لباس التخرج في الابتدائي 🧑‍🎓

[جليلوس]

كيراكم خاوتي ان شاء الله تكونوا بخير
جيت ليوم نهدرلكم على لباس التخرج في الابتدائي
هاد ليام داير التوندوس بين مؤيد ومعارض .


انا شخصيا نشوف انو امر اللباس وجوده جميل وغيابه لايضر.
تبقى فكرة وذكرى للتلميذ ..يتفكر طفولته و بلاك يتحمس باه يكمل دراسته ويعاود نفس اللقطة ...وبصراحة عندي تلاميذ بزااف مكتبلهمش ربي يكبرو ويتخرجو ويعيشو هاد اللحظة لذلك من الجميل انو نستغلوها في الابتدائي .
كاين لي راح يقول تبذير ومصاريف زايدة نقولو انو صرفنا على كلش جات في هاد اللباس !!!
وكاين لي راح يقولي زوخ وتنافس ووو...الزوخ كاين حتى في نسبة النجاح "المزيفة" في المنافسات في الانشطة
يا جماعة الخير خلو التلميذ يفرح بانجازه
هادا رأيي الشخصي

انا بانتظار آرائكم بفارغ الصبر
اليكم الخط ​

 

[الامين محمد]

اهلا جليلو واش اخبارك حبيبي

ننتظر مرور الاخوة
يا ريت لوكان حطيت صورة على الاقل من النت اخي جليلو

 

[ℓσɴєℓу GĪяℓ]

السلام عليكم
هي فكرة جميلة تشعر التلميذ بنجاحه و بالتالي يدرك قيمة العلم لكن لباس التخرج في أصله وضع لتكريم الخريجين من الجامعة أي إنتهاء المرحلة الدراسية و دخول الحياة المهنية.
و أرى أنه يجب أن يترك لذلك فكل طالب و طالبة يسعى طوال تلك السنين يعمل و يكافح من أجل تلك اللحظة خاصة الآباء و الأمهات، و أن يلبسه تلاميذ الطور الإبتدائي فيه تقليل من شأنه في حين هو مخصص للشهادات العليا كما عهدناه.
أسأل الله أن يبلغني تلك اللحظة و كل من يترقبها.
تقبلوا رأيي و مروري.

 

[Adem4dz]

ليس زي تخرج فقط

يفترض أن يكون لباس اجباري موحد لكل الاطوار . ( من شأنه أن يوحي بأن الامور أكثر نظام ويحفز الطلبة والعديد من االيجابيات وما تجارب الدول التي سبقتنا الى هاته الامور ..إلا عبرة )
مشكور السي عبد الجليل

وارواح هنا ماكان لاه الغيبة بزاف ههههه

 

[aljentel]

الله يوفق ابناءنا الطلبه ويهنيهم بنجاحهم
لكن لا يكتمل الطرح الا بصوره حتى نرى اللباس وعندها نبديء اراءنا …

 

[جليلوس]

اهلا جليلو واش اخبارك حبيبي

ننتظر مرور الاخوة
يا ريت لوكان حطيت صورة على الاقل من النت اخي جليلو

والله حطيت الموضوع مرفوق بصورة
ماحبتش تطلع دوك نعاود نشوف بلاك تصدق
سي نو ياك لاباس راك مليح

الخاوة وين راهم مكان حتى واحد ميصفين وحدنا هاد العام جابلي ربي

 

[جليلوس]

الله يوفق ابناءنا الطلبه ويهنيهم بنجاحهم
لكن لا يكتمل الطرح الا بصوره حتى نرى اللباس وعندها نبديء اراءنا …

طيب طيب مايكون لا خاطركم
شكرا لك اخي لتواجدك
سيتم التعديل

 

[جليلوس]

ليس زي تخرج فقط

يفترض أن يكون لباس اجباري موحد لكل الاطوار . ( من شأنه أن يوحي بأن الامور أكثر نظام ويحفز الطلبة والعديد من االيجابيات وما تجارب الدول التي سبقتنا الى هاته الامور ..إلا عبرة )
مشكور السي عبد الجليل

وارواح هنا ماكان لاه الغيبة بزاف ههههه

ههههه مالا راك معايا فالراي
يا مليح اسي آدم ههه
نتمناو تتعمم هادا للتحفيز والمنافسة تكون اقوى حول العلم والدراسة

الله غالب كرهنا والله غير سمحلي الله يخلييييك
ديفوا تتبلع علينا من كل جهو والله المستعان

 

[جليلوس]

السلام عليكم
هي فكرة جميلة تشعر التلميذ بنجاحه و بالتالي يدرك قيمة العلم لكن لباس التخرج في أصله وضع لتكريم الخريجين من الجامعة أي إنتهاء المرحلة الدراسية و دخول الحياة المهنية.
و أرى أنه يجب أن يترك لذلك فكل طالب و طالبة يسعى طوال تلك السنين يعمل و يكافح من أجل تلك اللحظة خاصة الآباء و الأمهات، و أن يلبسه تلاميذ الطور الإبتدائي فيه تقليل من شأنه في حين هو مخصص للشهادات العليا كما عهدناه.
أسأل الله أن يبلغني تلك اللحظة و كل من يترقبها.
تقبلوا رأيي و مروري.

