شمس طلعت والجو جميل هذا اليوم 🌞🌞

[إلياس]

الصيف دخل لا احم ولا دستور لا حشمة لا حيا
ياااو الناس بدات تحط تصاورها فالبحر وحنا مزالنا نتڨلاو

علينا بالصبر و خلاص

 

[A-Boudjema]

كامل تحوسو تروحو للبحر
مالا نعطيكم صدمة عمركم، اذا قدرنا ربي ان شاء الله نضربو تحويسة لتمنراست

 

[afnene]

كامل تحوسو تروحو للبحر
مالا نعطيكم صدمة عمركم، اذا قدرنا ربي ان شاء الله نضربو تحويسة لتمنراست

والله حتى انا في خاطري نروح للصحراء
بصح الوالد فوت نص حياته في ولايات صحراوية
كره الجو وبغاش يدينا
واش رايك نتبادلو معاهم الولايات

 

[إلياس]

كامل تحوسو تروحو للبحر
مالا نعطيكم صدمة عمركم، اذا قدرنا ربي ان شاء الله نضربو تحويسة لتمنراست

هل تعلمون ان تمنراست باردة جدا في ليل في الصيف

 

[جليلوس]

كامل تحوسو تروحو للبحر
مالا نعطيكم صدمة عمركم، اذا قدرنا ربي ان شاء الله نضربو تحويسة لتمنراست

روح وحدك اتشوط بصحتك
ان شاء الله من فرحة البيام الى فرحة الصيف

 

[sana barhoumi]

 

[بسمة القلوب]

السلام عليكم
ننصحك تزور تلمسان فيها بلايص شابين الشواطئ و لالة ستي و المغارات العجيبة ...اخ
وايضا ننصحك بسكيكدة و القل الشواطىء نتاعها روعة و اسعار الكراء معقولة نعقل كرينا دار فيها 3غرف و كوزينة فيها كلش ب 350 الف لليلة ولي عجبني الشواطىء فيهم احترام تروح مع لفامي وانت هاني وايضا جيجل تاني رائعة فيها حديقة حيوانات روعة و كل الطرق نتعها تطل على البحر

 

[Hakan]

كامل تحوسو تروحو للبحر
مالا نعطيكم صدمة عمركم، اذا قدرنا ربي ان شاء الله نضربو تحويسة لتمنراست

هاوش اكتيفيت مود تاع الڨاوري ول ،ولا ساكن في الايسكيمو وخصك فيتامين دي للشتوية الجاية ههههه قالوا صحرى ما صحراء

 

[Hakan]

هل تعلمون ان تمنراست باردة جدا في ليل في الصيف

كاينة ياخويا ،بصح ما علابالوش حبيبي بلي القماش لي مصنوعة منو ملابس تاعهم بارد كي شغل كليماتيزور متنقل ،و يوصل سعرو حتى 3 ملاين و 6 وووو .

 

[Hakan]

السلام عليكم
ننصحك تزور تلمسان فيها بلايص شابين الشواطئ و لالة ستي و المغارات العجيبة ...اخ
وايضا ننصحك بسكيكدة و القل الشواطىء نتاعها روعة و اسعار الكراء معقولة نعقل كرينا دار فيها 3غرف و كوزينة فيها كلش ب 350 الف لليلة ولي عجبني الشواطىء فيهم احترام تروح مع لفامي وانت هاني وايضا جيجل تاني رائعة فيها حديقة حيوانات روعة و كل الطرق نتعها تطل على البحر

أنعم تلمسان فيها كامل واش ذكرتي بشهادة ناس لي راحت ليها وزارتها حتى سكيكدة فيها أماكن تثلج الصدر ،ان شاء الله الواحد يقدر يشوف يا لوكان ولاية واحدة برك

 

[السلطانة]

هكذا تقضي ويكاند ربيعي رائع مع العائلة و الاطفال في ولاية ڨالمة

الحاجة الاولى لي ديرها في بالك هي ان ڨالمة ماشي بعيدة بزاف ، وسط المدينة يبعد بحوالي 30 دقيقة فقط من الطريق السيار شرق/غرب (الدخلة بين قسنطينة و سكيكدة)

قبل ما تنطلق لازم تضمن المبيت
الخميس 19h00 راك في حمامات ولاد علي ( منطقة فيها عدة مركبات حموية تبعد بحوالي 20كم قبل وسط المدينة) تتحمم ، تتعشى و تروح للمكان لي راح تبات فيه.

