سهرة مع ضيف Hakan (كيف هاذ النهار )

[أبو عاتكة]

أخوتنا أخواتنا في ربوع اللمة العزيزة في الصالة أو في الكوزينة
داخل وخارج الوطن او في المارشي
حَلَلْتم أَهْلًا وَنَزَلْتم سَهْلًا

مرحبا بكم في خيمة الضيافة
خيمة من لا خيمة له
حيث للجود والكرم موعد ومكان و للاخوة والمودة والتظامن مقصد و عنوان
ولا يكون سوى
منتدى اللمة الجزائرية
في كل مرة سنسعد ونتشرف باذن الله بدعوة أحد الاعضاء
للتواجد معنا ضيفا عزيزا مكرما
نستقبله بالفرح والسرور
والبندير والبارود

في الخيمة الحمرا
وكيما يقول شاعر الميدان حكيم ستوري الفنان


البيت الحمرة شايعة من مصر لفاس ** سيدي نايل ورث لينا خلاها

صنعة بدويات فلجتها تملاس ** من معدن صوف وشعر خيط سداها

اذا قابلها ضيف يخرجلو تراس ** كلمة قرب في لسانو يبداها

يڨدملو قهوة اتداوي وجع الراس ** عرف اخضر من شيح مصحوب معاها
في فرفوري مسربيه ما هي في كاس ** تريح تعب الڨوايم ينساها

نختمها بصلاة طه سيد الناس ** اللي غدوة لشفاعتو نترجاها




**************




هاذي الدبارة كانت كلها من لالة السلطانة
بصح هو ثاني مرGها وكثر في كل موضوع اخطبولي اخطبولي

وبعد مشاورات و أخذ ورد وشد ومد وافق أخيرا مجلس عزايج البرلمان بالاجماع.





وصل اليوم المختار بعدما استنيناه هنا في المنتدى ساعة بساعة ونهار بنهار


السلطانة مشلوشة ورايحة جاية في الكولوار على اهل الدار : ازربو يالاه راح علينا الحال طولنا على الجماعة راهم في الانتظار . . ... ...


وصل الوفد المفاوض للبيت المحظوظ
جلس الجميع في انتظار صاحبة الحسن والجمال البديع.

كان باين عليه الخجل وفي قلبو كان فيه عصفور يزوزو وينطط ...طاير بالفرحة وماذا بيه كل هذا ينتهي ويكمل باه يتحقق الأمل.

والد الفتاة الحاج عواس بدا الجلسة بالتهليل والترحيب وبدى يطرح في الاسئلة ويسمع في التفسير.

في الاخير والله ق عجبو الطفيل
وقال لمرتو في وذنها :

هذا الولد ماشاء الله يبدو انو هو المناسب وكل شيء فيه مليح وزين.

ردت النسيبة طبعا اذا كتب المكتوب:

ايه يالحاج طفل شباب ورزين مثقف و خدام و الاهم شاد في الدين هذا باين رابح دعاوي الوالدين.

المهم

مابقى والو الا ناكلو حبيبات قاطو ونشربو قهيوة وبقاو الخطابين يستناو في مولا السنيوة.

وبعد لحظات انتظار وترقب جا داخل الخبر العاجل وهكذا كان يبان المنظر:


.


.


..





صاحبنا الوساري المسكين ضرباتو رعدة في العينين ودهماتو السخانة وبدا العرق يصبب ع الجبين وتكتفوا اليدين والرجلين وبقا يردد في راسو المسكين الهربة منين ....

السلاك منين....

الله ه تربحك يا أم ياسمين ...

صد حكيم للناس المجمولين وهوما يشوفو فيه ومندهشين .

انا ماني زين ماني رزين انا قاتل ارواح ونبيع في السلاح و الكوكايين وبزايد حارق أوزين ... سوكارجي هلواس منصحاش ... نضرب ونشفر يومي في الناس... مانعرف جامع مادخلت مسيد ما نعرف رمضان مانعرف عيد ...

