#علاه why أسئلة

[ONjINE]

السلام عليكم ورحمة الله وبركاته


وفجاه كعادة كل افكاري كنت قاعدة وتطيح علي فكرة وهي كالاتي:

العنوان بروحو يعبر على المحتوى : علاه ؟

سؤال كامل نطرحوه يمكن اكثر من انفاسنا

اما هذي المرة رح نطرحوه بطريقة مختلفة

شكون فينا منتابوش فضول تجاه حاجات مثلا :
علاه السما زرقاء
علاه الفريجيدار يبرد وكيفاش
علاه القلب ميعياش
علاه الظلمة تختفي كي نشعلو الضو

واسئلة من نوع :
علاه حياتي مش كيف حابها
علاه معنديش الزهر
علاه مش قادر نكون ناجح


شخصيا انتابتني بزاف اسئلة وبما اني نحب نشارك وش تعلمت رح نعملها سلسة نحاول تكون عدة اسئلة اسبوعيا

انا مهمتي البحث وانتم تقدروا تقترحو علي اسئلة ونتعرفوا على حاجات جدد بطريقة سهلة ورح نحاول نبسط كلش

{ علابالي راني منزلة بزاف مواضيع والتنسيق والوقت ووزدت هذي السلسلة مي راني قدها باذن الله في يدي شهر ونصف ان شاء الله نخلصهم كامل ✌ }

ودوك :
اعطيوني رايكم بخصوص السلسة ...
لي حاب يساعد يتفضل ورح نفتحواا مجموعة
لي عندوا اقتراح او انتقاد او افكار يتفضل

في امان الله

 

[إلياس]

وعليكم السلام ورحمه الله وبركاته
وعلاه و كيف و لماذا و قد و لم كلها من الشيطان علينا الايمان بالقضاء والقدر
بارك الله فيك اختي الكريم جعله الله في ميزان حسناتك يارب العالمين اجمعين

 

[ONjINE]

وعليكم السلام ورحمه الله وبركاته
وعلاه و كيف و لماذا و قد و لم كلها من الشيطان علينا الايمان بالقضاء والقدر


بارك الله فيك اختي الكريم جعله الله في ميزان حسناتك يارب العالمين اجمعين

وفيك بارك اخي

وعلاه و كيف و لماذا و قد و لم كلها من الشيطان علينا الايمان بالقضاء والقدر

ايه ولكن عفوا انا اسئلتي عادية ومقلتش حاجة تع شرك ولا كفرت بالقضاء والقدر يعني ! مفهمتش الغاية من عبارتك هذي بالذات ؟؟ الفكرة لاشباع الفضول ومعرفة الغاية والية بعض الحاجات رفعا للجهل وفقط ورح تكون بعيدة على الجانب الديني تفاديا للتداخلات

 

[إلياس]

ايه ولكن عفوا انا اسئلتي عادية ومقلتش حاجة تع شرك ولا كفرت بالقضاء والقدر يعني ! مفهمتش الغاية من عبارتك هذي بالذات ؟؟ الفكرة لاشباع الفضول ومعرفة الغاية والية بعض الحاجات رفعا للجهل وفقط ورح تكون بعيدة على الجانب الديني تفاديا للتداخلات

انا اعلم قصدك اختي و ما قصدته للتنبيه فقط لا غير
سلمت يداك على الطرح الرائع ننتظر المزيد من إبداعاتك القيمة اختي
انا بدأت سلسلة اسمها من درر السلف في المنتدى الاسلامي راني في الحلقة رقم 05 شاركني فيها بتعليقاتك

 

[ONjINE]

انا اعلم قصدك اختي و ما قصدته للتنبيه فقط لا غير
سلمت يداك على الطرح الرائع ننتظر المزيد من إبداعاتك القيمة اختي
انا بدأت سلسلة اسمها من درر السلف في المنتدى الاسلامي راني في الحلقة رقم 05 شاركني فيها بتعليقاتك

شكرا على التنبيه اخي
ساطلع عليها ان شاء الله

 

[الامين محمد]

هههههه هنا نقولك روحي شربي حليبك ههههههه

راني نتفرج في ماتش نكمله و نرجع للميضوع

 

[وۣۗهۣۗہۣۗم]