الجمعة صباح ، ڨراس ماتيني ، تستقهوى ، تقضي مستلزمات البيكنيك و تتجهة نحو منطقة حمام الدباغ (20كم من وسط المدينة) فيها عدة حمامات معدنية من بينهم حمام المسخوطين (المسك و الطين) المشهور ، ماشي باش تتحمم (لكن من أجل الزيارة و أخذ صور تذكارية فقط + أدي معاك حبيبات بيض داخل كيس و غليهم فالمياه الساخنة ، الدراري رايح يعجبهم الحال ( 45دقيقة جد كافية في هذه المحطة).

الاتجاه نحو سد بو حمدان (5كم من حمام المسخوطين) ، تركن السيارة و تمشي 10د تخرج في غابة ، لحشيش ، السد ، مكان رائع للبيكنيك + قيلولة (3ساعات جد كافية)

الاتجاه نحو بئر بن عصمان (2كم من حمام المسخوطين) ، مغارة شابة ، و سهلة الدخول فيها بركة ماء ، البعض قالك هي بحيرة تحت الارض تمتد الى ولاية سكيكدة (قضية للمتابعة) ، نصف ساعة جد كافية في هذا المكان .

نزيد نأكد على القيلولة في سد بوحمدان باش تقدر تكمل اليوم و تستغل مليح

الاتجاه نحو وسط المدينة تستقهواو و تروحوا للمسرح
الروماني (الله أعلم يغلق على الساعة الرابعة أو الخامسة مساءا) الدخلة 150دج للواحد ، ماشي كبير بزاف لكن يستحق الزيارة باش تنوع شوية ، اذا لقيتوه غلق ، خلوه غدوة منذاك .

الاتجاه نحو الاقامة ديالكم

يوم السبت الاتجاه نحو بلدية حمام النبايل (35كم من وسط المدينة) وين كاين شلالات الڨلتة الزرقاء (تزيد 5كم ) ، تڨاري السيارة كيما شركة SEAAL و تبقالك حوالي 300متر نحو الشلال رقم 1 ، طريق سهلة ، لكن باش تلحق للشلال الثاني تزيد 20دقيقة و الطريق جد صعبة لا أنصحكم بها مع العائلة و الاطفال.

تحب تفطر لتم ، تحب تفطر في طريق العودة الى الديار ، تحب تولي للاقامة ديالك قيلولة خفيفة و من بعد تقلع ، شوف واش يساعد

-كاين تاني جبل ماونة فيه مناظر خلابة غابات اشجار
-جبل هوارة فيه مساحات خضراء ..اشجار غابات... طبيعة ماراح تخسر والو
يليق يكون معاك واحد من الولاية احسن.

كي تكمل من المساحات الخضراء فوت لعنابة ولاسكيكدة كمل مع الولايات الساحلية وجمال البحر

 

[خديجة ph]

