سهرة مع ضيف dahman kz ( الطّير الحُرّرر🦅 )

[dahman kz]

الاجوبة داخل الاقتباسات
وساعود بعد الصلاة ان شاء الله

 

[afnene]

السلام عليكم
صح فطوركم
اهلاا بالضيف
حللت اهلا ونزلت سهلا
راهم تهلاو فيك بالأسئلة الله يبارك
أنا جبتلكم غير باش تفوت السهرة وتجاوب

 

[Bouchra zarat]

انا أطالب بحقي وسأرفع القضية ضدك يا فريد أبو فيصل بنعمي كاين شبيبة مجاوبتهمش وغلقتلي ضيافتي هاصحا هههههههه

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

صح فطوركم ..


متى بدأت تصوم شهر رمضـآن [ يعني كم عمرك ] ؟
2 - صيامك وانت صغير مبادرة منك او بطلب من اهلك ؟؟
3- موقف مضـحـك صـآإر لكـ في شهر رمضـآإن ؟
4- ذكـرى لا تنسى عـشتهـآ فِـِي رمضـآإن ؟
5- برنـآإمـ ج ـكـ الـيومـِـِي في شهر رمضـآإن ؟
6- ماهو البرنـآمج التلفزيوني اللي تـحـب تتـآبـعـه فـِـي رمضـآإن ؟

 

[بسمة القلوب]

السلام صح فطوركم
اليوم حتى لغدا و نتا تجاوب و متكملش
انا منكثرش عليك
_من اي ولاية انت؟
_ماهو اختصاص دراستك؟
ماهو عملك حاليا؟

 

[إلياس]

اشكرك تواجدك وحضورك اخي الياس
وتجاوزت بعض الاسئلة لانه لا تحضرني الاجابة حاليا و حتى اتفرغ لبقية التحوان كذلك
اشكرك مرة ثانية واسعدني تواجدك

اللهم امين يارب العالمين اجمعين

 

[dahman kz]

السلام عليكم
صح رمضانكم
سي فريد دائما مبدع ربي يبارك

وعليكم السلام وصحى فطورك خويا موح وربي يتقبل

الأسئلة
كي راك مع رمضان؟؟
الحمد لله خويا ورمضان هذا رحمة ربي الحقيقة وهاك تعرف حالة الخدمة كي تتحرك الخدمة الواحد ينشط ويترفه وفترة ما بعد الكورونا الحمد لله تحركت الحالة وربي يدومها نعمه

رمضانك كي تفوته رقاد خدمة؟؟
والله السنوات الاخيرة كي عاد رمضان بارد نفوت فيه خدمه في النهار وسنوات بكري كي كان في الصيف ساعات نخدمه في الليل وساعات نديره عطله
والاغلبية نخدم الا اذا حبست الخدمه


أنت من ذوك لي يغلبهم رمضانهم و يبدأ يدابز ناس ولا عاقل؟؟
لا الحقيقة تقدر تقول عاقل ههه بالصح عندي مشكل في اللحظات الاخيرة نحس بيها في الجوع والعطش ساعات
لحظات وقت بدل الضائع هي المشكلة ههه

20 يوم فاتت شدرت فيها ؟؟
العام هذا الحقيقة مادرت والو راني مريض من ركبتي والطبيب قالي حبس الخدمة وحتى الصلاة قالي صلي في الكرسي
والحمد هكا ولا اكثر وتتعالج بالصح تحتاج وقت راحه وعلاج هدا ماكان
وشكرا ويعطيك الصحة وربي يبارك فيك خويا موح

 

[الامين محمد]

نورتنا حبيبي دحمانوس و الله

خبرنا بالمواهب تاعك
هل انت متزوج ام في طور دقدقات القلب ام لا هيك و لا هيك هههههه
علاقتك بالرياضة
كم تحفظ من كتاب الله
امنياتك و طموحاتك
هاذي والله ق تجاوبنا عليها كم مرة حبيت ههههههه الليلة نوصلك لطريحة ههههههه

 

[dahman kz]

بعد الشكر للسي فريد على الموضوع المتميز ..

مرحبا ب السي حمدان
ندخل ف الموضوع طووول هههه

مرحبا بيك خويا وهذا وين لحقت دالتك ههه

- رغم اننا قدام في زوج بصح ما نعرفكش ''شكون كان غايب بزاف انا ولا أنت ؟ هههه)
اسامينا راهي تبدلت اكثر من مرة وهذا علاش اغلبنا مايعرفوش بعضاهم اما بخصوص شكون للي غايب رانا في الهوا سوا بظهرلي ههه كي انا كي انتا لثنين رانا كيف كيف ههه

- خلينا نعرفوك اكثر ( واش من ولاية)
من ولاية الوادي .. واد سوف

- تفلح . تصنع, تخدم تجارة-ولا غير خدمة اتاع "غير هاك برك هههه " بيروات وتلفونات واخواتهم
راني خدام في الصبغة وساعات نقلبها فلاحة مع الوالد ..وعطاتني الدولة ارض زراعية وقريب نبداها ان شاء الله