السلام عليكم....
بزااف نحب نستعمل كلمة علاه


علاه البنادم هادا داير هاك؟؟
علاه ميحشموش؟؟
علاه ناس كامل تريغلات حياتهم غير انا
وبزاااااااااف علاهات وحدووووخرين ​

 

[MARYTA]

سلمت يداك على الموضوع المميز
في انتظار القادم بادن الله
اتمنى ان تحددي لنا المجالات مثلا يعني كل يوم مجال ونحن نحاول ان نجد اسئلة
بالتوفيق غاليتي

 

[ONjINE]

هههههه هنا نقولك روحي شربي حليبك ههههههه

راني نتفرج في ماتش نكمله و نرجع للميضوع

هههه خويا الامين احشم لصقتلنا فالحليب قولي جي دوك في بالي نشرب جي
مشاهدة ممتعة في انتظار عودتك

 

[ONjINE]

السلام عليكم....
بزااف نحب نستعمل كلمة علاه


علاه البنادم هادا داير هاك؟؟
علاه ميحشموش؟؟
علاه ناس كامل تريغلات حياتهم غير انا
وبزاااااااااف علاهات وحدووووخرين ​

وعليكم السلام
ههه مالا انا نستحق ذوك العلاهات اعمليلي قائمة والبحث علي

 

[ONjINE]

سلمت يداك على الموضوع المميز
في انتظار القادم بادن الله
اتمنى ان تحددي لنا المجالات مثلا يعني كل يوم مجال ونحن نحاول ان نجد اسئلة
بالتوفيق غاليتي

شكرا جميلتي فكرة مليحة
في انتظار قائمتك من الاسئلة ❤

 

[Andy_Delort]

/
حنا شعب مخلوق لكلمة علاه
تطرح سؤال ثم تحدد جواب من عقلك الباطني لاعطاء حجة لنفسك ... وسلاام ..

 

[ONjINE]

/
حنا شعب مخلوق لكلمة علاه
تطرح سؤال ثم تحدد جواب من عقلك الباطني لاعطاء حجة لنفسك ... وسلاام ..

هههه منعرف علاه جاني الضحك
كي نبدا نستخايل فالعقل تاع الجزايري

نو هنا مش رح نحللو على اساس العقل الباطني وو بالعكس رح نعتمدوا على اسس علمية وحجات منطقية
رح يكون انطلاقة لينا حتى نتعرفوا على حاجات كنا شايفينهم بديهيات
مثلا انت كل يوم تحل الفريجيدار عمرك خممت علاه يدير الثلج ولاكفاه يخدم الفرجيدار ومنين يجي ذاك البرد داخله ؟
كل يوم انت تشعل وطفي الضو تساءلت علاه تختفي الظلمة ؟
انت كل مرة تحط اهداف سقسيت روحك علاه متحققهمش الكل طول اما شي ناس يحققوهم عادي ؟

هذوا مجرد بداية لاسئلة بزاف رح نتعاونوا انا وانت واعضاء المنتدى حتى نفهموا هذوا الحاجات لي احنا من كثرة لي رجعنا نعتبروهم عادي وبديهيات خلينا رواحنا غارقين شغل فجهالة منعرفوش مسائل بسيطة فاهمني ؟
حابة نوصلوا للمعنى الفعلي تع كلمة علاه ...

مش حابة نحط وناقش بذيك الطريقة تع هكا وهكا ولا يمكن نو نحب حاجة مثبتة وبادلة واقوال ✌

 

[Andy_Delort]

هههه منعرف علاه جاني الضحك
كي نبدا نستخايل فالعقل تاع الجزايري

نو هنا مش رح نحللو على اساس العقل الباطني وو بالعكس رح نعتمدوا على اسس علمية وحجات منطقية
رح يكون انطلاقة لينا حتى نتعرفوا على حاجات كنا شايفينهم بديهيات
مثلا انت كل يوم تحل الفريجيدار عمرك خممت علاه يدير الثلج ولاكفاه يخدم الفرجيدار ومنين يجي ذاك البرد داخله ؟
كل يوم انت تشعل وطفي الضو تساءلت علاه تختفي الظلمة ؟
انت كل مرة تحط اهداف سقسيت روحك علاه متحققهمش الكل طول اما شي ناس يحققوهم عادي ؟

هذوا مجرد بداية لاسئلة بزاف رح نتعاونوا انا وانت واعضاء المنتدى حتى نفهموا هذوا الحاجات لي احنا من كثرة لي رجعنا نعتبروهم عادي وبديهيات خلينا رواحنا غارقين شغل فجهالة منعرفوش مسائل بسيطة فاهمني ؟
حابة نوصلوا للمعنى الفعلي تع كلمة علاه ...