وزيد يا تراس رانا غالطين في العنوان من الاساس اطلقونا نروحو ولا نعطيك بزليف للراس.


طابس حكيم على السلطانة و سكون الفجر يخي سبورتيف

كي تسمعو مني واحد... اثنين... مليح اطلقو رجليكم للريح

واحد
.
.
.
.

اثنين
.
.
.
.


الحاج
جلول اطلق الكلب

ورانا نستناو في
Hakan
وقتاش يوصل
لهاذ المكان ​

 

["viola"]

ذاك الزهر دخلت لقيت حكيم الضيف
والله خطبة بالطبع انا نشهد السيد مايصحاش صح اذا مش قازوز باراسيتامول حوجيانا وخذونا فالطفيل
مهم حاكيم حكمت عليك الجبهة بالموت خخخ خلات عليك وراك جليل وراك ارواح نديرو الواجب

 

[أبو عاتكة]

[v3 تنبيهات -2021/2022 ®️فريد أبوفيصل🔔]



@همس الوُرود @Asseli Queen @سكون الفجر

@طموحة @sana barhoumi @إلياس @Hakan

@سعد606 @ذكريات @barca.moha @عبدالرؤوف1

@aljentel @الامين محمد @dahman kz

@أشــواق 19 @جليلوس @"viola"

