سهرة مع ضيف جليلوس ( الززززهر )

[جليلوس]

جليلو المجرم
ها راك مقبوض عليك سلم حالك أولك مثلما يقولو في الافلام المدبلجة هههههه

هههههه مسلسل مهما كان الثمن ومادارولهش كيفي

جليلو يغيب عن اللمة زعما وين راك تروح

ندڨلل هادا فايس هادا انستاغرام
ها باينة الخدمة مالك وديفوا تكره ديفوا المشاكل
حياتي كي الغربال من مشكل لمشكل والحمد لله

جليلو زواج تقليدي ام حب و سوفرونس و قلب يدق و نوم رايح ههههههه

انا نعشق انا ندلق
ملخر صايي جاوبتك

جليلو عصبي ام هاديء

كل خطرة وكيفاش

جليلو مسمار الدورو بحسابه و لا العكس

لالا بالعكس كون عندي علاش لا

جليلو يصلي بالعقل ولا كل مشاكلك تحلها في الصلاة

بالعقل خويا وديفوا الزربة مكاش لي يقولي لا وكيفاه بسكو قاع رانا هكا
ربي يهدينا ويثبتنا

جليلو يقال ان المعلم يجي بخيل صح و لا راني غالط

شوف معا لي قالولك انا خاطيني
كاين شي صوالح والله ناس تبانلهم مكان والوا احنا تبانلنا ضياعة دراهم بسكو ساعة تخدمها بحقها تتعب عليها جدك تروحلك بساهل ماجاياش

جليلو يشم و لا يدخل و لا شيشة و لا عاقل و طرونكيل و ما يقسرش في القهاوي في الليل

مايشم مايدخن مايشيش مايقسر فالقهاوي قليل
الا اذا كانت جماعة صحابي شحال ماتلاقيناش هادا مكان حدي حد روحي

جليلو عنده سكن خاص ولا سكنات عدل و لا فيلا و لا مدخل راسه في وسط الريسان حتى يفرج ربي

عندي فيلا فالمالديف وشاطو فالموزمبيق
وڨربي في زازاير رانا مدكين ريسانا حتى يفرج ربي

ياااسر عليك هاذي سلخة خفيفة و راح نرجع ههههههههه

صايي وليت قديد

 

[جليلوس]

السلام عليكم
صحا فطوركم
مرحبا ب جليلو​

الله يسلمك مرحبا بيك

كول ومتكثرش
مشاهدة المرفق 144856
​

حوجي يانا هادا وين تبرع واحد فيكم وتفكرني
غير لي يدخل يسلخ جد بويا ويهرب

تبارك الله ماخلاو والو كالعادة
1- وش حوالك مع رمضان مع الخدمة وكذا ؟​

انا رمضان والله عادي يعدغلبني العطش برك بصح السنة عييت تاع الصح والله خدمة وفواياج كل يوم
مابقات لاصحة لا جد مواليا وراح نروح مع ايمان عند بيجوتري نوزنوا بالڨرام

2- رمضان بين العام لي فات وهذا وش تبدل فيه بالنسبة ليك ؟​

بزاف صوالح
خويا مكاشو بيناتنا وهادي لي تضرك كتر
راح حراڨ ربي يفرجها عليه وخلاص

3- انت من النوع لي يسخف على كلش ويشري مايخلي والو ؟​

لا لا الحمد لله نشري في المعقول وقيس قيس

4- اكلة كون تبقى بالجوع وماتاكلهاش ؟​

البسباس والروز مرڨة

5- حاجة ديرها وتكون مستمتع بيها وفرحان وش هي ؟​

باينة خدمتي

6- تعرف تطيب شوي ولا والو ؟​

نسلك راسي هههه

7- الأكلة لي تشتهر بيها ولايتك ولا منطقتك ؟​

الطعام والبركوكس بالتعمير يم يم تاع ناس الغرب
كاين الرفيس تاني والبغرير

8- هل شخصيتك في الواقع و المواقع كيف كيف ولا تختلف ف الواقع ؟​

هادي سقسو لي يعرفوني يقولولكم

9- تتوحش ايام الجامعة ولا والو ؟​

بزاف اروع الايام فوتها فيها
جامي ننساها

10- موقف جميل صرا معاك جامي تنساه ؟​

نهار ربحت في مسابقة الاساتذة
وحد الشعور لا يوصف

11- عندك تلاميذ مميزين وتحبهم كثر من الاخرين ولا كل سواسية ؟​

كاين كاين بصح باش نفرز بيناتهم لالا
قاع نبغيهم كل واحد باسمو ربي يوفقهم ويكبرهم على طاعتو