- تزوجت ولا مازال ؟
ايه تزوجت وعندي زوج بنات ربي يحفظهم وربي يرزقكم ويرزق كل محروم ان شاء الله


- واش هي الماكلة أي تبعجبك بزاااف ؟؟
المقرونة واللوبيا يا صاحبي ههه
وحاشا ثمار ربي بالصح مانحبش نشوفهم في الطابلة الله غالب ههه

(واش رايك ف السردين ؟ ههههههه
مانحباهش السردين ونحب الطون صح ههه



صح فطورك .. ندرب دورة ونوليلك

ويعطيك الصحة و مرحبا بيككم فكل وقت خويا

 

[dahman kz]

نورتنا حبيبي دحمانوس و الله

خبرنا بالمواهب تاعك
هل انت متزوج ام في طور دقدقات القلب ام لا هيك و لا هيك هههههه
علاقتك بالرياضة
كم تحفظ من كتاب الله
امنياتك و طموحاتك
هاذي والله ق تجاوبنا عليها كم مرة حبيت ههههههه الليلة نوصلك لطريحة ههههههه

اصبر حتى تجي دالتك ههه

 

[dahman kz]

السلام عليكم
صح فطوركم
اهلاا بالضيف
حللت اهلا ونزلت سهلا
راهم تهلاو فيك بالأسئلة الله يبارك
أنا جبتلكم غير باش تفوت السهرة وتجاوب
مشاهدة المرفق 144727مشاهدة المرفق 144726

وعليكم السلام ورحمة الله وصحى فطرك وربي يتقبل صيامك واعمالك اختي
وشكرا على الترحيب وانتي هي الوحيدة للي استقبلتي بالحلويات البخلاء لوخرين واحد ماتفكرني ههه
بالصح مزية جبتيهم بعد على الافطار على بالك
لوكان جبتيهم وانا صايم احتمال كبير تربحي ذنوبي ههه

 

[dahman kz]

انا أطالب بحقي وسأرفع القضية ضدك يا فريد أبو فيصل بنعمي كاين شبيبة مجاوبتهمش وغلقتلي ضيافتي هاصحا هههههههه

روحي انسخي الاقتباس وردي عليهم هنا في موضوعي ههه

 

[أبو عاتكة]

انا أطالب بحقي وسأرفع القضية ضدك يا فريد أبو فيصل بنعمي كاين شبيبة مجاوبتهمش وغلقتلي ضيافتي هاصحا هههههههه

بالعكس أطول ضيافة تمت مفتوحة هي ضيافتك. هانتي طولتي عليهم. معليش مخلوفة ان شاء الله. كيما قال دحمان نكريلك بلاصة هنا وجاوبيهم

 

[dahman kz]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

صح فطوركم ..

وعليكم السلام ورحمة الله وتقبل الله منكم الصيام والاعمال

متى بدأت تصوم شهر رمضـآن [ يعني كم عمرك ] ؟
بدأت اصوم الايام في سن العاشرة ولكنها ايام فقط وليست شهر كامل .واول شهر صمته كامل كان في سن 14 سنة

2 - صيامك وانت صغير مبادرة منك او بطلب من اهلك ؟؟
لا كان مبادرة مني واقصد هنا صيام الايام فقط وليس الشهر كامل

3- موقف مضـحـك صـآإر لكـ في شهر رمضـآإن ؟
من المواقف المظحكة اني رحت للمسجد بقميص مقلوب في احدى المرات .وفي مرة اخرى رحت للمسجد بتقاشر مفردين يعني كل وحدة بلون ههه وهذا كله بسبب التهاون في الوقت والخروج المتأخر للصلاة وبسبب العجلة احيانا تحدث بعض الكوارث ههه

4- ذكـرى لا تنسى عـشتهـآ فِـِي رمضـآإن ؟
ذكرى عائلية رمضان 2011 اجتمعت فيه كل افراد العائلة في بيت الوالد لان العائلة متفرقة نصفها في الخارج وبعضها في ولايات بعيدة وكان رمضان هذا هو الوحيد اجتمعت فيه كل العائلة وهو ذكرى عائلية لا تنسى

5- برنـآإمـ ج ـكـ الـيومـِـِي في شهر رمضـآإن ؟
العمل وان يكن متوفر اتخذ من الشهر عطلة
اقضي معظم الاوقات في البيت ولا اخرج الا للصلاة او قضاء احتياجات البيت
في الليل لا اسهر في الخارج اطلاقا وامضي كل الوقت في البيت مع العائلة او اتابع الشبكة العنكبوتية

6- ماهو البرنـآمج التلفزيوني اللي تـحـب تتـآبـعـه فـِـي رمضـآإن ؟
لا اتابع التفزيون اطلاقا في رمضان الا اذا كانت هناك مبارة للمنتخب الجزائري
وفي الافطار اتابع قناة ناشيونال جيوغرافيك وبرامجها الوثائقية كبرامح الحيوانات و ابكاليبس وامن المطارات وتحقيقات الكوارث وغيرها

اشكرك على الحضور اختي واسعدني تواجدك في السهرة

 

[dahman kz]

