تارتولات الليمون ..... من مطبخي

[ام أمينة]

السلام عليكم و رحمة الله تعالى و بركاته



أردت أن أشارككم تارتولات الليمون من مطبخي

العجينة
250 غ مارغرين بدرجة حرارة الغرفة
120غ سكر ناعم ( كأس)
2 بيضة
رشة ملح
فانيلا بودر أو سائلة
4 ملاعق كبار زيت ( لي يحبو القرمشة و لي يحبهم طريين يستغنى عليه)
نصف كأس نشاء
نصف كيس خميرة حلوى (5 غ)
و نلم بالفرينة للحصول على عجينة طرية

نخلط كل المكونات السابقة بالتدريج و نضيف الفرينة للحصول على عجينة طرية
ترتاح 15 دقيقة و نشكلها في قوالب التارت الصغيرة نثقبهم و ندخلهم 5 دقائق للمجمد و نطيبهم مباشرة في فرن يكون ساخن من قبل حتى يكتسبو لون ذهبي خفيف
ننزعهم من القوالب و نخلوهم يبردو مليح
يمكن نحتفظ بيهم في علبة بلاستيكية فيها ورق الأليمنيوم لأكثر من أسبوع

الكريمة
150 غ عصير ليمون مصفى
170 غ سكر عادي
3 بيضات
100 غ مارغرين
في إناء نخلط البيض و السكر حتى يذوب +عصير الليمون و نخلط حتى تتجانس المكونات
نفرغهم في كاسرونة و نحرك باستمرار حتى يثقال الخليط نوعا ما
نرجعو للإناء و نضيف عليه المارغارين و نخلط حتى تذوب المارغرين و تتجانس المكونات
نصفي الكريمة أو نميكسيها و نحطها في علبة
رايح تبان سائلة لاكنها بمجرد تبات فالثلاجة تشد تروحها و يولي عندها قوام كريمي
نعمر قوالب التارت و نزين بكرام شانتيي مخفوقة ( كيل شانتيي + نصف كيل ماء أو حليب بارد جدا و السائل يكون حسب نوعية الشانتيي)
و نزين بكاوكاو أو لوز إيفيلي
ممكن تغيير التزيين حسب الذوق


إليكم النتيجة
انتظروني في وصفات أخرى
​

 

[كنزة.]

يمي يمي يشهيو
يعطيك الصحة تسلم ايدك

 

[إلياس]

سلمت يمناك لذيذة جدا تشهي

 

[ام أمينة]

يمي يمي يشهيو
يعطيك الصحة تسلم ايدك

سلمت يمناك لذيذة جدا تشهي

نورتما موضوعي
بارك الله فيكما

 

[السلطانة]

شهية جدا يعطيك الصحة حبيبتي