حبيبي بعد عليا و مانيش فاهمة السبة

[كوثر حسين]

انا نقرا في الجامعة ومن يوم دخلت للجامعة عرفت واحد اسمه الطيب عشت معاه ابهى وقت و كنا اكثر 2 متفاهمين و الكل في الجامعة يشهدولنا بالعلاقة و كانت عندو معجبات اكثر مما تتخيلوا، و في يوم مرض الطيب مع بداية العطلة الصيفية و دخل للمستشفى ثلاثة ايام و ما سمعتش انه مريض لاني بدلت رقمي و غير هو لي يعرفوا كي خرج من المستشفى كلمني و حكالي و انه معجباته الكل راحوا ليه و منهم وحدة راحت ليه في الليل طبعا بانوا ليه انهم شارينه اكثر مني و اقسم بالله اني كنت نكلموا ديما يوميا صباح و عشيا و في الليل حتى قالي ياسر عليك ما تكلمينيش يوميا مش محتمة على والديك، فوتت يومين و كلمته ما ردش عليا و بقى حاقرني اكثر من شهر لا يكلمني و لا يرد عليا كي نكلمو و في يوم انا رحت للحمام و خليت البورتابل في الدار كلمني اكثر من 11 مرة و بعثلي sms قالي كلميني انا ماعنديش solde رجعتلو و قلت ليه و الله اخر 5 دينار عندي كلمني انت ما كلمنيش و زاد حقرني اكثر من 3 ايام و كي كلمتو انا قالي نتلاقو في الجامعة بش نسجلوا للعام الجديد، تلاقينا mais ما حكاش معايا غير راك bien و كانت معاه وحدة ما فهمتش هي شكون ، كي روحت كلمتو نبكي قالي ما تلوميش الوقت هذا خلي في يوم اخر و ديري لي تحبي، و بقى بعدها الوضع كيما هو و تعاركنا اكثر من مرة و ماعادش دايرلي حساب في اي حاجة تعقب مناسبات و ما يكلمنيش و ديما حاقرني و راح للدرك الوطني و ما قاليش ما ننكرش انو قالي راح يروح قبل الناس الكل mais ما قاليش النهار كيفهم و تلاقيت بيه مرة في جانفي حكى معايا اقل من ربع ساعة و الكل معانا، وتلاقيت بيه من 15 يوم عاركني و جرحني بكلمات قاسية و قلي انسيني و ما تكلمينيش و ما شرحليش وين الغلطة تاعي؟ لي قادر يخرجلي الغلطة من القصة يقولها ليا؟ مع العلم انه طلب مني قبل ما يجي انه يكون اخي و صديقي و رفضت لاني ما نقدرش نكون اخته ، دبروا عليا واش ندير و نحتاجكم تدعولي ربي يفرج همي و يرجعو ليا و الا يمحيه من بالي و قلبي

 

[يسرى 2008]

رد: حبيبي بعد عليا و مانيش فاهمة السبة

وعليكم السلام اختي كوثر ربي يكون في عونك بصح سامحني من كلامك انا نشوف انو فضولي ويحب نفسو كثير اكثر من الازم ونشوف فيه تاني يشوف في روحو كثير على العموم اختي مترخصيش روحك ياسر وخليه وحدو وان شاء الله يرجعلك وحدو المهم برك انسيه
وتقبلي مني فائق التحيات
فريق الضياء

 

[حازم28]

رد: حبيبي بعد عليا و مانيش فاهمة السبة

لاتبكى على صيقك فقدتة مالم يكن طبع الوفاء فية فبعض اصدقاء كالتاج تلبسة وبعض اصدقاء كانعل ترمية

 

[صديق الحراشية]

رد: حبيبي بعد عليا و مانيش فاهمة السبة

وللصبر ان لم ينفع الشكو اجمل

 

[yanni]

رد: حبيبي بعد عليا و مانيش فاهمة السبة

باين عليه متكبر خاطرش عندو بزاف المعجبات وفي الحقيقة كان يحوس على السبة باش تتفارقو انسايه وادا هو عيطلك بلاك يندم ما تريبونديش عليه

 

[fateh34]

رد: حبيبي بعد عليا و مانيش فاهمة السبة

أظنه اكتشف نقطة ضعفك و هي حبك الشديد له​

 

[معوش محمد]

رد: حبيبي بعد عليا و مانيش فاهمة السبة

السلام عليكم أختي اصبري و ربي يكون في عونك
هذا انسان متكبر بزاف

 

[Redwane]

رد: حبيبي بعد عليا و مانيش فاهمة السبة

ya okht llah ysabrak w madabik matkaymihch louken ja yebghik mayesmahch fik ok w rayek sbak thali fi rouhak

 

[محامي الجزائر]

رد: حبيبي بعد عليا و مانيش فاهمة السبة

السلام عليكم ورحمة الله وبركاته
انا اوافق الاخت يسري في كل ما قالت هو حتما مريض بمرض** النرجسية ** وتعني حب النفس، وحتما راح يعاود يدور عليه الفيلم وهنا ضربتك القاضية يا اما تتنازلي وترجعوا كيما كنت او تستغني بكلمة **لا** فيشفي من هذا المرض الخطير .

