روحي فداك وطني
:: عضو منتسِب ::
- إنضم
- 17 جوان 2008
- المشاركات
- 71
- نقاط التفاعل
- 0
- نقاط الجوائز
- 1
- آخر نشاط
:P شفتو هذا المخلوق الي لسانو طويل ويخدم كي المنشار هكذا احنا راه صاريلنا الذرعين باردين ولمخاخ حابسين وبقى فينا غير اللسان ، قاعدين نهدروا واقفين نهدروا راكبين نهدروا ماشيين نهدروا وحتى راقدين تلقانا نهدروا حتى خلق فينا مرض جديد هو مرض الهدرة من أجل الهدرة.
والمشكلة لكبيرة ماهيش فالهدرة في حد ذاتها لخطر السكات هاو مرضو اكثر من مرض الهدرة
المشكلة أن هدرتنا هي كلها نقد وتمنشير وتقطاع ما فيها حتى فايدة ،تلقى الواحد منا مخرج منشارو ومضيه واحط في خاوتو بجناح مايفرق لا بين لمليح ولا بين لقبيح عندو لكل كيف كيف ، ودير روحو هو الوحيد لمليح الخدام الملتزم المحب للخير الي يكره الشر :rain: وهو شرو يصب كي لمطر ما يسلك من منشارو حتى واحد يالطيف والطف .
لوكان راه كل واحد منا يخدم قد مايهدر انا نظن بلادنا تولي وردة :yes: المعلم مع لولاد هوما مساكن ساكتين وهو يهدر بصح فاللخر هو يمرض وهوما يتعلمو عليه الهدرة ، الحلاق كون تحسب الكلمات اللي يهدرهم تلقاهم اكثر من الشعرات الي يحلقهم ، الكياس فالحمام ماكل بوسط، الصوار وهو يعدل فيك باه يصورك يهدر يديرلك درس فالتصوار ويخرجلك تصويرة متليقش ، الفلاح وهو في فلاحتو يهدر مع لحوايج الي يخدم بيهم اكثر من الخدمة الي يخدمها بيهم ، الطبيب مايجيش يداويك نشبعك هدرة ماعندها حتى علاقة مع العلاج .
هذه بعض الأمثلة من وظائف ومهن متطلبش الهدرة بزاف ، والتالي لوكان نروحو لطلكسيور ولا الروسوفار ولا البياع فالسوق والخضار والجزار و .... ربي يسلك على خير، مرض الهدرة دار فينا حالة وهدرتنا كلها فالفراغ ، تدخل للشات تشوف لعجب وتسمع لعجب وتقرا لعجب ، راني واحد منكم باه متقولش هاو يهدر بزاف .
المجتمعات تتقدم بالعمل والاجتهاد فالعمل وترك كل واحد في حالو مادام ماراهوش يقيس فالناس واحنا نحوسو نطورو بالهدرة والتقطاع والتمنشير والغيبة والنميمة ، وإلا نهربو من لبلاد لخطر ماراهاش عاطيتنا حقنا وكأننا احنا عطيناها حقها خدمناها وبنيناها وعمرناها بالخير وهي معمرة بيه من عند ربي هذا لمزية ماناش فالصومال ولا النيجر ومالي والتالي رانا كلينا بعضانا كي الدود
حتى اللي يعرضوهم فالحصص التلفزيونية ويكونو من الجزاير واحد ما يقدر يسكتهم يحبو يهدرو وحدهم ويدافعو ديما على الحق في حرية الهدرة لخطر ماراناش نهدرو بالزاف :sleepyer: رانا يا ولاد بلادي فالدونجي غلى ما زربناش غيرنا نفوسنا وبدلنا العقلية ، روحو زورو اي فيلاج غلى مالقتوش فيه كل يوم مهبول جديد تخلخل مسكين من كثرة الهدرة ، واركبو فالبيس ولا الطاكسي ولا ادخلو للقهوة ، وزيد بالزايد روحو احضرو فالجنازة ولا زورو السبيطار لبلايس الي ماهمش نتاوع هدرة وشوفو ثمة الهدرة واش دايرة .عاد عندنا عيب الي مايهدرش بزاف يعني ماهوش مثقف ما هوش متحضر ماهوش فاهم مسكين الي مايعرفش يهدر ولا حاكم فمو ليه وخاطي شر الناس يتكره يعود واحد مايحب يشوف فيه يقولو عليه حجرة جامد متخلف .
