إستضافة @*amani* ضيف لمّاوي في رمضان

[الامين محمد]

اهلا اختي اماني
نورتينا مااشااء الله عليك
ــــــــــــــــــــ
اختي ما العمل الذي ترين نفسك اهلا له
الصحافة المكتوبة ام المسموعة ام الاعلام الثقيل اقصد التلفزة

رأيك بصراحة في مستوى القنوات

عضو في اللمة تقدمي ليه نصيحة
عضو في اللمة تنتقديه
عضو في اللمة كريم
عضو بخيل
عضو ناشط
عضو مرح
عضو حزين
عضو سامط
عضو فنيان
عضو انيق
عضو راقي

ههههههههه
كثرت و معها لي عودة ان شااء الله
اختي الكريمة​

 

[صانعة الإبتسامة]

شكرا علی صراحتك وراحبة صدرك حنونة
ضرك نزيد نسقسيك ماتخافيش هههههه
كيفاش تقضي اوقاتك مع الحجر الصحي ؟
وين راكي لاحقة في قراءة القرآن الكريم؟
راكي تعاوني ماماك في لفطور ولا من نوع يغلبو رمضان ويجيبها رقاد؟
واش هو الفرق بين رمضان هدا ورمضان لي فات خصوصا مع جائحة كورونا؟
تصلوفي دار جماعة ولا كل واحد وحدو؟
واش طيبو في السحور ؟هههههه
بون هادو ياسر عليك من بعد نزيدك هههههههه
صح فتوووووووغكم

 

[Autumn leaves]

السلام عليكم ،،
وصلت متأخرة ،، لهذا أغلب الأسئلة خطفوها مني

حابة أسألك ..
هل تعرفين شيء عن المطبخ اليمني
يعني أكلة سمعتي عنها ..

هل تفضلين المطبخ العربي أم الأجنبي ،، ..

عطيني أكلة تحبيها ليست من المطبخ الجزائري ..

لو سنحت لك فرصة تغيير تخصصك ماهو التخصص الذي ترغبين به وتشعرين أنه قريب من ميولك ..

ما التغيرات التي طرأت على شخصيتك وطريقة تفكيرك في الفترة ما بين التعليم الثانوي والجامعي ..

هل تجدين لغات أخرى غير العربية

ما الشيء الذي يجذبك في الشخص الذي تلتقيه لأول مرة ..

ماهي مواصفات فارس أحلامك ،،

السعادة من وجهة نظرك

لو اتيحت لك فرصة تسمية نفسك ، هل تختارين أسمك أم تفضلين اسم آخر ،،

نكهتك المفضلة في الكيك ، والايسكريم

هل تحبين السمك

ما هي أكثر أكلة تحبي تحضريها ..

....
اتمنى لك التوفيق

 

[Golden Man]

ماشاء الله ..
اختي اماني راهي هنا ..هادي مفاجئة طيبة

فـ البداية صح فطورك والعايلة الكريمة

********
ونبدأ بسم الله ببعض الاسئلة للتسخين والقادم أعظم إن شاء الله هههههههههه

س1/ ثقتُكِ في نفسك .. كم هي نسبتهــا ؟ (2 نقطتان)
...........................................................................................................
س2/ ما هو النجاح بالنسبة لكِ ؟ (3 نقــاط)
...................................................................................
س3/ ما أهم شئ ..يجعل الانسان سعيد في تقديرك ؟ (5 نقـــاط)
.......................................................................................................
س4/ ما الأولى لــكِ= ختم القرآن الكريم/ حفظا - قراءةََ أو تفسيرََا ..؟ ........... ولمادا؟ ( 10نقـــاط )

****************************

"ما تخافيش مانيش رايح نظلمك ف التصحيح ..ههههه رايحة تدي النقطة ألي تستحقيها أختي ( بدووون غش آه )

