ضيف السهرة العدد السابع جليلوس

[جليلوس]

عودت اليك أخي

1. قل كلمة لي القدس ، الجزائر ، مينامر ، الصحراء الغربية
2. كلمة للاعضاء المنتدى
3. ما عنوانك في الحياة
4. كيف تقضي وقتك في رمضان
5. ماهي احلى ذكرى عندك
6. ماهي أسوأ ذكرى عندك

ربي يحفظك و يسترك وويفرحك أخي
لا تسناني من صالح دعاءكم

اهلا بيك اخي مجددا مرحبا
القدس : في القلب وعليها نموت ونحيا
الجزائر : بلادي وان جارت علي عزيزة ارضي وارض اجدادي ... الكلمة هاديك مافهمتهاش
الصحراء الغربية : جارتنا ربي يفك حصارها
اود ان اوجه رسالتي لكل عضو من المدير الى اخر عضو مسجل فيه ربي يحفظكم ويعطيكم ماتتمناو دنيا واخرة اتهلاو في المنتدى راه امانة عندكم
عنواني فالحياة : الحياة جامي تضحكك لازم تبكيك الحجر وتمرمدك واذا غمزتلك اعرف بلي لي جاي اكتر ملي راح ... عنواني هو اصبر ماكاش لي لقاها كيما بغاها
راني خبرتكم دير دورة وشوف لفوق
احلى ذكرى عندي نهار عرسي هههعع وخبر تاع راح نولي أب يا ربي ترزق كل محروم يارب
واسوأ ذكرى عندي هي نهار ماتت العزيزة جدتي حنينتي وميمتي ربي يرحمها ويجعل مثواها الجنة
شكرا لك اخي

 

[جليلوس]

رسـآإلـة شـكـِـِر لـعضـو / عضوة ؟
2- كلمـة عامة للاعضاء في هذا الشهر ؟
3 - كم ساعه معدل جلوسك على النت في رمضان ؟
4 - عضو او عضوة تتمنى ان يطبخ لك وجبه فيرمضان وماهي الوجبه ؟؟

نحب نشكر كل الاعضاء على مجهوداتهم ورقيهم بهاد الصرح وشكر خاص للاخت @السلطانة توجور تعاوني ربي يعطيها كل خير
جزاكم الله خيرا ... ربي يفك غبينة كل مغبون ويشافي كل مريض ويعافي كل صحيح ويعطيكم حتى يرضيكم
هههههه والله ماعلابالي شحال من ساعة بصح نطول باينة
هههههه شيفات قسم الطبخ لي نعرفهم كاين @سكون الفجر و @ السلطانة خلوني ني عاد نايض من بعد نتقلش عليهم يطيبولي واش تشهيت هههههه

 

[جليلوس]

سلام عليكم
استضفتو خيو جليل والله مليح نهبلوه شوي
بون لقيتهم كملو قاع الأسئلة يابن عمي مايخلو والو
1علاه تدخل غير في رمضان للمة ولا حالفة فيك المدام اعترف ؟
2بما انك تحب مثوم تحبو مرقة بيضاء ولا حمراء؟
3بوراك باش تحبو محشي؟
4انت من نوع لي يتشرط على ماكلة ويبدا يتشنف مع لفطور ولا عادي تاكل وتسكت؟
5كاش نهار فطرت ونسيت بلي راك صايم؟
6كاش نهار ماتسحرتش؟ كما انا صراتلي اليوم وانا نتسحر اذن عليا حبست واااااع جاتني البكية
7شحال من ولاية زرتها؟
8شخص ماتتصورش لحياة بلا بيه؟ شغل اوكسجين تاعك
9كاش نهار تعرضت للخيانة من شخص قريب ليك؟
10كلمة عن صانعة الإبتسامة

مرحبا مرحبا بيك خيتو
هههههه لا لا والله غير اللمة تحلالي خاصة في رمضان نلقى راحتي
نحب المتوم بالمرقة البيضاء
المهم بوراك يلا بغا محشي بالسلق
نتشرط على الماكلة اكيد بصح ناكلها مانخليهاش علاش تاعبين نهار كامل ونجي انا نخليهالهم عيب عليا
هههههه شربت الما خطرة وهو يأذن )الفجر ( وانا صايم غلطة من الدفااااع
خطرة واه نسينا رواحنا بقات عشر دقايق ويأذن علينا هههههه يا حسراه كي ولينا
راني قريب عشر ولايات ونتمنى ندور بلادي كاملة ان شاء الله
ها ميمتي مانجمش نتخيل حياتنا بلا بيها
اكيد وماراح نسمحلوا لا دنيا لا اخرة حسبي الله ونعم الوكيل
روحي راكي رابحة الله يعمر دارك ان شاء الله

