دارنا حرثو عليا بالشغل ،،، أنا محطمة

[أبو عاتكة]

هاهو الموقف اللي يقولو عليه " دارنا حرثوا عليا ..." زوج بنات مع امهم يساعدو في ابوهم لحرث قطعة ارضهم البائسة قديما ( الصورة من الجزائر)

ماشي تغسلي زوج طباسة ومغرف وانتي تبكي وتشكي وشهر وانتي تحكي عليها كأنهو فوتي سارفيس مينيتار في تندوف.
وتزيد تحط ستاتي في الفيسبوك بوجه دامع " أبحث عن فارس أحلامي ياخذني بعيدا " وهي في نيتها ياخذها بعيدا عن الكوزينة وشغل المنزل ويسكنها في قصر السلطان يخدموها عليها الجواري والغلمان.

الحرث يابنتي راح مع مواليه وانتي راكي تخدمي في 1٪ مما كانت تقوم به مولات 12 سنة بكري
والان في عمرها اكثر من عشرين عام قدها قد الملاكم محمد علي كلاي زوج ميترات نتاع دال دوصول متقدرش تمسحهم
انا نجي فايت بتقشيري (جوارب) برك نمسحهم .

هبركاونا من الشكي والبكي يابنات الجزائر راني فيكم خاير.
هذا لايعتبر قصف هذا انزال جوي برك.

 

[إلياس]

بشوية علينا خويا فريد كل يوم جديد عندك
بارك الله فيك على الموضوع الرائع و القيم و جعله الله في ميزان حسناتك يا رب العالمين ان شاء الله

 

[afnene]

السلام عليكم
عمي فريد مراكش تمعني عليا زعما
نبدا نحكي على روحي بطبعي نخدم عادي ماشي برك شغل الدار حتى مع الوالد نرجع ماصو بحكم معنديش اخ كبير
بصح الشكوى قدامهم منشكيش حتى واذا صح تعبت ... خاطيني الستوريتات بصح في المدونة ما تقوليش ما تشكيش نفرغ قلبي ...
ماشي باسكو راني ندير في مزية بلعكس واجب بصح المراة بطبعها اذا كان الحمل كبير لازم تشكي باي طريقة وانا الحمل بالنسبة ليا انو خوتاتي ضاربين الدنيا بطالون
اما بخصوص هذوك الستوريات لي تشوفه ودراما بعض البنات غالبيتها لا اساس لها من الصحة غير باش تبين بلي هي شاطرة ...
مشكووور على الموضوع

 

[خديجة ph]

هي يا اخي فريد ساهلة
اذا كان رب البيت بالدف قائما فشيمة اهل البيت هي الرقص
درك الراجل تاع بكري مش كيما تاع ضرك بكري كيما شفت البنات على المحراث شوف باباهم من الوراء كانو الرجال جبال يبكر من وراء الفجر راهو يحرث في الترعة يسقي الشجر يسرح بالبقر يكمل يجز للغنم يمشي للسوق يسوق على رجليه يحمل على كتافه يهبط للساقية ينظفها يعلف الخيل و الحمير يدخل من بعد المغرب لا ركاب لا كتاف لا مسلان تقولو تعبت يقولك الحمد لله شاقي ولا محتاج
اما درك يا خويا العزيز عدنا ما نلقاوش الدالة معاهم قدام المراية لا سشورنا سشورو لا ماكياج حطوا حواجبهم يخدموهم سراولهم ضيقوهم التيك توك فيه الرجال اللي يشطحوا كثر عالنساء يبات ساهر و ينوض عند الظهر اذا خدم يا ديك المنية يضال يمنن خلوني نرقد انا خدام و نهار الجمعة لا صلاة لا عبادة و السبة السمانة كامل و هو خدام و كي تجي تشوف خدمتو في ادارة حاكم بيرو زوج ورق يطبعهم في النهار تحت الكليماتيزور في الصيف و قدام الرادياتور في الشتاء من بيرو لبيرو و الهربة عالحداش و يرجع على الساعتين الثلاثة و نص يقفل البيرو وهذا غير معاني خفاف الثقيل اللي لا يقال
درك أكيد هذا الكلام و اللي قلتوه من قبل يجرح بصح ماشي الكل معني بيه بنات الناس و ولاد الناس ما تلقاهم تاع تيك توك لا تاع حياتهم ناشرينها في الفيسبوك لهذا ما يبانوش و الحمد لله راهم كاينين و ما شاء الله كيما الدقيق الصافي يهبط تحت ما يبان
و النخالة من فوق ظاهرة للعيان هذا اللي يخلي الواحد يحكم باللي الكل راهم كيف كيف
لكن لو تهز اعداد الشباب اللي يظهر في فساده على الفيسبوك و التيك توك قداش مليون زوج اربعة و الاربعين مليون الباقية الحمد لله ناس عادية كيفي كيفك ينوضو يحوسو على شقاهم يخلصو يدخلو لديارهم اكيد عندهم اخطاء بصح ماشيهم هاملين ديارهم و اولادهم كيما رانا متصورين
الله يهدينا جميع
سلام

