دارنا حرثو عليا بالشغل ،،، أنا محطمة

[أبو عاتكة]

ها حوجى الواحد يقول كلمة الصح
كاين نساا اربع خمس ساعات وهى فالمطبخ واقفة طيابات لغسيل القش لغسيل ماعن اللى مايخلاصووووووووش لتسياق لغبار اللى لوكان تمسح كل يوم يولى .....
وفالاخير تحط ديك المائدة يبداو واحد ناقصووو ملح واحد حامض واحد ناقصتوو بنة واحد الفلفل وين ويشوفووو غير لناقص
هاحوجى مكانش اللى يشد فمووو
علاه هادا مش حريث حريث ونص وفي ميزان الحسانات وكامل
هذاا من جيهة كى نجى من الجهة المحايدة هههههههههههه من جهة خلاف النساء كامل يحبووو يشكووو ويعياووو بسرعة والعجب ميعجبهمش



​

هاحوجي هاليك الهدرة كي دايرة نص منا ونص منهيه
النسا كامل يحبوو يشكووو الله غالب اوبصيون بصح للي تخدم وتشقى وتبان خدمتها معليش تكون كاينة نقائص نعذروها ونقولولها نوضي جيبي الملح مثلا ولا زيدي هرسينا الفلفل بصح كاين اللي تخدم حاجة خفيفة تحسها كانت تحرث بالمحراث صح وهاذو اللي راني مقدد عليهم ااختي .

 

[Wissem wiwi]

اهاه بلعقل علينا برك ههههههه

 

[خديجة ph]

ياتل باينة القائدة العامة للاركان تقنية وعتاد وتخطيط.
قصف كثيف بدون انذار تحسوا مطرة نزلت في الصيف عالوحدة نتاع القايلة. من جيهة تتبرد 5 دقايق ومن بعد تعاود تطلق السخانة.

انا عجبني هذا البيت انتي فكرتيه؟

الدقيق الصافي يهبط تحت ما يبان
و النخالة من فوق ظاهرة للعيان

نقلك الصح راني معاك الف مليون في المية في المقالة وخاصة انسلاخ الرجولة و انهيار روح المسؤولية لرب العائلة اللي من المفروض يكون عماد البيت الذي يوجه ويقوم ويقرر بدل ان ينبطح ويطبل.

اما الشباب فخلينا الان مع البنات متبدلوناش المسالة بلعاني.

مرسي عليك خونا فريد اخجلتم تواضعنا
كيما قلت اخي الفساد موجود لا يمكن انكاره خاصة انه صار بالاثبات بفضل الفضايح تاع مواقع التواصل لكن الصلاح موجود و للأسف لا يمكن اثباته غير لما الواحد يبدأ يخمم كم واحد فاسد فساد مبين (مش عنده أخطاء لاننا كلنا عندنا أخطاء) تلقاها في عمارة كاملة عايلة ولا زوج اذا كثرنا و المشكل الكل يعرفهم بأسمائهم بصح باقي سكان العمارة العاديين يمكن ما يعرفوش بعضاهم
خالف تُعْرَفْ

 

[أبو عاتكة]

اهاه بلعقل علينا برك ههههههه

متقوليليش انتي منهم برك.

 

[أبو عاتكة]

مرسي عليك خونا فريد اخجلتم تواضعنا
كيما قلت اخي الفساد موجود لا يمكن انكاره خاصة انه صار بالاثبات بفضل الفضايح تاع مواقع التواصل لكن الصلاح موجود و للأسف لا يمكن اثباته غير لما الواحد يبدأ يخمم كم واحد فاسد فساد مبين (مش عنده أخطاء لاننا كلنا عندنا أخطاء) تلقاها في عمارة كاملة عايلة ولا زوج اذا كثرنا و المشكل الكل يعرفهم بأسمائهم بصح باقي سكان العمارة العاديين يمكن ما يعرفوش بعضاهم
خالف تُعْرَفْ

هذا اعتقادي ايضا ويقيني باغلبية الخير والصلاح والامور المليحة على الامور القبيحة وكيما قلتي اللي يخدمو العوج باينين وشايعين ممكن عائلة ولازوج في حي فيه ميات عائلة يفسدو سمعتهم ويفسدو على الحي وقيس على مدينة وبلاد كاملة.والاعلام يعمل بالفضائح والشائعات وزادتها وسائل التواصل يتحكم فيها الصالح والطالح لكن الطالح لقاها مرتع لارقيب لا حسيب الا الله ربي يهديهم.

 

[أستاذ الفلسفة]

تاع هذا الزمن
25 مليون شرط
و 35 مليون ذهب
و 10 ملاين جهاز
و 100 مليون عرس
ومبعد مطلوع مسوس وزيد تقلي بيضة ويتكسرلها ظفر تديرلك الخلع عادي تقولك باغية نعيش حياتي
بين الامس واليوم
كون غير زدت مع تاع بكري

 

[الرومانسي الجاد]

توشيتها اجدك ههه
تاع ضروك فراجيل تسياق يبانلهم حريث و تامارا هاهاها و ينوضو ع ال10 مكشردين في حالة

 

[Wissem wiwi]

متقوليليش انتي منهم برك.

الحمدالله نن احم احم ههههههه

 

[أبو عاتكة]

الحمدالله نن احم احم ههههههه

ايا صحيتي من بعد نكرموك ونمنحوك عطلة ليومين بعيدا عن الكوزينة وانتي اختاري المكان ،، الغرفة ولا الصالون ولا تتفرجي من البالكون.

 

[A-Boudjema]

ايا صحيتي من بعد نكرموك ونمنحوك عطلة ليومين بعيدا عن الكوزينة وانتي اختاري المكان ،، الغرفة ولا الصالون ولا تتفرجي من البالكون.

مكانش les choix حدخرين

 

[سعد606]

من لا يشكر الناس لا يشكر الله، وأنت تستحق أندى عبارات الشكر والعرفان
على الموضوع بارك الله فيك

 

[rafid2]

هاحوجي هاليك الهدرة كي دايرة نص منا ونص منهيه
النسا كامل يحبوو يشكووو الله غالب اوبصيون بصح للي تخدم وتشقى وتبان خدمتها معليش تكون كاينة نقائص نعذروها ونقولولها نوضي جيبي الملح مثلا ولا زيدي هرسينا الفلفل بصح كاين اللي تخدم حاجة خفيفة تحسها كانت تحرث بالمحراث صح وهاذو اللي راني مقدد عليهم ااختي .

راك تشوف يا سي فريد خاص غير يقولولك جيبلي سلسة ذهب خاطر وجدلتلك فريت اومليت
اشكون منهن من يعرف يوجد شخشوخة نتاع زمان .ذرك ما تسمعش حسهم

 

[rafid2]

قالك اثناء الخطوبة الراجل يتكلم والمراة تسمع بعد الخطوبة المراة تتكلم والرجال يسمع وبعد الزواج في زوج يتكلموا والجيران تسمع-عجبي