ضيفة العدد السادس لمعان الأحداق

[لمعانُ الأحداق]

أهلين غاليتي هاهنا راقتني إستضافتهم لك لمعان الأحدآق لطالما استوقفني معرفك لقوة الاسم وارى شرحك له أقوى أحب إسمك وحبه موصول لك ياطيبة

أهلا بالأخت أم عبد الله
نورتِ الخيمة غاليتي
سرني كونك تحبين اسمي و ترينه مميزا
أحبَّك الله الذي أحببتني فيه
أحببتُ تواجدك في الاستضافة
شكرا لك​

أسئلتي طفيفة

أهلا بها كيفما كانت ، كل ما يأتي من الجميلة جميل ^^​

الأطباق التي تميز منطقة القبائل ف رمضان

المائدة في رمضان لا تخلو من " الشربة " ، في منطقتنا نديرو شربة " مرمز " و مرات " فريك "
لكن المرمز أكثر و ايضا خبز الدار ( آغروم ) بمختلف أنواعه - قمح ، شعير ... -

هذي - كسرة - عادي ( كسرة خميرة )
هذي كي تكون من الطاجين مباشرة و تحطي فيها زيت الزيتون تجي روعة
أكثر شيء نحبو في الخبز
و مام في الصيف مع فلفل و طماطم بالزيت أيضا
- لي ماكلاهاش هك راه مراطي خخ -



و هذي نسموها - فطير - نظن تسمى ( رخسيس أو رخساس ) في الشرق



أما هذه فهي خبز الشعير ( حرشـاية ) ، تقدري تاكليها في مكان الخبز - صحية جدا -
و تؤكل بزيت الزيتون ثاني تجي - فن ^^ -



و كاين مام كسرة بالقمح الكامل ، ماعنديش صورة ليها
لكن عادية كيما الكسرة برك يجي لونها بني شوي
غيرها ماعندناش أطباق خاصة و مميزة
عادي ككل الولايات المائدة فيها بوراك ، لحم حلو ، سلاطة ، طبق ثاني مع الشربة
( دولما ، غراتان ، طاجين زيتون ، بطاطا كوشة ، سمك .... )
و هذا ماكان خخ​

تعرفي طيبي هههه

نعرف الأساسيات عادي ، يعني مش محترفة واو و مش خاطيني كامل ​

ماهو الطبق المفضل لك

البــــركــوكــــــس​

سمعت انك مع الدراسة ربي يوفقك وينجحك يارب

آمين ، وفقك الله لكل خير فيه رضاه حتى انتي و ربي يحفظلك عبد الله​

 

[لمعانُ الأحداق]

احجز مكان و لي عودة باذن الله

أهلا بك أم أمينة
بانتظار عودتك​

حجز مكان
انا بعيد عن المنزل في الشغل
ارجع و اكيد راح ندوخك بالاسئلة اخيتي هههههههههههههههههه

ربي معاك أخي الأمين
بانتظارك و أسئلتك​

 

[لمعانُ الأحداق]

اكرام براءة سابقا من اشهر معرفات اللمة وأقربها الى مخيلتي كلما عاينت الاعضاء وماركة مسجلة حصرية والان هي من أكثر الاعضاء تفاعلا و مستوى في الردود والتحليلات تذكري مداخلاتها دوما بالرائعة لؤلؤة قسنطينة وكأننا نجني قطاف الطفلة اكرام التي طالما تعلقت باللمة وياله من قطاف قيم وجميل
في الحقيقة هي وكارينا أعطوا اللمة في هذه الفترة دفعة وشحنة طاقة ايجابية لم اكن اتوقعها انعكست علينا جميعا وتواجدهم بفطرتهم المنتدياتية العتيقة استعاد فينا نكهة ونفحة كتابة المواضيع التي عدنا نشتاق اليها انهما نجمتا وأميرتا هذا الزمان في اللمة وقد دخلا كتاب غينس لمهبولات اللمة واتمنى ان يلتحق بهم من هم على شاكلتهن من الاعضاء الجدد والقدماء.

سؤالي بسيط من تجديه اقرب اليك واكثرهم دعما ممن حولك لاني سانصحك بان لا تفلتي يدك من يده مهما كدر الزمن صفو صحبتكما

ايا مرحبا بيك وصحا رمضانك واتهلاي في روحك وشكرا لصاحبي الاستضافة السلطانة والامين.

أحيانا تعجز الحروف عن مجاراة الشعور
و هذه احدى تلك اللحظات
كلماتك ليست مجرد اطراء بل شهادة أعتز بها من شخص أُكِنُّ له كل التقدير و الاحترام
فشكرا على نظرتكم الراقية .. حزَّ ذلك في قلبي ..

حين يكون للكلمات صدى جميل ندرك أننا في وسط عائلة حقيقية و هذه حال اللمة
و ما لبعضنا سوى نحن نتكئ علينا و نستمد الطاقة منا إلينا
دامت اللمة
عسى أن تكبر و ينضم بقية الأعضاء ، اشتقنا لتلك الأيــام

أما عن سؤالكم فلا أجد شخصا غير " الوالدين " حفظهما الله
لطالما كانا السند و الرفيق و العضد
نعم ، من غيرهما تجده في حزنك قبل فرحك
و في شقائك قبل رغدك
- في كل حالاتك -
حتى و إن كان الأمر فوق طاقتهما لا يبخلان بالدعاء و جميل الأماني
ربي يحفظ والدينا و والديكم
و يرزقنا برهم و يجعلنا فخر و ذخر ليهم
و مصدر سعادتهم يارب
و يرحم المتوفيين منهم و يرزقهم جنان الخلد

