راني نحلل في دراهي

[سحائب الشوق]

والله اختي نفس التفكير نشوفوهم يهربو ويخرجو يفرو شغالاتهم وعادي وحنا نخافو ونطلعو بزاف حسابات تحبي نضحكك انا كل يوم نجي فالوقت ونخرج فالوقت لوكان مرة نخرج قبل الوقت المسؤولين كامل نتلاقا بيهم فدروج من الأمين العام وهبطكامل يشوفوني خارجا
المهم اختي الضمير هو الصح ونحاولو ديما كيما قال الأخ فتحي لا نجعل من غيرنا مقياس

شكرا لك اختي على كلماتك الرائعة وجمال حضورك
تحيتي لك​

حنا عندنا التأخر بال bon من الشاف تاعك و الخروج ثان بال bon هههه ساعات مايكونش عندك و ماتحسبيش حساب للتأخر و مايكونش الشاف يبعثلك ال bon لتاع الأمن (2sp) ارجع منين جيت ولا ماتخرجش هههه يعني شخصيا مانحبش نحط نفسي في المواقف هذي من وقت ما كنت تلميذة ..
بالفعل الضمير الحي نعمة محروم منها الكثير من الموظفين و العمال ربي يثبتنا يا رب
العفو

 

[Oktavio_hinda]

وعليكم السلام ورحمة الله وبركاته

ربي يعاونك اختي

نعم حللي دراهمك وزيدي
لأنو لي يهرب ويتغيب وميخدمش خدمتو يخلصها غالية

وراهم ناس بزاف يفرحو كي يهربو ولا كي مينقصلهمش المدير من الشهرية



ربي يهدي عبادو

اهلا اختي سلطانة منورة الصفحة
الحمد لله راني نجاهد باه مانروحوش في طريقهم وربي يهدي عبادو
تحيتي لك اختي وشكرا لمرورك الجميل
تحيتي لك​

 

[Oktavio_hinda]

ههههه مالا محناش نورمال

مزية دحمان ماشاء الله تبارك الرحمن شاف وزوما مليح الحيط وشاف النجوم ​

 

[dahman kz]

وتصورها انا مشفتش النجوم
شفتهم حيط مقشر

نفس الشيء حسبتها حيط مقشر كي قال نجوم بقيت ندقق هههه معها

روحو روحو لطبيب خيرلكم

 

[Oktavio_hinda]

 

[Oktavio_hinda]

هاذيك هي لازم لواحد يحلل دراهمه .. ولارم يحترم ااتوقيت وما يغيبش ..وما دام الانسان يخلص على مدة معينه من الوقت لازم يعقبها كامل في الخدمه واذا نقص منها يسما راهي صرقة ودخل فيها لحرام.
اما اذا تفوتيها قاعدة و الخدمة ما كانش هاذي ماعندك فيها حتى ذنب.

سؤال حتى لو خرجت عل موضوع النجوم للي فلحيط هاذيك ورق وله بلاطر وله كيفاش .. عجبتني وحبيت نعرفها كيفاش !

 

[سحائب الشوق]

روحو روحو لطبيب خيرلكم

وراثة في العائلة قصر النظر ماتلومش

 

[Hakan]

كاين حتى لي ما يطرحش هذا السؤال راكي بخير ما دام تسقسي على الحلال والحرام ،ناس راهي تحلل في الحرام .
كاين حاجة اسمها العقد نتاعك في العمل واش يقول ،و طبيعة العمل نتاعك ،اذا مثلا راكي في مكتب بحيث يجيك العمل من اشخاص نقولوا بلدية يعني خدمتك مرهونة بالناس اذا ما حضروش راكي قاعدة فجلوسك راهو داخل في وقت العمل نتاعك والله اعلم .

 

[Oktavio_hinda]

كاين حتى لي ما يطرحش هذا السؤال راكي بخير ما دام تسقسي على الحلال والحرام ،ناس راهي تحلل في الحرام .
كاين حاجة اسمها العقد نتاعك في العمل واش يقول ،و طبيعة العمل نتاعك ،اذا مثلا راكي في مكتب بحيث يجيك العمل من اشخاص نقولوا بلدية يعني خدمتك مرهونة بالناس اذا ما حضروش راكي قاعدة فجلوسك راهو داخل في وقت العمل نتاعك والله اعلم .

