يااااا شكون راهي فوق الكرسي تتصدر هههههه علاه ماتعيطوليش نصور علاه عيب عليكم ليلوش مرحبا بيك معنا
اهلا وسهلا جليلوس والله ما يحشمو صدروني بوجهي صفر فرمضان أموا واحد يصبغ وجهو ويطلس والو سلطانة ما تخليلكش فرصة
نزلت اهلا وحللت سهلا اتمنى تكون اسئلتي خفيفة وماكثرتش عليك ههههه
أودي وبن حللت ونزلاي اني عيانة ههه
انا نعرفك غايا خير من روحك هههههه بصح خلينا نسقسوووك شوي
أوي جليلوس هو مرآتي
نبداو على بركة الله...
بسم الله
لــمــاذا
لماذا تعشق ليليا الطوايش هههه
والله خلقت ربي من نشفا لروحي دايرة هاكا
لماذا إخترت إسمك المستعار
تعرف انو ليليا اسمي ثاني بعد اسم دفتر ومرام اشتقته من اسمي مريم فمنتدى اخر لانو عضو عزيز قالي نشوف فيك أختي متوفية مريم سميت روحي مريم فهذيك عضوية علجالو وهنا بدلتو مرام
لماذا في إعتقادك أن العضو الذي سبقك إختارك للإستضافة انا ني نشوف وجهك صحيح ضيفتي روحك
هي من ناحية وجهي صحيح بلاندي ..اخويا انا بعثولي تقبلي قبلت لا ضبفت روحي لا والو واقيل عندبالك صح 
أيـــن
أين تقضي ليليا كل وقتها
فالدار يا حسرة وين راح نروح
أين تجدين راحة البال
والله فدارنا باب مغلوق فغرفتي مع تلفوني دنيا وما فيها
أين تجدين نفسك في البيت
غرفة صغيرة وطبعا يمى انسى تبرا تخليني وحدي انا نقرا ونتبع فحاجة وهي عند راسي تهدر
أين تجدين نفسك بالغربه
والله ما نخبش غربة ما نقدرش نعيش فيها
أين تذهبين لو أعطيت لك إجازة اليوم
مــن
نروح لوهران نحبها
من علمته الرماية فرماك
ااهةماشي رماني برك كلاني خلي برك حسبي الله ونعم الوكيل
من يعجبك من أعضاء اللمة ؟ لك الحرية في ذكر عدة أسماء
ايه بزاف معروفين ما نحددش أسماء راهم بزاف
من هو صديقك الصدوق
أنت طبعا هنا وبرا فالواقع
من أى شئ تغضب ليليا؟
اااه تسونامي نتقلق كي نتفهم غلاط واحد يحصل فيا حاحة ما درتهاش ونكره العوج ومنكر ننطق من جنابي
مــتـى
متى تبكي بحرقه؟
كي نكون مريضة بزاف وما نلقاش باه نداوي وما نقدرش نطلب مساعدة نلقى روحي عاجزة فوق عجز والا نشوف بمى كبيىة ومريضة وتروح تخدك عند ناس نحس روحي ما نسواش
متى تجلسين لوحدك؟
عشت وحدي وقاعدة وحدي يوميا
متى تقولين لا؟
اي حاجة مش من رأيي انا محال ندير رأي ناس طبعا نقول لالا
متى تكون أنانية؟
أمر يتعلق بأمي اكيد نولي انانية ما نخمم فحتى واحد
متى تفكرين بقلبك ؟
وانا واش داني للواد من غير قلبي كي نوصل نحس بانسان لدرجة كبيرة نحط عقلي على جهة
متى تحقدين؟
عند صحتي نولي حاقدة اذا ما لقيتكش وقت شدتي ومرضي ما عندي ما نظير بيك ونحقد ونعرفك تموت ما نطلش عليك لانو انت درتها معايا مش انت يعني نحكي بالعام
كــيــف
كيف تعيشين يومك؟
والو جليل با مريضة يا مع شغل يا راقدة
كيف ترى ليليا حال الأمة اليوم؟
كارثة دنيا راحت ربي يسترنا من اللي جاي
كيف تنظرين لمستقبلك؟
ما عنديش مستقبل ننظرلو خلاص جليل كاش ما بقا كبرنا وصحة وراحت وفقدت كلش انا عايشة بلاما نشوف للمستقبل
كيف تنظر للمرأة وكيف تنظرين للرجل ؟؟
مرأة كرمها الاسلام وهي ام وزوجة واخت وإبنة ورجل نصف ثاني ربي خلقنا لبعضانا هذي هي
في عصر العولمة الحالي ما رأيك في حب الإنترنت
هو كاين منو لانو نت مجرد وسيلة تواصل لكن نتائجه يا تصدق با تخيب حسب الشخص
يقال أن الحب يمحو جميع العيوب والأخطاء في المحبوب ما تعليقك؟
مش يمحيها يخليك تعيش معاه بعيوبو وفي بالي تحب انسان تخاول تسڨم فيه صوالح او تتقبلو كيما راه الحب يخليك تغمض عينك على امور
ما هو سر نجاحك في الحياة؟
وشكون قالك نجحت انا خسرت كلش
ما أجمل مافي الحياة في نظرك؟
الصحة
هل
هل أنت عاطفية؟
أكيد عاطفية بعقلانية
هل أحبك أحد ما.. لكنك لم تبادلينه نفس الشعور؟
والله ما سمعت بيه شكون هذا هههه اودي قةلو ارواح تبادلك تبادلك راهي غير قاعدة من نبتك شكون يبغيني انا قدقة ومريضة ما نهربوش من واقع
هل صدمت بالخيانة من أعز أحبابك؟
طبعا عدة مرات
هل أنت فوضوية؟
عالعكس نظامية جدا
هل انت متمردة .. نوعاً ما .. وعلى من تتمردين؟
اكيد متمردة على جماعة بغلة ولو طارت المصنطحين اللي رايعم لازم يمشي وما يحترموش راي ناس هذو انا ماشي غير نتمرد
هل تنزعجين من ردود بعض الأعضاء؟
اللي يخلي نقاش ففكرة ويروح ليا انا كشخص ويا ريت حتر يعرفني طبعا نكره لازم يفرق بين ليليا مرام كعضوة ويخلي ليليا كانسانة برا من منتدى حاجة ما تخصوش
أخيراً ؛
لديك ورده لمن تهديها من فتيات المنتدى
@خوخه...وقفت معابا وقفة بالف رجل
لديك ورده لمن تهديها من شباب المنتدى
لك واكل الإخوة
موقف طريف لنا انا وياك تتذكرينه احكيه
هههه مواقف كثيرة فمرة جليل يحكي لي سر وعلاقة وحب من بعد قتلو با حليل ما تنعلش بليس وتخلي جدها ونديك انا ههههه طرطڨ جليل بضحك
اخوك جليل في سطرين ؟
خويا وصديقي واعز مخلوق عندي فدنيا بئر اسراري المخلص اللي عمرو لا تخلى عليا فاي ظرف ولا أي وقت سنوات عشرة جليل من ألخص وأوفى الناس ليا