ما نعرف في بالي واحد من الاخوة قبل ايام معدودة قالنا كفاش ننقص مصروف و نخبي شوي للعرس هو نفسو حاب يرمي دريهماتو في البحر اليوم اللي شافو يخبر الحصة
المهم مادامك قلت اماكن مناسبة للعائلات رايحة ندير النية و نقول راك تخمم في شهر العسل يا سيدي
شوف اخي من تجربة شخصية احسن الشواطئ في الجزائر و اكثرها حشمة و اقلها مناظر خليعة هي كل الشواطئ الجزائرية بلا استثناء من وهران لعنابة لكن من 6 صباحا إلى 11 صباحا قبل ما ينوضو خاشا و باشا و زغد فراشا كي يبداو هوما يهبطو للبحر انت روح تتغدا و ارجع للفندق ولا المنزل قيلولة و من 4 مساءا ل8 مساءا هوما يرجعو يتغداو و يحضرو انفسهم للسهرة انت روح تحوس في المدينة و تعشا و بوجهك للفندق لانهم رايحين يخرجو يسهرو
صدقني رحت لوهران بهذه الطريقة ما شفنا حتى منظر مع نشوفو المنظر بدأ يتبدل نرجعو للفندق
ايضا الفترة اللي تروح فيها جد مهمة من الاحسن قبل ما يعقبو اصحاب الباكالوريا آسفه لكنهم هرج و مرج عظيم او بعد الدخول المدرسي ولو بيوم تفرز روعة خصوصا للعرسان جد مناسب
اما بالنسبة للشباب العزاب ولا المتزوجين ولا اروع من التخييم تمرميدة كلبة حاشاك لكن مع الاصحاب خاصة لو متدينين كلش يرجع ضحك و مغامرات لازمك مجموعة فوق الخمسة اشخاص تنقص مصروف و تتمتعو مليح هذي عاشها زوجي قبل الزواج تمتع
هذا رأيي
سلام

 

[Hakan]

هكذا تقضي ويكاند ربيعي رائع مع العائلة و الاطفال في ولاية ڨالمة

الحاجة الاولى لي ديرها في بالك هي ان ڨالمة ماشي بعيدة بزاف ، وسط المدينة يبعد بحوالي 30 دقيقة فقط من الطريق السيار شرق/غرب (الدخلة بين قسنطينة و سكيكدة)

قبل ما تنطلق لازم تضمن المبيت
الخميس 19h00 راك في حمامات ولاد علي ( منطقة فيها عدة مركبات حموية تبعد بحوالي 20كم قبل وسط المدينة) تتحمم ، تتعشى و تروح للمكان لي راح تبات فيه.

الجمعة صباح ، ڨراس ماتيني ، تستقهوى ، تقضي مستلزمات البيكنيك و تتجهة نحو منطقة حمام الدباغ (20كم من وسط المدينة) فيها عدة حمامات معدنية من بينهم حمام المسخوطين (المسك و الطين) المشهور ، ماشي باش تتحمم (لكن من أجل الزيارة و أخذ صور تذكارية فقط + أدي معاك حبيبات بيض داخل كيس و غليهم فالمياه الساخنة ، الدراري رايح يعجبهم الحال ( 45دقيقة جد كافية في هذه المحطة).

الاتجاه نحو سد بو حمدان (5كم من حمام المسخوطين) ، تركن السيارة و تمشي 10د تخرج في غابة ، لحشيش ، السد ، مكان رائع للبيكنيك + قيلولة (3ساعات جد كافية)

الاتجاه نحو بئر بن عصمان (2كم من حمام المسخوطين) ، مغارة شابة ، و سهلة الدخول فيها بركة ماء ، البعض قالك هي بحيرة تحت الارض تمتد الى ولاية سكيكدة (قضية للمتابعة) ، نصف ساعة جد كافية في هذا المكان .

نزيد نأكد على القيلولة في سد بوحمدان باش تقدر تكمل اليوم و تستغل مليح

الاتجاه نحو وسط المدينة تستقهواو و تروحوا للمسرح
الروماني (الله أعلم يغلق على الساعة الرابعة أو الخامسة مساءا) الدخلة 150دج للواحد ، ماشي كبير بزاف لكن يستحق الزيارة باش تنوع شوية ، اذا لقيتوه غلق ، خلوه غدوة منذاك .