12- شعورك لما صرت أب ؟​

شعور مانجمش نحكيلك
قطعة منك بين ليلة وضحاها قصدي تسعة اشهر
ولا اروع الابوة شيئ جميل فلك حسن التصرف
كن ابا او لا تكون

كاش مانتفكر اني نرجع
​

واش تتفكري يا مخلوقة اوووو

 

[Hakan]

السلام عليكم صحا فطورك جلال خويا :
أسئلة رياضية :
واش رايك في حضوض ريال مدريد في دوري الأبطال وشكون تتمنى يربح هوما ولا السيتي تاع محرز ؟
ماهي الرياضة المفضلة لك ؟
واش هي أفضل سلسلة تفرجتها ؟
عضو غايب تفتقدوا ؟
شخصية تبعها وتنصح بيها فالفايس بوك ؟
هل عندك حساب تيك توك وما رايك فيه ؟
شخصية أثرت عليك في حياتك ؟
واش نوع السيارة اللي تحب تمتلكها أخطيني من سيمبول و داصيا و اتوس هههه ؟
اسكو بعد الزواج راك تشري لعمرك ولا احتلاتك مسؤولية العائلة ؟
هل أنت من نوعية الأساتذة اللي في عقل المجتمع يعني مزير وهذاك الشكيل ولا فحشوش .

 

["viola"]

ههههه مغضتنيش ضك نزيدك شوية و نشوف
جليل اوصفلي شعورك كي يحسابو الاستاذ يخلص مليار و كل شهر يقولو زادوهم زوج ملاين فالشهرية
ست سنين خدمة وش تعلمت منها ووش تنصحني !
في رايك مادامك ماشاء الله 28 سنة ببنيتك ربي يكملك و تتربا في عزك و يعمر عليك الدار في رايك سبب عزوف الشباب عالزواج سورتو تاوع 27/28/29 اغلبهم يقولك مزلت صغير علاه ؟ منيش نحكي على لي مش واحد ماديا واحد يكون لباس واجد و كلش ؟
قولي زعما يعاودو الماتش؟
الولاية لقريبة لقلبك !
العضو لقريب لقلبك فاللمة
جليل قلبو ابيض و تنسا ليه ليه ولا الانسان لي يرجع الضربة يالوكان مورا ميات عام
نكتفي بهذا القدر خخخ اني سمحتلك وش نقول لخويا ضيف خفيف ربي يحفظك و يعطيك سؤلك و يوفقك في حياتك في هاذ لعواشر و الايام الاخيرة و صحا صحورك ⁦⁩

 

[Hakan]

ههههه مغضتنيش ضك نزيدك شوية و نشوف
جليل اوصفلي شعورك كي يحسابو الاستاذ يخلص مليار و كل شهر يقولو زادوهم زوج ملاين فالشهرية
ست سنين خدمة وش تعلمت منها ووش تنصحني !
في رايك مادامك ماشاء الله 28 سنة ببنيتك ربي يكملك و تتربا في عزك و يعمر عليك الدار في رايك سبب عزوف الشباب عالزواج سورتو تاوع 27/28/29 اغلبهم يقولك مزلت صغير علاه ؟ منيش نحكي على لي مش واحد ماديا واحد يكون لباس واجد و كلش ؟
قولي زعما يعاودو الماتش؟
الولاية لقريبة لقلبك !
العضو لقريب لقلبك فاللمة
جليل قلبو ابيض و تنسا ليه ليه ولا الانسان لي يرجع الضربة يالوكان مورا ميات عام
نكتفي بهذا القدر خخخ اني سمحتلك وش نقول لخويا ضيف خفيف ربي يحفظك و يعطيك سؤلك و يوفقك في حياتك في هاذ لعواشر و الايام الاخيرة و صحا صحورك ⁦⁩

ههههههه خلاص خصك غير اكتبي اسمي و سقسيه حكيم علاه عازف على الزواج هههه

 

["viola"]

ههههههه خلاص خصك غير اكتبي اسمي و سقسيه حكيم علاه عازف على الزواج هههه

اقسم بالله ق عرفتك تتوسوس

 

[Hakan]

اقسم بالله ق عرفتك تتوسوس

مازالني صغير ههههه ، 2023 ان شاء الله ما تزيدوش تشرولنا ما والو خلي جلال يجاوب باش ما نديلوش حقو ههه

 

[barca.moha]

سلام صح فطوركم و سحوركم

وين تسكن في تياغت؟؟

 

[جليلوس]

السلام عليكم صحا فطورك جلال خويا :

اهلا حكيم على السلامة
صحا سحوركم

أسئلة رياضية :