تقبلي مروري أختي ​

 

[midou88]

رد: حبيبي بعد عليا و مانيش فاهمة السبة

ليـــبــغــينـــا نــبــغــوه ونــديــروه فـــوق الـــراس عــمــامــة ولــي يــكــرهــنــا نكرهــوه حــتــى تـــقــيــم الــقــيــامــة

http://img369.imageshack.us/img369/8771/princepirate1900lb7.jpg

 

[جولا نار]

ربي يكون معاك

 

[mir@cle]

صدقيني يا أختي هذا النوع من الرجال لما يبغي في الأخير يرتبط بوحدة رايح يرتبط بوحدة ماكلمهاش نهائيا ولا مشى معاها ولا شافها ممكن..أنت يا أختي وكل البنات اللي عرفهم صاحبنا بالنسبة ليه كروت محروقة ....اسمعي كلامي وانسايه نهائيا​

 

[قلب شجاع]

ما تبكيش انشائلاه ربي يرزقك ما خير يا اختي علي خاطر هدا مايساهلكش ومايستحقش تنزل اي دمعة عليه pace que راهو انسان ماعرفش قيمتك ومع اول فرصة خلاك احمدي ربي لخلصك منو لا خاطرش لوكان شاف فيه الخير لوكان او كملتو مع بعضكم وحاولي ماتقعديش وحدك لبزاف باش تivitée تخمام فيه روح لكاش بلاصة وبدل شوي والله تعاونك بلبزاف وربي يعوضك ماخير انشاء الله

 

[ملكًة الاحسآس]

ماعندي مانقولك يا اختي من فوق ماقالوه الي ردو عليك
صح بلك الردود كانت قاسية شويه mais صح اخطيك منو هذا الي مايفهمكش حتى الغلطة نتاعك ويخليك صح واحد متكبر ،وانت ماتطيحيش روحك ليه وكل عليه ربي ،ومادامو علابالو بلي كنت تحبيه يجي النهار ال ييرجع وحدو وهذاك النهار الهدرة ليك ،ربي يعوضك ماخير منو وكما قالت الاخت قلب شجاع حاولي ماتقعديش وحدك بزاف باش ماتخمميش فيه .
​

 

[badra6]

يا ختي ربي يصبرك على هدي القصة أنا راني نشوف ما درتيلو والو هو الي باين عليه أناني و متكبر و راهو صرالك كيما وحدة صاحبتي ... هي دارت حل اللي أنا قلتلها عليه و في الأخير كانت هي اللي فازت...
شوفي ما تزيديش تقيميه و ما تنسايش بلي راكي تسواي و قيمي روحك ما تزيديش قع تحوسي عليه خليه يحس بلي ماشي هو اللي مالك الدنيا مع أنك تحبيه mais لازم تصبري باش يتفكر الغرور أتاعو و ينقص منو شوية... و ما تزيديش تريبوندي عليه الا عيطلك مع اني متأكدة بلي راح يجي نهار و يعيطلك و ما تخليهش يحس بالضعف أتاعك قدامو و أنا نصيحتي هدا النوع من الرجال ما يستاهلش قلبك ربي يجيبلك على حساب نيتك ختي و الله راني حاسة بيك...
تقبلي مروري و رأيي و انت في الأخير هي اللي ديسيدي و شكرا

 

[فؤاد الورقلي]

السلام عليكم


رب العالمين حاب ليك الخير ونبهك بلي راكي ديري في حاجة مش مليحة وخاطية الدين
ربي يهدينا ويهدي الشباب والفتيات لطريق المستقيم

 

[ISMA.dz]

أختي والله نقولك حاجة متزعفيش هذا انسان ميستهلش دمعة منك وجابلي ربي خلعوه البنات اللي بزاف تسما عشاق ملال واللي يبيعك بالفول غير بيعو بقشورو واسمحيلي متزعفيش أنا طفلة كيما انتي والله مانحب طفلة تنذل وانا ندعيلك باش تلقاي خيرمنو وينسيك ربي فهذا ديري القلب وشوفي لقرايتك اوك حنونة؟

 

[lamilam88]

واش نقولك يا ختي على حساب ما راكي حكيتي عندو مدة طويييييييييلة ماللي بعد عليك ومازالكي تسناي فيه يرجع ؟؟؟؟؟؟؟.
أنا نظن باللي ماتهميهش ومايحبكش حب حقيقي
نصيحة من عندي ماتفكريش فيه ووكلي ربي
هو دوك ماهوش يخمم فيك مالا نتي تاني كونك مرا ونص
وربي نشا الله يعوضك بأحسن منو
ربي يهدينا للي فيها الخير.........

 

[سلمى09]

ربي يعطيك الصبر يااختي

 

[ima05]

ربي بكون معاك وأطن انك تنسايه خير. ولي يبدلني بالفول نبدلو بقشورو