداتها أوكولكن المشكل كيما قلتي ديما يقوللها واسم درتي ؟مدراي والوووا
ولي تقتلني وتهبلني وطلعلي السكر ولاطونسيو ههههه الزوج الأناني يروح يحوس مع صحابوا وهي المسكينة يغمها فالدارويلا قالت كلمة يسمعها درس المرأة تقعد فالدار تخدم اسرتها
والسيجي هذا طويبييبل وكان نبدا نخرج المكبوت اليوم متفراش
المهم سيدي الرجل رفقا بالقواريييييير
ومتنكرش خبير زوجتك ،وديما بينلها الحب نتاعك أشكرها لي راهي قائمة بيك
هدية مرة علي مرة هكذا تكون الحياة الزوجية جمييبيييييلة
ربي يهني كااااامل ا لا زواج
تقبلي مروري

صباح الخير يا المقلشة تاعنا
يا بنتي خلي النهار يطلع منبعد غتبي على روحك
صبحتي معولة علينا
معليش نهار نحكمك نتي نديرلك اللصقة في شفارك ههههههههههههه

 

[عبدالرؤوف]

السلام عليكم ورحمة الله وبركاته حياكم الله جميعا إخواني وأخواتي الطيبين سكان هذا المنتدى الطيب.
ارفع قبعتي اجلالا واحتراما لكل امراة ماكثة في البيت تعتني بأولادها وبيتها وزوجها
واقدر كم التعب لأنني ارى امي امامي تكد وارى اختي تعينها كذلك
الامر شاق خاصة مع هذا الجو
وان كان هناك حمل فالتعب يضاعف ويزيد
لذلك اقدر عمل من تمكث في بيتها
وتحافظ على دينها وبيتها واولادها
وزوجها.
ليس عيبا ان يعين الرجل زوجته في البيت خاصة في زمن الحمل
والاعانة تعني الرحمة تعني ان هناك احساس مشترك ولو رمزيا
وليس عيبا ان يفعل الرجل ذلك
للاسف التربية هي من جعلت من هذا الامر كانه عيبا
على الام ان تعلم ابنها ان يعينها في بيتها وان يعين اخته على الاقل في جمع الاواني وما شابه
وان لا تحسد زوجة ابنها ان راته يعينها
بل تحمد فيه ذلك وتحببه في الامر.
.

 

[Malika Tlm]

صباح الخير يا المقلشة تاعنا
يا بنتي خلي النهار يطلع منبعد غتبي على روحك
صبحتي معولة علينا
معليش نهار نحكمك نتي نديرلك اللصقة في شفارك ههههههههههههه

هههههههههه يعطيك الخير محمد ،صبحت حالفة فيكم ولكن صرااااحة خاي محمد نت نحسك زوج طيب يعامل زوجته ملييييح ربي يخليكم لبعضاكم يااااارب

 

[afnene]

او راني فهمتك
انا درت التحليل تاع دخولي للمباراة عفوا للموضوع
اعرف ان المرأة الماكثة في البيت تتعب ومن ينكر هذا جاحد لكن هذي سنة الحياة هي فالدار والراجل برا وكل واحد يقوم بالواجب ديالو وهنا يكون التكامل والا فلا
وعلى الرجل الاقتداء بخير البرية فالرسول عليه الصلاة والسلام كان يعين زوجاته كان يخيط اللباس ويقوم ببعض الامور التي تقوم بها نسائه
لكن اعرف ان المراة تتعب اقل من الرجل في زماننا هذا
يخي راكم تاكلو البيتزا والتاكوس من برا واش طياب
وراكم بالدالدوصول واش تسياق غير االنشاف وسحب تديري النشاف في رجلك وتبقاي تمشي بين البيوت تلقاي كلش يلمع
الغسيل راه فالغسالة تحطيهم نهار تكمل تديرلك موسيقى سونتيمونتال تنحيهم ناشفين
الخبز راه يجي من المخبزه ميم الماوني
والقاطو راه يجي من الحانوت ميم البقلاوة والتشاراك
الي تمشط لولادها كلش بالليسوغ والسوشوار الشعر يخاف يتسرح وحدو
الطعام تاع عمر بن عمر راه يجي واجد تفويرة وحدة واعطي للجيعان
واش نزيدلك تاني
لي عودة للقصف من جديد

مرحبا بك من جديد راك معول ياسيدي ربي يجيب الخير هههه
شوف انا ماشي من جماعة حقوق المراة ولا تحرير المراة ولاهذيك لا تقول بلاصتي ماشي في الكوزينة
صح لكان جاو رجال يقتدو بالرسول صلى الله عليه وسلم والنساء يقتدو بزوجاته كون رانا عايشين لبال في
بصح رجال درك حافظين غير اية من القران
عارفين غير انهم عندهم الحق في التعدد والشرع حللهم ربعة و60 حزب غير في رمضان لي يقروها واذا ..
صح الحالة درك مراهيش كيما بكري المراة تاع بكري كانت تتعب اكثر ..
بصح الفكرة لي راني نهدر عليها هي فكرة المراة مدير والو
صح كاين حالات المراة متخدم والو بصح هاديك غير لي راجلها دايرلها الخدامات ماشي gاع
غسالة وليسور والسيشوار... هاذو gاع قلال خصنا روبو يدير كلش تما قولو المراة مدير والو ...
مرحبا بيك الموضوع موضوعك هههه​

