الَمْخَاخْ من مطبخي

[*amani*]

السلام عليكم
أهلا بكم أحبتي ان شاءلله تكونوا كامل بخير وعلى خير ❤

جيتكم اليوم بوصفة "المخَاخْ"
صراحة أول مرة نسمع بيها وأول مرة نجربها كي قرعجت عليها قالك وصفة تقليدية كانو يديروها زمااان وانا والله جامي سمعت بيها هههه ونتوما قولونا تعرفوها ولا لالا ايا المهم

ملاحظة:
ماصورتش كلش نسيت مع الضغط لي كنت فيه

بالنسبة للعجينة
نديرو الفرينة انت والكمية لي راح ديريها
انا درت ثلاث كيسان فرينة مع كاس زبدة ذايبة تكون باردة ، شوية ملح ونلمو العجينة بمزيج من الماء وماء الزهر يكونو دافيين (انا طبعا درتهم باردين ماشفتش بلي لازم دافيين )
ونخلوها ترتاح ساعتين ولا ثلاثة على قد ماترتاح يكون افضل

الحشوة
درت ثلاث مغارف كبار نشاء
ثلاثة سكر
نصف لتر حليب وشوية فانيلا
نخلطهم بارد في بارد ومبعد نحطهم على نار هادئة كي تاخذ قوام كريمي نحبس وزدتلها ذوق الليمون نغطيها ونخليها تبرد

نحل العجينة هك وندورها على هذاك السيڨار
لازم تكون رقيقة انا هنا مادرتهاش رقيقة بزاف





مبعد قليتهم ودرتلهم الحشو الكريمة هذيك زينتهم بشوية كاوكاو في الجوانب
وشهية طيبة
المهم بنة عالمية والله




​

 

[إلياس]

لذيذا جدا سلمت يمناك على طبق الحلوى

 

[mohammed dfdf]

لفت انتباهي الاسم "الَمْخَاخْ" فقلت لنفسي لابد أن نرى ماذا يصنع هؤلاء القوم والواضح أن لكل بلد أسماء أطعمها وطبخاتها المميزة، فندنا في مصر مثلا نجد الكوارع، العكاوي، المهلبية.. وغيرها من المسميات.
مجهود يشكر، وتصوير احترافي، ما شاء الله

 

[أحلامي]

ممم تسلم الأيادي بصح قوليلي يجيو طريين ولا يقرمشو؟

 

[*amani*]

لذيذا جدا سلمت يمناك على طبق الحلوى

الله يسلمك خويا الياس نورت

لفت انتباهي الاسم "الَمْخَاخْ" فقلت لنفسي لابد أن نرى ماذا يصنع هؤلاء القوم والواضح أن لكل بلد أسماء أطعمها وطبخاتها المميزة، فندنا في مصر مثلا نجد الكوارع، العكاوي، المهلبية.. وغيرها من المسميات.
مجهود يشكر، وتصوير احترافي، ما شاء الله

ههه نعم وهو كذلك كل بلد وأكلاتو
شكرا اخي تحياتي نورتنا

ممم تسلم الأيادي بصح قوليلي يجيو طريين ولا يقرمشو؟

الله يسلمك❤
انا كنت في بالي يجيو يقرمشو ههه لكن هوما لا.. شفتي الڨريوش هكاك تماما كيما هو يجيو شوية قرمشة برك

 

[أبو عاتكة]

يعطيك الصحة اختنا أماني

 

[الامين محمد]

اول مرة نسمع بيها
و الله ق يعطيك الصحة
بصح على الاقل كملي خيرك و جيبيلي نذوق
و الله قبشتي مشاعري هههههه

 

[ام أمينة]

مشكورة حبيبتي على الوصفة
شفت واحد الحصة أمريكية تع محلات الحلويات و دارو هاد القاطو و شهاني صراحة و ما عرفتش كيفاش اسمو
مزية حطيتي الوصفة نجربها و نردلك بالخبر
بارك الله فيك

 

[*amani*]

يعطيك الصحة اختنا أماني

الله يسلمك خويا

اول مرة نسمع بيها
و الله ق يعطيك الصحة
بصح على الاقل كملي خيرك و جيبيلي نذوق
و الله قبشتي مشاعري هههههه

الله يسلمك خويا الامين.. ههه اني نعمرلك في القفة ماتخافش

مشكورة حبيبتي على الوصفة
شفت واحد الحصة أمريكية تع محلات الحلويات و دارو هاد القاطو و شهاني صراحة و ما عرفتش كيفاش اسمو
مزية حطيتي الوصفة نجربها و نردلك بالخبر
بارك الله فيك

عفوا عزيزتي
جربيها ماتندميش والله
وفيك بركة