الوحام أثناء الحمل رفقا بالقوارير....

[sanaya]

فدزاير كتهز بنت الدار الكرش (تكون حامل) تلقى كامل الرعاية و الاهتمام
و لكن الكنة لالا تولي تتقلش بزاف و لازم تخدم مام لوكان مش قادرة و يولي الوحام خرافة و هي اللي تزيد عليها ...
منيش نحكي على لعرايس الفنيانات اللي تهز منا و تريح منا مام لوكان قادرة
اصلا المرأة في فترة الحمل لكان تاكل مليح تخدم نورمال غير اذا كان وحمها من النوع القوي و لا يستمر تسعة اشهر و لا عندها مشاكل صحية اخرى.....
فالوحم تكره المرأة العطور مثلا و الطعام و ممكن تكره بعض الاشخاص سوا راجلها و لا ايا كان....
كما أنا كنت منحملش بابا و خويا سرتو خويا
عدم الاكل يخليها ضعيفة لدرجة مش قادرة تقوم بروحها و من اصعب الفترات هي الوحم.....
العائلة لازم تحتوي الكنة في فترة الضعف هاذي و نورمالمون النسا يفهمو بعضاهم لأنو كامل جازو على هاذ المرحلة.....
لكان مش قادرة تخدم يقومو بدارها و أولادها و صدقوني ككنت نتوحم كنت ندعي من قلبي لكل شخص ساعدني لأني كنت مريضة مناكلش حاجة و نتشهى واش؟؟؟
مقارون و عدس
المهم....
الراجل لازم يوسع بالو و يساعفها لأنو هاذي راهي حاجة دارها ربي و المودة الحقيقية تبان في مثل هذه الفترات العصيبة تفكروها مليح هاذي
و التغيرات الهرمونية في جسم المرأة هي اللي تخليها تتوحم و تولي غريبة الأطوار.....
و الزوج لما يصبر على تعب زوجته و لا يكسر خاطرها فهو مأجور أجرا عظيما فيعلم الله الضعف الذي تكون به المرأة.....
أما العجايز و السلفات ربي يهديهم و سايي ......
و كاين لمليح و لقبيح.....
و بالنسبة للي يقولو القاوريات ما يتوحموش مكانش منها ربي خلقنا سواء و متامنوش مواقع التواصل الاجتماعي و إنما بيئة القاورية و الجزائرية مش كفكيف و هاذي مقارنة غير عادلة.......
الجزائرية عجوزة و سلفة و ضرب بالاك وووووو كل الظروف المناخية القاسية و حابين تنوض كالغزال لالا.....
و ما نهدروش على سبيطارات و تمرميد تاعهم القاورية زعما تتحمل ظروف هاذو؟؟؟؟
المهم هاذا مش موضوعنا.....
و أخيرا خطر في بالي نكتب لأنو ياما عرايس طاحوا فمشاكل و ياما عرايس طلقوهم زواجهم ظلما لأنو أيها الزوج متستناش الأم الكريمة تجي تقولك ساعفها خليها تريح و لا راهي تتوحم راك فدزاير لوكان تساعفها شوي تولي مسحور......
علابيها خممت نكتب هاذ الموضوع باش الرجال بالخصوص يكونوا أكثر احتواءا للمرأة في مثل هذه الفترة الحرجة مالڨري صعيبة شوي على الجزائري ....
لأنو روحوو ماقدرش يساعفها خخخخخخخ سلام
04:43

 

[الامين محمد]

اللي ما فهمتهش يا اختي مريم هو توقيت كتابة الموضوع
ان شاااء الله ما يكونش داخل في الوحم و لا شميتي كاش طبخة في
منتدى الطبخ راكي نضتي هههههههه

المهم يا اختي مريم الوحم يبقى بين المرأة و ضميرها
هي الوحيدة اللي تعرف اذا كانت صادقة في الوحم و لا راني نستغل الامر
مثلا كاين لي تكره حماها و لا عجوزها و تجيها فرصة الوحم و تخرج
فيهم كامل الغل هههههه
اما اللي نتكون صادقة فمن منتهى السعادة تقديم ما تشتهي
ايام زمان كانت اخي خدام بعيد و زوجته في مرحلة الوحم
ماكانش اللي تقوله كانت تحشم بزااف
كانت و تجي في الكولوار و تسمعني و تقول راه في خاطري
لحم او فاكية ، كنت تشري ليها و نحطه في بيتها بلا ما تشوفني
و بلا ما نحرجها حتى وضعت حملها و زوجها غايب لمدة اشهر

اما عن المدام فصراحة نقلشها في الوحم و ما نخلي حتى حاجة في بالها
لأني انا الوحيد اللي يفهمها
في حالة كانت تطلب البوزلوف طايب و واجد و كنت نسافر لمسافة 80 كلم نجيبه ليها ههههه المصيبة انها كانت تعمره ملح و تاكله وحدها ههههههه
او تطلب الدلاع في الشتا و كنت نسافر للمدينة و نجيبه و كنت نطلب دعواتها

احيانا تتوحم على الطين و احيانا على السلاطة و الطماطم او البصل و الحرور
ههههههه و هكذا هي غرائب الوحم اختي مريم

 

[إلياس]

