شيف اللمة ( طياب سيدي وين يدي )

[أبو عاتكة]

الملح يمكن أن يعوضه السمنة

قصدك السمن؟ نسيتو برك.

 

[أبو عاتكة]

والله يا نتا دايخ النهار وتحط في صوالح الكرش نخيك منين راك تجيب الافكار هههههه والله غير عجبتني المهم انا سبيسياليتي عجائن ما نعرف نشبعكم ما نعرف نرهجكم
بسم الله نبداو على بركة الله
اول حاجة نديرو طابلية مكاش كوزينة وطياب غير هاد لازم تكون انيق خويا الشاف مكسر اليدين
جماعة لي طالقين شعرهم احزموه ولا ديرو طاقية ولا بوني يقولك لي يطيب بشعرو ماكلتو تعيف حاشاكم هههههه سقسو جداتكم تقولكم انا خاطيني
الفايدة والحاصول ليوم راح نديرلكم مقارون بوحد الخلطة مانعرف واش هي المهم تبعو وماتضحكوش عليا نجيبو وحدة باكي مقارون نحطوا قدرة فيها الما والملح على النار جماعة لي فيه لاطونسيون ماكلاه يدير الملح مانزيدوش عليها باش مايلصقش يطبخ شوي عشر دقايق ونديرو مقارون فالما نحركو كل شوي حتى يطيب سواه مليح مليح
نجيبو صدر دجاج نقطعوه قطع مربعات صغيرة نديرو مقلة على النار فيها زيت نحطو اللحم فيها نقلوه مليح نديرو شوي ملح شوي حرور شوي توابل الدجاج ونخلوه يطيب مليح على نار هادئة كي يطيب داك اللحم نجيبو وحدة crème fraîche نضيفوها فوق هاداك اللحم نخلطو مليح حتى تكون جاية تقعد نشوفوا المقارون نتاعنا يلا طاب مليح نحوه نصفو الما ونضيفوه على خلطة الكريمة الطازجة واللحم المقطع نخلطو غايا وماننساوش نديرو فرماج رابي غايا وبصحتكم الافونس علابالي رهجتكم بصح المهم محاولة

ملاحظة فقط : مور رمضان سييوها وردولي الخبر
ها مالك صاحبي حاسبين غ هوما يعرفوا يطيبوا
نسلك راسي ياااو

الافكار تجيني من كرشي وتطلع لراسي تعمل رومبوان وتخرج من قلبي وحق ربي.
اللي يشوف تقول راك تفوت في البرمي ماكش تطيب.
غاضني صدر الدجاج علاه تفتت فيه.
بصحتنا المقارون يبان مليح وربي يعلم نشوفو مع طباخات اللمة هوما اللي يحكمو.

 

[أبو عاتكة]

انا نعيا باش نكتب مكانش message vocale

معليش رانا نسمعناك تعيطي من الفرحة نتاع طيابنا والان اعطينا حكمك على الاطباق بنان ولا مكان مكان.

 

[أبو عاتكة]

نقدر نطيبلكم فريتاات اومليتات

وين راك هارب والله ترجع ونشوفوك واش طيب معانا رانا نستنوك. الكادو محرز.
لا فريتات لا أوملات الدعوة راها خلات.
ايا وريلنا @Hakan@شطارة يديك يرحم والدين.

 

[أبو عاتكة]

بسم الله نبدا
اختصاصي المعجنات
طبق اليوم سباكيتي بالطون
المقادير:
باكي سباكيتي
1_طن طماطم
نصف بصلة
1/2_طماطم حب
2/3 فلفل أخضر حار
علبة هريسة
رند_ دبشة_معدنوس
ملح فلفل أحمر التوابل من كل أنواع
2_ملاعق كبيرة طماطم مصبرة

التحضير:
نجيب قدرة نصب فيها لترين من الماء ماء الشرب وليس ماء الحنفية
نحط فيها السباكيتي مع رشة ملح
تترك مدة 10 دقائق وبعدها تبدأ بالتحرك مدة 30 دقيقة حتى تطبخ السباكيتي جيدا
بعدما تطبخ حطبات في كسكاس حتى تتصفى من الماء

