تعقيب ابي حطمنا

[مشكلتي]

الحمد لله سمعتنا جيدة عند الجيران والناس كامل تشهد على اخلاقنا ولكن تفاقم الامر لدرجة انو يجي للحومة سكران مع الربعة نتاع الصباح ونخرج انا مرا عمري 22 سنة ندخلو للدار والناس كامل يتفرجو بالنسبة لاهلو ماما عيات تشكي ليهم ولكن دون جدوى
كاين جيران الحمد لله ناس متدينين ومثقفين ديما ينصحو فيه ولكن لا حل مع هادا الشخص لدرجة اصبحت امقته

 

[أبو عاتكة]

ماشاء الله هاذا الشيء اللي يفرح الله يبارك فيكم وربي يقدركم ويكملكم بالنجاح والنجاة
كلمة أمقته ربما تعبر شوية من جيهتك على اليأس والاحباط والقلق والغضب اعلم جيدا ان هذا الوضع مرهق ومحبط اعانكم الله عليه. الامر ليس بسهولة الكلام
قد نفهم معنى ان يكون الشخص مدمن لكن لا نستطيع تحمل ما يفعله لكن هو نفسه لا يستطيع الاقلاع عنه ولا يتحمل نفسه كل تصرفاته هي ردود افعال وانتقام من نفسه يحوله الى من يحيطون به يحس ان الجميع يلومه ويكرهه ويتآمر عليه موسوس من كل شيء.
هو ايضا راح ضحية الادمان اللعين وراه مدمر نفسيا تشوفوه بذاك الشكل والتصرفات بسبب ما يستهلكه يوميا
الله قادر على كل شيء بالدعاء المستمر ان ربي لطيف خبير
الناس العاقلة والحومة والجيران ان شاء الله يبقاو يحاولو فيه وان شاء الله يقدر كاش واحد يبعد عليه الصحبة السيئة والاماكن اللي يقصدها
لازم عمل كبير حتى يخطي هاذ الطريق ماهوش ساهل ربي يهديه ان شاء الله.
كاين ناس بزاف توقفت وبطلت هاذ الشيء ان شاء الله يجي الدور عليه.
كان عندنا واحد ديما في الشجارات ويكسرلهم الدار ويضرب مرتوا ويخرجها حتى من الدار حتى قالت الناس هذا يبقى كيماراه حتى يقتلهم ولا يموت هو لكن ربي هداه سبحان الله ولات القعدة معاه حلوة تقول ماهو الشخص اللي كنا نشوفوه كل ليلة طايح عند باب دارو.
ادعولو بصدق من قلوبكم صح في كل موقف وفي كل مناسبة ادعولو في المساجد راه ما ينفع الغضب والمقت والكره معاه ما ينفع الصراخ والعويل بل بالعكس راح يزيد يبعدوا على الصواب ويزيد يحقد عليكم.
اما امور الانفصال عليه فهاذ الامر معملتوش الام في صغرها حتى تخمم فيه الان وولادها كبار الا اذا كان خطر كبير ربي يفرج عليها هذا ما اقسملها ربي قادر ربي يغير الامور وان بعد العسر يسرا

 

[إلياس]

عليك بالدعاء و الصبر سيأتي الفرج أن شاء الله

 

[خديجة ph]

يا اختي ربي يجيب فرج من عنده
مشكلتكم لازمها استشارة دينية اول شيء و ثاني شيء استشارة قانونية و من بعد تناقشو انتم كعائلة و اتخذوا القرار اللي يناسب
اما عن حالتك النفسية و خوفك من تشوه سمعتكم فعذا شيء مستقبلي انت ما كنتيش سبب فيه و ربي اعطاك هذا الابتلاء لازم تصبري ولا اقصد تصبري على ابيك ولكن تصبري على هذا الاحتمال ان العرسان ما يقربوش ليكم لما يسمعوا بأفعاله حتى لو تطلقت امك قادر يسألوا و يبتعدوا لنفس السبب هذي امور غيبية ما تمرضيش نفسك بالتفكير فيها اللي مكتبلو ربي يتزوجك راح يتزوجك ولو كنت متخبيا في قاع بئر و اللي مش كاتب له يتزوجك ما كانش راح يتزوجك ولو كنت ابنة وزير
بالنسبة لمعاملة ابيك مادام امر الطلاق مش انت اللي طرف فيه انت عاملي باباك كأنه مريض عقلي قنعي نفسك بيها حتى يجي يوم تقنعي بيها هل نحاسبو المرضى العقليين اذا باتو في الشارع اذا ضربونا اذا عملو اعمال مخلة بالحياء . لا نقولوا ربي يشفيهم يا يهديهم يا يديهم ولا يعذبنا بهم . اعرف ان الكلام ساهل الفعل صعيب لكن هذا هو الحل المتوفر حاليا حتى يعفو ربنا عليه و عليكم و يرشدكم للحل
متأثرة جدا بمشكلتكم عارفة ان اللي يدو في النار مش كيما اللي يدو في الحرير لكن هذا اللي قدرت نفكر فيه اذا احتجتي شيء آخر لا تترددي تخبرينا ولو تبوحي لنا فقط ربي يجيب الخير سلام

 

[الامين محمد]

هكذا الامر اتضح الناس تعرف اخلاقكم و تعرف اخلاق والدكم
صاحبوه و عملوا معاه المعروف و ما تحملوش وزر انتن خاطيكم
و ايضا ما تكونوش عاقين بيه او تعملوا معاه الخايب كالاعتداء عليه
او تمريضه او إيذائه عاملوه كمجنون مثلما قالت اختي خديجة
انتم مطالبين بالصلاة و القرآن و التدين امامه بلاكش يحن قلبه و يتوب
و ادعوا ربي يفرجها عليكم بحكمته و قوته

 

[dahman kz]

اصبري عليه فمهما كان سلوكه سيئا فهو اباكي و سيبقى اباك
عامليه بالحسنى و لا تسيئي اليه مهما كانت اخلاقه سيئة و ادعي الله له بالهداية و التوبة و اياك و العقوق
فالاب يبقى اب مهما كانت اخلاقه سيئة وان تنظري له بالسوء او تمقتيه فهذا عقوق ولا يحق لكي هذا مهما كانت اخلاقه سيئة
وهكذا يبتلى الانسان
الانسان يبتلى في احب واقرب الناس اليه
واعلمي ان هناك من هو اسوأ حالا منكي ومع ذلك ظل بارا لوالديه
واعلمي انه كل ما عظم الابتلاء كل ما زاد اجرك عند الله اذا صبرتي عليه وكنتي بارتا به
هناك من قال له ابوه لست ابني و لست مني و لا تشبهني ومع ذالك ظل بارا به الى مماته .. وهذا هو اعظم الفوز لان اعظم الفوز بالصبر و البر و الطاعة يكون مع هذا النوع من الآباء والامهات
اصبري اخيتي و تمسكي بالله وادعي له بالهداية .
وربي يهديه و ربي يصبركم ويفرجها عليكم ان شاء الله