نصائح للسيطرة على الوحم هناك مجموعة من النصائح التي يمكن اتباعها للسيطرة على الرغبة بتناول الأطعمة خلال الحمل، ومنها ما يلي تناول طعام صحي ومتوازن، يحتوي على مشتقات البروتين الخالية من الدهون، وكذلك مشتقات الألبان قليلة الدسم، والحبوب، والفواكه، والخضراوات، والبقوليات. تناول الطعام بشكل منتظم، لتجنب حدوث انخفاض في مستويات السكر في الدم، إذ يُعتبر هذا الانخفاض مُحفّزاً للوحم، وللمساعدة على تحقيق ذلك يُنصح بتقسيم الوجبات إلى ست وجبات صغيرة في اليوم. ممارسة بعض التمارين الرياضية والأنشطة البدنية بشكل منتظم بعد استشارة الطبيب. تناول الأطعمة ذات السعرات الحرارية القليلة، مثل اللبن المجمد منزوع الدسم بدلاً من تناول المثلّجات. تناول قطعة صغيرة من الحلوى عند الشعور بالرغبة في تناول الحلوى أو اختيار كيس صغير الحجم من رقائق الخبز أو الشيبس عند الرغبة بشيء مالح للحد من تناول الدهون بشكل عام. الامتناع عن تناول الأطعمة غير الصحية التي تؤثر في صحة الحامل أو الجنين مهما كانت الرغبة جامحة لها، وتشمل هذه الأطعمة ما يلي: البيض والمأكولات البحرية واللحوم النيئة وغير المطبوخة جيداً. الحليب غير المبستر وأية أطعمة مصنوعة منه، بما في ذلك الجبن الأبيض الطري، والفيتا، والكامامبير، والروكفور، والأجبان المكسيكية. العصير غير المبستر. براعم الخضروات النيئة، بما في ذلك البرسيم الحجازي، والنفل، والفجل. شاي الأعشاب.

 

[Jorh]

يا حي عليا قستيني في الوتر الحساس
كانت اختي لازم كل ما تجي للدار لازم انا لي نديرلها تاكل
من بعد الحلوفة اعترفتلي بلي كانت ديرها بالعاني
...
كاين رجال يزيد عليهم الحال ياختي .... ميحبسوش ختاه يطيح البيبي ... ربي يهديهم .... اما بخصوص ذووك لي يستو كاين ربي
وحدة نعرفها لقاتها فرصة باه تقسم على شيخها وعجوزها حزموني ورزموني وسايسوني لنطيح

 

[الوهم]

يا مريم ختي لو كان طلي عليا لوحم قتلنيييييي والله غير واش قلتي كامل صحيح مكانش لي ساعفك واا يحس بيك ويقولك راهي غي تلعب فيها حنا بكري مالنا ها كل واحدة وجسمها وماكلت بكري ماهي كي ضرك الله المستعان انا في توأمي توحمت على بطيخ في شتا جابولي ميسيو كليتو وخدي قالي اعطيني نذوق قتلو والله ماتديها مافقتش كفاه قلتها ودرك راه في خاطري غير لي جي في سدرة نبق ما صبتوش وبالولي مش وقتو رايحة نهبل حابة نشم غير ريحتو ومعليش

 

[السلطانة]

هههههه نقرا فموضوعك ونتفكر فاحلى ايام

مع زوجي وأمي طبعا وخلي البير بغطاه يختي هههههه لي فات مات منيش حابة نتفكرو

احتفظت بالذكريات السعيدة الحمل اصلا اجمل ذكرى
بحملي بالطفلة حبيت الاكل الحلو والسكاكر
بالطفل المالح والحار
زوجي ربي يحفظو يجيبلي واش حبيت
والدتي قامت بيا ربي يحفظها

بالبنت كنت نخدم كلشي مع العايلة...
بالطفل كيف كيف فات رمضان وعدة مناسبات.. حالتي ساءت صحيا مكنتش عارفة تقريب تهلكت لولا ستر الله والحمد لله على كل حال

الوحم كاين منو ولي يقول مكانش اكيد مجربش

تحياتي

 

[صانعة الإبتسامة]

سلام عليكم
أنا قبل كنت نستغرب في نساء لي يتوحمو ونقول يزيدو عليها شوية مش هكا الوحم بصح كي جربت حسيت بيهم والله قالك مايحس بالجمرة غير لي كواتو والله اصعب شيء الوحم تكرهي كلش حتى ناس ههههه انا وحامي صعيييييييييب الماء ومانشربوش فمابالك الماكلة عايشة هكا برك وكل يوم حشاك الاستفراغ مي ضرك شوي تحسنت الحمد لله أما الحاجة لي توحمت عليها هي الكورجات بالرغم كنت فايت نكررررها بزاااف وضرك نموت عليها وتوحمت على الحاجات الحلوة كما البسبوسة الأهم أنو ربي يحفظلي وليدي وكملي على خير
بالنسبة لزوجي ربي يحفظهولي مساعفني بزاف اما عجوزتي كما ماما تحبني وحاسة بيا يعني الحمد لله كلش تمام.
موضوعك جاء في وقتو

 

[Oussama.GF]

سلام عليكم
حمد الله واحد ماشي مزوج مزالو صغير مي جيت ندي شوي معلوماتبلاك يفيدو
هي في صخ لازم زوج يريح مرتو في هذي فترة بسك تتعب بزاف معا دار وادا كانو عندها اولاد وش يصبرها وخاصة هاصة اذا ستكنة وحدها
يعني شفت اخت الكريمة كيفاه عدات حتان ولينا نجو نعونها خطرش ساكنة وحدها
ربي يعين كل امؤة فحلة وقافزة ونشاله ربي يرزقنا الذرية صالحة