مش حابة نحط وناقش بذيك الطريقة تع هكا وهكا ولا يمكن نو نحب حاجة مثبتة وبادلة واقوال ✌

انا كنت مين داك نطرح اسئلة كيمن هادي بصح باين بلي مكش حتلقى جواب كافي خصوصا الا كان مهوش دومان تاعك مثلا كيما تاع فريجيدار وضوء . .. الخ باين بلي مكش رايح تطرق الامر بكل تفصيل بصح نتا عارف بلي هذا نتيجة تطور ومكوابة الانسان لحضارة الحديثة ومع التقدم والصناعات وبلا بلا تم صناعو كذا ثم تطوير الى غاية الوصول الى فريجدار مصنوع من عدة انواع من بلاستيك وكابلات ومحرك ...
يعني حبيت نلحقلك فكرة انو علاه دي فوا تجي برك فطرة في الانسان ودي فوا تجي فضول وحبا لفهم او معرفة شيء ما ... حتى وتسيي تفهمو وبما انك لا علاقة بدومان راح تدي فكرة عامة كحوصلة وتمشي بيها ولكن اذا كنت من اصحاب التخصص راح تفهم واش كاين واش مكاينش واذا كنت من الناس لي عندهم شغف وقاع ممكن راح تدير تغير او تصنع حاجة خلاف او تبدع في مجالك ...

 

[ONjINE]

انا كنت مين داك نطرح اسئلة كيمن هادي بصح باين بلي مكش حتلقى جواب كافي خصوصا الا كان مهوش دومان تاعك مثلا كيما تاع فريجيدار وضوء . .. الخ باين بلي مكش رايح تطرق الامر بكل تفصيل بصح نتا عارف بلي هذا نتيجة تطور ومكوابة الانسان لحضارة الحديثة ومع التقدم والصناعات وبلا بلا تم صناعو كذا ثم تطوير الى غاية الوصول الى فريجدار مصنوع من عدة انواع من بلاستيك وكابلات ومحرك ...
يعني حبيت نلحقلك فكرة انو علاه دي فوا تجي برك فطرة في الانسان ودي فوا تجي فضول وحبا لفهم او معرفة شيء ما ... حتى وتسيي تفهمو وبما انك لا علاقة بدومان راح تدي فكرة عامة كحوصلة وتمشي بيها ولكن اذا كنت من اصحاب التخصص راح تفهم واش كاين واش مكاينش واذا كنت من الناس لي عندهم شغف وقاع ممكن راح تدير تغير او تصنع حاجة خلاف او تبدع في مجالك ...

هي صح تع الدومان تلعب دور
مي انك تكون افكار وتسيي تفهم مش كيف تشوف الامر كحاجة بديهية وتمر على تساؤلاتك مرور الكرام انا مش رح نتعمق يعني ولانوصل لدرجة اصحاب الاختصاص اقله نفهم على قدي
واشباع للفضول وحب المعرفة والمثال تع الفريجيدار مجرد مثال احنا رح نبحثوا فحجات اكثر تداولا ....
بمبدا { شوي من كل شي } ✌

 

[Andy_Delort]

هي صح تع الدومان تلعب دور
مي انك تكون افكار وتسيي تفهم مش كيف تشوف الامر كحاجة بديهية وتمر على تساؤلاتك مرور الكرام انا مش رح نتعمق يعني ولانوصل لدرجة اصحاب الاختصاص اقله نفهم على قدي
واشباع للفضول وحب المعرفة والمثال تع الفريجيدار مجرد مثال احنا رح نبحثوا فحجات اكثر تداولا ....
بمبدا { شوي من كل شي } ✌

ايه فهمتك

لهنا عندك الحق ، الله يعين جوزك نهار لي يديك يلقاك تفهمي في كلش ، ميقدرش يجوزهالك ... ينغبن معاك هههه