تفضل بسم الله

واش رايك في حضوض ريال مدريد في دوري الأبطال وشكون تتمنى يربح هوما ولا السيتي تاع محرز ؟

باينة بلي غادي يفدڨهم بن زيمة
غ تنوي تقولوا سلام يمركي عليك
والبالون خويا الهدرة فتيران

مكان لا منا لا منهيه

ماهي الرياضة المفضلة لك ؟

الجري

واش هي أفضل سلسلة تفرجتها ؟

طيموشة
تقول راك في منتدى اللمة

عضو غايب تفتقدوا ؟

ليستا راهي طويلة
كاين اسماعيل صاحبي تاع بلعباس
راهو فري مغيبها تاع الصح

شخصية تبعها وتنصح بيها فالفايس بوك ؟

اتفضلوا شوفوا الخيميائي أحمد مجدي
فعلا صفحة رائعة يعطيه الصحة
مانحكيلكش نخليك تكتشفها وحدك

هل عندك حساب تيك توك وما رايك فيه ؟

عندي واه بصح خاطيني داك شكيل تاعهم
انا نشوفهم فارغين شغل تافهين لدرجة التبهليل
بصح كاين فيديوهات هادفة ورائعة
معنتها نتا وشطارتك واش باغي تشوف

شخصية أثرت عليك في حياتك ؟

ابراهيم الفقي وحد الارشادات النفسية ترجعلك الروح تحس روحك ميت ورجعت للحياة

واش نوع السيارة اللي تحب تمتلكها أخطيني من سيمبول و داصيا و اتوس هههه ؟

عندي حماري لفوق ماشفتهش
حاشا خويا وحاشا قدرك هو وماسويتوش
بلاك قريبا كاش r4. ولا r12. توصلني ونتهنى من السطوب

اسكو بعد الزواج راك تشري لعمرك ولا احتلاتك مسؤولية العائلة ؟

السروال وتشتاقه يا جدك
ااا لباير خيي غ قعد راك انتيك وبشبش

هل أنت من نوعية الأساتذة اللي في عقل المجتمع يعني مزير وهذاك الشكيل ولا فحشوش .

فحشوش وقاع لي فخاطري درتها ومازال نديرها وماعندي ماخصني الحمد لله الكفاف والعفاف مي مانضيعش دراهمي فالتفاهات راك شايف

اسيدي والله ماتحشموا شمشطتوني عيب عليكم

 

[جليلوس]

ههههه مغضتنيش ضك نزيدك شوية و نشوف
جليل اوصفلي شعورك كي يحسابو الاستاذ يخلص مليار و كل شهر يقولو زادوهم زوج ملاين فالشهرية
ست سنين خدمة وش تعلمت منها ووش تنصحني !

حوجي يانا شكون جات
عاودتي تاني وليتي آو
يا ربي تصبرني عليهم هادو زوج
لي يخمم هاداك التخمام انا نقولك ارواح حسب معانا والله غير عياني الحساب رانا ناكلوا نص وندسو النص والحمد لله كليتونا بعينيكم ياكل ريسانكم حتى بركة مابقات فيهم من لا بوست لمواليها تكمل فنص طريق

تعلمت منها بزاف صوالح
الصبر اا ايمي ختي الصبر وماداصريهمش بزاف جيل بوضريسة تاع دروك واعر بزاف وماتهدريش على صوالح الخدمة قدام الناس واحفظي الميم تحفظك واخلصي خدمتك لوجه الله تاكلي الحلال وتستبنيه

في رايك مادامك ماشاء الله 28 سنة ببنيتك ربي يكملك و تتربا في عزك و يعمر عليك الدار في رايك سبب عزوف الشباب عالزواج سورتو تاوع 27/28/29 اغلبهم يقولك مزلت صغير علاه ؟ منيش نحكي على لي مش واحد ماديا واحد يكون لباس واجد و كلش ؟

قوليلي حكيم وخلاص هههههه
انا نقولك علاه بسكو ولينا نشوفوا ونسمعوا قصايص يكرهوك ويندموك على نهار لي خممت فيه تستبيت وزيد وسائل التواصل ضيعت هاد الشباب ياحسراه وين تلقى درك بنت الاصل وولد الحلال الا من رحم ربك
الله يرزق كل واحد الحلال الطيب
ومن هذا المنبر نقولكم خمموا مليح واختاروا لاولادكم اخوالا وخيروا صح شريك الحياة ماشي عكاز الحياة راكم فاهمين ايا صصصصصحاااا صححححا

قولي زعما يعاودو الماتش؟

ان شاء الله
من فمك لربي
بصح لجنة الانضباط راح تحش لينا الركايب

الولاية لقريبة لقلبك !