شكرا لتواجدك خيتو
هي فكرة مستحدثة نتمناو مايكلفوش رواحهم برك هادا مكان
والعاقبة لنجاحات اخرى لصغارنا

وربي يكملك ماتمنيتي

 

[جليلوس]

تم التعديل
يمكنكم الإطلاع من جديد على الميضوع هه

 

[Adem4dz]

ههههه مالا راك معايا فالراي
يا مليح اسي آدم ههه
نتمناو تتعمم هادا للتحفيز والمنافسة تكون اقوى حول العلم والدراسة

الله غالب كرهنا والله غير سمحلي الله يخلييييك
ديفوا تتبلع علينا من كل جهو والله المستعان

واش خصك السي عبد الجليل رانا هنا

 

[جليلوس]

واش خصك السي عبد الجليل رانا هنا

يلا تتباع راحة البال نشريها عليك جملة

 

[secret de coeur]

انا مع فكرة لباس التخرج في كل الأطوار وحفلات التخرج كذلك
حنا عندنا هنا واحد مايقيم نجاح التلميذ
وواحد مايعبرو ولو بكلمة مابالك لباس وصور وحفلة يفتخر بها في اللحظة والحين وكذلك بعد سنين
حافز كبير،
غياب الحوافز فالجزائر معروف

 

[Adem4dz]

يلا تتباع راحة البال نشريها عليك جملة

راحة البال = تعني صحة الانسان .. وما الشئ الذي يستحق أن نفقد صحتنا من أجله في هذه الحياة!!؟ في مبادئي لا يوجد.
ربي يهنيك ويفك احوالك على كل حال خويا
"بصح فكر مليع ف القاعدة أعلاه"!؟

 

[بسمة القلوب]

انا رأي انه مجرد تبدع و حاجة زايد ناقص لاننا مادمنا نهتم بهذه الشكليات فالمستوى سوف يتدنى اكثر و اكثر

 

[aljentel]

والله كشخه ملابسهم
احسن زي لكن ربما يكون مكلف
دائما طرحك رائع بارك الله فيك

 

[🌌🔮متألقة🔮🌌]

فكرة لطيفة حقا
من الجميل الاهتمام بالتلميذ من الأن
أنا صراحة أستاذتنا دارتنا هكا ومانكذبكش عليكم حسيت بسعادة بالأخص أنو أحد تذكرني
وفقة الله أخي

 

[جليلوس]

انا مع فكرة لباس التخرج في كل الأطوار وحفلات التخرج كذلك
حنا عندنا هنا واحد مايقيم نجاح التلميذ
وواحد مايعبرو ولو بكلمة مابالك لباس وصور وحفلة يفتخر بها في اللحظة والحين وكذلك بعد سنين
حافز كبير،
غياب الحوافز فالجزائر معروف

بعض الناس راهي تشوف فيه جريمة
وحد التعليقات عبر مواقع التواصل تخلي مخك يدير erreur

مزيا لقيت هنا لي يساندني فالراي
ربي يفرح قاع وليداتنا وهاد الشي يزيد من تحفيزهم لا اكثر
لا هو مكلف ولاهو زيادة
خلووووه يفرح يااااو

 

[جليلوس]

راحة البال = تعني صحة الانسان .. وما الشئ الذي يستحق أن نفقد صحتنا من أجله في هذه الحياة!!؟ في مبادئي لا يوجد.
ربي يهنيك ويفك احوالك على كل حال خويا
"بصح فكر مليع ف القاعدة أعلاه"!؟

الحمد لله ياربي على نعمة الصحة
واه خويا ربي يحفظك وشكرا لك

دعولي برك

 

[جليلوس]

انا رأي انه مجرد تبدع و حاجة زايد ناقص لاننا مادمنا نهتم بهذه الشكليات فالمستوى سوف يتدنى اكثر و اكثر

تلميذ جايب 9 المعدل
هاد الشي وقليل في حقه ولا راني غالط
المهم انا نحترم رأيك ممكن نتي تشوفيه من هذا الجانب
لكن بعض التلاميذ محتاج سند كلمة شدة يد لبسة ضحكة
ارواحي للقسم وشوفي بعينك تعطيني الحق
وشكرا لتواجدك