الاتجاه نحو الاقامة ديالكم

يوم السبت الاتجاه نحو بلدية حمام النبايل (35كم من وسط المدينة) وين كاين شلالات الڨلتة الزرقاء (تزيد 5كم ) ، تڨاري السيارة كيما شركة SEAAL و تبقالك حوالي 300متر نحو الشلال رقم 1 ، طريق سهلة ، لكن باش تلحق للشلال الثاني تزيد 20دقيقة و الطريق جد صعبة لا أنصحكم بها مع العائلة و الاطفال.

تحب تفطر لتم ، تحب تفطر في طريق العودة الى الديار ، تحب تولي للاقامة ديالك قيلولة خفيفة و من بعد تقلع ، شوف واش يساعد

-كاين تاني جبل ماونة فيه مناظر خلابة غابات اشجار
-جبل هوارة فيه مساحات خضراء ..اشجار غابات... طبيعة ماراح تخسر والو
يليق يكون معاك واحد من الولاية احسن.

كي تكمل من المساحات الخضراء فوت لعنابة ولاسكيكدة كمل مع الولايات الساحلية وجمال البحر

سبحان الله تقول راكي توصفي في كاش بلاد في اروبا ،بلادنا وما نعرفوش نحوسو فيها ، والله شوقتيني لهذي البلاصة ربي يبارك فيك ان شاء الله واحد يروح زيارة لثم اذا كتب ربي

 

[Hakan]

ما نعرف في بالي واحد من الاخوة قبل ايام معدودة قالنا كفاش ننقص مصروف و نخبي شوي للعرس هو نفسو حاب يرمي دريهماتو في البحر اليوم اللي شافو يخبر الحصة
المهم مادامك قلت اماكن مناسبة للعائلات رايحة ندير النية و نقول راك تخمم في شهر العسل يا سيدي
شوف اخي من تجربة شخصية احسن الشواطئ في الجزائر و اكثرها حشمة و اقلها مناظر خليعة هي كل الشواطئ الجزائرية بلا استثناء من وهران لعنابة لكن من 6 صباحا إلى 11 صباحا قبل ما ينوضو خاشا و باشا و زغد فراشا كي يبداو هوما يهبطو للبحر انت روح تتغدا و ارجع للفندق ولا المنزل قيلولة و من 4 مساءا ل8 مساءا هوما يرجعو يتغداو و يحضرو انفسهم للسهرة انت روح تحوس في المدينة و تعشا و بوجهك للفندق لانهم رايحين يخرجو يسهرو
صدقني رحت لوهران بهذه الطريقة ما شفنا حتى منظر مع نشوفو المنظر بدأ يتبدل نرجعو للفندق
ايضا الفترة اللي تروح فيها جد مهمة من الاحسن قبل ما يعقبو اصحاب الباكالوريا آسفه لكنهم هرج و مرج عظيم او بعد الدخول المدرسي ولو بيوم تفرز روعة خصوصا للعرسان جد مناسب
اما بالنسبة للشباب العزاب ولا المتزوجين ولا اروع من التخييم تمرميدة كلبة حاشاك لكن مع الاصحاب خاصة لو متدينين كلش يرجع ضحك و مغامرات لازمك مجموعة فوق الخمسة اشخاص تنقص مصروف و تتمتعو مليح هذي عاشها زوجي قبل الزواج تمتع
هذا رأيي
سلام

ها قلت نخمم نزير روحي باش نروح نحوس هاهاها علاه واش حابين مثلا نزير روحي باش نشري دار ،مع الشهرية تزير روحك ولافامي تاعك ما تلحقش تشري ستوديو ههه .
بالنسبة التحواس ما غلطتيش خيمت وحد المرة في 2012 مع تلاميذ وشيوخ المدرسة القرآنية في جبل شرشال وكان يبعد الشاطئ ولي عبارة عن مساحة صغيرة شاطئ والباقي كامل روشيات كانت من أجل الرحلات في حياتي كامل تحواس و مغامرات و تخييم وقرآن ومسابقات وكلش فيها قضينا أجمل أسبوع ،والمنطقة هذيك جمالها غير عادي ماشاء الله ،ديجا فكرتيني فيها .
شهر العسل خاصتني النحلة برك والعسل ساهل من بعد لازم نحوس بميمتي هي الأولى والزوجة كي يلحق وقتها ساهل هههه ربي يحفظك .

