قالوا ناس بكري

[وۣۗهۣۗہۣۗم]

اللى فاتك بليلة فاتك بحيلة ​

 

[إلياس]

 

[إلياس]

 

[حفياد آدم]

ناس بكري قالو
يروح زمان ويجي زمان تولي المرأة ماتحكم الدار والقط مايحكم الفار والفلفل مايولي حار و تنقص لمة بين الجار والجار

​

 

[حفياد آدم]

ناس زمان ڤالوا..
اللي يحبك يستر ذنوبك.. و اللي يكرهك يفضح عيوبك...
​

 

[حفياد آدم]

ناس زمان قالو
ما ينفعك في الضّيق غير ذراعك، وما يوكّلك الحلو غير صباعك.. لي راح وخلّاك، يجي النهار ويتمناك، ما تقطع الواد حتى يبانو حجارو، وما تمشي في الليل حتى يطلع نهارو، وما تصاحب حدّ حتى تعرف خبارو . لي أصلو تفاح عمرو ما يتلاح، ولي أصلو دفلى، عمرو ما يحلى،

​

 

[حفياد آدم]

قالو ناس زمان
زلقت لقدام توجع الركايب و زلة اللسان توجع لحبايب عثرة الأرض تبرا و تطيب و عثرت اللسان تجرح لحبيب جرح الهبرة يبرا و يصير ملموم و جرح اللسان ما يبرا ويبقى في القلب مرسوم .. و يقولو ضربة بدمها و لا كلمة بسمها .. أما زلقة الأيام مصايب ما كيفها مصايب ..
​

 

[وۣۗهۣۗہۣۗم]

قالووا ناس زمان
زهر شباب مور الباب ​

 

[بنت الشمال]

بارك الله فيك على الموضوع
وبارك الله في كل من أثرى الموضوع بأقوال جميلة ومعظمها كانت أول مرة نسمعها

 

[Tama Aliche]

السلام عليكم ورحمة الله
بارك الله فيك على هذا الموضوع الجميل ، المليء بالحكم ما شاء الله . وبارك الله في كل من مر من هنا ، جميل أن تجد أمثالا كهذه تضرب في وجه من لا يعرف المعنى من كونه إنسان لا يجب أن يظلم و يجرح أو يستغل و لأقول لكم :" ذيك النعمة ياه هههه "

" الفرح و الضيق ما يغرك اللي وقف معاك ، كلشي يتبدل كيما الحال .. "

 

[إلياس]

 

[إلياس]

 

[حفياد آدم]

ياناشر العجب كونك قياس

البنيان الشامخ ينقاس بساسو

والذهب الحر عمرو مايرخاس

والدرغم عيب وعار يوطي راسو

اللبة للصيد خيار التوناس

كي التاج المرصع

زينتلو راسو

والقلب البارد يكون بلا إحساس

والزيت في أصلو خالق من تعفاسو

أعرف ووأزن الكلام ياك الحديث قياسو

شرب العنصر ماهو كي شرب الكاس

واللي مايشبع من المجمع مايشبع من تلحاسو

اللي سبقونا قالو الحديث قياس

واللي ماقاس الغير ليه قاسو

واحد بهاه في حسن اللباس

والاخر بهاه في رجاحة راسو

تحية من القلب

للناس اللي تفهم المعاني

 

[ناصر dz]

عام يكثر التبن يكثر اللبن

 

[ناصر dz]

قد ماتكبر العين الحاجب فوقها

 

[aljentel]

قالوا ناس بكري
من لاتعلم ماتسره العلوم
وقالوا
اللي ما يعلمه قلبه ما تعلمه الناس
وقالوا
ما يقطع الفرجه صبي يناوي

 

[sana barhoumi]

 

[حفياد آدم]

ناس بكري قالو
زين الماكلة ما حضر
وزين اللبسة ما ستر
وزين اللمة كبيرها
وزين دار صغيرها
وزين الدنيا المال
وزين لاخرة صالح الأعمال
​

 

[بسمة القلوب]

والله كلمات من ذهب
قالو ناس زمان :
عز البنت مع بوها ،وبلا بوها تنهان ،لوكان شيخ القبيلة خوها ،و راجلها ولد السلطان
الراجل لي ما يعرف لا ذبيحة لا سليخة زواجه ببنت الناس فضيحة
المراة لي متعرف تغسل لا مصران لا دوارة زواجها بولد الناس خسارة

 

[حفياد آدم]

والله كلمات من ذهب
قالو ناس زمان :
عز البنت مع بوها ،وبلا بوها تنهان ،لوكان شيخ القبيلة خوها ،و راجلها ولد السلطان
الراجل لي ما يعرف لا ذبيحة لا سليخة زواجه ببنت الناس فضيحة
المراة لي متعرف تغسل لا مصران لا دوارة زواجها بولد الناس خسارة

قالو ثاني ناس زمان
بنت العز لما تطلع من بيت عز
و تفوت علىٰ بيت جديد تتعامل مع الناس بأصل
لإنها شبعانة عند ٱهلها

ٱما البنت المحرومة
لما تفوت علىٰ بيت العز تتكبر علىٰ الناس
لإنها طلعت من الحرمان و دخلت علىٰ وضع كثير عليها

لا تخافوا من بنت العز
خافوا من الي دخلت علىٰ العز جديد
و علىٰ مبدأ ..