واش رايكم لوكان نقترحو يوم وطني للتقليل من الهدرة وليس للصمت لأن هذا مستحيل عندنا ونستغلو هذاك الوقت انتاع الصمت في اعمال مفيدة ونشوفو واش نديرو في ذاك النهار ونقارنو النتايج مع ليامات لخرين.:movie:
والمشكلة لكبيرة ماهيش فالهدرة في حد ذاتها لخطر السكات هاو مرضو اكثر من مرض الهدرة
المشكلة أن هدرتنا هي كلها نقد وتمنشير وتقطاع ما فيها حتى فايدة ،تلقى الواحد منا مخرج منشارو ومضيه واحط في خاوتو بجناح مايفرق لا بين لمليح ولا بين لقبيح عندو لكل كيف كيف ، ودير روحو هو الوحيد لمليح الخدام الملتزم المحب للخير الي يكره الشر :rain: وهو شرو يصب كي لمطر ما يسلك من منشارو حتى واحد يالطيف والطف .
لوكان راه كل واحد منا يخدم قد مايهدر انا نظن بلادنا تولي وردة :yes: المعلم مع لولاد هوما مساكن ساكتين وهو يهدر بصح فاللخر هو يمرض وهوما يتعلمو عليه الهدرة ، الحلاق كون تحسب الكلمات اللي يهدرهم تلقاهم اكثر من الشعرات الي يحلقهم ، الكياس فالحمام ماكل بوسط، الصوار وهو يعدل فيك باه يصورك يهدر يديرلك درس فالتصوار ويخرجلك تصويرة متليقش ، الفلاح وهو في فلاحتو يهدر مع لحوايج الي يخدم بيهم اكثر من الخدمة الي يخدمها بيهم ، الطبيب مايجيش يداويك نشبعك هدرة ماعندها حتى علاقة مع العلاج .
هذه بعض الأمثلة من وظائف ومهن متطلبش الهدرة بزاف ، والتالي لوكان نروحو لطلكسيور ولا الروسوفار ولا البياع فالسوق والخضار والجزار و .... ربي يسلك على خير، مرض الهدرة دار فينا حالة وهدرتنا كلها فالفراغ ، تدخل للشات تشوف لعجب وتسمع لعجب وتقرا لعجب ، راني واحد منكم باه متقولش هاو يهدر بزاف .
المجتمعات تتقدم بالعمل والاجتهاد فالعمل وترك كل واحد في حالو مادام ماراهوش يقيس فالناس واحنا نحوسو نطورو بالهدرة والتقطاع والتمنشير والغيبة والنميمة ، وإلا نهربو من لبلاد لخطر ماراهاش عاطيتنا حقنا وكأننا احنا عطيناها حقها خدمناها وبنيناها وعمرناها بالخير وهي معمرة بيه من عند ربي هذا لمزية ماناش فالصومال ولا النيجر ومالي والتالي رانا كلينا بعضانا كي الدود
حتى اللي يعرضوهم فالحصص التلفزيونية ويكونو من الجزاير واحد ما يقدر يسكتهم يحبو يهدرو وحدهم ويدافعو ديما على الحق في حرية الهدرة لخطر ماراناش نهدرو بالزاف :sleepyer: رانا يا ولاد بلادي فالدونجي غلى ما زربناش غيرنا نفوسنا وبدلنا العقلية ، روحو زورو اي فيلاج غلى مالقتوش فيه كل يوم مهبول جديد تخلخل مسكين من كثرة الهدرة ، واركبو فالبيس ولا الطاكسي ولا ادخلو للقهوة ، وزيد بالزايد روحو احضرو فالجنازة ولا زورو السبيطار لبلايس الي ماهمش نتاوع هدرة وشوفو ثمة الهدرة واش دايرة .عاد عندنا عيب الي مايهدرش بزاف يعني ماهوش مثقف ما هوش متحضر ماهوش فاهم مسكين الي مايعرفش يهدر ولا حاكم فمو ليه وخاطي شر الناس يتكره يعود واحد مايحب يشوف فيه يقولو عليه حجرة جامد متخلف .
واش رايكم لوكان نقترحو يوم وطني للتقليل من الهدرة وليس للصمت لأن هذا مستحيل عندنا ونستغلو هذاك الوقت انتاع الصمت في اعمال مفيدة ونشوفو واش نديرو في ذاك النهار ونقارنو النتايج مع ليامات لخرين.:movie:
