عزيزتي شيماء واقيلا مافهمتينيش، لأنو الكلام لي ذكرتيه كامل نعرفو وماكانش لي مايحبش يغير المنكر، لكن انا حشمت وقتلك سب وشتم برك ماحبيتش نوضح لأن ما خفي أعظم، لأنو تربيتي ماتسمحليش نفسر ولا نوضح الافعال الحقيقية او مقصودي الحقيقي، يعني اكتفيت بكلمة سب وشتم، والرجل الحقيقي لي عندو شرف يستحيل يسمح لمرتو ولا بنتو تدخل في نقاشات مع ناس كيما هادوك وإلا يبعتها للملاهي كذلك تنصح وتغير المنكر، فهمتيني؟ واكيد مانقصدكش نتي عزيزتي حاشا، نتي نيتك سليمة وفاهمة قصدك مليح واش هو، لكن لو كان الامر مقتصر على السب والشتم فقط، مثلا تنصحي انسان ويقولك ماتدخليش روحك يا منافقة يا كاذبة يا كذا وكذا تحملها في قلبك وتقول اجري لله وربي يهديهم، بصح الافعال لي نهدر عليها ولي ماتسمحليش كرامتي ننطقها راهي اعظم، باه نروح ندخل روحي ونطيح كرامتي بين الاقدام هادي مانديرهاش وخاصة انا امرأة والمرأة شرفها وقيمتها عظيمة ومن شرف ابيها واهلها، حتى الرجل ويستحيل يلطخ روحو بين هاد البشر، نتي ربما حاطة روحك في اللمة نتناقشو ونتشاجرو حول اراءنا باحترام، تما عالم آخر والله حاشا لي مايستاهلش الفاسد لخوه، ربي يهدينا ويهديهم.
واذا كنت نستنى نتلقى سب وشتم باه ندي الحسنات فكتر خيرهم، كل واحد ومقدورو وكل واحد ونفسيتو، مريض السكري لما يتسب ماش كيما انسان صحيح، قادر يطلعلو السكر من هول واش يسمع ويشوف يولي في كارثة، إذن كل شخص ومقدورو انا لما نقدر نغير المنكر ربي يقدرني عليه والله نتحمل الضرب وننصح للخير، اما الافعال القذرة فلا قدرة لي على تحملها.
وربي يهدينا ويعافينا ان شاء الله
