امثال وحكم

السلام عليكم ورحمة الله وبركاته،

اليوم حبيت نشارك معكم موضوع وهو الأمثال والحكم كما نعرف، كل منطقة في الجزائر عندها لهجتها الخاصة، ومعها مجموعة من الأمثال اللي تعكس حكمة الأجداد وتجاربهم في الحياة.

الفكرة بسيطة: كل واحد يشاركنا بأمثال مشهورة في منطقته مع شرح معناها، باش نتعرفوا على تراث بعضنا البعض.

نبدأ انا من وسط جزائري:

"القط يعلم بوه النط": تقال كي يكونواحد صغير يحاول ينصح أو يفتي على واحد أكبر منه في العمر والتجربة.



"إذا كان صاحبك عسل، ما تلحسوش كامل" : يُقال على اللي لازم يحترم حدود المعاملة مع الناس وما يستغلهم بزيادة.خاصة ناس طيبة


في انتظار أمثالكم ومشاركاتكم، خلونا نتعرفوا على حكم كل ولاية!

 

[إلياس]

لي حافظوا السلوقي قاريه الذيب

 

[Zili Na]

لي حافظوا السلوقي قاريه الذيب

شكرا لمرورك على موضوعي وهذا شرف لي ووسام على صدري
لكن مككن تعطينا معني مثل واي منطقة بضبط

 

[لمعانُ الأحداق]

- قلل ناسك يرتاح راسك
( يعني بقدر ما تقل دائرة معارفك بقدر ما تلقى راحتك )

- لي راح و ولَّى ، وشمن بنّة خلّى
( عن الغائب لما يرجع ، رح يكون الشغف و الاهتمام مات ولا مش كيما من قبل )

 

[أبو عاتكة]

كي طارت الطيور جات الهامة تدور
عمن يلحق متأخر كي تحضر في حاجة مهمة من الاخير

زعاك ضيفو ولا غرّار بيه
عالعبد الصريح اللي يقولها في الوجه

 

[♡كارينا♡]

لوكام ماجيتش نعرفك ياخروب بلادي نحسبك بنان

 

[dahman kz]

ولد الفار يجي حفار و ولد الڨط يڨول مييييووو

المعنى ان الابن يكون كيما باباه

 

[يوسےفے]

كي كان حي كان مشتاق تمرة و كي مات علقولو عرجون
( بعدما تتطفر في الانسان يمرض و يموت يظهر الاهتمام المفاجئ به و يديرولو جنازة ما صراتش و هو كان محتاج الاهتمام و الدعم و القليل من المال باه يداوي في حياته)
احفظ الميم تحفظك
(مثل يستعمل لنصح احدهم بالتزام الصمت في غالب الأحيان و المواقف اللي ممكن كون تهدر فيها تتازم الأوضاع ..و الميم هنا نقصدو بيه الحرف الاول من كلمة (ما نعرفش او ما شفتش او ما قلتش ما ..ما...ما.الى اخره..)

 

[♡كارينا♡]

لوكان جيت مانعرفكش ياخروب بلادي نحسبك بنان ​

 

[ام أمينة]

كل تأخيرة فيها خيرة​

 

[فادي محمد]

بارك الله فيك اختي الكريم وجزاك الله خيرا