شكرا مرة اخرى
صحا رمضانكم و تقبل الله منا و منكم صالح الأعمال​

 

[لمعانُ الأحداق]

@♡كارينا♡ هيا برك
مابنتيش و انا نقول وش الحاجة لي ناقصة

الحالة راه ما فيها لا قلب اللوز لا تحليات
جيبيهم و ارواحي

انضمي انضمي ^^​

 

[لمعانُ الأحداق]

مشاهدة المرفق 169741

مساء الورد للورد​

مساء الفـــــل و الريحان
شكرا هند اللطيفة ​

اهلا بالاخت لمعان الاحداق هكذا تخيلتها

مشاهدة المرفق 169742



هلا وغلا اختي في هذه الصفحات الجميلة ​

و بالاك هي صح هكاك مش تخيلتيها خخ
علابالك أنا من محبي الانمي
حسيت الصورة تعبر على لمعان الأحداق و شخصيتي صح صح

مرحبا بك​

مع أنني لا اعرفك جيدا الا من خلال ردودك الجميلة والراقية لذا ساطرح بعض الأسئلة وان شاء الله تكون خفيفة عليك​

جميل و رقي روحك غاليتي ، أهلا بأسئلتك ​

هذه الأسئلة

لنبدا

ما الذي جذبك للانظمام لهذا المنتدى؟​

ما أكثر شيء يعجبك في المنتدى ولماذا؟​

اجابة مشتركة للسؤالين
كما قلت سابقا ، أحب أجواء المنتديات
و ما فيها من روح أخوة و تضامن
و هذا ما لا يخلو منه اللمة
و ربما هو الأكثر تميزا بذلك
الأعضاء في اللمة ليسوا مجرد بشر عاديين
كل فرد استثنائي و نجم بطبعه

عائلة افتراضية تجمعها المودة ، الاحترام و التقدير

ممتنة لكوني فردا منها​

ما هو أكثر شيء لا تستطعين الاستغناء عنه في يومك؟​

قراءة القرآن و النــــــــــــــــــــــــــوم ​

لو كان بإمكانك أن قضاء يوم كامل مع شخصية مشهورة فمن تختارين؟​

مانعرف تحسبيلي الاجابة و لا لا
مش شخصية حقيقة و إنما خيالية
لي هي إيرين ييغر


حابة نعرف طريقة تفكيرو اكثر

أما الشخصيات الحقيقية فـ خاطيني المشاهير

[ رضوى عاشور لكنها توفيت رحمها الله ]​

ماهو أكثر درس تعلمته في الحياة حتى الان؟​

لا غائب يعود كاملا
لا شيء يُستعاد كما هو

ماكاش شخص ولا حاجة تعاود تولي كيما كانت خاصة بعد غياب
لن تجد نفس الشخص مام في نفس الشخص ..​

ما هو أكثر موضوع بالمنتدى اثر فيه ولماذا؟​

كواليس المنتديات
​

من العضو أو العضوة التي كلما تدخلين المنتدى تبحثين عن تواجده او تواجدها ؟​

كاين بزاف ... حاليا أنتِ و @♡كارينا♡ @Soumia hadj mohammed @العَنْقَاءُ @Tama Aliche ​

اكتفي الان بهذه الأسئلة وان شاء الله تكون خفيفة

تحيتي لك
​

شــكرا لك هند
مش غير خفيفة
ريشة ^^

تحية طيبة ليك ثاني غاليتي

دمتِ​

 

[Soumia hadj mohammed]

السلام عليكم
صح فطوركم ربي يتقبل منا ومنكم

اهلا وسهلا بالاخت لمعان الاحداق


كيف حالك اختي ؟

لمعان الاحداق هل انتي عضوة قديمة

هل نعرف بعضنا من قبل (يا تل راني بوحد الذاكرة تقول مخي مفورماطي كي رجعت المنتدى ،وين منتدى برك ول ساعات نتلاقى مع كش وحدة صدفة هي تقولي سمية عاش من شافك وانا في قلبي حشمانة لي منيش متفكرة اسمها )

علاش اخترتي الاسم هذا ؟وهل هو اول اسم سجلتي به؟


كيفاه يفوت نهارك انتي من النوع لي تسطري برنامج في مخك ولا كما جا يجي نهارك او عندك حاجات معينة لازم انك تقضيها قبل مايخلاص نهارك؟

كيف حالك مع الكوزينة ؟ تبغي ناس تساعدك ولا تطيبي وحدك؟

 

[لمعانُ الأحداق]

الحاجة اكرام راني رجعت

أهلا بعودتك أخي
( علاه الحاجة بصح خخ )​

هل كان عندك شي سلبي و غيرتيه

نعم ، كنت مدمنة بزاف على الهاتف ( الانستغرام )
و مشاهدة الانمي
تقريبا وقتي كامل يضيع فيه
الحمد لله نقصت منو / وليت نشوف حلقة في اليوم
و راني ملي بدا رمضان ماتفرجتوش خخ
و ديزاكتيفيت الانستغرام ثاني
بزاف وقت يروح ف لي ريلز بلا حتى معنى
الواحد مليح يبعد مينذاك على المُلهيات و التفاهات هذي
يعمر وقتو بحاجات فيها فايدة و يتقرب بيها أكثر لله
يدي منها حسنات - الدنيا والو -​

