كورونا ولا لاڨريب راهي ادور بيناتنا

[أبو عاتكة]

السلام عليكم
إن شاء الله راك بخير اخي فريد

انا في وقتها مادرتلهاش حساب هههه اي كل عام وقت لاڨريب يقلك كورونا راها دور خلي يقولو على رواحهم

هاذي نتاع خلي يقولو على ارواحهم نتاع فايز الدويري محلل الجزيرة ههه فكرتني بيه كي يحلل الجانب الصهيوني
هي اخي رشدي تلك المرحلة خلات اثر بالغ على الناس وللان مزالها الناس شاكة في بعضاها وراح نبقاو وقت طويل كل عام تتجدد الحكاية ممكن خوف وارتياب والحمد الله على كل حال.

 

[أبو عاتكة]

اهلا حبيبي بوفيصل
الحقيقة هته الاعوام كل سنة قريب بشكل جديد ممكن متحورات او شي مشابه
وين نخدم مكان يعج بالبشر و لا يوجد بيني و بينهم فاصل
و اغلبهم يجوا عند راسي بالعطاس و السعال
و كثيرا ما تنتقل إلي العدوى
حاولت نغير مكن العمل بسبب أمراضي المزمنة لكن السيد المسؤول
ماهوش حاب يفهم

اهلا شيخنا الامين
صرالك مثل صاحبي ديما كي يحب يهدر معايا يدخل في وجهي يحسبني ميكروفون وقداش من مرة نعيط عليه يبدل طبيعتو والو هو هو كاش نهار نخبطو براس نرعفو وخلاص يخطيني

 

[أبو عاتكة]

السلام عليكم و رحمة الله و بركاته
فعلا الأعراض هاته المرة حادة جدا مع سرعة العدوى و غيره احتمال كبير كورونا ،لكن لا بأس الأهم الإنسان دائما لما يشوف العدوى سواء كورونا ولا غيره يحاول يهتم بالغذاء جيدا في تلك الفترة إن لم يكن مهتم دائما وهذا اضعف شيء ، السكريات أكثر شيء يضعف المناعة و يفاقم الالتهابات و الفيتامينات أكيد ملاح الزنك وفيتامين سي اتكلم حتى لو لم يصب لأنو هذه تنقص كثيير
قد يراها الإنسان بسيطة لكن مليح الإنسان يرد بالو كثير عملتلهم ربو هاته الفترة من الإصابة فقط ناهيك عن التعب و الإرهاق لي يطول ويترتب عليه تعطل مصالح الإنسان و ربي يشافي كل مريض
​

بالفعل بارك الله فيك وجزاك الله خيرا على النصائح

انا اختي فعلا عملتلها الربو لفترة كان التنفس يروحلها وعانات حتى طبيب وصفلها بخاخ لكن نصحوها بعدم استعمالو
ان شاء الله لا تكون هناك متحورات فتاكة لازالت تقاوم.
وربي يشافي كل مريض هو الشافي المعافي

 

[Oktavio_hinda]

السلام عليكم خاوتي

راني درت بافات قبل ماندخل الموضوع خفت كا عدوى راهي دور هناههه

الكورونا رجعت وبقوة كنت نقولهم لاقريب برك لكن منذ شهر تقريبا توفى احد الصحفيين يخدم مع اخي ويعرفه مليح الله يرحمه تم عرفت انه صح رجعت ومكا لعب معاها لازم نلتزمو بالوقاية مثل قبل وربي يستر