قالوا ناس بكري

ناس بكري قالو 🤗
.الشتاء شم وغم ،،،🌧️🌧️
والربيع أشكر و لا تذم ،،،🌻💐
والخريف أجري ولم ،،،🍁🍂
ومحلى الصيف لوكان يتم ،،،🍹🥤
قال الربيع أنا بزهوري ..🌹🌺
وقال الصيف أنا ببحوري ..⛵
وقال الخريف أنا بتموري ..🌴🌴
و قال الشتاء أنا بكانوني و بخوري ..🏺🧺
الشتاء شدة ،والربيع منام، والصيف ضيف، والخريف بركة العام ..
اللهم أرزقنا الغيث النافع🤲❤️
 

قالك ....​

اللى فاتك بالزين فوتوو بالتبسيمة ....😀​

واللى فاتك بالعلم فوتوو بالقفازة ....😏 ​

واللى فاتك بالصحة فوتوو بالمساعفة.... 😌​

 
قالوا ناس بكري ...
النّاس بالنّاس والنّاس بالله، كاين ناس تجي في حياتك كيما النعمة، وناس تجي وتخلّي غُمّة، ناس محلاهم كيما النسمة، وناس عمرك ما تشوف عليهم بسمة، كاين ناس كي تشوفهم تنسى وتغفر وناس كي تشوفهم تولّي تستغفر، ناس بكلمة يوصلوك للقمّة وناس بكلمة يحبطو الهمّة، ناس بسكاتها ذهب معيّر، وناس بسكاتها قلوب تحيّر.
 
ناس بكري قالو:
الله لايطيّحنا بالعِشرة المُرّة وإلّي جُرتُو جُرَّة..​
 
ناس بكري قالو:​

زلة لقدام توجع الركايب ​

وزلة اللسان توجع لحبايب​

عثرة الأرض تبرا وتطيب​

و عثرت اللسان تجرح الحبيب​

جرح اللحم يبرا ويصير ملموم​

وجرح اللسان مايبرا ويبقى في القلب مرسوم ، ضربة بدمها ولا كلمة بسمها​

 
ناس بكري قالو:
طعم لمرارة تلقاه في الصبر، والصبر ماينتج غير الإنسان الحر،
والحر يتعامل بالطيب وكلامو سكر، وسكر كلامو يزيدك زيادة في القدر، والقدر يرفع صاحبو بين البشر، رد بالك من حاجتين:
تبدل الرجال بالمال راهي بيعتك خسارة
تبدل الاشراف بالأنذال وتضيع عليك الدبارة​
 
ناس بكري قالو:
.... ثلاثة يقلبو الذهب نحاس .....
لي كان برزقو ..........................ورجع خماس
ولي باع بلادو ......ورجع يدور في بلادات الناس
ولي قرا حتى عيا .............ورجع للبالة والفاس​
 
قالو ناس زمان
الدنيا تعلمك و تشوف العجايب
ساعات تشكي همك للحجر يجاوب
و ساعات كلامك مع العباد غرايب
ساعات تلاقي من الاغراب حبايب
و ساعات ترجع من قريبك خايب
يا ناس الغدر ما عندو سبايب
كل ضعيف عند خالقو نايب
و يا سعد كل مسلم تايب
​
 
كانَ رَسولُ اللهِ صَلَّى اللَّهُ عليه وَسَلَّمَ إذَا خَطَبَ احْمَرَّتْ عَيْنَاهُ، وَعَلَا صَوْتُهُ، وَاشْتَدَّ غَضَبُهُ، حتَّى كَأنَّهُ مُنْذِرُ جَيْشٍ يقولُ: صَبَّحَكُمْ وَمَسَّاكُمْ، ويقولُ: بُعِثْتُ أَنَا وَالسَّاعَةُ كَهَاتَيْنِ، وَيَقْرُنُ بيْنَ إصْبَعَيْهِ: السَّبَّابَةِ وَالْوُسْطَى، ويقولُ: أَمَّا بَعْدُ؛ فإنَّ خَيْرَ الحَديثِ كِتَابُ اللهِ، وَخَيْرُ الهُدَى هُدَى مُحَمَّدٍ، وَشَرُّ الأُمُورِ مُحْدَثَاتُهَا، وَكُلُّ بدْعَةٍ ضَلَالَةٌ، ثُمَّ يقولُ: أَنَا أَوْلَى بكُلِّ مُؤْمِنٍ مِن نَفْسِهِ؛ مَن تَرَكَ مَالًا فَلأَهْلِهِ، وَمَن تَرَكَ دَيْنًا أَوْ ضَيَاعًا، فَإِلَيَّ وَعَلَيَّ. [وفي رواية]: كَانَتْ خُطْبَةُ النَّبيِّ صَلَّى اللَّهُ عليه وَسَلَّمَ يَومَ الجُمُعَةِ يَحْمَدُ اللَّهَ، وَيُثْنِي عليه، ثُمَّ يقولُ علَى إثْرِ ذلكَ، وَقَدْ عَلَا صَوْتُهُ، ثُمَّ سَاقَ الحَدِيثَ، بمِثْلِهِ.
الراوي : جابر بن عبدالله | المحدث : مسلم | المصدر : صحيح مسلم
الصفحة أو الرقم: 867 | خلاصة حكم المحدث : [صحيح]​
 
قالو ولد الفار يخرج حفار
وقالو شجرة التفاح ماتجيبش الشوك
 
قالو ناس زمان
لي مايسال عليك لا تكثر عليه لملامة
اذا جا مرحبا واذا راح بسلامة
 
ناس بكري قالوا :

من ضيع داره قل مقداره

من جد وجد ومن زرع حصد

إن بغيت تضمه إسأل عن أمه
 
قالو ناس زمان
صبري على ضري ولا صبر الناس عليا
نداوي جروحي بروحي لا من يعلم بيا
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top