 

[{مُدَلَّلَتُهُ}]

السلام عليكم

الصيف السنا دخل بدون مقدمات ربي يلطف بينا و يقينا حر جهنم .. انا موالف نخطف يامات نحوس بصح السنا عندي مرض فالدار و خداما تسما راح نفوتو ننقلا فالكوزينة .. الا اذا جات كاش معجزة

بالنسبة للبلايص الشابين وهران ماهيش تع لي تروح مع العايلة .. كاين وحد لي بلاج في مستغانم و شلف شابين و تع عايلة تروح هاني .
الشرق سكيكدة بزاف شابة و القالة واقيل موالف خويا يصورلي بحكم راه يقرا ثم بلايص ما شاء الله تروح ما تحسبش راك فالجزاير و عائلية ثاني .. تيبازة ثاني مليحة و فيها بلايص شابين بصح وجد شكارة دراهم التحواس يبغي ال$$$$$ كثر منهم ​

 

[أبو عاتكة]

هكذا تقضي ويكاند ربيعي رائع مع العائلة و الاطفال في ولاية ڨالمة

الحاجة الاولى لي ديرها في بالك هي ان ڨالمة ماشي بعيدة بزاف ، وسط المدينة يبعد بحوالي 30 دقيقة فقط من الطريق السيار شرق/غرب (الدخلة بين قسنطينة و سكيكدة)

قبل ما تنطلق لازم تضمن المبيت
الخميس 19h00 راك في حمامات ولاد علي ( منطقة فيها عدة مركبات حموية تبعد بحوالي 20كم قبل وسط المدينة) تتحمم ، تتعشى و تروح للمكان لي راح تبات فيه.

الجمعة صباح ، ڨراس ماتيني ، تستقهوى ، تقضي مستلزمات البيكنيك و تتجهة نحو منطقة حمام الدباغ (20كم من وسط المدينة) فيها عدة حمامات معدنية من بينهم حمام المسخوطين (المسك و الطين) المشهور ، ماشي باش تتحمم (لكن من أجل الزيارة و أخذ صور تذكارية فقط + أدي معاك حبيبات بيض داخل كيس و غليهم فالمياه الساخنة ، الدراري رايح يعجبهم الحال ( 45دقيقة جد كافية في هذه المحطة).

الاتجاه نحو سد بو حمدان (5كم من حمام المسخوطين) ، تركن السيارة و تمشي 10د تخرج في غابة ، لحشيش ، السد ، مكان رائع للبيكنيك + قيلولة (3ساعات جد كافية)

الاتجاه نحو بئر بن عصمان (2كم من حمام المسخوطين) ، مغارة شابة ، و سهلة الدخول فيها بركة ماء ، البعض قالك هي بحيرة تحت الارض تمتد الى ولاية سكيكدة (قضية للمتابعة) ، نصف ساعة جد كافية في هذا المكان .

نزيد نأكد على القيلولة في سد بوحمدان باش تقدر تكمل اليوم و تستغل مليح

الاتجاه نحو وسط المدينة تستقهواو و تروحوا للمسرح
الروماني (الله أعلم يغلق على الساعة الرابعة أو الخامسة مساءا) الدخلة 150دج للواحد ، ماشي كبير بزاف لكن يستحق الزيارة باش تنوع شوية ، اذا لقيتوه غلق ، خلوه غدوة منذاك .

الاتجاه نحو الاقامة ديالكم

يوم السبت الاتجاه نحو بلدية حمام النبايل (35كم من وسط المدينة) وين كاين شلالات الڨلتة الزرقاء (تزيد 5كم ) ، تڨاري السيارة كيما شركة SEAAL و تبقالك حوالي 300متر نحو الشلال رقم 1 ، طريق سهلة ، لكن باش تلحق للشلال الثاني تزيد 20دقيقة و الطريق جد صعبة لا أنصحكم بها مع العائلة و الاطفال.