الآن نسكرفج البصلة و معاها الطماطم حب المقلة نديرلها زيت الزيتون و نخلطهم مليح مع إضافة الملح مع الفلفل المقطع شرائح وأنا يجيبوا نضيفلهم الماء لي طيبت بيه السباكيتي ونبقى نحرك حتى يطيب كلش من بعد مفرغ السباكيتي في صحن كبير وتفرغ تفوقوا الخليط ونحط فوقهم الرند والأعشاب وبعض التوابل مع إضافة الكثير من الهريسة
نخلط كلش وشهية طيبة

عندي بزاف وصفات خاصة بالمعجنات

برافو شيف حاتم انت اصلا كنت معول عليك خاطر عارفك معلم في الطياب . اكيد تحمرلنا وجهنا عندك لتحرقولنا برك.

 

[أبو عاتكة]

لي عودة إن شاء الله للموضوع

مطولش العودة باش نرجعو المواعن لقسم الطبخ رانا سارقينو برك.

 

[ذكريات]

صح فطوركم، والله يعاونكم الأطباق راني نتخيل فيها وفي المذاق نتاعها، والكوزينة راها حالة طبق الأخ @فريد أبوفيصل راه سامط وحامض والدشيشة عقادت واللحم خاصو الطياب ، والأخ @جليلوس طبق بنين ما عندي مانقول يحبوه الجيل نتاع درك خاصنا معاه طبق جانبي لكبار السن الي مايحبوش المعجنات، والأخ @حاتم خليفة قبل ما تبداو تاكلو عيطو للاسعاف علبة هريسة والفلفل الحار فيدونج نتاع المصارن أظن الفائز هو @Hakan وراح نفطرو فريت اومليت

 

[حاتم خليفة]

برافو شيف حاتم انت اصلا كنت معول عليك خاطر عارفك معلم في الطياب . اكيد تحمرلنا وجهنا عندك لتحرقولنا برك.

راك مع شاف كاش نهار نعرضك

 

[بسمة القلوب]

ههههه اول وصفة تدخلنا للسبيطار هي وصفة الفريك نتاع الاخ فريد ابو فيصل و احسن وصفة لاباس بيها نتاع الاخ جليلوس

 

[حاتم خليفة]

صح فطوركم، والله يعاونكم الأطباق راني نتخيل فيها وفي المذاق نتاعها، والكوزينة راها حالة طبق الأخ @فريد أبوفيصل راه سامط وحامض والدشيشة عقادت واللحم خاصو الطياب ، والأخ @جليلوس طبق بنين ما عندي مانقول يحبوه الجيل نتاع درك خاصنا معاه طبق جانبي لكبار السن الي مايحبوش المعجنات، والأخ @حاتم خليفة قبل ما تبداو تاكلو عيطو للاسعاف علبة هريسة والفلفل الحار فيدونج نتاع المصارن أظن الفائز هو @Hakan وراح نفطرو فريت اومليت

حنا في بسكرة طيابنا قاع حار
ماتنساوش تصوتولي

 

[حاتم خليفة]

لي تفوطي عليا نعرضها على شخشوخة​

 

[خديجة ph]

راح نبدا بنفسي وكيما نقولو ديما في حاجة الماكلة المومن يبدا بنفسو .

راح نطيب والله يستر ( دشيشة فريك ) باللحم طبعا.

اولا لازم اللحم يكون لحم نعجة ميكونش خروف . النعجة الصغيرة بنينة ومتتفتتش الداخل هكذا سمعت.

نقطعو اللحم على حساب الناس اللي كاينين ونغسلوه مليح ونحطوه على جنب حتى يجي وقتو.

بون نجيبو كيكوطة او واش يسموها ... قدرة نتاع طين مليحة ثاني نعمروها ماء حوالي ليترة ولا زوج ونشعلو عليها النار ونظيفولها التالي :

ثلاث مغارف طماطم مصبرة.
شوية زيت تقشفي متكثرين راه مفقود
مغرف صغيرة كمون + فلفل اسود+ زعفران + زعيترة+ فلفل احمر نظن هاذا مكان.
ومن بعد نظيفو الفريك وحد نص طبسي يعني 250 غ
ونلوحو طراف اللحم في حالتي هاذي متريسكيش بكل الاطراف نجربو واحد فقط ونبداو نخلطو كل شيء. خلط خلط خلط .
ونشوفو اذا ولات حمرة لاباس واذا ولات بيضة في اللون نزيدو الطماطم المصبرة حتى تحمار.