النجاح هو هبة من عند الله ام اجتهاد

كــــــلاهما و الحمد لله​

هل انت ايجابية ام سلبية

ايجابية و متفائلة ^^​

شي يفرحك

هــــــــديــــة ، خاصة إذا بدون مناسبة
و أي حاجة تفرح من أحب​

شي يقلقك

الكــــذب​

هل تتقنين الامازيغية

بعض الكلمات فقط​

هل تحفظين القرآن

ما تيسَّر​

تؤمنين بفكرة تحرر المرأة طبعا التحرر العقلاني دراسة و عمل و سيارة و مناصب عليا

هي لو نخوض في هذا الموضوع مش رح يكون عندنا نقطة نهاية
المرأة من حقها تدرس و تعمل و تملك ما تملك
لكن ضمن حدود الشرع
لستُ من دعاة النسوية و المساواة أو الفكرر التحرري الذي ظهر حاليا
هناك مثلا مناصب عمل لا يمكن أن تشغلها المرأة و لا تليق بها
و نفس الشي مع باقي الأمور​

كيف يمكن تطوير مجال الطب على الاقل مثل تونس

علابالك رانا بعـاد بعاد بعاد
امكانيات ناقصة بزاف في الطب لا سيما في الأجهزة
السيروم التالي و تلقاه ماكاش
هات يا نحكو على الأجهزة سكانار ولا IRM
و المستشفيات الحالية أغلبها قديمة ( من وقت فرنسا )
شوي ترميمات برك و راهي تمشي
حتى تغيضك ، بلاد بحجم قارة مافيهاش سبيطار
و كلش يقولك في القطاع الخاص
الشعب المغلوب على أمره يبقى يعاني
العقول كاين و الكفاءات موجودة - لكن التكوين شوي ناقص لأنو ماكاش وين تتكون أصلا -
مي كون يفتحو برك مستشفيات و يوفرو فيهم شوي امكانيات
الطب ينوض عادي
علاش يديرو طبيب واحد برك في الاستعجالات يفوت ل500 بنادم و آلاف الأطباء بطالين ؟
علاه يكوّنوا بزاف أطباء بالآلاف ، البرومو فيها 5 ألاف ، بعدها ماكاش وين يوظفهم ؟
علاه طبيب يدير قارد 24 سا و 48 سا في حين يقدر يخدم نص مع صاحبو - لي راه بدون منصب عمل بعد تعب 7 سنين - ؟
و الشعب هو لي يعاني في النهاية
حل سبيطارات و وفر مناصب عمل خلي الدنيا تمشي
جيب على الأقل جهاز سكانار في المستشفى الواحد / علاه تبعثو للخاص باه يديرو بالملاين
زعما كون جا قادر يجي لسبيطار الدولة المجاني ؟؟
مافهمتش علاه هكا
شغل جيتني على الجرح ، قلبي معمر من هذي الناحية

كاين ربي المهم

الله المستعان​

هل تفكرين في العمل الخاص ام الوظيفة العمومية

بعدما قلت الفوق كيفاه تبانلك ؟ الخـــــــــــــاص​

هل لديك فكرة او حاجة ممكن تكون اختراعك الخاص بك يوما ما

الحاجة لي نخمم فيها نلقى اخترعوها ، بقات غير آلة الزمن المستحيلة خخ​

هذا ق ديسار و راح نرجع بمزيد من الاسئلة هههههه

سرني ذلك ، بانتظار عودتكم ​

 

[لمعانُ الأحداق]

السلام عليكم ورحمة الله وبركاته

و عليكم السلام و رحمة الله
أهلا بكم استاذ​

كيف حالك الاخت @لمعان الأخلاق
رمضان مبارك تقبل الله منا و منكم صالح الاعمال

الحمد لله ، بخير
تقبل الله منا و منكم و غفر لنا و لكم​

1. عرفي بنفسك في سطر واحد

طالبة طب متفائلة طموحة تحب التغيير و الخروج عن المألوف ​

1. من هو الشخص المقرب اليك في العائلة

ماكاش فرد محدد​

1. ما هو لونك المفضل

البنفسجي​

1. ماهي قناتك التلفزيونية المفضلة

لا أشاهد التلفاز ​

1. ماهي هوايتك المفضلة

التطــــريـــز​

1. لماذا اخترتي النرويج للهجرة

لأنني أحب الخروج عن المألوف كما ذكرتُ سابقا ، النرويج بلد جميل يمتاز بطبيعة فريدة و حياة هادئة
تعتبر الأجمل في العالم بعد سهول سويسرا إن لم تخني الذاكرة و فيها شلالات جميلين ثاني خخ
و موطن لكثير من الحيوانات البرية التي لا تجدها في مكان آخر كالثيران و القنادس و حتى حيتان العنبر
كما أنه وجهة لمن يحب أساطير الفايكينغ و مشاهدة الشفق القطبي
و ناسها لطفاء و مسالمين و مام عندهم هندسة خاصة بيهم في بناء منازلهم
النرويج بزاف فنية​

1. كيف تعرفتي على منتدى اللمة

في سنوات مضت كنت نحب المنتديات و اجواءها بحكم ماكانش عندي اي وسيلة تواصل افتراضية هذيك الفترة
و شحال من مرة كنت ندخل زائرة للمة ندير دورة و نخرج
حتى جا نهار و قررت نفتح فيه عضوية
و سجلت مي ماكنتش ناشطة بزاف حينها .. ​

1. من هو الشخص الذي تتابعينه كثيرا في منتدى

كاين بزاف ... حاليا @Oktavio_hinda و @♡كارينا♡ @Soumia hadj mohammed @العَنْقَاءُ @Tama Aliche ​