 

[afnene]

عقلي واش راكي تقولي نهار نحكمك نلسق ليك العلك في شعرك ههههههههههههههه
بديتيها مليح على البالون منبعد خسرتيها بالقصف
يا لالة ما تنسايش نهار تلقاي رتيلا في الدار او فار فقط بلا ما نحكوا على الافاعي او العقارب
راكم تحصلوا لولانا نحن معشر الرجال
نزيد نذكرك ياك مصباح ما تعرفوش تنحوها لولانا نحن
نزيد نذكرك كيفاش راكم تستغلوا فينا نهار تشوفو بدعية زوينة و غالية ديروا عشا شباب
و نهار تشروها تقلبوا العقلية و هذا في حد ذاته استغلال براءة الرجل
تستحقوا عليها تدخلوا سجن الحراش

بلا ما ننسى نهار تخص حاجة في الدار تقولوا للراجل جيبها دبر رااسك

معنتها انتن ايضا سلكوا روسكم الله يسهل عليكن هههههههههه

خويا @sami44 نزيدهن و لا يااسر عليهن هههههههههه

اهلااا بك

عادي دير العلك ياك الحجاب يدرg كلش ههه
اااه راك تلاقيتها رتيلا ونورمال بصح لفار متفاهموش لكان نصيب نعايط حتى لجوارين ههههه
المصباح ساهل بصح طول دارها بينا بالسلوم ومنلحgش ههههه
تاع لبدعية مزال مسييتها بصح راك عطيتني فكرة مستقبلا ههههه
براءة الرجل ههههه
ومتى كان الرجل برئ؟؟؟
وي نسلكو رواحنا المهم متgولوكش المراة مدير والو
شكراا على المرور والقصف هههه​

 

[afnene]

السلام عليكم
بردتي قلبي الله يعطيك ماتتمنااااي
المرأة مسكينة حياتها كااامل وهي تخدم فالزوج ديالها صحة هذا واجبها تقوم بيه وبعايلتوا ووليداتها أوكولكن المشكل كيما قلتي ديما يقوللها واسم درتي ؟مدراي والوووا
ولي تقتلني وتهبلني وطلعلي السكر ولاطونسيو ههههه الزوج الأناني يروح يحوس مع صحابوا وهي المسكينة يغمها فالدارويلا قالت كلمة يسمعها درس المرأة تقعد فالدار تخدم اسرتها
والسيجي هذا طويبييبل وكان نبدا نخرج المكبوت اليوم متفراش
المهم سيدي الرجل رفقا بالقواريييييير
ومتنكرش خبير زوجتك ،وديما بينلها الحب نتاعك أشكرها لي راهي قائمة بيك
هدية مرة علي مرة هكذا تكون الحياة الزوجية جمييبيييييلة
ربي يهني كااااامل ا لا زواج
تقبلي مروري

وعليكم السلام
مزال تشوفي هذي غير البداية ومزال مزال هههه
شفتي مسكينة يخليها في الدار ويروح هو يمتع
صح ماشي عيب يروح يديفولي مع صحابه بصح هي تاني لازم يخرجها
خلي موضوع الشكر هاداك سيجي وحده
ياو يحشمو يgولو صحيتي ..ربي يخليك ليا
شكرا على المرور العطر اختي
وتحية لصاحب لتمسان
راني كاش نهار نجي عندك ندير الخطط ههههه​

 

[Abodi84]

السلام عليكم
هذا قصف عقيم و اجحاد لحق الطرفين
الله خلق لكل فرد مهامه و لا يجوز إنكار الطرف الاخر
اما من يطلق تلك العبارات من كلى الطرفين فأعلمي اختي انه هو المقصر

 

[afnene]

السلام عليكم ورحمة الله وبركاته حياكم الله جميعا إخواني وأخواتي الطيبين سكان هذا المنتدى الطيب.
ارفع قبعتي اجلالا واحتراما لكل امراة ماكثة في البيت تعتني بأولادها وبيتها وزوجها
واقدر كم التعب لأنني ارى امي امامي تكد وارى اختي تعينها كذلك
الامر شاق خاصة مع هذا الجو
وان كان هناك حمل فالتعب يضاعف ويزيد
لذلك اقدر عمل من تمكث في بيتها
وتحافظ على دينها وبيتها واولادها
وزوجها.
ليس عيبا ان يعين الرجل زوجته في البيت خاصة في زمن الحمل
والاعانة تعني الرحمة تعني ان هناك احساس مشترك ولو رمزيا
وليس عيبا ان يفعل الرجل ذلك
للاسف التربية هي من جعلت من هذا الامر كانه عيبا
على الام ان تعلم ابنها ان يعينها في بيتها وان يعين اخته على الاقل في جمع الاواني وما شابه
وان لا تحسد زوجة ابنها ان راته يعينها
بل تحمد فيه ذلك وتحببه في الامر.
.