مننساوش الحشائش :
ورقة رند + معدنوس الكصبر في الشك. واحد الحاجة دايرة مثل السيڨار نتاع كوبا نسيتها.

المهم

نخلوها واحد ساعة تطبخ مليح ونعسو الماء لا ينشف.

نطفو النار خلاص كملنا ااااه نسيت الملح معليش نزيدوه في الطابلة لجماعة لاطونسيو .


في الاخير خاوتي هاذي هي دشيشة فريك او شربة فريك او حصبة بالبريك .

المهم ان شاء نربح.

سلام.

هههههه يعني الصراحة باين واحد يطيب من ورا ما شاف الطبق النهائي الاكيد عمرك طيبت
البصل يا خويا فريد البصل طول حياتنا و احنا نقطعو فيه عينينا رشاو و انتم تظالو تشرو فيه باه تزليه في الاخير
و ثلاث مغارف طماطم و ناوي تزيدلها صدقني لونها عنابي مش احمر فقط
ولازم تقلي اللحم مع البصل باه من بعد تمرق
لا لا خلي الطياب للمادام مشكوووووووور ههههههه

 

[ذكريات]

أكيد طياب ناس بسكرة حار وبزاف ويزيدو عليه الفلفل الحار مقطع، ولكن يا أخي الفاضل @حاتم خليفة هاذا طبق سباقيتي راه يحرق الشفاه ويشوها قبل ما يوصل للكرش، كوما بكل تأكيد وفالشك غيبوبة

 

[Bouchra zarat]

سلام شبيبة اللمة ان شاء الله تكونو غايا
كنت حابة نرسل رسالة صوتية بصح الله غالب مكانش أيا قلت مشي خسارة فيكم نكتب بصح باختصار بويسك ني بتلفون ونتقلق بلخف لمهم جربوها ومراحش تندمو والا جربتها ومخرجتلكمش هدا شي عليكم انما الطبخ بالقلوب احماحم
نجيبو 4 كيسان سميد متوسط نزيد لها م ص سكر و م ص ملح وخلط وعطي لعور أيا منبعد اعزائي المشاهدين ومنبعد جيبو كاس ديرو فيه ربع زيت وليبقا كملوه بالزبدة دائبة أيا فرغوه في سميد تدريجيا وخلطو مليح بيديكم بسوه منبعد زيدوله كاس قل ربع ماء تدريجيا وتاني خلط مليح من بعد شكلها كيما راني موضحتها في صورة بنعمي والله عييت من كتبا بصح معليش عطوني الوسام حق راني نشرحلكم أيا منبعد ديرو في طاجين يكون مسخن من قبل وخليه يطيب وبصحتكم ني حطيتلكم كيفاش جاني كولو بعينيكم وخمسة في عينيكم

 

[barca.moha]

بمناسبة رمضان جبتلكم كيفاه نطيب البوراك
ندير اللحم مرحي والبصل والثوم تاني مرحي والتوابل والملح وشوية زيت ونقليهم.نخليهم يبردو ونقطع عليهم شوية قصبر ومعدنوس ومن بعد نعمر الديول مع شوية فرماج ونقليهم وشهية طيبة
خطرة الجاية ندير لكم تاع الروز بالحليب

 

[حاتم خليفة]

أكيد طياب ناس بسكرة حار وبزاف ويزيدو عليه الفلفل الحار مقطع، ولكن يا أخي الفاضل @حاتم خليفة هاذا طبق سباقيتي راه يحرق الشفاه ويشوها قبل ما يوصل للكرش، كوما بكل تأكيد وفالشك غيبوبة

نطيبوا كلش بالحار

 

[خديجة ph]