@السلطانة @adam doon alger @أم منيــــــر

@بسمة القلوب @جمال عبدلي

@زخرفة حرف @ڪبہريﮩأء أنﹻثى @rafid2

@شجـ الروح ـون @Zamenhov

@ملكة زوجي @Soumia hadj mohammed

@الرومانسي الجاد @ahmedroyce339

@وصال اية @فريد أبوفيصل @*amani*

@{مُدَلَّلَتُهُ} @Golden Man @رحيق الفردوس

@ليليا مرام @Ma$Ter @ℓσɴєℓу GĪяℓ

@assinat @زاهية بنت البحر @حفياد آدم

@بيسان بيبا @Oualid Kamel @حكايا الورد

@Sanaya klara @هدية من الله @الفضل10

@AMH1398 @Andy_Delort @randa.hac

@Rǿmẳņĉį LŎvès @خربشات غيمة @SOFIANE020

@إيمان~ @النجم البعيد @العَنْقَاءُ @Amine7N

@ثَسْكُورْثْ نَثْدُوكْلِي @sami44 @أبو مارية

@Adel Adel1 @Jorh @soso ana @صاحبة الأثر

@الورد الأحمر @{هِشام} @ضآحكة مستبشرة

@متهجئ الحرف @زهور الشوق @لاريمان

@the world @Skor m@k @ناسليهان @الريــان

@بيسان بيبا @زاد الرحيل @امير الصحراءdz

@ilina loulou @القطة الزهرية @خيرة الوهرانية

@Oussama.GF @!≈[سُِـِيٌــِـِفّ اٌڷِخً‘يٌـرُ]≈! @اميرة المدائن

@الوهم @Malika Tlm @afnene @زهور الشوق

@الفتاة الاميرة @الطيب الجزائري84 @طيور السلام

@bilel.dz @ام أمينة @الملك الظليل @لاجودان شاف

@فتاة حساسة @hamza__2006 @بوعزة عامر 77

@Chouaib28 @faith8 @الأميرة بلقيس @EL General

@حكايا المطر @Tama Aliche @عبد المـــالـــــك

@حياة71 @بنت الشمال @اسيل الحياة @نبيل مسلم

@dida007 @Bfatiha @ظل سيريالية @chirine zina

@louai loulou @اسراء سروري @Oum Loukmane

@الأستاذ مصطفى @خووخه

@فتى من الغد @@R@ZIK @ALIGSM

@HAMZA USMA @visiteur @Moha le sage

@يونس قاسم @نذير1 @طيور السلام @زخة مطر

@وحي القلم @MARYTA @صاحبة الأثر @نرجس الريحان

@شيماء شوشيشا @Asm90 @ديكتاتــــــور @tayeb20

@prince of love @naouri65 @Ra Off @Djamel.Dz

@أشــواق 19 @الہٰوردة الہٰسہٰوداء @رضا ا̍ڸمۘڜٰا̍ڪ๛

@النورس @الفراشة الحساسة @Ozdemir Sirac

@اليزابث @space-cowboy @randa.hac @نجمة الأرض

@*ياسر* @rycerz @صمتي حكاية @صانعة الإبتسامة

@NAPOLA @صدى الصورة. @أم أحمــــد يــسّ

@هدوء المطر @sidali98 @نعمات @4LI_4LGERI4

@املي @secret de coeur @oumsif @حاتم خليفة

@ناصر dz @🌌🔮متألقة🔮🌌 @prncess fifi

@بنقابي افتخر @ضآحكة مستبشرة @طيور السلام

@أحمدوا @مواكب الراحلين @أريج محمد

@ahmedroyce339@ @rose09000@ @opira99

@ام محمد24 @أمـيـر الـجـزائـر @خديجة ph @Rayhan

 

[جليلوس]

ويا كي داروله مسكين دغروله مولات الخانة
حكيم مسكين يشف خويا حتى هنا ماعندوش الزهر يا ربي يا ربي
بصح شا نقووولك خويا @فريد أبوفيصل جبتها ڨدڨد

ارواح تشو هنا @Hakan اليوم نهارك
@"viola" وجدي روحك ليوم نسلخوه

 

[جليلوس]

اااا الجلفاوي خويا ڨرب ڨرب هنا اااي مانيش باغي نديرلك تصديرة لالا باغي ندير التشويطة

شكون هاكان التركي اااه نسيت حكيم النايلي
اهدر فصل وفسر واهدر وعبر بالتفصيل الممل الفاصلة متنساهاش راك تسمع
شا يدير حكيم في حياته ؟؟ كملت ماستر يادرا كاش دكتوراه فالطريق ؟؟
حكيم ورمضان كيفاش ؟؟ وكي تفوت نهارك ؟؟ راك تقرا شوي قرآن يادرا شحال ختمت من مرة ؟ كاش حلقات ذكر ولا والوا ؟؟
نتا من الناس لي تتنارفا ولا حكيم كالم مايهلكش والوا ؟؟
شكون كتفك ولا ذراعك ليمين في هاد الدنيا وتتكل صح عليه ؟؟

يادرا ليوم شكون شومبيون
ايا ني جايك جايك ماتزابيش اقعد معانا

 

[afnene]

ياه مالا نوجدو رواحنا للعرس مور العيد
معليش راح يقبلوا بيه حتى وإذا ميصحاش ربي يهديه
ياك تقولو الراجل ميتعابش
حتى العروسة ومخصها والو عنده زهر يطرطق لحجر
أنا نجي بلا عرضة
بالبراكة عليك@Hakan

 

[جليلوس]

اسمع مولاي السلطان قبل مانسقسيك اكدلي على لارمي واش درت فيه سورسي ولا اعفاء ولا باغي تفوتها هاما خبرنا باش نفهموا غاشي العروسة مولات الخانة

ايا نبداو على بركة الله

ليوم نخلفهالك لي درته فيا
1-قول ااا حكيم شكون هو اكثر انسان قدر ياثر فيك وفي تصرفاتك؟
2-نتا يلا تنارفيت وزعفت من كاش واحد واش دير خبرنا نديرو حسابنا
3-رتب هذه الكلمات على مزاجك
المال - الحب - الصديق - المستقبل المهني - العائلة !!!!
4-واش رايك في الغيرة ؟
5-زعما كون نقولك تجاوبني احكيلنا على سر لاول مره تقوله لنا؟؟,
6- ما سمعت ماشفت ماهدرت , وينتا تطبق هاد المقولة في حياتك ؟؟
7-سؤال اجباري الاجابه عليه
قدم نصائح الى خمس اعضاء تقوم باختيارهم انت ؟؟
8- جليل واش يعنيلك واش تعرف عليه واش تقول فيه معليش اهدر فيا مسموحلك؟