_________________________________

في انتظار اجابتك ..قبل ان ينتهي توقيت الإختبار . ههههههه

بالتوفيق لكِ


تفضـــلي .. باش تنشطي الداكرة شويا

 

[الامين محمد]

أختي أماني وين رحتي و لا هربتي هههههه

 

[Hakan]

نزيد حفنة أسئلة :
عندي زوج صحابي من جيجل واحد من الطاهير ولاخر من ميلية : اسكو انت كيفهم تقولي لحرف ال ق كاف يعني قلبي تقولي كلبي ؟
واش هي البلدان لي حابة تروحي ليهم؟
ماهو أفضل أنمي تفرجتيه؟
تعريفك للصداقة؟ و اسكو عندك صديقة تاع روح؟
تحبي سيارات وعندك رخصة سياقة ولا؟
ياسر فيك

 

[*amani*]

صحا فطوركم كامل
دوختني الماكلة
اصبروا عليا درك نجاوبكم ​

 

[*amani*]

اهلا اختي اماني
نورتينا مااشااء الله عليك
اهلا بيك خويا محمد صحا فطورك
ــــــــــــــــــــ
اختي ما العمل الذي ترين نفسك اهلا له
الصحافة المكتوبة ام المسموعة ام الاعلام الثقيل اقصد التلفزة
مانحب حتى وحدة يعني هههه
بصح كان نختار بالاك الصحافة المسموعة

رأيك بصراحة في مستوى القنوات
كاين قنوات تقدم محتوى هادف وموثوق
بمعايير عالمية كيما الجزيرة مثلا بالنسبة ليا قناة في القمة وكاين اللي لا علاقة لها
مثلا بعض القنوات الجزائرية ونقدرو نقولو كامل

عضو في اللمة تقدمي ليه نصيحة
ليكم كامل ماتمشوش بنيتكم في لخر ماتربحوا والو
(مانعرفش ننصح اللي في بالي هدرتها )
عضو في اللمة تنتقديه
امم ماكانش
عضو في اللمة كريم
انت
عضو بخيل
مشكيتش كاين واحد بخيل هنا
عضو ناشط
الأخ بشير ....
عضو مرح
سكر ...
عضو حزين
اممم بالاك كل واحد فينا عندو حاجة تخليه يحس بالحزن
عضو سامط
ماكانش كامل حلوين
عضو فنيان
ماكانش رانا نشوفو كل واحد رآه يعطي الشيء اللي قدر عليه
عضو انيق
السلطانة ⁦⁩
عضو راقي
كامل راقيين والله

وكامل نشيطين ومرحين وانيقين وكريمين والله العظيم ⁦⁩
خونا محمد برك حطني تحت الأمر الواقع
والله خموس عليكم كامل هههه والله

ههههههههه
كثرت و معها لي عودة ان شااء الله
اختي الكريمة​

هههههه أن شاء الله رانا نستناو

 

[*amani*]

شكرا علی صراحتك وراحبة صدرك حنونة
بلا مزية عزيزتي اهلا بيك صحا فطورك
ضرك نزيد نسقسيك ماتخافيش هههههه

كيفاش تقضي اوقاتك مع الحجر الصحي ؟
نرقد طبعا ونحاول نتفرغ اكثر لعبادة الله الكوزينة الطبخ بلا ماننساو لماعن نتفرج مينذاك التلفزة وناكل
وين راكي لاحقة في قراءة القرآن الكريم؟
حاليا اني في سورة الفتح ⁦⁩
راكي تعاوني ماماك في لفطور ولا من نوع يغلبو رمضان ويجيبها رقاد؟
ههههه لا نعاون
واش هو الفرق بين رمضان هدا ورمضان لي فات خصوصا مع جائحة كورونا؟
رمضان اللي فات بالنسبة لرمضان هذا احسن بكثير هذا رمضان سامط ومحسيتش بالأجواء تاعو وربي يرفع علينا هذا الوباء عن قريب ان شاء الله
تصلوفي دار جماعة ولا كل واحد وحدو؟
كل واحد وحدو
واش طيبو في السحور ؟هههههه
هههههه كل واحد كيفاه كاين اللي يشرب الحليب وكاين اللي يشرب اللبن وكاين اللي ياكل التمر وانا عن نفسي وحدة ياغورت وبريوش
بون هادو ياسر عليك من بعد نزيدك هههههههه