تحب تفطر لتم ، تحب تفطر في طريق العودة الى الديار ، تحب تولي للاقامة ديالك قيلولة خفيفة و من بعد تقلع ، شوف واش يساعد

-كاين تاني جبل ماونة فيه مناظر خلابة غابات اشجار
-جبل هوارة فيه مساحات خضراء ..اشجار غابات... طبيعة ماراح تخسر والو
يليق يكون معاك واحد من الولاية احسن.

كي تكمل من المساحات الخضراء فوت لعنابة ولاسكيكدة كمل مع الولايات الساحلية وجمال البحر

هاذي تحويسة ولا خلي . تروح تتفرج في المناظر والاثار والاخضرار وتشم الهوى النقي وتكسل رجليك احسن من البحر انا منحبش قعدة البحر معليش تضرب دورة ولا تريح في مكان يطل على البحر بصح تدخل في المعماعة تسمع وتشم وتشوف مالا يرضيك امالا خلونا في تحويسة السلطانة خير احسن تحويسة.

 

[السلطانة]

هاذي تحويسة ولا خلي . تروح تتفرج في المناظر والاثار والاخضرار وتشم الهوى النقي وتكسل رجليك احسن من البحر انا منحبش قعدة البحر معليش تضرب دورة ولا تريح في مكان يطل على البحر بصح تدخل في المعماعة تسمع وتشم وتشوف مالا يرضيك امالا خلونا في تحويسة السلطانة خير احسن تحويسة.

اهلا وسهلا

 

[ناصر dz]

نضوب الأوزون بتغير المناخ

 

[الامين محمد]

وعليكم السلام
راح نروح للمالديف
انا من جماعة لي نفوت الصيف في الدار ...
المهم ننصحك متجيش لوهران
خاصة اذا قالولك الاندلس ..لالالالا يصلح للعائلات في الصيف باسكو يجو قاع الولايات
كاين تلمسان فيها بلايص بزاف شابين للتحواس وحتى شواطئ كاين تاع عائلات ماشاء الله
فوق هذا ما عندي ما نفيدك سينو نعطيك برنامج كيف تقضي العطلة في المنزل هههه

زمان كنت نروح لبوروبور
في النهار الى حدما مليحة لكن بعد العصر الهربة تسلك
بعد العصر نروح لعين البية او بطيوة خصوصا كاين مسجد فيه مدرسة قرآنية و امام رائع نكمل نهاري
مع بعض الطيبين مع مقابلة في كرة القدم
و في الليل المدينة ممتازة في احدى المقاهي او المشي او التسوق

 

[Hakan]

السلام عليكم

الصيف السنا دخل بدون مقدمات ربي يلطف بينا و يقينا حر جهنم .. انا موالف نخطف يامات نحوس بصح السنا عندي مرض فالدار و خداما تسما راح نفوتو ننقلا فالكوزينة .. الا اذا جات كاش معجزة

بالنسبة للبلايص الشابين وهران ماهيش تع لي تروح مع العايلة .. كاين وحد لي بلاج في مستغانم و شلف شابين و تع عايلة تروح هاني .
الشرق سكيكدة بزاف شابة و القالة واقيل موالف خويا يصورلي بحكم راه يقرا ثم بلايص ما شاء الله تروح ما تحسبش راك فالجزاير و عائلية ثاني .. تيبازة ثاني مليحة و فيها بلايص شابين بصح وجد شكارة دراهم التحواس يبغي ال$$$$$ كثر منهم ​

ربي يشافي مرضاكم و يوفقك ان شاء الله باش تخرجي انت والعايلة الاستجمام رايح ناخذ بالنصائح نتاعكم بارك الله فيكم .