والله يا نتا دايخ النهار وتحط في صوالح الكرش نخيك منين راك تجيب الافكار هههههه والله غير عجبتني المهم انا سبيسياليتي عجائن ما نعرف نشبعكم ما نعرف نرهجكم
بسم الله نبداو على بركة الله
اول حاجة نديرو طابلية مكاش كوزينة وطياب غير هاد لازم تكون انيق خويا الشاف مكسر اليدين
جماعة لي طالقين شعرهم احزموه ولا ديرو طاقية ولا بوني يقولك لي يطيب بشعرو ماكلتو تعيف حاشاكم هههههه سقسو جداتكم تقولكم انا خاطيني
الفايدة والحاصول ليوم راح نديرلكم مقارون بوحد الخلطة مانعرف واش هي المهم تبعو وماتضحكوش عليا نجيبو وحدة باكي مقارون نحطوا قدرة فيها الما والملح على النار جماعة لي فيه لاطونسيون ماكلاه يدير الملح مانزيدوش عليها باش مايلصقش يطبخ شوي عشر دقايق ونديرو مقارون فالما نحركو كل شوي حتى يطيب سواه مليح مليح
نجيبو صدر دجاج نقطعوه قطع مربعات صغيرة نديرو مقلة على النار فيها زيت نحطو اللحم فيها نقلوه مليح نديرو شوي ملح شوي حرور شوي توابل الدجاج ونخلوه يطيب مليح على نار هادئة كي يطيب داك اللحم نجيبو وحدة crème fraîche نضيفوها فوق هاداك اللحم نخلطو مليح حتى تكون جاية تقعد نشوفوا المقارون نتاعنا يلا طاب مليح نحوه نصفو الما ونضيفوه على خلطة الكريمة الطازجة واللحم المقطع نخلطو غايا وماننساوش نديرو فرماج رابي غايا وبصحتكم الافونس علابالي رهجتكم بصح المهم محاولة

ملاحظة فقط : مور رمضان سييوها وردولي الخبر
ها مالك صاحبي حاسبين غ هوما يعرفوا يطيبوا
نسلك راسي ياااو

عجبتني البس الطابلية اولا لكي تتقمص روح الطهي و يصدق عقلك انك عارف واش تدير هههههه
وين راهي البصل يا جلول تكرهوها يعني للدرجة هاذي و زيد ماقارونتك لصقت في بعضها ما حطيتلهاش زيت ولا زبدة كي غليتها
الحمد لله المادام موجودة نصيحة شرشمو البيض بزااااف هههههه

 

[خديجة ph]

بسم الله نبدا
اختصاصي المعجنات
طبق اليوم سباكيتي بالطون
المقادير:
باكي سباكيتي
1_طن طماطم
نصف بصلة
1/2_طماطم حب
2/3 فلفل أخضر حار
علبة هريسة
رند_ دبشة_معدنوس
ملح فلفل أحمر التوابل من كل أنواع
2_ملاعق كبيرة طماطم مصبرة

التحضير:
نجيب قدرة نصب فيها لترين من الماء ماء الشرب وليس ماء الحنفية
نحط فيها السباكيتي مع رشة ملح
تترك مدة 10 دقائق وبعدها تبدأ بالتحرك مدة 30 دقيقة حتى تطبخ السباكيتي جيدا
بعدما تطبخ حطبات في كسكاس حتى تتصفى من الماء

الآن نسكرفج البصلة و معاها الطماطم حب المقلة نديرلها زيت الزيتون و نخلطهم مليح مع إضافة الملح مع الفلفل المقطع شرائح وأنا يجيبوا نضيفلهم الماء لي طيبت بيه السباكيتي ونبقى نحرك حتى يطيب كلش من بعد مفرغ السباكيتي في صحن كبير وتفرغ تفوقوا الخليط ونحط فوقهم الرند والأعشاب وبعض التوابل مع إضافة الكثير من الهريسة
نخلط كلش وشهية طيبة

عندي بزاف وصفات خاصة بالمعجنات

من المفروض اخي حاتم ما تشاركش انت عامل صولات و جولات في الكوزينة
ملاحظة فقط قلتنا مقرونة بالتونة شفنا المقرونة بصح التونة واقيلا هربتلك راك ناسيها في البحر هههههه

 

[حاتم خليفة]

من المفروض اخي حاتم ما تشاركش انت عامل صولات و جولات في الكوزينة
ملاحظة فقط قلتنا مقرونة بالتونة شفنا المقرونة بصح التونة واقيلا هربتلك راك ناسيها في البحر هههههه

أنا خلطتها مع لاصوص نسيت برك ماكتبتهاش

 

[خديجة ph]

نقدر نطيبلكم فريتاات اومليتات

زعما سلكت راسك
الشعب يريد وصفة بالدجاج ولا يتم تحويلك لاعادة التخصص ههههههه