 

[afnene]

@جليلوس قلبك رآه معمر
السيد شاف لعروس تغاشى وزيد انت راح تفطره بالأسئلة

 

[جليلوس]

@جليلوس قلبك رآه معمر
السيد شاف لعروس تغاشى وزيد انت راح تفطره بالأسئلة

خليه باش يعرف معامن كان يلعب
عجباته باينة راه حشمان يدخل ديجا شوفي فالصالون لتحت تلقايه مجمع ويتفرج علينا

 

[Hakan]

عمي فريد سما درتلي عرس بلا عرس ،و في القجمة ثاني خرجتلي طفلة باشعة خخخخخ ،يعني نايليات كاع زينات ق شتيت تحرمني ،معليه انا من بكري لا زهر لا ميمون شاتي ق نستبيت و ندير شوي زواوش نكمل معاهم المسيرة ،ايا بسم الله نبدا سعادة جديدة خخخخ

 

[Hakan]

ذاك الزهر دخلت لقيت حكيم الضيف
والله خطبة بالطبع انا نشهد السيد مايصحاش صح اذا مش قازوز باراسيتامول حوجيانا وخذونا فالطفيل
مهم حاكيم حكمت عليك الجبهة بالموت خخخ خلات عليك وراك جليل وراك ارواح نديرو الواجب

هههههههه راكي معولة اليوم تنشفيلي ريقي ،وزيد تحرقوا فيا مع الأعضاء الجدد يقلك هذا صح ما يصحاش ،ونقعد لا زواج لا ميمون المهم راني واجد ديرو أسئلة في المستوى هذيك تاع ماذا تفضل ق مكان لاه ونشتي زلابية بوفاريك على القلب لوز من ضرك

 

[جليلوس]

حكيم مانيش طالڨك اليوم مانيش طالڨك
تتفرج ولا تقعد اليوم نغسلك
1-ما هي اهم لحظة في حياتك ( نهار شفت صاحبة السمو لي خيرتهالك السلطانة قول ماتحشمش)
2-اسكو راك راض عن نفسك
3-اسكو حققت قاع لي تمنيته في حياتك
4-ماذا تعني لك المفاهيم التالية
الكرم-القناعة-الصبر-الابناء-الاخوة

5-احكيلنا دروك على مواصفات الزوجة المستقبلية باش نعاودو نديرولها برمجة جديدة واعادة ضبط المصنع
ماشي كل خطرة يطلڨوا علينا كلابهم ايا عياااونا ياااو
​

 

["viola"]

بما انو نعرفو صوتي زين نغني لحكيم لغنية تع الحنة و السلطانة جيبي الحنة و الما زهر حني لوليدنا باه يولي عندو الزهر
احم باسم باسم الله و باسم الله يبدا البادي و باسم الله يبدا البادي و الصلاة على رسول الله هو سيد الاسيدييي هو سيد الاسيدييي يويويويوووووييي بالبركة بالبركة حكيم و مولات الخانة تستاهل
صحا شوي سيريو
حكيم لماذا انت عازف عن الزواج نتا ذاك نهار قتلي سقسيني هاه ميكون لاخاطرك خخخ
علاه حكيم نحسو في هدرتو تخوف من الزواج بالمرأة العاملة؟
بزاف سؤالين عالزواج قكي جا الموضوع الخطبة ولا و راسك لعزيز منوجعلك قلبك ،
حكيم و الخدمة ؟ و اسك حكيم كطالب جامعي احسن ؟
كاش مشاريع معول عليها ولا حابسة ؟
تشاركني فالرأي انو الهجرة اصبحت لابد منها ولا من جماعة وطني وطني لا نوم القطني خخخ ؟
شحال تخلص ؟ نزعق والله ماصارت هههه
حكيم من 2013 يعني دخولك للمنتدى ل 2022 ابرز الحاجات لي نبدلو فيك ؟
راك تحقق في احلامك تع بكري ولا جرت الرياح بما لم تشتهي السفن ؟
كمل هاذو و نعاود نولي طبعا

