مشكلتي اخوكم ينوي الزواج و لكنه في حيرة

[مشكلتي]

السلام عليكم
عندي طفلة من عائلتي ناويها للحلال هي بزاف مربية و تخاف و تحشم و متدينة
تكلمنا فقط عبر التواصل الاجتماعي لغاية هي طلبت نتوقف عن الكلام لانه لا يرضي الله لغاية نجي لدارهم نخطبها و انا تقبلت ذلك لانه الشيئ الصحيح
موراها هي دايمن تبعتلي و لم تلتزم بما اتفقنا عليه
بعد ذلك هي اشتكت بأننا نتكلم كثيرا في الحرام ..
انا قلت لها انها هي السبب و هي اللي دايمن تبعتلي .
موراها ماحبتش تتقبل الحقيقة و زعفت و بلوكاتني
مع العلم انني دائما اصر على خطبتها في القريب ولكنها تماطل بسبب الدراسة
فهمونا يرحم باباكم ، الموضوع راهو شاعل تفكيري 24/7 و الفتاة راني متعلق بها
بارك الله فيكم

 

[dahman kz]

اخطبها بشكل رسمي بما انك مقتنع
واذا تمت الموافقة اللهم بارك واذا ماطلت او رفضت ابحث عن غيرها و لا تعطي لامرها اهمية اكثر مما يستحق و الحياة ليست مبنية على شخص بعينه.

 

[إلياس]

عليك بصلاة الاستخارة و اسئل عن الفتاة قبل كل شيء أن شاء الله فيها خير

 

[♡كارينا♡]

هادي جايه من نوع لي تحوس ترتبط بيك ..لكن ماشي تحوس تحكي معاك لخاطر حرام ..لكن في نفس الوقت ماشي تحوس تتوقف على التواصل معاك ممكن تقولك لوكان نقطع علاقتي بيه يروح مايوليش ..ونكون سمحت فيه ...على هذا هي كل ماوين تترك تعاودي تولي تبعتلك .نظن والله اعلم هذا من منظوري. .
اما بالنسبه لحكاية الخطوبه تقدرو تهدرو انت وياها وديرو حل وسط بأنك تخطبها وماتعرسش حتان تكمل هيا قرايتها وسهل الحال ..هذا ماكان ..وربي يسهللكم ويتمملكم على خير ..وماتنساش تصلي صلاة الاستخارة كما قال الاخ الياس ...

 

[ام أمينة]

السلام عليكم
بما أنك ناوي الحلال و راكم متفاهمين ينقص غير الارتباط
توكل على الله و صلي صلاة الاستخارة و اقصد اهلها و اخطبها و ربي يكمل بخير