شكرا لاضافتك اخي هاكان كلش يدخل في طبيعة العمل كماقلت انا في مكتبي والعمل يجي لعندي حمد لله على كل حال
ربي يحفظك اخي وجميل الشكر على مرورك وحضورك ومشاركتك الموضوع
 تحيتي

 

[وۣۗهۣۗہۣۗم]

شوفي ختى كيما قال المصري اشتعلت كتير تغلط كتير تترفد تشاغل نص نص تغلط نص نص تترقي
ههههههه ولا راني شادتها ابان وخلاص
مرات الواحد يكون شاد سيريو و خدام قلب ورق نجيك لحظة إدراك تلقاهم شادين تيليفونات ومبرقشين عينيهم فيهم ونصهم عامل برة فالاسواق تقول وانا لاه زايدة عليها ولا ههههههه

الواحد برك يكون عندو ضمير مهني لانك تتحاسب عليه يوم دين


ربي يهدينا

 

[زاد الرحيل]

لازم تحللي دراهمك لانو الحساب يوم الحساب عسير
نسال الله العفو و العافية

 

[الامين محمد]

توقع معايا بالياسر
العمل لي نخدمه متعب للغاية و مرهق
في اغلب الاوقات انا اول من يدخل و اخر من يخرج
احيانا تغيضني عمري و نلقى روحي وحدي نهبر
نتقلق و نوكل امري لله

فعلا كي يكمل العمل ندي راحة و نطل على اللمة
اكيد طلة تاع اللمة لما ما تكونش خدمة و انا في الخدمة

 

[Fethi.dz]

شوفي ختى كيما قال المصري اشتعلت كتير تغلط كتير تترفد تشاغل نص نص تغلط نص نص تترقي
ههههههه ولا راني شادتها ابان وخلاص
مرات الواحد يكون شاد سيريو و خدام قلب ورق نجيك لحظة إدراك تلقاهم شادين تيليفونات ومبرقشين عينيهم فيهم ونصهم عامل برة فالاسواق تقول وانا لاه زايدة عليها ولا ههههههه

الواحد برك يكون عندو ضمير مهني لانك تتحاسب عليه يوم دين


ربي يهدينا

قاعدة العمل الاساسية تاع حبايبنا

لعرض هذا المحتوى، يتوجب عليك الموافقتك على تعيين ملفات تعريف الإرتباط (الكوكيز) للطرف الثالث. لمزيد من المعلومات، الرجاء زيارة صفحة ملفات تعريف الإرتباط.

قبول ملفات تعريف الإرتباط للطرف الثالث

 

[faith8]

هي صح راكي تحللي فدراهمك خاطر الموظف يخلص على وقتو، وتاني ممكن يحتاجوك وما يلقاوكش تسما حقهم، وقريت مرة بلي اللي ينقص الوقت تع العمل يدخل مع حكم المطففين والله اعلم
ربي يرزقنا مالحلال وبارك الله فيك على الموضوع القيم

 

[أم أُنٌَيسة]

السلام عليكم ورحمة الله وبركاته

اسالي اهل العلم عن وضعك، الحلال والحرام له اهله ي اخية .. كما قال ابن سيرين رحمه الله: ان هذا العلم دين فانظروا عمن تاخذون دينكم ...

لا يصح لي ان اقول لك ولا يجوز ان كان ما تفعلينه حلال او حرام، يجب سؤال اهل العلم مع قول التفاصيل اللازمة لحالتك ثم يفتونك في امرك..

وفقك الله وسدد خطاك ..

 

[Amine7N]

تصدقو موليتش عارف اسكو احنا رانا نخدمو في الحلال ولا هوما يخدمو في الحلال
المهم كاين واحد يخدم في الحرام ، شكون هو ! معرفتش يا احنا ياهوما !