ضيف العدد الثامن للخيمة الرمضانية الاخ @حاتم خليفة

الحالة
مغلق ولا يسمح بالمزيد من الردود.
السلام عليكم ورحمة الله وبركاته


صحا فطوركم وسحوركم احبتنا في اللمة الغالية
تقبل الله منا و منكم صالح
🌼🌺🌻🌺
مواصلة لسلسلة ضيوف الخيمة الرمضانية
نسعد اليوم باستضافة نجم من نجوم اللمة
صاحب الحضور المستمر و المتواصل
صاحب الردود الصريحة و الواضحة
صاحب الفكر المتميز
صاحب التوجه الواضح
ضيفنا
صريح جدا
لا يجامل ابدا
مدافع من الطراز العالي عن افكاره
صاحب ابتسامة و مزاح و روح خفيفة و نفس مرحة
من الرجال المخلصين بحق للمنتدى
ان بحثنا له عن كنية فلن اجد اجمل من

سفير فوق العادة للإيجابية
انــــــــــــه الـــأخ الغالي و العزيـــــــــــــــــــــز
@حاتم خليفة
ضيفا عزيزا مكرما في خيمتنا
فأهلا و سهلا بك و ندعوا الاعضاء الاعزاء ان يستغلوا هذا التواجد
مناقشة الضيف في شتى مناحي الحياة بكل حرية
إذن

إليــــــــــــــــــــــــــــــــــــــــــــــــــــــــــــــــــــــــــكم الخــــــــــــــــــــــــــــــــــــــــــــــــــــــــــــــــــــــــــــط
مشاهدة المرفق 169833
"تحية كبيرة لصاحب الموضوع، أمين، على الطرح المميز. وبما أن اسم حاتم يتردد مع الكثير من الشكر والثناء، حكمني الفضول نعرفوا أكثر، فمن يكون هذا الشخص الذي يستحق كل هذا التقدير لهذا قدمت شوية 🤏اسئلة. نتمني تجاوبني عليهم وشكرا

اولا. عرفنا بنفسك اسم كامل ولاية هواياتك ؟

تاني سؤال كيف ومتى تعرفت على منتدي؟!

ثالث سؤال ماهي اكثر مواضيع التي شاركتها هنا ولاقت صدى وتفاعل من الاعضاء؟

وماهو اكثر موضوع مميز بالنسبة اليك كتبته؟!
 

مرحبا بك ..

والله لادوختونا ..رمضان مع الاسئلة مع المرض مع لولاد 🤒🤕😷🤮🤧 ماعرف الواحد وين يشوف

Sad Baby GIF

 

اهلاووسهلابك نووورت الخيمه بحضورك ...

الصراحه انا قريب فقدت الذاكرة ..كي شغل وليت ديما
Lights Out Falling GIF

نجي نطرح اسئلة مانلقى والو في راسي
empty GIF

لي عودة اذا لقيت اسئلة ولات ليا روحي ...
ربي يعينك ..وماننساش نحطلك وحدة من صوري لي نحبهم 1000018609.gif
 
ربي يحفظك و يسترك و يرزقك و يشفيك و يعافيك و يحميك اخي حاتم
ياخاه وانا حسبتك عليا ..حتان لقيت اسم حاتم من تالي ..معليش حشمتني خخخخخ1000019181.jpg
 
ربي يحفظك و يسترك و يحميك و يرزقك اختي كارينا
شكرا ...
بارك الله فيك وجزاك خير الدنيا والاخرة ،ورزقك نعيم الجنه وفردوسها ،ووالديك بإذن الله
 
حبيبي حاتم
حكيلنا على اللمة و علاقتك باللمة
علاقة طيبة وأخوية والحمد لله
هل لديك اصدقاء في اللمة تتواصل معاهم بالهاتف
لحد الآن مكانش نفضل نتواصل معاهم عبر المنتدى فقط نفس الشيء مع باقي مواقع التواصل الإجتماعي
اقرب عضو ليك في اللمة
في الأعضاء إلياس أما الطاقم الإداري أنت فريد أبو فيصل
كيف عرفت اللمة
عبر منتديات جزائرية قديمة أُغلقت للأسف
منتدى حنين العرب ومنتدى الهضاب نت