 

[إلياس]

الأسئلة
عرف بنفسك في سطر
ماذا يعني كتاب الله ،
ماذا تعني لك السنة الشريفة
ماهو آخر كتاب قرأته اذا كنت من هواة القراءة
ماهو عنوان كتاب حياتك
ماهو هدفك في الحياة
من قدوتك بعد النبي صلى الله عليه وسلم
ماهو الشيء التي ترغب في تغيره في المنتدى
عضو نشيط في المنتدى
عضو مرح في المنتدى
عضو يستهال يكون طبيب المنتدى
عضو مهندس المنتدى
عضو كسول
عضو طال غيابه
عضو استاذ المنتدى
في اي سنة انضمت للمة و كيف تعرفت عليها
هل تفضل اللمة ام مواقع التواصل الإجتماعي
كيف كانت ايامك ايام الحجر الصحي
ما اكلتك المفضلة
ما لونك المفضل
ماهي القارئ من قراء القرآن الكريم تستمع له
من هو الشخص الذي تعطيه أسرارك
من اول شخص عرفته في اللمة
ماهي اسوء ذكرى عندك
ماهي احلى ذكرى عندك
لي عودة إن شاء الله

 

[السلطانة]

ياتل وين تهرب وين ههههع




حاب تبهدلني مع الناس





جبنالك الجلطي سبيسيال للسهرة
والضاوية راهي تستنى فيك


@"viola"
ميعرفش الضاوية لي هبلت سليمان ههههه
وسليمان في القصة هو حكيم
لانو طبيب بيطري
وانا خممت فيه وجبتلو الضاوية

حكييييم خلاص هذا مكتوبك معندك وين تهرب

 

[السلطانة]

أسئلتي:


-أجمل لحظات عشتها مع الأعضاء في اللمة؟
-نهار اختفات اللمة واش كان شعورك؟
-موقف مضحك صرالك مع أحد الاعضاء في اللمة متنساهش؟
-نهار كلحنا غاساما واش كان شعورك؟
-واش رايك في بلماضي؟
-ولاية زرتها وعجباتك؟
-كنت تقرا فباتنة واش من بلاصة كانت تعجبك فيها؟

 

[الامين محمد]

حكييييم رواح هنا وين رايح
حاب تحشمنا مع نسابك
ياك الطفلة في اوكرانيا و تلقاهاش و لا عندك شك في ذوق اخي فريد هههههههههههههههههههه
حكيم قالولي راك دايما تخسر في الماتشات اللي تلعبهم في الحومة
و قالولي كي تخسر تصمت اللعب ـ صح كاين منها و لا لالا ههههههه

الأسئلة
الجلفة علاه ما عندهمش فرقة مليحة
حتى من ناحية المواهب الرياضية راهي مكاش في الجلفة لماذا
اولاد النايل الطيبون أهل دين و حرمة ماهي أشهر أكلاتهم و عاداتهم
أغرب عادة عندكم
أجمل عادة عندكم
علاقتك بحفظ القرآن و المطالعة
عقبت المليتار و لا لاريفورم
ماهي مواصفات الزوجة المستقبلية
هل راح يكون عندك سكن خاص ام لازم تبقى مع الوالدين الكريمين
قالولي تلبس 45 في رجليك صح و لا راني غالط هههههه


لي عودة اخي حكيييم

 

[Hakan]

ويا كي داروله مسكين دغروله مولات الخانة
حكيم مسكين يشف خويا حتى هنا ماعندوش الزهر يا ربي يا ربي
بصح شا نقووولك خويا @فريد أبوفيصل جبتها ڨدڨد