 

["هشام الأوراس"]

أكثر كائن يتمتّع بالراحة هو المرأة ولاسيما المرأة المتزوجة، مالا علاه النحيب والشكوى!!

 

[ليليا مرام]

السلام عليكم ...بضحتكم لعشا انا هذا وين تعشيت دخلت للموضوع ڨلت نديرسر بالسي ابو فيصل مافيهاش نشوف لوجه فيصل وفريد اسمحولي ولادي باباكم فات حدو ليلة مع خوتاتنا ...
ايا بنات المنتدى هجوم
آسي بابات الوليدات ضروك حنا لازم نڨعدو نعيشو فوقت جداك وجدة شفت هذيك بالذات لي واقفة عند محراث لو عاشت لهذا الوقت راهيبالوشام فوجها تكونيكتي وفانحة لاكام لقدور ..ايه انعم وهي تلقاها تشكي من حرث وسيطرة نتاع يماها وباباها
..
زمان بزمانو وكل وقت ووقتو زمان مرا مولات 12 سنة تبان موللت 30 واليوم مولات ال40 كي حالتي تلان ڨطة...الصحة راشية وماناش نقدرو وزيد مرا بكري كانت تولد 10 مابيها والو وذراري نعاج راقدين ضروك تولد واحد قالب عليها دار يرڨدها وما يرڨدش مكاش مفارنة سي ابو فيصل بيان سور نشكو انا ڨالشوية من جيل قديم لوما صحتي خاينة نخدم وما نشكيش وهكاك وما عشتش زمن حرث وشنو نحرث هذاك ما خص وبنات ضرك زو وعاشو فزمن عوامة ها صحا نسقسيك لو عندك بنت فزمان غدر و أمان مكاش تطلڨها تحرث ها كونك واقعي اما لو جات لغسيل ماعن مقدور عليه اما فارس احلام احيي والله ماراهم يستناوه راهم هوما يروحو ليه وازيد من الشعر بيت ياو فارس احلام هو راه قابل ضرك ياو راه يغسلها ماعن وهو فرحان. امالا غي ما دخلش روحك دعوة ماهيش تشكر

 

[صاحبة الأثر]

السلام عليكم أنا من وجهة نظري والله اعلم لوكان نقلعوا مالحساب العازبات لي يبارتاجو أنا قضينا و رانا درنا بهدف الزواج ، يبقاو غي نسا صح لي تعبوا وهدفهم مالشكوى ليس التذمر ، بل كلمة حلوة تقال والمشكلة ليست في شكوى المرأة المشكلة في الراجل الذي أصبح يرى المرأة مجرد تمثال غير قاعدة ، شكون يغسل وينشر ويحدد ويستف ويطيب وكي تنوظ الصباح تلقا القهوة واجدة وتقوم بالواجب ، تهتم بيك وبأولادك وتقوم بأهلك ، حتى جواربك تغسلهوم ، أزرار قميصك تركبهوم إذا سافرت تخمم وإذا مرضت تخمم وإذا راك فالخدمة تخمم وإذا كنت حداها تاني تخمم أسكو راك راضي ولا لا ، صح تع ربي تبالكوم المرأة مدير والو مقابل تعبكوم ، وحنا ماختالفناش ، تتعبوا وتبذلو جهد كبير⁦⁩ ولكن الفرق أنو تعبكوم باين يقدروه الناس وتعب النساء ماشي باين ..علابيها تستعمل هذيك الطرق باه تبين بلي أنا تاني راني نقوم بمجهود ولو كان صغير .لوكان جا كل واحد يقبل جبين أمه ويقولها الله يحفظك ويبتسم لزوجته ويقولها بارك الله فيك ويريت على شعر بنته ويدعيلها ماتسمعو ولا ذرة شكوى ولكن للأسف .
دوام الحال مالموحال