1. ماهي أكلتك المفضلة ​

البركوكس​

1. من هو الشخص الذي تحبين تلتقين به في الواقع من أعضاء المنتدى و لماذا ​

جميعهم ​

1. ما نوع الورد الذي تحبينه ​

الورد الجـــــوري​

1. ماهي الولاية في بلدنا تحبين زيارته​

وهـــــران - لم أزرها من قبل -​

1. ماهو اسمك الحقيقي أن استطاعت تخبرينا ​

إكــــــــــرام​

1. قولي كلمة لأهلنا في غزة ​

ربي ينصرهم و يكون معاهم
غزة ليست مجرد مدينة
و أهلها علمونا معنى الوطن ، معنى التضحية و معنى الصبر و المُسلم
" لما تشوف الشهيد تبقى السلامة خجل "​

1. من القارىء في القران الكريم تحبين السماع له

حسام الدين عبادي - الاسراء - ، عبد الرحمان السويد - الزمر -
وديع اليمني - مريم - ، صلاح الهاشم - غافر -​

1. قولي كلمة أعضاء المنتدى

ربي يحفظهم و يوفقهم لكل خير فيه رضاه
و يديم اللمة و المحبة و الإخاء​

1. ماهي احلى ذكرى عندك

شهـادة البكالوريا - ركوبي في الطـائرة​

1. ماهي اسوء الذكرى عندك

كي دخلت الراطراباج ظُلما -_-​

مازلت لي عودة إن شاء الله ​

في الانتظار ، شكرا​

 

[لمعانُ الأحداق]

اهلا وسهلا باختنا و ضيفتنا لمعان الاحداق
صحا فطورك ربي يتقبل
شكرا على قبول الدعوة واعطائنا الفرصة يعطيك الصحة
و لاحقا في السهرة نرجع بالاسئلة ان شاء الله

أهلا بك
الله يسلمك
صحا فطوركم و صحا رمضانكم
تقبل الله

في انتظار عودتكم​

 

[الامين محمد]

صحا فطوركم احبائي و اخواني

و هذا ماكان خخ

قبشتي مشاعر بتصاو المطلوع و الكسرة و في الاخير قلتي هذا مكان ههههه

ــــــــــــــــــــــــــــــــــــــــــــــ
لنفرض جدلا ان لا شيء تغير و بعد تخرجك بقات الامور كلها كيما رانا اليوم
شحال راح تكون لافيزيت عندك
و لافيزيت مع الايكو
حكيتي في الرد السابق على معانات الاطباء و انا اتفق معاك في الامر
لكن هناك ايضا اطباء بصراحة شوهو مهنة الحكيم بتصرفات غير لائقة
كتعطيل لوازم المستشفى العام من اجل خدمة الخواص و كذا رفع تسعيرة المعاينة
و حتى الخواص نعطيك مثال عندنا طبيب قلب و الله نهار نروح نعالج نحس روحي في حبس
مكان حتى شروط الراحة و اذا رحت نهار تاع برد و الله نموت بالبرد و الامطار تدخل من كل جيهة
و الكراسي متسخة و مكاش مصلى و لا مكان الانتظار لايق على الرغم ان عنده كم كبير من المرضى بالعشرات يوميا
و بتسعيرة كبيرة احيانا ييسقسيك يدي عليك 200 الف
حسب رأيك اين الخلل ام الخلل عام على مستوى العقل الجزايري في اي وظيفة و في اي مكان او زمان

كتاب قريتيه و حسيتي انه أثر فيك

حكيلنا على العمل الجمعوي او خيري اذا عندك انتساب

انا ادافع عن فكرو و اسوق لها مع رجال السياسة لكن لم اجد لها اي صدى و هي
وضع كاميرات مراقبة في كل المؤسسات مدارس او ثانويات او جامعات او مشافي
او مصانع او ادارات لأن الانسان الجزايري يخدم تحت المراقبة او يفسد و يسرق الوقت
مثلا لو نحصي عدد الكراسي و الطاولات التي تكسر و الاستاذات التي يتم الاعتداء عليهن
و التسيب الحاصل من طرف الاستاذ نفسه اللي يخدم غي نهار اللي يجيه المفتش
راح نلقى ثروة رايحة و قدرات تفسد و ناس تخلص بلا اي امقابل و تلاميذ متمردة
كلهم عندما يعلمون انهم تحت المراقبة راح يهابوا و يلتزمو الحدود خوفا من العقوبات
انت واش رايك فيما سبق

لو قلنالك حطي لينا سقف اسعار المعاينة العادية عند طبيب عام و عند اختصاصي
واش راح تقترحي

نحن مرضى السكري هل يجي يوم نلقاو علاج لمرضنا و ما يبقاش مومن
ام خلاص هذا مكتوبنا و لا امل

اكيد لي رجعة احيتي الغالية

 

[لمعانُ الأحداق]

السلام عليكم
صح فطوركم ربي يتقبل منا ومنكم

و عليكم السلام و رحمة الله

يووووووو سمية ، أهليييييين
الله يسلمك
صحا فطوركم و صحا رمضانكم
تقبل الله​

اهلا وسهلا بالاخت لمعان الاحداق


كيف حالك اختي ؟

الحمد لله وانتِ ​

لمعان الاحداق هل انتي عضوة قديمة​

بعض الشيء ، من 2016 برك​

هل نعرف بعضنا من قبل (يا تل راني بوحد الذاكرة تقول مخي مفورماطي كي رجعت المنتدى ،وين منتدى برك ول ساعات نتلاقى مع كش وحدة صدفة هي تقولي سمية عاش من شافك وانا في قلبي حشمانة لي منيش متفكرة اسمها )​

نعرفو بعضانا ؟ مانعرف حتى أنا ننسى
مي رانا ولينا نعرفو بعضانا الآن​

علاش اخترتي الاسم هذا ؟وهل هو اول اسم سجلتي به؟​

خيرتو برك نحب التغيير و التجديد
و حسيتو يعبر عليا ثاني
( ايجابي بعض الشيء )