 

[سكون الفجر]

السلام عليكم ورحمة الله وبركاته
كالعادة أختكم تأتي متأخرة لأني لا أستطيع السهر معكم ههههه الله المستعان
والأخوة والأخوات لم يتركوا لي أسئلة
الله يحفظكم أخي ويحفظ لكم الأهل والزوجة ويرزقكم الذرية الصالحة آمين يارب

 

[جليلوس]

السلام عليكم ورحمة الله وبركاته
كالعادة أختكم تأتي متأخرة لأني لا أستطيع السهر معكم ههههه الله المستعان
والأخوة والأخوات لم يتركوا لي أسئلة
الله يحفظكم أخي ويحفظ لكم الأهل والزوجة ويرزقكم الذرية الصالحة آمين يارب

اهلا بيك اختي سكون الفجر
معليش حتي ان تأتي متأخرا افضل من لا تأتي ابدا شكرا ربي يخليك اللهم آمييييين يارب واياكم

 

[صانعة الإبتسامة]

مزال كاين الخير
1أخي جليل في عوايدك في رمضان تحط موضوع كي شغل دردشة صائم وعلاه ماحطيتوش في هاد رمضان؟
2يغلبك رمضان ولا لالا؟
3زلابية ولا قلب اللوز؟
4شربات ولا ڨازوز؟
5طبق مستحييييييييييل يكون مش موجود على مائدة الإفطار؟
6مدام تعرف طيب ولا غير كور ومد لعور؟
7حاجة تكرها في ماكلة؟
8ماهي انطباعاتك على صلاة المسجد حاليا يعني على تباعد؟
9إذا عطيتك مليار مدة ساعة برك واش دير بيه قبل لا نحهولك؟
10لو يرجع زمن للوراء واش الحاجة لي كنت متمنيها ماتصراش؟

 

[جليلوس]

مزال كاين الخير
1أخي جليل في عوايدك في رمضان تحط موضوع كي شغل دردشة صائم وعلاه ماحطيتوش في هاد رمضان؟
2يغلبك رمضان ولا لالا؟
3زلابية ولا قلب اللوز؟
4شربات ولا ڨازوز؟
5طبق مستحييييييييييل يكون مش موجود على مائدة الإفطار؟
6مدام تعرف طيب ولا غير كور ومد لعور؟
7حاجة تكرها في ماكلة؟
8ماهي انطباعاتك على صلاة المسجد حاليا يعني على تباعد؟
9إذا عطيتك مليار مدة ساعة برك واش دير بيه قبل لا نحهولك؟
10لو يرجع زمن للوراء واش الحاجة لي كنت متمنيها ماتصراش؟

يا بن عمي جيتي تاني انا قلت نريح شوي ها حوجي
والوا ماجاتش الفرصة برك لي موالف نقصر معاهم وندردش راهم غايبين بصح يلا بغيتو نحطو معليش ونڨلبوووه
لا لا مايغلبنيش برك العطش يكمل عليا
الزلابية مانحملهاش لربي اما قلب اللوز لازم تكون نموت عليها
لا لا ڨازوز خير
الحريرة باينة هادي
هههههه كور واعطي لعور هههههه
نكره البسباس ونحير فالناس كيفاش ياكلوه
ياختي مانيش نزعق بصح حطونا كيما الداما ولا لعبة الشطرنج اودي والله ما حالا قاع الكورونا كاينة غ فالجامع علاه مكانش فالاسواق والمحلات ولا بوست ولا ميري وووو خلينا حمباباك راهم غ يشكلوا علينا
كنتوحاب سكنة ولوطو نروح بيها للخدمة ولي يبقى نعاونو بيه دار الايتام ولا الشيخوخة بصح مليار مايدير والوا زيدي شوي
الحمد لله على كلش ... وقاع لي فات نحمدو ربي عليه ولي جاي مرحبا بيه راضي بكلش ولله الحمد

 

[A-Boudjema]

السلام عليكم خويا جليلوس سمحلي والله ماكنت متفرغ البارح بصح اليوم راني قاعد غير ليك ندير تحقيق معاك
1- من أي ولاية
2- طبقك المفضل في رمضان
3- واش مالتحليات تحب في رمضان
4- قهوة ولا اتاي ولا ماء
5- كيفاش تعرفت على المنتدى
6- كيفاش تقضي يومك في رمضان
7- عندك ورد يومي لقراءة القران الكريم ؟
8- كاين فرق بين رمضان هذا ورمضان تع الأعوام السابقة ؟ واذا كان موجود فما هو ؟
9- واش مالبرنامج لي تحب تتفرجو في رمضان ؟
10- كاش مسلسلات ولا خاطيك ؟
11- رسالة لمن يحفظ القرآن في رمضان
12- كاش نهار غلطت وفطرت في رمضان ؟