عضو راه غايب راك مشتاق ليه
@أمـيـر الـجـزائـر إن شاء الله يكون بخير
قول كلمة للناس لي غابو علينا دون سابق خبر
غيابكم أثر على المنتدى وعلى ساكنيه
لوكان نعرضو عليك الاشراف واش من قسم تختار
قسم كرة القدم
سابقا في منتديات جزائرية وعربية كنت مشرف و مراقب و إداري
 
شكرا ...
بارك الله فيك وجزاك خير الدنيا والاخرة ،ورزقك نعيم الجنه وفردوسها ،ووالديك بإذن الله
العفو
وفيك بركة
اللهم امين اجمعين
 

..........ع............د................ت............​

كم مرة تزوجت ؟؟
ما سبب تكرارك لزواج؟
اذا كنت تبحث عن صفة معينه في شريكه حياتك .ماهي؟؟
كم عمرك؟؟
كم عندك اطفال؟؟
هل عندك تكرار الزواج "التعدد"امر عادي ولاتشعر بتأنيب الضمير ..بما انه امر يكسر قلب الزوجة؟
 
وعليكم السلام ورحمة الله وبركاته

😎😎😎😎
@حاتم خليفة وجد روحك حكماتك الكاميرا
راني واجد😁
أكثر عضو محبوب من طرف الأعضاء عندو وزن في المنتدى
شكرا الله يحفظك
أسئلتي:

-مارأيك في زواج الأقارب مع أو ضد؟
ضد
1_بسبب كثرة الأمراض والتشوهات لي تصرا للأطفال
2_قادر مشكل واحد بين الزوجين بتسبب بالتفرقة بين الأقراب

-جيل اليوم.هل يحتاج الى الصرامة أم اللين؟
الصرامة وللأسف جيل خارج مجال السيطرة بسبب سوء التربية
-ماهي شروط الزواج الناجح؟
التفاهم أهم شيء
صحا فطوركم
الله يسلمك وأنتِ زادا
 
اهلا وسهلا بضيفنا و خونا حاتم مرحبا في الخيمة صديقي
السهرة اليوم راهي غير هههه
يا حليلك يا حاتم
أهلا بيك خويا
يخي يقولوا أضحك للدنيا تحكّك هههه
راني واجد لكل الأسئلة
 
السلام عليكم .صح رمضانكم و صح فطوركم.الله يلمنا في الخير ديما💗
وعليكم السلام ورحمة الله وبركاته
آمين يارب العالمين

..كيما العادة نروحو و نطولو بصح مرة على مرة نجو نطلو على لمتنا
مرحبا بيك من جديد نورت اللمة
اولا سلامي للحاج خليفة صح رمضانك انت و العائلة الكريمة و ليك وحشة دا زمان علابالي راك ناسيني ني مطول الغيبة هههه
الله يسلمك خويا وأنت زادا والله
مع كثرة الأعضاء في اللمة ننسى الأعضاء القدامى

مانطولش عليك سؤالي خفيف ظريف كيما طلتي ههههه
مادام راكم تحكو على الزواج ..هل انت مع الفئة لي تقول للراجل ما يتزوجش حتى يلم دراهمه الكل تاع زواج
ام مع الفئة لي تقولك اتزوج و رزقك يجيك مع المرأة
مع اعتبار مصاريف الزواج لي راها ضرك يعني واحد باه يتزوج على الاقل لازمله 120 مليون كلش..🙄🙄
يصبر اعوام ام خير البر عاجله للاستعفاف
نعم خويا لازم تخدم وتلم الدراهم باش تتزوج خاصة مع الوقت ليرانا فيه
المهر 200 مليون والذهب ومصاريف الزواج وبعدها مصاريف الزوجة ولولاد
 

..........ع............د................ت............​

مرحبا بالمشاغبة ههههه
كم مرة تزوجت ؟؟
مرتين ونخمم نجيب الثالثة من منتدى اللمة😂
ما سبب تكرارك لزواج؟
الأولى طلقتها والسبب ماتسمعش لكلامي كان باقي على رمضان 20 يوم وحبت تنظف الدار قلتلها راني نخاف كاشما يصرالك أنتِ والجنين، وكي خرجت طلعت فوق السلوم باه تنظف وطاحت ومات الجنين
أما الثانية عندي منها بنت