 

[وۣۗهۣۗہۣۗم]

ها حوجى الواحد يقول كلمة الصح
كاين نساا اربع خمس ساعات وهى فالمطبخ واقفة طيابات لغسيل القش لغسيل ماعن اللى مايخلاصووووووووش لتسياق لغبار اللى لوكان تمسح كل يوم يولى .....
وفالاخير تحط ديك المائدة يبداو واحد ناقصووو ملح واحد حامض واحد ناقصتوو بنة واحد الفلفل وين ويشوفووو غير لناقص
هاحوجى مكانش اللى يشد فمووو
علاه هادا مش حريث حريث ونص وفي ميزان الحسانات وكامل
هذاا من جيهة كى نجى من الجهة المحايدة هههههههههههه من جهة خلاف النساء كامل يحبووو يشكووو ويعياووو بسرعة والعجب ميعجبهمش



​

 

[rafid2]

تباينت الردود على ابو فيصل وكلهن اقول كلهن يمتطين صهوة اجابات متفرعة
صورة ابو فيصل تضهر فصلا اجتماعيا لتركيبة عائلية تكافلية ربما اندثرت في واقعنا اليوم وربما اتخذت زيا اخر وشكلا اخر لكن الاكيد انها تعاني من اختلال في الميزان
اراد ابو فيصل ان يوصل لكن ان اسر اليوم اختل ميزات تكافل القوى والمهام بين الرجل والمراة فيها وتنحت المراة عن بعض مسؤولياتها في القيام بما يجب عليها القيام به كزوجة وابنة وهذا واقع معاش للاسف الشديد
كان بودي ان تركز الاخوات في الرد حول هذا الموضوع حول دليل النفي هاتوا دليل النفي ولا تتفرعوا في اجابات تنتقد الرجل وتاكدي يا اخت خديجة PHان الرجل لايزاحم الزوجة على المرأة ولا على مساحيق الوجه وتاكدي ايضا ان عناء الرجل لتوفير الخبزة لعائلته لايعلمها إلاّ الله
لي عودة للموضوع

 

[جليلوس]

كل يوم الجديد عند فريد هههههه ويعطيه
ماخلا فيكم والوا الشيرات
ايا رانا نتفرجووو ردوها ان استطعتم

 

[ريحـان]

مرات تخدم كل شي وتقضي هاذي وذي وضحي وتفوت وتهز الحمل وتتقاسمه رغم انه انت فرد فقط ولست احد من مؤسسي البيت ولسنوات وما تتكلمش ولا بكلمة وفالتالي يزيدو يحملوك اكثر واكثر ويقلك احمد ربي راك بصحتك الحمد لله رانا حمدناه
كاين لي يتحمل و كاين لمايقدرش يتحمل و كاين لي حاملينه و يعيا

 

[أبو عاتكة]

يتلكم مانيش عليكم بنيات اللمة شاطرات وقافزات بسلامتهم ولا يعلى عليهم في شغل الدار والطبيخ والتربية.

راني نحكي على اللي تغسل زوج طباسا و مغرف اما فوق 2 طباسا و 1 مغرف راكم معفيين من الخدمة الوطنية.

ههه بصح والله والله ق راكم معمرين ومصدقتو واحد فتح الموضوع

معليش مسموح تقدرو تفرغوا القهر نتاعكم هنا ومن بعد نحكو عالفنيانات والمتسربات من الواجب الاسري.

نتركوها مؤقتا الاولوية الان للمغبونات اليكم خيط النشير والتمنشير.

 

[أبو عاتكة]

السلام عليكم
عمي فريد مراكش تمعني عليا زعما
نبدا نحكي على روحي بطبعي نخدم عادي ماشي برك شغل الدار حتى مع الوالد نرجع ماصو بحكم معنديش اخ كبير
بصح الشكوى قدامهم منشكيش حتى واذا صح تعبت ... خاطيني الستوريتات بصح في المدونة ما تقوليش ما تشكيش نفرغ قلبي ...
ماشي باسكو راني ندير في مزية بلعكس واجب بصح المراة بطبعها اذا كان الحمل كبير لازم تشكي باي طريقة وانا الحمل بالنسبة ليا انو خوتاتي ضاربين الدنيا بطالون
اما بخصوص هذوك الستوريات لي تشوفه ودراما بعض البنات غالبيتها لا اساس لها من الصحة غير باش تبين بلي هي شاطرة ...
مشكووور على الموضوع

ماكيش تكتبي نصوص عالتوسويس في المدونة ديالك هذا وين عرفت بلي موسوسة صح.
ياتلا انتي راكي على يمين الصورة اللي حطيتها في الموضوع شفتي روحك ول ؟

ليا انو خوتاتي ضاربين الدنيا بطالون
والله الا نباصيك لخواتاتك يعطوك بطالون نتاع استاذة مادة الانجليزية اللي قريت انا عندها في المتوسط منحكيلكش عليه كي داير.