أول اسم - اكرام براءة -
​

كيفاه يفوت نهارك انتي من النوع لي تسطري برنامج في مخك ولا كما جا يجي نهارك او عندك حاجات معينة لازم انك تقضيها قبل مايخلاص نهارك؟​

عندي غير مخططات دراسية
قال اليوم لازم نكمل نقرا 2 لي كور خخ
كي نكملهم نحس بالانجاز
غيرها ماكاش
كيما جات تجي​

كيف حالك مع الكوزينة ؟ تبغي ناس تساعدك ولا تطيبي وحدك؟​

نقولو صافا
نحب نطيب وحدي خخ​

مشاهدة المرفق 169763​

يااا جا قلب اللوز أخيرا
ماشاء الله فنانة سمية كالعادة
بوركتِ و سلمت يداك

شكرا​

 

[إلياس]

و عليكم السلام و رحمة الله
أهلا بكم استاذ

الحمد لله ، بخير
تقبل الله منا و منكم و غفر لنا و لكم

طالبة طب متفائلة طموحة تحب التغيير و الخروج عن المألوف

ماكاش فرد محدد

البنفسجي

لا أشاهد التلفاز

التطــــريـــز

لأنني أحب الخروج عن المألوف كما ذكرتُ سابقا ، النرويج بلد جميل يمتاز بطبيعة فريدة و حياة هادئة
تعتبر الأجمل في العالم بعد سهول سويسرا إن لم تخني الذاكرة و فيها شلالات جميلين ثاني خخ
و موطن لكثير من الحيوانات البرية التي لا تجدها في مكان آخر كالثيران و القنادس و حتى حيتان العنبر
كما أنه وجهة لمن يحب أساطير الفايكينغ و مشاهدة الشفق القطبي
و ناسها لطفاء و مسالمين و مام عندهم هندسة خاصة بيهم في بناء منازلهم
النرويج بزاف فنية

في سنوات مضت كنت نحب المنتديات و اجواءها بحكم ماكانش عندي اي وسيلة تواصل افتراضية هذيك الفترة
و شحال من مرة كنت ندخل زائرة للمة ندير دورة و نخرج
حتى جا نهار و قررت نفتح فيه عضوية
و سجلت مي ماكنتش ناشطة بزاف حينها ..

كاين بزاف ... حاليا @Oktavio_hinda و @♡كارينا♡ @Soumia hadj mohammed @العَنْقَاءُ @Tama Aliche

البركوكس

جميعهم

الورد الجـــــوري

وهـــــران - لم أزرها من قبل -

إكــــــــــرام

ربي ينصرهم و يكون معاهم
غزة ليست مجرد مدينة
و أهلها علمونا معنى الوطن ، معنى التضحية و معنى الصبر و المُسلم
" لما تشوف الشهيد تبقى السلامة خجل "

حسام الدين عبادي - الاسراء - ، عبد الرحمان السويد - الزمر -
وديع اليمني - مريم - ، صلاح الهاشم - غافر -

ربي يحفظهم و يوفقهم لكل خير فيه رضاه
و يديم اللمة و المحبة و الإخاء

شهـادة البكالوريا - ركوبي في الطـائرة

كي دخلت الراطراباج ظُلما -_-


في الانتظار ، شكرا​

ربي يحفظك و يسترك و يحميك و يرزقك و يوفقك و ينجحك اختي إكرام
المهم اذا احتجت اي شيء راني هنا نعاونك حتى بكلمة طيبة اخوك إلياس
ادعي ليا نجيب بنات صالحات و جميلات إن شاء الله

 

[Oktavio_hinda]

مساء الفـــــل و الريحان
شكرا هند اللطيفة

و بالاك هي صح هكاك مش تخيلتيها خخ
علابالك أنا من محبي الانمي
حسيت الصورة تعبر على لمعان الأحداق و شخصيتي صح صح

مرحبا بك

جميل و رقي روحك غاليتي ، أهلا بأسئلتك


اجابة مشتركة للسؤالين
كما قلت سابقا ، أحب أجواء المنتديات
و ما فيها من روح أخوة و تضامن
و هذا ما لا يخلو منه اللمة
و ربما هو الأكثر تميزا بذلك
الأعضاء في اللمة ليسوا مجرد بشر عاديين
كل فرد استثنائي و نجم بطبعه

عائلة افتراضية تجمعها المودة ، الاحترام و التقدير

ممتنة لكوني فردا منها

قراءة القرآن و النــــــــــــــــــــــــــوم

مانعرف تحسبيلي الاجابة و لا لا
مش شخصية حقيقة و إنما خيالية
لي هي إيرين ييغر
مشاهدة المرفق 169762

حابة نعرف طريقة تفكيرو اكثر

أما الشخصيات الحقيقية فـ خاطيني المشاهير

[ رضوى عاشور لكنها توفيت رحمها الله ]


لا غائب يعود كاملا
لا شيء يُستعاد كما هو

ماكاش شخص ولا حاجة تعاود تولي كيما كانت خاصة بعد غياب
لن تجد نفس الشخص مام في نفس الشخص ..