اذا كنت تبحث عن صفة معينه في شريكه حياتك .ماهي؟؟
تكون ناس ملاح وتسمع الهدرة
كم عمرك؟؟
41 سنة مواليد 1984
كم عندك اطفال؟؟
بنت وحدة سميتها خديجة
هل عندك تكرار الزواج "التعدد"امر عادي ولاتشعر بتأنيب الضمير ..بما انه امر يكسر قلب الزوجة؟
بالنسبة لي عادي ولي ماعجبهاش الحال تخبط راسها على الحيط 😂
 
ملاحظة
يا جماعة الخير خلونا من موضوع الزواج، الزوجة راهي تقرا واش تكتبوا😂🤣

راح تباصيوني الليلة نبات برا😂
 
السلام عليكم
الأخ @حاتم خليفة نورت الخيمة الرمضانية بتواجدك فيها

ماذا يعني لك منتدى اللمة ؟
ماهي عادات منطقتكم في شهر رمضان ؟
طبقك المفضل ؟
حلو أو مالح ؟
هل أنت طباخ ماهر ؟
رأيك في شهر رمضان هذه السنة مقارنة بالسنوات السابقة ؟
هل تريد تغيير في حياتك ؟

ربي يحفظلك الكتكوتة خديجة و يجعلها من الصالحات و تفرح بيها
 
السلام عليكم و رحمة الله

صحا فطوركم / سحوركم
تقبل
الله منا و منكم

مرحبا بالعــم حــــاتم ضيفا كـريما في الخيمة
حللت أهلا و وطئت سهلا
كي تقول اللمة قول العم حاتم
واحد من أعمدة المنتدى و أوفيائه
و لطالما كان له أثـر في شتى أقسام و مواضيع اللمة
استضافته في الخيمة كانت شيء لا بد منه
شكرا للأخ @الامين محمد على الاختيار الموفق - كالعادة -
و على هذه المساحة التي بها نتعرف أكثر على العـم

نرجع ليك عم حاتم
وش احوالك ؟ و كيفاه مع رمضان و الأجــواء ؟
عساك بخير و الأمور طيبة
صحتك كيف ؟ ملتزم بالـدواء و الفحوصات و لا العم من جماعة [ كل واحد طبيب روحو و الطبيب مايعرفش ] ؟

المهم جيت نرحب بيك في الخيمة
و باينة جبت معايا تحليات للسهرة و شـــاي
- إن شاء الله مايكونوش ممنوعين عليك / نغيروهم إذا كان -
و هذي المرة حبيت نبدّل شوي و جبت كُنــافة بالقشطة - كيما يحب الخـاطر -

téléchargé.jpg

b08d9940e9ecefa993b408f6cf5cc241.jpg

téléchargé (1).jpg

هذي كانت ضيافتنا ليك عم @حاتم خليفة
( جيت متأخرة اليوم نظرا للانشغال لكن روطار خيرمن ماكاش )

لي عودة مع الأسئلة إن شاء الله

إقامة طيبة
 
مرحبا بالمشاغبة ههههه

مرتين ونخمم نجيب الثالثة من منتدى اللمة😂

الأولى طلقتها والسبب ماتسمعش لكلامي كان باقي على رمضان 20 يوم وحبت تنظف الدار قلتلها راني نخاف كاشما يصرالك أنتِ والجنين، وكي خرجت طلعت فوق السلوم باه تنظف وطاحت ومات الجنين
أما الثانية عندي منها بنت

تكون ناس ملاح وتسمع الهدرة

41 سنة مواليد 1984


بنت وحدة سميتها خديجة

بالنسبة لي عادي ولي ماعجبهاش الحال تخبط راسها على الحيط 😂
اخي حاتم انت رجل عاقل ولا ينبغي لك انت تقول مثل هذا الكلام حتى لو من باب الغشمره والمزاح فالمرأه إنسان تحب كما تحب وتكره كما تكره لها طموح وآمال كما انت من حقك ان تطلق وتبحث عن الأفضل لكنه ليس من حقك ان تنتقص من قدرها .. ارجو ان تقبل ذلك بصدر رحب ..
 