وهران

العضو لقريب لقلبك فاللمة

قاع نبغيهم ومانفرز حتى واحد
ليليا مرام بئر اسراري ربي يشافيها ادعولها والله

جليل قلبو ابيض و تنسا ليه ليه ولا الانسان لي يرجع الضربة يالوكان مورا ميات عام

نسامح لي غلط ولا طلب سماح والله غير بالقلب الصافي
بصح تغلط وتزيد تتفلسف وتشنف اودي خالفهالك وربي كبير فيا ولا فيك لا مخلصتش هنا نخلص عند ربي وهو الوكيل سبحانو

نكتفي بهذا القدر خخخ اني سمحتلك وش نقول لخويا ضيف خفيف ربي يحفظك و يعطيك سؤلك و يوفقك في حياتك في هاذ لعواشر و الايام الاخيرة و صحا صحورك ⁦⁩

ياحوجي هادو خفيف ظريف
لا لا نيشان واه صحيتو يكتب خيركم
جيبولي حية نشربها نبلل ريقي
حتى الرقاد طار في جرتكم هههههه

اللهم آمين يارب دعولي نحتاج دعواتكم كامل ❤

 

[جليلوس]

ههههههه خلاص خصك غير اكتبي اسمي و سقسيه حكيم علاه عازف على الزواج هههه

راهي تشرلك يا لباير
غ حشمت تقول اسمك

اقسم بالله ق عرفتك تتوسوس

ههههه
هاو هادو سؤال مايحتاجش كاستيون

مازالني صغير ههههه ، 2023 ان شاء الله ما تزيدوش تشرولنا ما والو خلي جلال يجاوب باش ما نديلوش حقو ههه

كل عام زيد اصغار لالا الحق تاع ربي راك تهبل
هههههه جاوبت وكملت خمم على روحك يا لبايغ

 

[جليلوس]

سلام صح فطوركم و سحوركم

وين تسكن في تياغت؟؟

يسلمك صحا سحورك لعزيز
انا نعرفك جاري وين بصح نتا لا

نخليك تكتشفها وحدك يا التخمارتي خويا

 

[dahman kz]

صحا صحورك وصبارح الخير

يقولو ان الاساتذة والمعلمين مشحاحين لدرجة كبيرة يعني فيهم تقشف عجيب وغيىر عادي لدرجة انو المعلمين والاساتذة فحد ذاتهم ولاو شعار للتقشف

انت كموظف في قطاع التعليم واش هو ردك على الاشاعة عاذي !!

 

[barca.moha]

يسلمك صحا سحورك لعزيز
انا نعرفك جاري وين بصح نتا لا

نخليك تكتشفها وحدك يا التخمارتي خويا

خدمتهالي بتخمارتي هذي ههههه
و جارك عين الحديد ولا فرندة
انا نقعد غي نكتشف خطرة رقم سري خطرة بلاصة

 

[جليلوس]

خدمتهالي بتخمارتي هذي ههههه
و جارك عين الحديد ولا فرندة
انا نقعد غي نكتشف خطرة رقم سري خطرة بلاصة

ايواه وحدة فيهم دروك
اقعد غ تكتشف حتى يكشفوك

 

[جليلوس]

صحا صحورك وصبارح الخير

يقولو ان الاساتذة والمعلمين مشحاحين لدرجة كبيرة يعني فيهم تقشف عجيب وغيىر عادي لدرجة انو المعلمين والاساتذة فحد ذاتهم ولاو شعار للتقشف

انت كموظف في قطاع التعليم واش هو ردك على الاشاعة عاذي !!

ياخويا صحا سحورك
عاودتوهلي شحال من خطرة السؤال
اودي قتلكم انا ماشي مشحاش ودراهمي مش ليا ولي فخاطري نديرها بصح باش نخسرهم على التفاهات لا ماجاياش ويقولونا مشحاحين بسكو عينيهم في جيوبنا الله يعطيهم العمى ان شاء الله نص شهرية ناكلوها حنا ونصها ياكلوها بعينيهم

 

[barca.moha]

ايواه وحدة فيهم دروك
اقعد غ تكتشف حتى يكشفوك

مادام عرفتني تخمارت باينة من عين الحديد انت

 

[جليلوس]

مادام عرفتني تخمارت باينة من عين الحديد انت

لا روح ترقد غ نعاس راه متلفك

 

[sana barhoumi]

أفكار ولا روعة في المرفقات

 

[السلطانة]

وياعجبك لحقت روطار
الاسئلة كل سقساوها
استمعت وانا نقرا فالردود

ههههه عجبتني كلمة الزهر فالعنوان
انت هو منتخب تونس