كواليس المنتديات



كاين بزاف ... حاليا أنتِ و @♡كارينا♡ @Soumia hadj mohammed @العَنْقَاءُ @Tama Aliche


شــكرا لك هند
مش غير خفيفة
ريشة ^^

تحية طيبة ليك ثاني غاليتي

دمتِ​

صحيتي عزيزتي على الأجوبة الرائعة
اتمنى لكم سهرة ممتعه
تحية وتقدير
صحا سحوركم

​

 

[لمعانُ الأحداق]

صحا فطوركم احبائي و اخواني

قبشتي مشاعر بتصاو المطلوع و الكسرة و في الاخير قلتي هذا مكان ههههه

شوي كسرة برك هذا ماكان خخ​

ــــــــــــــــــــــــــــــــــــــــــــــ
لنفرض جدلا ان لا شيء تغير و بعد تخرجك بقات الامور كلها كيما رانا اليوم
شحال راح تكون لافيزيت عندك​

و لافيزيت مع الايكو​

سؤال بزاف حساس
علابالك في كل مرة نخمم فيها
كي نشوف تعب الدراسة و القراية هذي كامل
عندنا كل شهر امتحان
و كل درس نقراو فيه عن مرض و لا مجموعة أمراض
( كي يكونو متشابهين و لا في سياق واحد )
يعني أعراض الأمراض ، وش تدوموندي كفحص معاهم ، أدويتهم ، لادوز تاع الدوا حسب الوزن أو العمر
وش تشوف في الراديو ، في الأنابات الخلايا ، الدنيا قاع ثم
و عندنا الموديل الواحد فيه من 30-60 كور ( درس ) دون احتساب التيديات
و التبكار الصباح ، هذا كور ، هذا تيدي و سطاج
هيا نقول ماكاش تحت 500 ألف
و لي ماعندوش نفوتو باطل عادي
هات يا السهرات للصباح مع كور في اللخر نلقى روحي حاصلة في الأنتروديكسيو تاعو
نولي نقول علاجال هذي الليلة الفحص يكون غالي خخخ
لاشارج ، ستراس ، ضغط و حرب نفسية
شغل صح تعب عملاق و النتيجة تاعو تعيي أكثر
خاصة كي يكون الامتحان صعب و تبقى تستنى النتيجة
نولي نحب برك نخرج بكامل قواي العقلية
تلقاني نحسب وش يكملي 7 سنين هذو خخ

و مرات حال المستشفى وحدو كي تدخل الصباح يخليك تحس شعور سيء
و يغيضوني الناس ثما خاصة لي يحسو بالألم
و بزاف ماعندهمش و هذوك لي يكونو امراضهم خطيرة
و يحتاجو فحص دوري
هيا نقول نكون انسان لطيف ندير الخير و ناس ملاح
مانفوتش 100 الف و الدنيا هانية و البط يعوم
نعرف طبيب للآن باقي يفوت لافيزيت ب50 ألف، تخيل
بنفس السعر تاع قبل 30 سنة ربما
ماتدري كيفاه تكون الحالة يعني

القطاع الخاص فيه مغامرة شوي
مش ساهلة تحبس كامل مدخولك من الدولة
و تحل وحدك هيا مع اللخر تلقى روحك مش معروف و مايجوكش الناس
تخلاص عليك ب100 الف للسمانة و كاره حياتك و زيد تخلص الكرا و الكريدي
و تقول وش داني نقرا هذو السنين كامل
يعني الواحد باه يحل وحدو يليق يضمن مكانو
الضامن ربي على كل حال
مي هذي هي​

حكيتي في الرد السابق على معانات الاطباء و انا اتفق معاك في الامر
لكن هناك ايضا اطباء بصراحة شوهو مهنة الحكيم بتصرفات غير لائقة
كتعطيل لوازم المستشفى العام من اجل خدمة الخواص و كذا رفع تسعيرة المعاينة​

علابالك هذو لا يُقاس عليهم و هوما لي مش رح يربحو
ماعندها حتى معنى أنك تفسد تاع الدولة باه يجوك للخاص
لأنو الرزق على ربي
كي تامن بيها هذي / دير اشهار لروحك و لا ماتديرش
وش مكتوب ليك يجيك
و رفع التسعيرة ياخويا وش نقولك
انا كي شفت تعبها وليت نعذرهم الاطباء خخ
تدرس 7 سنين و تزيد 5 و تزيد 3 سنين عند الدولة
عمرك و شبابك كامل يروح دراسة
تحس روحك ماعشتش حياتك
في اللخر كون تبقى عند الدولة تدي 5 ملاين و زيد يشنف عليك الشعب
و الخطأ مش منك و إنما الامكانيات مش متوفرين
تلقى اعتداءات و أمور بزاف تهينك
و أنت لي عقلك هاز فيه دولة
تغيضك الصراحة
هيا يولو يخرجو للقطاع الخاص و يرفع التسعيرة هكا يجي غير لي صح مريض
مش كيما السبيطار يوجعو راسو شوي يجي للاستعجالات يعيط و يدير الهول
مي صح تبقى كاين مبالغة أحيانا في السعر
و الواحد يليق يراعي الظروف تاع الشعب
كي يشوف واحد ماعندوش مايديش عليه لي يخدم عليه سمانة
ولا مايديش كامل راه كاين لي عندو يخلص
و ثاني يحط سعر مناسب حسب وش دار يعني
انا كي نشوف يقولك كتبلي برك دوا
و ممبعد نشوف روحي هذاك الدوا باه حفطتو جبت معاه سمانة
( الأسماء ، لادوز ، الاعراض الجانبية ، الحالات لي مالازمش يتمد فيها ... )
لالا ماشي " برك دوا " خخخ
و تولي 100 الف حقو صح
الفحص نتعلموه من الألف للياء
كيفاه تفحص و كيفاه تمشي يدك
و كيفاه تتعامل مع المريض و وش الأسئلة لي تسقسيه و غيرها
هي صح متعوبة مي الواحد مايبالغش
​

