فطور صحي

[حاتم خليفة]

السلام عليكم

هذا فطوري اليومي لا دهون ولا سكريات ولا ملح
كل واحد واش يحب يفطر

فطوري لهذا اليوم
بالنسبة لعجة البيض
المقادير:
2 بيضات _2سنات ثوم_شوي زيت الزيتون وخبز التوست مفتت

طريقة التحضير:
حط شوي زيت الزيتون في المقلة حط الثوم يكون مرحي مسبقا
بعدما يسخنوا فتت خبز التوست وحطهم في المقلة أقليهم شوي
بعدها فرغ فوقهم 2بيضات وخليهم يطيبوا وماديرش الملح حذاري

كي يطيب البيض جيب شرائح الخبز أدهنهم بزيت الزيتون وحط فوقهم الجبن لي فالصورة وحط فوقهم البيض المقلي ومعاهم 2 حبات زيتون وكول بصحتك

وأضرب كاس أتاي وكول 3 تمرات وحبة تشينة

وماتنساش تحمد ربي

 

[حاتم خليفة]

بالنسبة للزيتون كي تشروه جاهز، حطوه في (كسرونة=كِروانة) كل واحد واش يقوللها، ديروا كمية قليلة من الفرينة واتركوه مدة 5 دقايق وبعدها أغسلوه باه يتخلص من الملوحة الزايدة فيه

هذي المعلومة أخذتها من زوجتي

 

[secret de coeur]

بصحتك الفطور
انا وقت كنت ناكل صحي كنت نصبح ناكل تمر وزبيبونزيد ياوورت طبيعي ايا ونبدا نهاري
هادي كي كنت شخص عادي
دك لكان مايبداش بزوج فناجل قهوة مرة وثقيلة مانكونش كيما بني ادمين لخرين
ناكل معجون وفرماج معاها
ولا بيسكويتات.
المهم القهوة دك ماعادش يهمني ، نحوس نكالمي راسي برك

 

[Hakan]

انا كون ناكل هاذ الماكلة صباح ربي نبقى صايم حتى يأذن المغرب ههههه ...
فطوري كاس كرام و حبة كرواسون نهز معايا قهوة براس ديراكت للخدمة ، وعلى الساعة ثانية زاوالا نتغدى و العشاء بالنفحات

 

[حاتم خليفة]

 بصحتك الفطور

الله يسلمك

انا وقت كنت ناكل صحي كنت نصبح ناكل تمر وزبيبونزيد ياوورت طبيعي ايا ونبدا نهاري

أنا تاني مرات ناكل غير هذوا برك ونشبع

هادي كي كنت شخص عادي
دك لكان مايبداش بزوج فناجل قهوة مرة وثقيلة مانكونش كيما بني ادمين لخرين
ناكل معجون وفرماج معاها
ولا بيسكويتات.
المهم القهوة دك ماعادش يهمني ، نحوس نكالمي راسي برك

مليح بصحتك
القهوة أنا تاني نحب نشربها بصح لعشية برك وتكون ثقيلة ومُرة

 

[حاتم خليفة]

انا كون ناكل هاذ الماكلة صباح ربي نبقى صايم حتى يأذن المغرب ههههه ...
فطوري كاس كرام و حبة كرواسون نهز معايا قهوة براس ديراكت للخدمة ، وعلى الساعة ثانية زاوالا نتغدى و العشاء بالنفحات

بصحتك

نسقسيك: كرشك خارجة ولالا يا بوكرش
إذا كرشك خارجة لازمك دير ريجيم وحبس الحليب، مافيه حتى فايدة

 

[حاتم خليفة]

لا تنسوا التصويت​

 

[الامين محمد]

انا من جماعة مطلوع القهوة كحلة صباح هههههه

 

[حاتم خليفة]

انا من جماعة مطلوع القهوة كحلة صباح هههههه

والسكر دير فالقهوة ولالا

 

[الامين محمد]