وعليكم السلام ورحمة الله وبركاته
هادي تصفيقة من عندي
هاك يكونو رجال
شفتsami44
راه كاين واحد معانا
شفت ويعاون حتى في شغل ههه
ياريت gاع رجال يخمو كيفك
صح المجتمع هو لي خلا الرجل يحشم يساعد مرته
واذا شافو واحد عاون مرته يقولو ساحرتله ههه
مشكور اخي على المرور العطر
بارك الله فيك
وحرز تدور في رايك هههه​

 

[afnene]

السلام عليكم
هذا قصف عقيم و اجحاد لحق الطرفين
الله خلق لكل فرد مهامه و لا يجوز إنكار الطرف الاخر
اما من يطلق تلك العبارات من كلى الطرفين فأعلمي اختي انه هو المقصر

وعليكم السلام
اظنك يا سيدي اخذت الموضوع على محمل الجد اكثر من اللزوم
صحيح ان هدف الموضوع هو مناقشة فكرة ولكن كما لاحظت باسلوب دعابي
وهذا معهود في هذا القسم
صح لا احد ينكر مهام كل طرف وفضل احدها على الاخر
وانما طرحنا فكرة شائعة في المجتمع
كما انه ليس طرحا عاما مقصود به كل رجل ..
على كل مشكور على المرور والمشاركة ​

 

[Abodi84]

وعليكم السلام
اظنك يا سيدي اخذت الموضوع على محمل الجد اكثر من اللزوم
صحيح ان هدف الموضوع هو مناقشة فكرة ولكن كما لاحظت باسلوب دعابي
وهذا معهود في هذا القسم
صح لا احد ينكر مهام كل طرف وفضل احدها على الاخر
وانما طرحنا فكرة شائعة في المجتمع
كما انه ليس طرحا عاما مقصود به كل رجل ..
على كل مشكور على المرور والمشاركة ​

لكن صحيح المرأة مدير والو ( ما تعملي شي ) اهم أعمالها النق ع الرجل الطلبات اضافة الى افراغ جيب الزوج الذي يكدح من الصباح حتى المسا طوال شهر
العفو اختي

 

[أبو عاتكة]

السلام عليكم.
نظن أنو المشكل ليس في العمل ووالواجبات بحد ذاتها سواء الرجل والا المرأة نظن أنو الروتين اليومي الممل هو ما يجعلنا لا نقدر جهود بعضنا البعض ونراها اعمال مكررة بسيطة وهينة فلو غيّرنا بعض التصرفات ستعتبر كافية لتقدير عمل الطرفين.

مثلا الرجل يدخل من العمل بهدية ولو بسيطة مثلا.. فروتوار جديد ، نشافة بالوان زاهية، قرعة صانيبو معطرة، بيدون جافيل 5 ليترات، تشكيلة أواني منزلية أكبر حجم،، ولاعة توماتيكي .. مانيش عارف المهم الامور اللي تحبها المرأة وتحلم بيها كل يوم ...الخ

والمرأة تستقبل راجلها ببشاشة ولطف مثلا لما يفتح الباب تخلعو من وراء الباب ولا تلعبها مشنوقة في الهول يعني تخلق جو مرح جديد في المنزل او مثلا بدل ماتسيق الدار بالماء تسيقها بزيت الزيتون وتزينها بورقات سلاطة وطماطم او تفرش الصالون باثاث الغرفة والغرفة تعملها مطبخ والمطبخ تحولو لصالون لعبة متاهات تغيير ديكور يعني.

في الأخير تغيير الروتين يشعرنا بالتقدير وهدية بسيطة ولو كانت جيتوب الف فراك كافية للفت الانتباه.

ان شاء الله تزيدي تتفرجي الماتش الجاي اصبري معانا المقابلات الجاية مبقاش بزاف
موضوع شيق ومهم يعطيك الصحة.

 

[afnene]

لكن صحيح المرأة مدير والو ( ما تعملي شي ) اهم أعمالها النق ع الرجل الطلبات اضافة الى افراغ جيب الزوج الذي يكدح من الصباح حتى المسا طوال شهر
العفو اختي

اعجني ردك لذا سارد عليك بردك السابق ان سمحت لنا باقتباس عبارتك سيدي ..

اجحاد لحق الطرفين
الله خلق لكل فرد مهامه و لا يجوز إنكار الطرف الاخر
اما من يطلق تلك العبارات من كلى الطرفين فأعلمي اختي انه هو المقصر

نورت الموضوع بتدخلك وطرح فكرتك