السلام صح فطوركم
اليوم حتى لغدا و نتا تجاوب و متكملش
انا منكثرش عليك
_من اي ولاية انت؟
_ماهو اختصاص دراستك؟
ماهو عملك حاليا؟

وعليكم السلام ورحمة الله صحى فطورك اختي وربي يتقبل
من ولاية واد سوف
المستوى الدراسي ثالثة ثانوي تقني شعبة الكترونيك
العمل حاليا في الطلاء والديكور صباغ يعني
وبخصوص الاسئلة عادي اليوم متفرغلها ومرحبا في كل وقت

 

[dahman kz]

نورتنا حبيبي دحمانوس و الله

اهلا وصحى فطورك عمي الطالب ههه

خبرنا بالمواهب تاعك
في الحقيقة لا املك مواهب تذكر الا اني موهوب في عملي ففي عملي انعم الله عليا موهبة الاتقان والتفاني الى ابعد الحدود
ولا انسى موهبتي في نوع من هواياتي في الصيد وهي صيد الطيور

هل انت متزوج ام في طور دقدقات القلب ام لا هيك و لا هيك هههههه
متزوج وأب لبنتين ربي يحفظهم وربي يرزق كل من يتمنى ويرزق كل محروم

علاقتك بالرياضة
كنت في السابق لاعب كرة قدم وكنت صاحب قدرة في الجري لمسافات طويلة ..وهذا في ايام الشباب طبعا ههه

كم تحفظ من كتاب الله
كنت احفظ جزء عم ولكن نسيت البعض منه للاسف وان شاء الله اكرره من جديد على ظهر القلب

امنياتك و طموحاتك
هاذي والله ق تجاوبنا عليها كم مرة حبيت ههههههه الليلة نوصلك لطريحة
ههههههه

امنياتي هي الحصول وظيفة جيدة تناسب المرحلة العمرية اللتي انا فيها واتمكن من خلالها ايضا من مساعدة الوالد
ولدي طموح اخر كذلك وهو الانتقال والعمل في الخارج

وهذا كل مالدي من طموحات ومانيش حاب ندي طريحة في هالعواشير يا محمد خويا ههه

 

[سكون الفجر]

السلااااام عليكم
صحة سحوركم اخي







والله شكلهم ما خلولي اسئلة

ذكرت انك تعمل في المزرعة وقريباً سيكون لك مزرعتك الخاص باذن الله
سؤالي لك هو هل ستقوم بزراعة انواع معينة من الخضروات والفواكه؟ أم سيكون هناك تربية لانواع من الحيوانات؟
السؤال الثاني هل سنرى لدحمان مشاركات ونشاط في اللمة بعد رمضان؟
السؤال الثالث هل تحب الزراعة والعناية بالاشجار ام ان الموضوع مجرد عمل؟

اكتفي بهذا القدر
بارك الله فيكم اخي على قبول الدعوة وعلى تشريفك لنا

 

[aljentel]

الله عليك سكون ما اجمل مطبخك

 

[dahman kz]

السلااااام عليكم
صحة سحوركم اخي

وعليكم السلام ورحمة الله وتقبل الله منا ومنكم

مشاهدة المرفق 144740

مشاهدة المرفق 144741

مشاهدة المرفق 144742

والله شكلهم ما خلولي اسئلة

ذكرت انك تعمل في المزرعة وقريباً سيكون لك مزرعتك الخاص باذن الله
اعمل وقت الحاجة للمساعدة فقط أو في الاعمال الموسمية لاني امتهن مهنة اخرى حاليا


سؤالي لك هو هل ستقوم بزراعة انواع معينة من الخضروات والفواكه؟ أم سيكون هناك تربية لانواع من الحيوانات؟

سأغرس نصف المساحة او الثلثين نخيل واترك المساحة الباقية للخضروات الموسمية
وسأخصص كذلك مكان لتربية بعض الحيوانات كالدجاج والماعز والحمام والارانب لتلبية الاحتياج المنزلي من اللحوم والحليب


السؤال الثاني هل سنرى لدحمان مشاركات ونشاط في اللمة بعد رمضان؟
اكيد سيكون هناك نشاطات وسابقى لان تعلقى باللمة ازداد اكثر من اي مرحلة مضت

السؤال الثالث هل تحب الزراعة والعناية بالاشجار ام ان الموضوع مجرد عمل؟
احب الزراعة والعناية بالاشجار لاني نشأت وترعرعت فيها منذ طفولتي وهي مهنة الوالد الى اليوم وهي اللتي كبرنا ونشانا من خيراتها

اكتفي بهذا القدر
بارك الله فيكم اخي على قبول الدعوة وعلى تشريفك لنا

وفيك بارك الله وهذا واجبنا تجاه المنتدى وسررت كثيرا بتواجدك في السهرة اختي وشكرا على الاطباق الشهية
تحياتي لكي

 

[dahman kz]

اخي بندر @aljentel
لاحظت في مداخلتك الاولى كلام عن السبوق والوكر وانتابني بعض الفضول!!
فهل انت مربي او هاوي او كانت لك تجارب سابقة في الصيد بالصقور وتربيتها خاصة وان لكم انتم اهل الخليج باع كببر في هذا النوع من الصيد ؟