قراءة القرآن والصلاة والتسبيح والعمل والذهاب للأسواق
أما الصيام فأنا ممنوع من الصيام منذ 20 سنة بسبب المرض
ما شآء الله .. ربي يتقبل إن شاء الله
وبالشفا عليك .. لم أكن أعلم أنك مريض .. لأنه الواحد يحس بالآخر لما يجرب شعور المرض كيف .. دعواتك لي أيضا بالشفآء حتى اختك مريضة ..
راهي تقرا واش نكتب😁
هذي. الزوجة الثانية أما الأولى طلقتها
إن شاء الله ما تخرجش لينا من الشاشة تعطينا دماغ هههههه
جيت نسقسيك علاه طلقت الأولى من بعد شفت أجوبتك.. إذن نقولك ربي يرحم الجنين و ربي يحفظلك ويشدلك فالبنوتة "خديجة"
نعم أنا مع تعدد الزيجات، أب جدي تزوج 6 وجدي تزوج 2 و أخ جدي تزوج 3
😂🤣🤣🤣🤣 سمحلي الله يبارك عليكم ما عندكمش إشكال التعدد و ها القدام هههخخخ هكذا باش نشوف انا للجدود تاعو إذا كانوا يعددو باش نهرب و نطلق سراحي ههههههه لازم تشوف للأجداد تاع الرجل تبانلي باش تتأكد إذا فيهم طبيعة تاع تعدد الزوجات 😂🤣🤣
نصيحتي لكِ: كوني صبورة عند الغضب وبشوشة مع الناس وعاملي الناس كما يعاملوك وأفضل
بارك الله فيك على النصيحة الجميلة منك .. ركزليعلى صبورة عند الغضب لأنه مش شيء سهل .. سأحاول العمل بنصيحتك
مرتين ونخمم نجيب الثالثة من منتدى اللمة😂
😂🤣🤣🤣 اخويا حاتم لازمك تكون قانع فالدنيا هذي .. والزوجة الثانية انا نقولها اصرعيه بالملح فالماكلة الى خمم يجيب الثالثة ههههه
ملاحظة
يا جماعة الخير خلونا من موضوع الزواج، الزوجة راهي تقرا واش تكتبوا😂🤣

راح تباصيوني الليلة نبات برا😂
😂🤣🤣🤣😂😂🤣 تستاهل .. تحية ليها خاصة كي راك تخمم تزيد الثالثة خليه يبات برى

المهم الحمد لله كانت روحك لطيفة و أجوبتك جميلة و مرحة .. وحبينا الجو هذا معاك الله يسترك و يشفيك وربي يقدرك على أمور الدنيا يااارب

تحياتي
 
السلام عليكم
الأخ @حاتم خليفة نورت الخيمة الرمضانية بتواجدك فيها
وعليكم السلام ورحمة الله وبركاته
النور نورك

ماذا يعني لك منتدى اللمة ؟
بيتي الثاني وعائلتي الثانية
ماهي عادات منطقتكم في شهر رمضان ؟
لا تختلف كثير عن باقي عادات باقي الوطن
فقط في الماكلة مثل الدوبارة لي ماتخطيش طابلة رمضان والشخشوخة ولمسڨي كل أنواع

طبقك المفضل ؟
البوراك و طاجين زيتون
حلو أو مالح ؟
مالح
هل أنت طباخ ماهر ؟
خير من (هشام كوك) ههه ومازلت نتعلم
رأيك في شهر رمضان هذه السنة مقارنة بالسنوات السابقة ؟
بالنسبة لي تغير من عدة نواحي في الدين ماتغير لي في الطقس الجو مليح ، في العايلة العام لي فات كنا 2 وضرك 3 ، في لمعيشة راه غير يغلى
هل تريد تغيير في حياتك ؟
من ناحية الصحة حاب نرتاح أما الباقي فالحمد لله
ربي يحفظلك الكتكوتة خديجة و يجعلها من الصالحات و تفرح بيها
آمين يارب ويحفظك لي عندك🤲🏻
 
الحالة
مغلق ولا يسمح بالمزيد من الردود.
العودة
Top