سؤال مليون سنتيم لصاحب الإجابة الصحيحة

[زاكي الشاوي]

السلام عليكم صحا فكوركم و صحوركم
سؤال الليلة
مالهدف او الغاية التي جعلت مارك مؤسس الفايسبوك يخترع تطبيق الماسنجر ؟

 

[أبو عاتكة]

راح علينا قميص العيد

 

[dahman kz]

راح علينا قميص العيد

مزال كاين امل
بالاك يهديه ربي و يدخل

 

[Fethi.dz]

@زاكي الشاوي طولت علينا كتر من "من سيربح المليون" ... الغاشي ومنهم انا نسناو فالاجابة والفائز

 

[♡كارينا♡]

اعطونا رقمه خلي نكلموه

00000000000007700004

 

[♡كارينا♡]

جابلي ربي هو وماشي عارف الجواب !!

 

[فادي محمد]

يسمح للمستخدمين بتصميم صفحاتهم

 

[Oktavio_hinda]

مارك مؤسس الفايسبوك بوك وتقلق عليك يا سي زاكي ظرك يدخل هو ويجاوبك

 

[Oktavio_hinda]

خويا زاكي معليش غير ادخل للمنتدى عليك لامان والضمان
متخافش واحد ما يحاسبك ههههههه
إذا كاين منها المليون اعطيها للي مستكلف بالمنتدى كاش مايزيد يطورفيه ولا يخلص كاش مستحقات عليه
​

 

[الروسي]

الهدف الظاهر هو تسهيل التواصل..
والهدف الباطن اعتراض الرسائل والتجسس
وهذه حقائق احدثت ضجيجا في السنوات الاولى له من 2008 الى 2011
حتى مجموعة انونيموس تحدثت عن الموضوع من خلال بعض التسريبات لمسؤولين داخل شركة فيسبوك

 

[♡كارينا♡]

ماكانش جواب​

 

[الرومنسي الجاد]

هنا نورمالمو تنطبق تاع "
السؤال هذا مايحتاجش كيستيوو"
صحا..
ممكن نتا ماكنتش تعرف بدايات الشبكات ب صفة عامة..
خاطش مارك مش اخترع.. الفايس لقديم شات تاعو شحال مقوّس ويعيي كان مرتبط ب الموقع بعد.. تقدر تقول سرق من ياهو لي هو الاب الروحي تاع الشات.. بصح هو ف الصح سرق العفسة من msn لي هي لولة لي فصلت شات علا موقع ايمايل.. هداك الوقت صرا تاني ف السيت تاع skyrook و الtagged وبزاف مواقع وحدخرا صرالها كيف كيف.. كانت نقلة نوعية هداك الوقت كيما راو يصرا دوكاا..
تكتوك يسرق من اينستا و السناب يسرق منهم في زوج و التليجرام يسرق منهم كامل خاطش ف الصح دوكا كل منصة تقريبا ابتكرت تقنية ونجحت فيها واشتهرت بيها منبعد تلقاها هي بعد في منصة اخرى كيما "سطوري" و "الريلز"
مارك زاد مرGهاا كتر و خدم ثريد وقلد تويتر.. شغل اك فاهم ابيبري اللعب كيفاه يتمشا.. شغل هدا يناGر في هدا.. ولا كيما قال فاردينو.. طيحلي ونطيحلك ههه
و ف اللخر كلش علا جال جمع البيانات والدراهم والاعلانات .

 

[secret de coeur]

لكان رفعتو التحفيز شوية بلاك نخمم هههه .. كي تسربيو المليون قولولي نشوف شكون اداه

 

[dahman kz]

يهديك ربي خويا زاكي

 

[Oktavio_hinda]

يهديك ربي خويا زاكي

لعيد الجاي ان شاء الله

 

[rycerz]

على ما اظن الاقرب هي الاجابة هذي :

مرت عليا معلومة قديمة و اظن انو اخترعه للتواصل بين طلبة الجامعات

و على حسب ما اذكر، انه في بادئ الامر كانت الفكرة للتواصل مع بعض زملاءه في نفس الصف في حصة الاعلام الآلي، بحيث في بادئ الامر صنع تطبيق يفتح نافذة لديه في حاسوبه و تظهر في حاسوب الطرف الآخر المتصل به و ذلك لتبادل الرسائل الكتابية (ممكن باش يْنَقْلو في الامتحانات هههه)، ثم تطورت الامور بعدها شيئا فشيئا الى ما نراه اليوم.