 

[أبو عاتكة]

بشوية علينا خويا فريد كل يوم جديد عندك
بارك الله فيك على الموضوع الرائع و القيم و جعله الله في ميزان حسناتك يا رب العالمين ان شاء الله

والله خويا ياسين كاين كل شاهوا حشمت منكم برك تقولو مهبول ودخل علينا المنتدى.ههه

 

[أبو عاتكة]

هي يا اخي فريد ساهلة
اذا كان رب البيت بالدف قائما فشيمة اهل البيت هي الرقص
درك الراجل تاع بكري مش كيما تاع ضرك بكري كيما شفت البنات على المحراث شوف باباهم من الوراء كانو الرجال جبال يبكر من وراء الفجر راهو يحرث في الترعة يسقي الشجر يسرح بالبقر يكمل يجز للغنم يمشي للسوق يسوق على رجليه يحمل على كتافه يهبط للساقية ينظفها يعلف الخيل و الحمير يدخل من بعد المغرب لا ركاب لا كتاف لا مسلان تقولو تعبت يقولك الحمد لله شاقي ولا محتاج
اما درك يا خويا العزيز عدنا ما نلقاوش الدالة معاهم قدام المراية لا سشورنا سشورو لا ماكياج حطوا حواجبهم يخدموهم سراولهم ضيقوهم التيك توك فيه الرجال اللي يشطحوا كثر عالنساء يبات ساهر و ينوض عند الظهر اذا خدم يا ديك المنية يضال يمنن خلوني نرقد انا خدام و نهار الجمعة لا صلاة لا عبادة و السبة السمانة كامل و هو خدام و كي تجي تشوف خدمتو في ادارة حاكم بيرو زوج ورق يطبعهم في النهار تحت الكليماتيزور في الصيف و قدام الرادياتور في الشتاء من بيرو لبيرو و الهربة عالحداش و يرجع على الساعتين الثلاثة و نص يقفل البيرو وهذا غير معاني خفاف الثقيل اللي لا يقال
درك أكيد هذا الكلام و اللي قلتوه من قبل يجرح بصح ماشي الكل معني بيه بنات الناس و ولاد الناس ما تلقاهم تاع تيك توك لا تاع حياتهم ناشرينها في الفيسبوك لهذا ما يبانوش و الحمد لله راهم كاينين و ما شاء الله كيما الدقيق الصافي يهبط تحت ما يبان
و النخالة من فوق ظاهرة للعيان هذا اللي يخلي الواحد يحكم باللي الكل راهم كيف كيف
لكن لو تهز اعداد الشباب اللي يظهر في فساده على الفيسبوك و التيك توك قداش مليون زوج اربعة و الاربعين مليون الباقية الحمد لله ناس عادية كيفي كيفك ينوضو يحوسو على شقاهم يخلصو يدخلو لديارهم اكيد عندهم اخطاء بصح ماشيهم هاملين ديارهم و اولادهم كيما رانا متصورين
الله يهدينا جميع
سلام

ياتل باينة القائدة العامة للاركان تقنية وعتاد وتخطيط.
قصف كثيف بدون انذار تحسوا مطرة نزلت في الصيف عالوحدة نتاع القايلة. من جيهة تتبرد 5 دقايق ومن بعد تعاود تطلق السخانة.

انا عجبني هذا البيت انتي فكرتيه؟

الدقيق الصافي يهبط تحت ما يبان
و النخالة من فوق ظاهرة للعيان

نقلك الصح راني معاك الف مليون في المية في المقالة وخاصة انسلاخ الرجولة و انهيار روح المسؤولية لرب العائلة اللي من المفروض يكون عماد البيت الذي يوجه ويقوم ويقرر بدل ان ينبطح ويطبل.

اما الشباب فخلينا الان مع البنات متبدلوناش المسالة بلعاني.

 

[أبو عاتكة]

أكثر كائن يتمتّع بالراحة هو المرأة ولاسيما المرأة المتزوجة، مالا علاه النحيب والشكوى!!