و حتى الخواص نعطيك مثال عندنا طبيب قلب و الله نهار نروح نعالج نحس روحي في حبس
مكان حتى شروط الراحة و اذا رحت نهار تاع برد و الله نموت بالبرد و الامطار تدخل من كل جيهة
و الكراسي متسخة و مكاش مصلى و لا مكان الانتظار لايق على الرغم ان عنده كم كبير من المرضى بالعشرات يوميا
و بتسعيرة كبيرة احيانا ييسقسيك يدي عليك 200 الف
حسب رأيك اين الخلل ام الخلل عام على مستوى العقل الجزايري في اي وظيفة و في اي مكان او زمان​

وش نقولك يا أخي
عقليات
إذا هو الدورو لي يدخل مايخرجش و قابل يخدم و يستقبل الناس في حالة مزرية هكاك
و الناس ثاني تروح ليه بحكم الكفاءة و ماشي حاطة حالة الكابيني في الحسبان
باينة يكمل يخدم و ماعلابالوش
من المفروض يطور روحو و يبدل شوي
ماراحتش في العقل الجزائري و إنما في تفكير الطبيب هذا
لي راضي تكون حالتو هكاك
عن نفسي يا ندير كابيني كيما لازم يا مانديرش
المريض يليق يجي عندك يرتاح ، ينتظر و هو فرحان
يستنى دالتو بلا مايكره
مش يجي مليح يخرج بلاطونسيو و الزكام
بسبب الانتظار و القلق تاعو
و لأنو تشمخ بمياه الامطار و برد
تحير علاه يديرو هك ، يجمع برك

الله المستعان

أحيانا عقلك يحبس كي تشوف بعض التصرفات
و يحبس أكثر كي تشوف منين جات
​

كتاب قريتيه و حسيتي انه أثر فيك​

تقارير السيدة راء
لرضوى عاشور​

حكيلنا على العمل الجمعوي او خيري اذا عندك انتساب​

خاطيني كامل الأمور الاجتماعية
انسان انطوائي بامتياز​

انا ادافع عن فكرو و اسوق لها مع رجال السياسة لكن لم اجد لها اي صدى و هي
وضع كاميرات مراقبة في كل المؤسسات مدارس او ثانويات او جامعات او مشافي
او مصانع او ادارات لأن الانسان الجزايري يخدم تحت المراقبة او يفسد و يسرق الوقت
مثلا لو نحصي عدد الكراسي و الطاولات التي تكسر و الاستاذات التي يتم الاعتداء عليهن
و التسيب الحاصل من طرف الاستاذ نفسه اللي يخدم غي نهار اللي يجيه المفتش
راح نلقى ثروة رايحة و قدرات تفسد و ناس تخلص بلا اي امقابل و تلاميذ متمردة
كلهم عندما يعلمون انهم تحت المراقبة راح يهابوا و يلتزمو الحدود خوفا من العقوبات
انت واش رايك فيما سبق​

الشعب عمرو مايتريقل
لأنو البروبلام راه جاي من التنشئة
و من شبَّ على طبع شاب عليه
كاميرات المراقبة تديرهم من يكسروهم من و لا يقولك ماتمشيش
كاينين في المستشفى بصح مايمشوش
حاطينهم ديكور برك
و بالحديث عن تكسير الطاولات و الكراسي و الاعتداءات
هنا تولي قضية تربية و اخلاق
ربيه من الأول يحافظ على الممتلكات و لو ماشي تاعو
و يحترم غيرو
حاليا للأسف نشوفو الشارع لي يربي
شحال من مرة نشوف طفل صغير 2-3 سنين يدور يلعب برا
عقلي يدوخ
وين راهم أهلو هذا ؟
مازال غير يبدا يمشي تلقاه برا
وحدو و لا مع أطفال الحي بمختلف الأعمار
في حين يليق يبقى في المنزل في أحضان الأسرة يتربى يدي الأسس
هكا كي تفوت تعلمو المبادئ ماتخافش عليه
عجيب أمر المجتمع
و زيد مايقراو ما والو
يقولك لي قرا وش دار و راحت هكا العقلية هذي
الجهل و قلة الوعي
و خلي الدنيا سايبة
باينة يجي جيل فاشل اسمو مايعرفش يكتبو وش تستنى منو يدير ؟
يعني حتى المنظومة التربوية و راهي من سيء لأسوأ
برنامج غني و مكثف مي التلميذ مايدي منو والو
و تبقى علامات الاستفهام رايحة جاية
​

لو قلنالك حطي لينا سقف اسعار المعاينة العادية عند طبيب عام و عند اختصاصي
واش راح تقترحي​

150 ألف للمعاينة​

نحن مرضى السكري هل يجي يوم نلقاو علاج لمرضنا و ما يبقاش مومن
ام خلاص هذا مكتوبنا و لا امل​

مرضى السكري موضوع عملاق و متشعب هو الآخر
فحوصات دورية و عند مختلف المختصين ( عيون ، قلب ، غدد .. )
ربي معاكم و الله
حاليا ماكاش علاج من غير الأنسولين و ماهوش نهائي
في النهاية الشفاء من الله و ربي خلق الداء و الدواء
و مانعرف إذا كاين علاج يخليه مش مرض مزمن و وقتاه يتم اكتشافو
أو على الأقل ينقصو التداعيات تاوعو و تأثيراتو
المهم الواحد يعس روحو و يقيس و مايغفلش
ربي يشفيك و يعافيك أخي الأمين​

اكيد لي رجعة احيتي الغالية​

سعدت بنقاشاتك أخي

في انتظارك​

 

[لمعانُ الأحداق]

ربي يحفظك و يسترك و يحميك و يرزقك و يوفقك و ينجحك اختي إكرام
المهم اذا احتجت اي شيء راني هنا نعاونك حتى بكلمة طيبة اخوك إلياس
ادعي ليا نجيب بنات صالحات و جميلات إن شاء الله