والسكر دير فالقهوة ولالا

هههههه
نص نص يعني موز رايحة للمر اكثر
المطلوع ياخويا يا خويا هههههه

 

[حاتم خليفة]

هههههه
نص نص يعني موز رايحة للمر اكثر
المطلوع ياخويا يا خويا هههههه

بصحتك
أنا حبست السكر ونقصت الملح وقريب نحبسوا

لازم الواحد يحافظ على صحتوا

 

[secret de coeur]

بصحتك
أنا حبست السكر ونقصت الملح وقريب نحبسوا

لازم الواحد يحافظ على صحتوا

الملح ضروري يا خويا متحبسوش ... والسكر باعتدال .. قهوة بلا سكر لاخاطر القهوة يفسد دوقها بالسكر.

 

[فادي محمد]

ايام افطر وايام لا

 

[حاتم خليفة]

الملح ضروري يا خويا متحبسوش ... والسكر باعتدال .. قهوة بلا سكر لاخاطر القهوة يفسد دوقها بالسكر.

السكر الأبيض عوضتوا بسكر التمر صحي
والملح الأبيض راح نعوضوا بملح الهملايا

 

[حاتم خليفة]

ايام افطر وايام لا

مليح وواش هو فطورك

 

[فادي محمد]

قهوة وسيجارة

 

[خديجة ph]

انا من جماعة اذا حطولي فطور نفطر
اما نحطو انا بيديا ما نفطرش هههه يسماط و النتيجة ما نفطرش الا اذا كنت بايتة في دار والديا
الحليب كونديا و لا درك صومام بعد المقاطعة بارد من الفريجيدار الروح ترجع فيا لا سكر لا قهوة لا شاي هذا يكفيني
اذا تمر و كسرة ما نخيرش عليهم
اذا ماكانش خبز او اي نوع من البسكوت
اهم شيء في الفطور تبانلي ان الانسان اللي تفطر معاه يكون انسان تعزه تحلى الهدرة و الواحد يبدأ نهاره مليح

 

[وۣۗهۣۗہۣۗم]

انا الفطووور هذاا منقدرلوش صباح
انا هداك للغدى يجي مليح ههههه انا فطور صباح قهوة مع حليب يكون لونها شوي غامق وحلاوتها معتدلة ههههههه مع بيسكوي و الحلويات المختلفة

 

[حاتم خليفة]

انا من جماعة اذا حطولي فطور نفطر
اما نحطو انا بيديا ما نفطرش هههه يسماط و النتيجة ما نفطرش الا اذا كنت بايتة في دار والديا
الحليب كونديا و لا درك صومام بعد المقاطعة بارد من الفريجيدار الروح ترجع فيا لا سكر لا قهوة لا شاي هذا يكفيني
اذا تمر و كسرة ما نخيرش عليهم
اذا ماكانش خبز او اي نوع من البسكوت
اهم شيء في الفطور تبانلي ان الانسان اللي تفطر معاه يكون انسان تعزه تحلى الهدرة و الواحد يبدأ نهاره مليح

أفضل أنواع الحليب هو حليب جوز الهند وحليب الشوفان وحليب الروز، وحليب الحيونات للحيونات برك مش للبشر

تمر وكسرة مليح بصح إذا كانت الكسرة مخدومة بدقيق القمح الكامل ولا بالشعير والبسكويت تاني يكون مخدوم بالقمح الكامل خير


نعم الواحد كي يفطر مع العايلة ولا مع الشخص لي يحبوا الدنيا وما فيها

 

[حاتم خليفة]

انا الفطووور هذاا منقدرلوش صباح
انا هداك للغدى يجي مليح ههههه انا فطور صباح قهوة مع حليب يكون لونها شوي غامق وحلاوتها معتدلة ههههههه مع بيسكوي و الحلويات المختلفة

علابالك بلي خلط الحليب مع القهوة كي شغل فرغتي الزيت على النار

كل العلماء والأطباء وخبراء الصحة في العالم ينصحوا بعدم خلط الحليب مع القهوة