راني معاك هشام كي جيت معريفة برك ههه

زيد كاشما تزيد

 

[أبو عاتكة]

وازيد من الشعر بيت ياو فارس احلام هو راه قابل ضرك ياو راه يغسلها ماعن وهو فرحان. امالا غي ما دخلش روحك دعوة ماهيش تشكر

مانيش عارف علاش فجأة تفكرت فريدة صابونجي وصديقنا سكر
راني نتخايل فيها تهدر ...
فارس الاحلام هوووا ليي راه قااابل ... هذاك المطيار همم
يغسللللها المواااعن ويزيد الكتان وهوووا فرحان الله لا يفرحوو ذاك العيداري
ااااسمع اااسمع

نقلك حاجة مرام حجتك واهية كيما قال ملك الحبشة خذوها من هنا

 

[أبو عاتكة]

السلام عليكم أنا من وجهة نظري والله اعلم لوكان نقلعوا مالحساب العازبات لي يبارتاجو أنا قضينا و رانا درنا بهدف الزواج ، يبقاو غي نسا صح لي تعبوا وهدفهم مالشكوى ليس التذمر ، بل كلمة حلوة تقال والمشكلة ليست في شكوى المرأة المشكلة في الراجل الذي أصبح يرى المرأة مجرد تمثال غير قاعدة ، شكون يغسل وينشر ويحدد ويستف ويطيب وكي تنوظ الصباح تلقا القهوة واجدة وتقوم بالواجب ، تهتم بيك وبأولادك وتقوم بأهلك ، حتى جواربك تغسلهوم ، أزرار قميصك تركبهوم إذا سافرت تخمم وإذا مرضت تخمم وإذا راك فالخدمة تخمم وإذا كنت حداها تاني تخمم أسكو راك راضي ولا لا ، صح تع ربي تبالكوم المرأة مدير والو مقابل تعبكوم ، وحنا ماختالفناش ، تتعبوا وتبذلو جهد كبير⁦⁩ ولكن الفرق أنو تعبكوم باين يقدروه الناس وتعب النساء ماشي باين ..علابيها تستعمل هذيك الطرق باه تبين بلي أنا تاني راني نقوم بمجهود ولو كان صغير .لوكان جا كل واحد يقبل جبين أمه ويقولها الله يحفظك ويبتسم لزوجته ويقولها بارك الله فيك ويريت على شعر بنته ويدعيلها ماتسمعو ولا ذرة شكوى ولكن للأسف .
دوام الحال مالموحال

صاحبة الاثر تبانيلي عاقلة... بت عميييي مالك هاك مالك شابيك تبهدلي فينا هاك تخرجيلي راس راس نشوفو شكون يغلب. تقولي خديجة ومرام يسلكوك ياو الله من البالكون يقعدو يشربو في القهوة ويتفرجوا.

شاهوا راني معاك في حكاية يشكوا باه ينتبه ليهم الغاشي الراقد ويقدر تعبهم بصح الله غالب الرجال معجونين هاك وزادو لحقوهم ولادهم يخرج كي باباه فاقد للاحساس ويعرف الانتقاد فقط.
تا الرجال يخموا على نساوينهم في الخدمة شاهوا يخموا واش راهي مطيبة اليوم واسكوا راهي في الدار ولا عند يماها..

 

[صاحبة الأثر]

صاحبة الاثر تبانيلي عاقلة... بت عميييي مالك هاك مالك شابيك تبهدلي فينا هاك تخرجيلي راس راس نشوفو شكون يغلب. تقولي خديجة ومرام يسلكوك ياو الله من البالكون يقعدو يشربو في القهوة ويتفرجوا.

شاهوا راني معاك في حكاية يشكوا باه ينتبه ليهم الغاشي الراقد ويقدر تعبهم بصح الله غالب الرجال معجونين هاك وزادو لحقوهم ولادهم يخرج كي باباه فاقد للاحساس ويعرف الانتقاد فقط.
تا الرجال يخموا على نساوينهم في الخدمة شاهوا يخموا واش راهي مطيبة اليوم واسكوا راهي في الدار ولا عند يماها..

هههه ربي يخليك كلمة الحق قاع متخطيكش

 

["هشام الأوراس"]

راني معاك هشام كي جيت معريفة برك ههه

زيد كاشما تزيد

تقولي زيد وقبلها ذكرت المعريفة، باغييهم يهجموا علينا أسماك الشبوط وشكون يسلكنا ههه