آمين و إياكم استاذ
شكرا
ربي يرزقك الذرية الصالحة
و البنات الصالحات لي يكونوا سند ليك و خير مؤنسات

تحية طيبة​

 

[لمعانُ الأحداق]

صحيتي عزيزتي على الأجوبة الرائعة
اتمنى لكم سهرة ممتعه
تحية وتقدير
صحا سحوركم

مشاهدة المرفق 169764​

أهلا بك من جديد هند
شكرا على الكسكس
( بالطبع و الهمة )

الله يسلمك و صحا سحورك غاليتي

تحياتي​

 

[♡كارينا♡]

السلام عليكم ورحمه الله تعالى وبركاته ...بداية
اهلا وسهلا بك بيننا انا سعيدة جدا لقبولك الدعوة اتمنى ان تستمتعي بضيافتك معنا وان نتعرف اكثر على بعضنا البعض وعليك خاصة ، انتي الصديقة الصادقة طيبة القلب حنونة الطباع ،التي كل ما رأيت اسمها بسمة ترتسم على محياي ،رقيقة كالورد، حنونة كالاخت،سعيدة جدا بالتعرف عليك وبانضمامك لقائمة صديقاتي وكل المسميات الحلوةكما اتمنى ان يحالفك الحظ الجميل دوما وان تزهر حياتك دائما وان تظل روحك جميلة كما عرفناها .

كما اشكر منتدى اللمه وجميع الاداريين فيه على منحنا هاته الفرصة للتواصل مع اشخاص من كل انحاء العالم ،اشخاص رائعين وقد كان له دور كبير في تعزيز الثقة والاحترام المتبادل بيننا،جميع الاعضاء والعضوات ،ضمادات،ضمانات،هم حصن وحرز وحب وسعادات

 

[dahman kz]

في الحقيقة هي وكارينا أعطوا اللمة في هذه الفترة دفعة وشحنة طاقة ايجابية لم اكن اتوقعها انعكست علينا جميعا وتواجدهم بفطرتهم المنتدياتية العتيقة استعاد فينا نكهة ونفحة كتابة المواضيع التي عدنا نشتاق اليها انهما نجمتا وأميرتا هذا الزمان في اللمة

نعم كان لهما اثر كبير وواضخ في نشاط وحيوية اللمة مؤخرا
فهذا الثنائي جمع الاحترام و المودة و الفكاهة معا واضافتا عليها شيئا من الجنون

 

[♡كارينا♡]

@♡كارينا♡ هيا برك
مابنتيش و انا نقول وش الحاجة لي ناقصة

الحالة راه ما فيها لا قلب اللوز لا تحليات
جيبيهم و ارواحي

انضمي انضمي ^^​

ياحسراه والله غير راني اليوم كامل حاصلة مع لولاد الكوزينه لماعن الضياف ..كلش كلش بسيف نلقى وقت نحكم التليفون عشر دقايق ..اسمحيلي .....غير كي رقدت لولاد ذراع بالكف والبشماق وهاني فوتت ليك ديراكت غاليتي ...نخليك تجاوبي على اسئلة الاعضاء غير بالعقل وتاخذ راحتك من بعد نحاول كاش مانلقى سؤال ولا تنين ماطرحوهمش ...نطرحهم عليك ...مع انهم ماشاء الله ماخلاولي والووو خخخخخ
موووووفقة

 

[♡كارينا♡]

اكرام براءة سابقا من اشهر معرفات اللمة وأقربها الى مخيلتي كلما عاينت الاعضاء وماركة مسجلة حصرية والان هي من أكثر الاعضاء تفاعلا و مستوى في الردود والتحليلات تذكري مداخلاتها دوما بالرائعة لؤلؤة قسنطينة وكأننا نجني قطاف الطفلة اكرام التي طالما تعلقت باللمة وياله من قطاف قيم وجميل
في الحقيقة هي وكارينا أعطوا اللمة في هذه الفترة دفعة وشحنة طاقة ايجابية لم اكن اتوقعها انعكست علينا جميعا وتواجدهم بفطرتهم المنتدياتية العتيقة استعاد فينا نكهة ونفحة كتابة المواضيع التي عدنا نشتاق اليها انهما نجمتا وأميرتا هذا الزمان في اللمة وقد دخلا كتاب غينس لمهبولات اللمة واتمنى ان يلتحق بهم من هم على شاكلتهن من الاعضاء الجدد والقدماء.

سؤالي بسيط من تجديه اقرب اليك واكثرهم دعما ممن حولك لاني سانصحك بان لا تفلتي يدك من يده مهما كدر الزمن صفو صحبتكما

ايا مرحبا بيك وصحا رمضانك واتهلاي في روحك وشكرا لصاحبي الاستضافة السلطانة والامين.

شكرا لك هذا من طيب قلبك وجمال روحك ...
والله نفعل مانقدر عليه ..ومابيدنا ومالنا طاقه عليه نحاول دائما بث النشاط في المنتدى عن طريق مواضيع جديدة لكن للاسف لاتخطر على البال افكار حقيقية جميلة تضاهي جمال وقوة منتدانا العزيز لهذا نكتفي حاليا بمواضيع ممكن يراها البعض سخيفه ومجرد مواضيع مضحكه لكن افضل من ماكانش ومع تراكم مشاكل وظروف الحياة والمسؤوليات المتراكمه علينا ..اصبحنا لانقدر حتى على عمل طلة على اللمه واعضائها المميزون ..لكن رانا نديرو في مجهوداتنا ومن المستحيل اننا مانلقاوش دقيقة او دقيقتين نخطفهم من يومينا المزدحم ونضربو طلة ...فاللمه تبقى متواجده في قلوبنا وعقولنا وان لم نسجل دخولنا