صح فتوووووووغكم
الله يسلمك

ههههههه غير زيدي ماتحشميش
اني نستنى

 

[*amani*]

السلام عليكم ،،
وصلت متأخرة ،، لهذا أغلب الأسئلة خطفوها مني
وعليكم السلام
اهلا وسهلا لا مزال الحال اكي لقيتي أسئلة بسلامتك
حابة أسألك ..
هل تعرفين شيء عن المطبخ اليمني
يعني أكلة سمعتي عنها ..
لا والله جامي ههههه


هل تفضلين المطبخ العربي أم الأجنبي ،، ..
اممم نص نص

عطيني أكلة تحبيها ليست من المطبخ الجزائري ..هذيك الكبّة تاع السوريين واللّه تشهيني يا اختي وراهي في خاطري لكن جامي ذقتها

لو سنحت لك فرصة تغيير تخصصك ماهو التخصص الذي ترغبين به وتشعرين أنه قريب من ميولك ..
لغة تركية أو موسيقى
ما التغيرات التي طرأت على شخصيتك وطريقة تفكيرك في الفترة ما بين التعليم الثانوي والجامعي ..
رجعت نفكر افضل من ذي قبل تعلمت حاجات بزاف
هل تجدين لغات أخرى غير العربية
امم الانجليزية شوية ..والتركية اني نتعلم يعني ..لكن باش نهدرهم بطلاقة ونتناقش معاك بالانجليزي أو التركي مزال ماوصلتش لهذي المرحلة ههههههه

ما الشيء الذي يجذبك في الشخص الذي تلتقيه لأول مرة ..
النظرة وتعابير الوجه هههه

ماهي مواصفات فارس أحلامك ،،
المهم راجل صالح يخاف ربي واعي. ويعرف قيمة المرأة

السعادة من وجهة نظرك
عندما يكون من تحبهم بقربك

لو اتيحت لك فرصة تسمية نفسك ، هل تختارين أسمك أم تفضلين اسم آخر ،،
نختار اسمي ونزيد اسم آخر "سيدرة" هههه
نكهتك المفضلة في الكيك ، والايسكريم
الكيك الشوكولا والايسكريم كل النكهات ههههه ماعدا الليمون
هل تحبين السمك
نحبو
ما هي أكثر أكلة تحبي تحضريها ..
بزااف أكثرهم الحساء والمملحات
....
اتمنى لك التوفيق

تسلمي حبيبتي سُعدت بتواجدك معنا واسعدتني أسألتك ⁦⁩⁦⁩

 

[*amani*]

ماشاء الله ..
اختي اماني راهي هنا ..هادي مفاجئة طيبة

فـ البداية صح فطورك والعايلة الكريمة
اهلا بيك خويا الله يسلمك صح فطوركم انتم تاني

********
ونبدأ بسم الله ببعض الاسئلة للتسخين والقادم أعظم إن شاء الله هههههههههه
خوفتني ههههه
س1/ ثقتُكِ في نفسك .. كم هي نسبتهــا ؟ (2 نقطتان)
...........................................................................................................
ههههه 90٪
س2/ ما هو النجاح بالنسبة لكِ ؟ (3 نقــاط)
..................................................................................
انك تحقق اهدافك وطموحاتك
س3/ ما أهم شئ ..يجعل الانسان سعيد في تقديرك ؟ (5 نقـــاط)
.......................................................................................................
راحة البال
س4/ ما الأولى لــكِ= ختم القرآن الكريم/ حفظا - قراءةََ أو تفسيرََا ..؟ ........... ولمادا؟ ( 10نقـــاط )