ضك نطلع للمريخ نزيد نجيب شوية أسئلة ونجي
صحا فطوركم

 

[اسماعيل22]

السلام عليكم ..صح رمضانكم
موضوع جميل واسئلة راقية ومسلية ..احسنتم اختيار الضيف وكيف لا فهو الاستاذ الاخ والصديق المحبوب من الجميع جليلو الذي عودنا ان يكون مضيافا وفاتحا قلبه للكل دون ضغينة او حقد بل محبا ومبتسما وترى من اجاباته الحماس والفرحة يتركنا نتحمس في القراءة ونبتسم دون ان ندرك ..ليس لي اسئلة اطرحها فقط انا مار من هنا لاتمنى لكم التوفيق والنجاح ..استمتعت بالحوار الذي دار بينكم
بارك الله فيكم ..صح فطوركم

 

[السلطانة]

-كاش مواقف مضحكة مع التلاميذ في القسم هههه وانت صايم؟
-واش من سنة راك تدرس ولا كامل؟
-موالف تشد سنة خامسة ولاتحب رابعة وثالثة؟
-واش تحب في التلاميذ لي تقريهم؟

 

[جليلوس]

السلام عليكم خويا جليلوس سمحلي والله ماكنت متفرغ البارح بصح اليوم راني قاعد غير ليك ندير تحقيق معاك
1- من أي ولاية
2- طبقك المفضل في رمضان
3- واش مالتحليات تحب في رمضان
4- قهوة ولا اتاي ولا ماء
5- كيفاش تعرفت على المنتدى
6- كيفاش تقضي يومك في رمضان
7- عندك ورد يومي لقراءة القران الكريم ؟
8- كاين فرق بين رمضان هذا ورمضان تع الأعوام السابقة ؟ واذا كان موجود فما هو ؟
9- واش مالبرنامج لي تحب تتفرجو في رمضان ؟
10- كاش مسلسلات ولا خاطيك ؟
11- رسالة لمن يحفظ القرآن في رمضان
12- كاش نهار غلطت وفطرت في رمضان ؟

ضك نطلع للمريخ نزيد نجيب شوية أسئلة ونجي
صحا فطوركم

1- انا من ولاية تيارت
2- قلتلكم الحريرة والبوراك
3- نبغي الفلون تاع التشيكولا يترععععد هههههه ولا البقلاوة
4- قهوة والماء هو الصح لاتاي خاطيني
5- عن طريق النت برك
6- راني ذكرت في رد سابق ديرو طلة
7- عندي المعوذتين وآية الكرسي ماتخطينيش كل يوم في فمي
8- الحمد لله كاين فرق كبير بين رمضان هاد العام والعام لي فات رانا نصلوا التراويح ونخرجو شوي رحمة ربي ربي يدومها
9- خسارة برنامج خزاطر ماراهمش يديروه كان برنامجي المفضل
10- لا لا كاين نتفرجهم ههههه راني قلتلكم وديفوا يجيني الحنين نعاود تاع الكواسر والجوارح ههههه
11- الله يرزقك حب القرآن ويكملك ماراك متمنى حافظ على كتاب الله واعمل بما جاء به
12- ههههه مزال ماصراتش ويلا صرات وانا ماحسيتش ربي يغفرلي اطعمني الله وسقاني هههه
بن عمي ها خلوني نريح شوي والله دوخوووني
اوموا كون جبتولي كاس اتاي في السهرة ومعاه قلب اللوز راها الحالة ناشفة
صحا فطوركم

 

[جليلوس]

السلام عليكم ..صح رمضانكم
موضوع جميل واسئلة راقية ومسلية ..احسنتم اختيار الضيف وكيف لا فهو الاستاذ الاخ والصديق المحبوب من الجميع جليلو الذي عودنا ان يكون مضيافا وفاتحا قلبه للكل دون ضغينة او حقد بل محبا ومبتسما وترى من اجاباته الحماس والفرحة يتركنا نتحمس في القراءة ونبتسم دون ان ندرك ..ليس لي اسئلة اطرحها فقط انا مار من هنا لاتمنى لكم التوفيق والنجاح ..استمتعت بالحوار الذي دار بينكم
بارك الله فيكم ..صح فطوركم

يااااا شكون جااااا ....
اسماعيييييل خويا العزيز مرحبا بيك زيارتنا بركة توحشتك وين راك هادا ماراك تبان لا هنا لا لهيه
ان شاء الله تكون بخير برك والعايلة الكريمة وصحا رمضانكم وكل عام وانتم بخير

