بريوش من مطبخي

[ام أمينة]

السلام عليكم و رحمة الله تعالى و بركاته

بريوش من مطبخي

الوصفة لقيتها في مواقع التواصل الإجتماعي و نجحت من أول تجربة الحمد لله

المقادير و الخطوات: ( للأسف ما صورتش الخطوات )

في إناء نحط 2 كيسان حليب دافئ مع نصف كاس سكر و ملعقة كبيرة خميرة الخبز + 2 كيسان فرينة و نخلط جيدا
نترك الخليط يتفاعل 10 دقائق

بعد ما تفوت 10 دقائق + ربع كاس زيت عادي + 2 بيضات + بياض بيضة و الصفار نخليه باش ندهن بيه فالأخير + لافاني و مبشور ليمون + كيس خميرة حلويات و فرينة بالتدريج للحصول على عجينة طرية تلتصق + ملعقة كبيرة مارغرين طرية و ندلكها 5 دقائق

نحطها في إناء نكون دهنتو بالزيت نغطيها و نخليها تخمر و يتضاعف حجمها

نقسمها إلى الكرات وزن 70-80 غرام

نبسط كل كرة و نحط شوكولاطة الطلاء حسب الرغبة نغلق مليح و نحطهم في صينية الفرن مدهونة بالزيت

نخليهم يخمرو و ندهنهم بصفار البيض فيه ملعقة حليب و شوية لافاني و نزين بالجلجلان او كاوكاو إيفيلي

ندخلهم يطيبو في فرن يكون سخون من قبل حتى يتحمرو جيدا

نخليهم يبردو ندهنهم ب la gelé و نرش سكر ناعم و نعمل خطوط بالشوكولا (انا زينت بشوكولا الطلاء ذوبتها في حمام مائي ساحت كامل و ما حبتش تجمد من الأفضل استخدام شوكولا فيجيكاو )





في أمان الله​

 

[إلياس]

لذيذ جدا شهيتني ما شاء الله تسلم الانامل

 

[ام أمينة]

لذيذ جدا شهيتني ما شاء الله تسلم الانامل

شكرا لك​

 

[كنزة.]

الله يبارك يشهي
يعطيك الصحة على الوصفة

 

[ام أمينة]

الله يبارك يشهي
يعطيك الصحة على الوصفة

يبارك فيك
شكرا لكِ

 

[♡كارينا♡]

الله يبارك ..يعطيك الصحه .تسلم يديك ..