****************************
ختمه تفسيرا لأنو اذا ختمتو حفظا أو قراءة وانا مافاهمة فيه والو ماكان حتى فايدة وربي قدرنا أن شاء الله

"ما تخافيش مانيش رايح نظلمك ف التصحيح ..ههههه رايحة تدي النقطة ألي تستحقيها أختي ( بدووون غش آه )

_________________________________
عندك تنقص ولا تزيد

في انتظار اجابتك ..قبل ان ينتهي توقيت الإختبار . ههههههه

بالتوفيق لكِ


تفضـــلي .. باش تنشطي الداكرة شويا
مشاهدة المرفق 124555

هههههه نشطت وزيادة يعطيك الصحة
شكرا على الأسئلة الجميلة نورتنا

 

[*amani*]

نزيد حفنة أسئلة :
عندي زوج صحابي من جيجل واحد من الطاهير ولاخر من ميلية : اسكو انت كيفهم تقولي لحرف ال ق كاف يعني قلبي تقولي كلبي ؟
والله ضحكتني الله يفرحك
لا جامي احنا منطقتنا نهدرو عادي كلي ولاية وحدها القاف نهدروها قاااف
الميلية.والطاهير يهدروها صح خاصة الطاهير ياخويا ياخويا واذا تروح لجيجل سونطر ايييه وش نقولك خلي برك
واش هي البلدان لي حابة تروحي ليهم؟
تركيا وبس
ماهو أفضل أنمي تفرجتيه؟
إنيوشا وكاين بزااف

تعريفك للصداقة؟ و اسكو عندك صديقة تاع روح؟
الصداقة حياة ..ايه عندي 3 كأنهن واحد ⁦⁩⁦⁩
تحبي سيارات وعندك رخصة سياقة ولا؟
نحبهم بصح ماعنديش رخصة ههههه
ياسر فيك

ههههه شكرا على الأسئلة الممتعة
وإذا مزالو كاش حفنات زيد ملتحشمش
نورتنا

 

[السلطانة]

صحا فطوركم



جيت نسقسيك ههه

تحبي تغسلي لماعن؟
انتم في الدار شحال وهل عندك اخوات تتعاوني معاهم في شغل الدار؟
لونك المفضل في الاواني؟
تحبي تطيبي القاطو ولا الماكلة؟
تعرفي تخبزي الكسرة؟
اكلة مشهورة عندكم في جيجل تطيبوها في عيد الفطر المبارك?

صحا بعد الصحور

 

[Hakan]

صحا فطوركم



جيت نسقسيك ههه

تحبي تغسلي لماعن؟
انتم في الدار شحال وهل عندك اخوات تتعاوني معاهم في شغل الدار؟
لونك المفضل في الاواني؟
تحبي تطيبي القاطو ولا الماكلة؟
تعرفي تخبزي الكسرة؟
اكلة مشهورة عندكم في جيجل تطيبوها في عيد الفطر المبارك?

صحا بعد الصحور

أسئلة تاع وحدة جاية تخطب

 

[*amani*]

صحا فطوركم

الله يسلمك انت تاني ⁦⁩

جيت نسقسيك ههه
هههه مرحبا بيك

تحبي تغسلي لماعن؟
ايه نحب نورمال حاجة محتمة مينذاك نكرههم
انتم في الدار شحال وهل عندك اخوات تتعاوني معاهم في شغل الدار؟
احنا في سبعة كامل ..ايه كاين 2اكثر مني
لونك المفضل في الاواني؟
الابيض والاسود
تحبي تطيبي القاطو ولا الماكلة؟
بين زوج هههه بصح الماكلة اكثر
تعرفي تخبزي الكسرة؟
نعرف بصح عندي مشكلة مع الدائرة الله يصلحني اني نحاول حتى ترجع دائرية هههههه
اكلة مشهورة عندكم في جيجل تطيبوها في عيد الفطر المبارك?
غالبا الشخشوخة أو الطعام