ارواح تشو هنا @Hakan اليوم نهارك
@"viola" وجدي روحك ليوم نسلخوه

ياه كنت معاك ، في الهجوم ضركي خليتني وحدي ،شاموتي وغدار كما قال دقيوس هههه معليه

 

[Hakan]

اااا الجلفاوي خويا ڨرب ڨرب هنا اااي مانيش باغي نديرلك تصديرة لالا باغي ندير التشويطة

شكون هاكان التركي اااه نسيت حكيم النايلي
اهدر فصل وفسر واهدر وعبر بالتفصيل الممل الفاصلة متنساهاش راك تسمع
شا يدير حكيم في حياته ؟؟ كملت ماستر يادرا كاش دكتوراه فالطريق ؟؟
حكيم ورمضان كيفاش ؟؟ وكي تفوت نهارك ؟؟ راك تقرا شوي قرآن يادرا شحال ختمت من مرة ؟ كاش حلقات ذكر ولا والوا ؟؟
نتا من الناس لي تتنارفا ولا حكيم كالم مايهلكش والوا ؟؟
شكون كتفك ولا ذراعك ليمين في هاد الدنيا وتتكل صح عليه ؟؟

يادرا ليوم شكون شومبيون
ايا ني جايك جايك ماتزابيش اقعد معانا

هاكان هو شخصية من مسلسل الحامي التركي تفرجتو كي كنت نخرج من كل امتحان نتفرج منو ،مثلها الممثل شاتاي اولسوي .
واش ندير في حياتي ،
كما تعرفوا كملت دراستي و دخلت في فيفري من العام الماضي 2021 لخدمة في شركة محترمة الحمد لله كطبيب بيطري في تخصص تاعي وفي مدينتي .
ماستر درتوا مي دكتوراه ما شكيتش مع لي راني نشوف في واقع الدكاترة ماهيش مستقبل ومضيعة وقت ،سيرتو في التخصص تاعنا لي حاب يطور من روحوا يقرى ويتواصل مع أطباء ويتبادل الخبرات و باش نقرى دكتوراه ونسوفري باش نشد شارج TP و TD مافيهاش .
رمضان الشهر لي نحبوا و نرتاح فيه من كل شيء روحا وجسدا ما يغلبنيش من ناحية الخدمة نورمال نتحرك عادي جدا و بصح هذا العام غلبني في كرشي خخخخ كل يوم جايب حاجة للدار نفوق بيها غير بعد الفطور .
نهاري يفوت نورمال نخدم صباح وكل مرة على قداه نخرج خخخخ ما عنديش وقت معين ،نرجع نصلي ظهر و نكمل نهاري نقرى الورد تاعي و قبل الفطور بساعة نغامر ونهبط للبلاد نسخف نخلطها ونجي ههه .
لا حلقات ذكر لا والو ، الختمة ختمت والعدد نخليه ليا ههههه .
انا من الناس لي ما نتنارفاش ، كالم كي نخرج الشارع ذراري صغار تاع الحي يجيو كامل بنات ولاد يسلمو عليا هههه .
اليوم ماتش الريال من لخر ومحرز يمركي مخالفة و صحا .

 

[Hakan]

ياه مالا نوجدو رواحنا للعرس مور العيد
معليش راح يقبلوا بيه حتى وإذا ميصحاش ربي يهديه
ياك تقولو الراجل ميتعابش
حتى العروسة ومخصها والو عنده زهر يطرطق لحجر
أنا نجي بلا عرضة
بالبراكة عليك@Hakan

نورمال قلك الزين ما يدير دار ، و رجال الأعمال وهذوك لي عندهم الزهر كاع تلقى مرتو مكان مكان ،ختي السلطانة علابالها انسان حاب نترفه راهي تخمم في المستقبل تاعي ههه مرحبا بك .