هههههه حوجي يانا حشمتني ها مالك .... بن عميييي
شكرا لك لتواجدك ... تفطر بالصحة وتهلا في روحك

 

[جليلوس]

-كاش مواقف مضحكة مع التلاميذ في القسم هههه وانت صايم؟
-واش من سنة راك تدرس ولا كامل؟
-موالف تشد سنة خامسة ولاتحب رابعة وثالثة؟
-واش تحب في التلاميذ لي تقريهم؟

ههههه راني نظل مدابز مع معلمتهم تاع العربية هي تقولي ماتسيفش عليهم الصيام راهم في فترة المراجعة وصغار وانا نقولها خليهم يصبغ في قلوبهم وهوما مافاهمين والوا هههههه
بحكم نقري لغة فرنسة وراني في منطقة نائية نقريهم كامل
موالف نشدهم كامل هادي خمس سنين وهادا السادس نفس الشي
جايين هادئين ومتربيين وباغيين يقراو رغم امكانياتهم البسيطة تشوفهم يجو في البرد قلبك يضرك والله وكي يجي هاد الوقت من السنة الدراسية ننضر بسكو نتوحشهم وراح نفارقهم مانقدش نودعهم والله ربيت عليهم الكبدة هههههه

 

[A-Boudjema]

1- انا من ولاية تيارت
2- قلتلكم الحريرة والبوراك
3- نبغي الفلون تاع التشيكولا يترععععد هههههه ولا البقلاوة
4- قهوة والماء هو الصح لاتاي خاطيني
5- عن طريق النت برك
6- راني ذكرت في رد سابق ديرو طلة
7- عندي المعوذتين وآية الكرسي ماتخطينيش كل يوم في فمي
8- الحمد لله كاين فرق كبير بين رمضان هاد العام والعام لي فات رانا نصلوا التراويح ونخرجو شوي رحمة ربي ربي يدومها
9- خسارة برنامج خزاطر ماراهمش يديروه كان برنامجي المفضل
10- لا لا كاين نتفرجهم ههههه راني قلتلكم وديفوا يجيني الحنين نعاود تاع الكواسر والجوارح ههههه
11- الله يرزقك حب القرآن ويكملك ماراك متمنى حافظ على كتاب الله واعمل بما جاء به
12- ههههه مزال ماصراتش ويلا صرات وانا ماحسيتش ربي يغفرلي اطعمني الله وسقاني هههه
بن عمي ها خلوني نريح شوي والله دوخوووني
اوموا كون جبتولي كاس اتاي في السهرة ومعاه قلب اللوز راها الحالة ناشفة
صحا فطوركم

بصح ياك قلت بلي لاتاي خاطيك لاه تحوس عليه فالسهرة قولنا قهوة صحا

 

[جليلوس]

بصح ياك قلت بلي لاتاي خاطيك لاه تحوس عليه فالسهرة قولنا قهوة صحا

ياودي ماديرش عليا غلطة برك ههههههه
راه مكملني اليوم العطش

 

[A-Boudjema]

ياودي ماديرش عليا غلطة برك ههههههه
راه مكملني اليوم العطش

معليش معليش مبقاش بزاف وياذن

 

[صانعة الإبتسامة]

وي حطنا موضوع تاع دردشات صائم اذا بغيت زعما

 

[sami44]

اعطيني عنوان مناسب للصوره ويكون خاص بشهر رمضان هههههه

 

[السلطانة]

ههههه راني نظل مدابز مع معلمتهم تاع العربية هي تقولي ماتسيفش عليهم الصيام راهم في فترة المراجعة وصغار وانا نقولها خليهم يصبغ في قلوبهم وهوما مافاهمين والوا هههههه
بحكم نقري لغة فرنسة وراني في منطقة نائية نقريهم كامل
موالف نشدهم كامل هادي خمس سنين وهادا السادس نفس الشي
جايين هادئين ومتربيين وباغيين يقراو رغم امكانياتهم البسيطة تشوفهم يجو في البرد قلبك يضرك والله وكي يجي هاد الوقت من السنة الدراسية ننضر بسكو نتوحشهم وراح نفارقهم مانقدش نودعهم والله ربيت عليهم الكبدة هههههه

ربي يحفظهم ويوفقهم يارب
شحال يغيضو كي يجو يقرو فالبرد
ربي يقدرك ويخليك الاستاذ الحنون هههه

 

[جليلوس]

وي حطنا موضوع تاع دردشات صائم اذا بغيت زعما

ان شاء الله واه اصبري عليا برك