مبروك اولا اعادة افتتاح مهرجان مواضيعك نظن هذا اول موضوع ليك من عام السيسيلفو.
الحاجة اللي مافيهاش شك او جدال هي انو مكانش اي حاجة تأثر بضرر على العبد الا باذن الله يعني ليس لقوة او استطاعة صاحب هذا الضرر او لضعف المتضرر لكن لحكمة الله وقدرته التي نعتقدها ولا نحيط بها وتصريفه في الكون.
وطبعا ربي سبحانه وتعالى علم الانسان ما يحفظه وما يعينه من أذكار وأدعية لمواجهة ما يسوءه في الدنيا من انس او حان وان حصل الضرر فابتلاء يزيد صاحبه تمسكا بحبل الله.
ذرك الواحد ميقدرش يفصل في حالة ما انها سحر او مس او لطمة او غيرها في الغالب الناس تميل الى هذا التشخيص كشيء من التوارث والشك المباشر والشائع في ذلك المحيط وزيد كاين ناس ماهيش فاهمة وليست اهل للتشخيص مباشرة يقولك هذا جن هذا عفريت هذا سحر هذا عمل ...الخ
والمضرور واهله يكونو في حالة هلع وارتباك وحيرة واكيد راح يجربو اي حاجة لشفاءه تلقاهم الصباح عند الطبيب والعشية يحوسو على طالب. حاجة ماهيش ساهلة تشوف قريب ليك يقوم بامور غريبة او يتكلم او تلقاه مريض مرتعب وجهو مقلوب وممكن حتى يسبب ضرر لنفسه او لمن معه...الخ
شكون يفصل في حالة ما هل هي عضوية او نفسية او خارقة من عالم غير مرئي ؟
يا اما الطبيب يا اما طالب يعني راقي هاذين الامرين اللي نعرفوهم. الانسان المضرور يتبع وخلاص المهم يرتاح ويشفى.
هنا تبقى حكاية اختيار يا اما يصدق الطبيب ويمشي في طريق العلاج يا اما يتبع الطالب ويمشي في طريق الرقية. وماراحش الانسان يتوقف ختى يشوف بعينو.
طريق الطب معروفة وواضحة ومافيهاش لف ودوران كي يقلك الطبيب كاين علاج يسمى كاين وكي يقول مستحيل او نسبة الشفاء قليلة فهذا قد يتفق عليه اكثر من طبيب وطبعا الشفاء بقدرة المولى عزوجل.
طريق الرقية متشعبة وغير شفافة وغير مفهومة وان كانت احيانا حتمية او مطلوبة حتى الناس ولات تستفسر على نوعية الراقي وحالتو الشخصية لكثرة ممارسي الرقية اللي حولوها الى مكسب ومدخول مادي كبير. الطالب الا من هداه الله طبعا مستحيل انو يقلك مكانش علاج راح يدوخك بجلسات العلاج المستمرة وفي كل مرة يرتفع المبلغ.
وكاين ناس معندهاش مال للطبيب تكتفي وترضى بالراقي او بممارسي الطب البديل.
الاكيد باه منطولش اني كشهادة لاحدى الحالات الراقي اكتشف انو السيد بالع حبوب مهلوسة ليلة عرسو وامور اخرى ومكانش الراقي استغلالي وتستر عليه وطلب من قريبو يديه يرتاح وبدون مبلغ مالي وكاين حالات لناس عندهم امراض عضوية كانت تتطلب اشعة وتحاليل كثيفة ودقيقة اكتشفو عندها امراض لكن بعدما حفات رجليهم من طالب لطالب وخسرو اموال هباءا منثورا.
وكاين حالات فعلا كان عندها سحر ومس حقيقي شفاو لكن بقات حالتهم النفسية متأثرة وخاصة التوسويس. كاين فعلا حالات لا تفسير لها حتى عند الطبيب اللي ساعات هو يقترح عليك العلاج بالرقية.
اذا كل شيء موجود يبقى فقط من تصدق وبمن تثق.
والرقية الذاتية والاذكار وقراءة القرآن والصلاة والعبادة عموما هي خير محصن الا ان أذن ربك بوقوع الابتلاء.
و يبقى تهويل الحالات والدخول في القصص الخيالية اللي تزيد عليها الناس ونظريات خاطئة والافتراء ومفاهيم مغلوطة والجهل تجعل من الانسان معرض للاستغلال والتحايل.
في امان الله.