يروح يبيبلي سؤال في منتدى علاه مرتي تفهم في كلش ؟

 

[Andy_Delort]

/
وكإضافة ، فكرتيني في صديق لي وليد حومتي جاي من صنف هذاك تاع شغل يفهم في كلش شوية هو يخدم فرملي ، في نفس الوقت يخرب في الالكترونيات قادر يكون كاين روبو خاسر يريقليه ، واحد مرة لقيتو يخدم بلومبي ، ايا ديك نهار كان عندي شوية بركويلاح تاع كهرباء في لاشومبر تاعي ، قلي عيطيلي نريقليوها ، مهم خدملي سطلاسيو كما تقول شريعة ، وقالي كي تحتاج نخدملكpvc تاع دوش عيطلي ، يقصد يركب الاسقف البلاستيكية ...

مهم الله يبارك عندو في كلش شوية ، قلي بزاف حرقت حوايج وخسرت حوايج باه تعلمت قلي صح في لونقاجمو والباقي يجي وحده

 

[ONjINE]

ايه فهمتك

لهنا عندك الحق ، الله يعين جوزك نهار لي يديك يلقاك تفهمي في كلش ، ميقدرش يجوزهالك ... ينغبن معاك هههه

يروح يبيبلي سؤال في منتدى علاه مرتي تفهم في كلش ؟

ضحكتني ياخويا ياخويا
تخمملي فالزوج وكلش
زعم كوحدة فعمري 16 الزواج مزالو بزاااف
وبخصوص تعرف كلش فاكيد حتى هو يكون يعرف كلش طبعا رح نختار انسان مثقف ومتفهم هه يعني حتى فنقاشاتنا رح نتبادلو الافكار
وتبانلي حتى لو احد الطرفين مثقف اكثر لازم شريكوا يفتخر بيه ويسيي يتعلم منو

 

[ONjINE]

/
وكإضافة ، فكرتيني في صديق لي وليد حومتي جاي من صنف هذاك تاع شغل يفهم في كلش شوية هو يخدم فرملي ، في نفس الوقت يخرب في الالكترونيات قادر يكون كاين روبو خاسر يريقليه ، واحد مرة لقيتو يخدم بلومبي ، ايا ديك نهار كان عندي شوية بركويلاح تاع كهرباء في لاشومبر تاعي ، قلي عيطيلي نريقليوها ، مهم خدملي سطلاسيو كما تقول شريعة ، وقالي كي تحتاج نخدملكpvc تاع دوش عيطلي ، يقصد يركب الاسقف البلاستيكية ...

مهم الله يبارك عندو في كلش شوية ، قلي بزاف حرقت حوايج وخسرت حوايج باه تعلمت قلي صح في لونقاجمو والباقي يجي وحده

ايه هكذا لازم يكون الانسان الله يبارك
انا علابالك ههه مزالني حاسة روحي منعرف والو بويسك العلم حاجة كبيرة والسعي ليه مش بين ليلة وضحاها
راني فمرحلو وين نجرب وندخل فكلش حتى نلقى شغفي وهواياتي لحاجة لي تخرج علي نكمل ونطور فيها ولي متخرجش فهي تجربة حياتية وخلاص

 

[Andy_Delort]

ضحكتني ياخويا ياخويا
تخمملي فالزوج وكلش
زعم كوحدة فعمري 16 الزواج مزالو بزاااف
وبخصوص تعرف كلش فاكيد حتى هو يكون يعرف كلش طبعا رح نختار انسان مثقف ومتفهم هه يعني حتى فنقاشاتنا رح نتبادلو الافكار
وتبانلي حتى لو احد الطرفين مثقف اكثر لازم شريكوا يفتخر بيه ويسيي يتعلم منو

ههههه ها لازم نخمملك

شغل وحدة كيما نتي جوهرة في البستان ... ان شاء الله منا لذيك دقيقة متعرفي شا يصرا على كلن راكي مزال صغيرة 16 سنة مزال دنيا غير كيما تفتحت قدامك ان شاء تتوفقي في اختياراك الدراسية والمهنية وطبعا ومبعد الا كتب شريك حياتك وقع ....