صحا بعد الصحور

الله يسلمك انت تاني
شكرا على الأسئلة الممتعة
سُعدت بتواجدك

 

[السلطانة]

أسئلة تاع وحدة جاية تخطب

شغل بيونة وقت ناس ملاح سيتي

 

[Hakan]

نسقسيك أسئلة تاع سحور :
طفولة تاعك في كلمات؟
الالعاب لا كنت تلعبيهم في طفولة تاعك؟
وقتاه شريتي تلفون، واسكو مدمنة نت ولا؟
فايسبوك ولا انستا؟ او موقع اخر ما تقوليليش تيك توك برك نبلوكيك؟
نظرتك لمواقع التواصل الاجتماعي؟
منتدى مشكلتي واش رايك فيه؟
اخوتك الذكور طايعتهم ولا تتقابضي معاهم ؟
شكون لي قريب ليك امك ولا بوك؟
شكون لي سماك اماني؟
نروح نتسحر دار ما ناضوش .

 

[صانعة الإبتسامة]

صح سحوركم
بما انك قلتيلي ماتحشميش ق سقسي خلي نروح نصلي ونجي

 

[صانعة الإبتسامة]

هاني جيييييييت علبالي توحشتيني هههههه
كي سمعتي بلي الخرجة في العيد مكانش ماهو احساسك؟
وهل عندكم اجواء العيد في دار ؟ وطيبتو قاطو ولا مزال؟ واش هوما انواع لي راح ديروهم؟ههههه
في اخير راح تفوتي عيد رقاد كما حالتي ولا تخافي من كورونا؟
جاوبي علی هادو من بعد نزيدك ههههه ومتخافيش انا راني مانحشمش مكلاه تقوليلي زيدي سقسي وماتحشميش هههههه

 

[*amani*]

نسقسيك أسئلة تاع سحور :
طفولة تاعك في كلمات؟
اجمل ايام حياتي روعة مستحيل ننسى ذيك الايام ياحسرا
الالعاب لا كنت تلعبيهم في طفولة تاعك؟
كنت نلعب البالون وكنت دايما انا الحارس بيت النص ولا الكادو ماعرف كيفاه تسموه انتم ولا هك ههه ..الحبل ..هذيك اللي نلعبوها بالحجر والله نسيت كيفاه اسمها ههه والغميضة وبزاااف
وقتاه شريتي تلفون، واسكو مدمنة نت ولا؟
شريتو كي ديت الباك مزال موصلتش لمرحلة الإدمان مع انو ماما تظل تقولي مدمنة
فايسبوك ولا انستا؟ او موقع اخر ما تقوليليش تيك توك برك نبلوكيك؟
ياخويا خاطيني تيك توك ابدا..نفضل انستا
نظرتك لمواقع التواصل الاجتماعي؟
فيهم سلبيات و ايجابيات وكاين ناس بزاف بفضل هاذ المواقع قدرت توصل لأهدافها
منتدى مشكلتي واش رايك فيه؟
منتدى مليح ويخلي اللي عندو مشاكل يطرحهم وهو مرتاح
اخوتك الذكور طايعتهم ولا تتقابضي معاهم ؟
هههههه ماعنديش خاوتي الذكور كبار عندي واحد صغير 10سنين نتقابض معاه وش نقولك
شكون لي قريب ليك امك ولا بوك؟
بين زوج في نفس المستوى هههه
شكون لي سماك اماني؟
خواتاتي اللي اكثر مني كانوا يتفرجو كوميك وفيه. وحدة اسمها اماني ايا قالك والله غير تتسمى اماني
نروح نتسحر دار ما ناضوش .

اجري
صحا سحورك