ناس بكري هدروا و قالوا.....اتمنى المشاركة من الجميع

[ِchdz]

رد: ناس بكري هدروا و قالوا.....اتمنى المشاركة من الجميع

لحدايد لشدايد
حكاية المكي ما اضٌحك ما تٌبكي
المكسي بحوايج الناس عريان
كول او فرق ولا كول او درق
الشر مراة والخير مراة
سكران وعرف باب دارو
رجلها في لحباس او هي في لعراس
يا لمشبح من برا واش حالك من داخل
لحمار حماري وانا راكب ملور
جا الفار يدبر عل مول الدار
كي يغيب القط يشطحوا الفيران
في كل قدرة دايرة غراف

مشكورة اختي Rohana راكي فكرتينا بامثال و حكم الي نسناهم يعطيك الصحة و العافية و انا نزيد:
..
مقرون حواجبو ما تواجبو
..
اللي ضربوه ايديه ما يقول اح
..
يد وحدة ما تصرفقش
:yes::yes::yes::yes::yes::yes::yes::yes::yes::yes::yes::yes::yes::yes::yes::yes::yes::yes::yes:
ومازال كاين الخير مازال​

 

[dsd]

رد: ناس بكري هدروا و قالوا.....اتمنى المشاركة من الجميع

ما يعجبك نوار الدفلة في الواد داير ضلايل ما يعجبك زين الطفلة حتى تشوف الفعايل

 

[dsd]

رد: ناس بكري هدروا و قالوا.....اتمنى المشاركة من الجميع

- ما يحس بالجمرة غير اللي كواتو
ياداخل سوق النساء سوق مطيار ومن النساء رد بالك يورولك من الربح قنطار وينحولك راس مالك
-خص العمياء غير الكحل
- اللي عينو في الربح العام طويل

 

[ِchdz]

رد: ناس بكري هدروا و قالوا.....اتمنى المشاركة من الجميع

- ما يحس بالجمرة غير اللي كواتو
ياداخل سوق النساء سوق مطيار ومن النساء رد بالك يورولك من الربح قنطار وينحولك راس مالك
-خص العمياء غير الكحل
- اللي عينو في الربح العام طويل

مشكور أخي بارك الله فيك و انا نزيدلك :

من لحيتو بخرلو
..
شد في لحيتك لا تطيح
..
شيخ بلا شيخ ما هو شيخ
:smile1::smile1::smile1::smile1::smile1::smile1::smile1::smile1::smile1::smile1::smile1::smile1::smile1::smile1::smile1::smile1::smile1:
ومازال كاين الخير مازال ​

 

[نجاة40]

رد: ناس بكري هدروا و قالوا.....اتمنى المشاركة من الجميع

(احرميت اف ستة يويد نتا ) هادي بالشاوية ومعناها
حرمها عليا وهو يدير فيها راهي تشبه للمثال نتاع حلال عليا حرام عليه

 

[هند العصفورة]

رد: ناس بكري هدروا و قالوا.....اتمنى المشاركة من الجميع

- الحمار حماري ونركب ملور (الخلف)
-مول الفول يقول طياب
- بعشنا وينشنا
كي تشبع الكرش(البطن) تقول لراس غني
- إذا تلدغت شوف غير قدامك
- فولة وتقسمت
-دير كيما دار جارك ولا بدل باب دارك
- يالمزوق من برا وش حالك من داخل
-المندبة كبيرة والميت فأر
- خص العمية غير لكحل

شكرا على الموضوع الرائع:biggrin:​

 

[عاشقة مجهول]

رد: ناس بكري هدروا و قالوا.....اتمنى المشاركة من الجميع

ناديت ياعمي عماني ..ناديت ياخالي خلاني ..ناديت يابن يما ...شق لبحور وجاني
اللي يحب الدح مايقول اح
القلب اللي مايغير مافيه خير
الجاجة مربوطة والفلالس نقبوا الحيطان
الضيف ضيف لوكان بقا الشتا والصيف
​

 

[4LI_4LGERI4]

رد: ناس بكري هدروا و قالوا.....اتمنى المشاركة من الجميع

والله روووعة وما حلاها أمثالنا الجزائرية عندها goût وحدها .. وانا نقول :

كل خنفوس في عين امو غزال ..

علمتو في الصلاة سبقني في الركعات ..

إلى موالف يمشي بلحفه ينسى صباطو ..

تبع الكذاب لباب الدار ..
​

 

[ahras algerie]

رد: ناس بكري هدروا و قالوا.....اتمنى المشاركة من الجميع

أمثال تشجع على الراحة - لي قرا قرا بكري :angry: 2- قهوة وقارو خير من السلطان في دارو:sleepyer: 3 - البراكة فلقليل :biggrin: 4 كل عطلة فيها خير :frown: 5- احيني اليو وأقتلني غدوة :party: 6- كي زيد نسموه بوزيد :clap: 7- كركر الشلاكة حتى يجي الصباط:biggrin:

 

[سارة السمراء]

رد: ناس بكري هدروا و قالوا.....اتمنى المشاركة من الجميع

البيضة م9بوعة والزرقة مطبوعة

 

[immy]

رد: ناس بكري هدروا و قالوا.....اتمنى المشاركة من الجميع

موضوع شيق وحبيت نشارك فيه

قالك كلشي بالردود حتى النداب في الخدود
مد رجليك على قد بساطك
لي مكفاه قبروا يجي فقو ويتكى

 

[Ra Off]

رد: ناس بكري هدروا و قالوا.....اتمنى المشاركة من الجميع

شكرااا خويا chdz
على الموسوعة الرائعة نتمنى لها الدوام

وهادو من عندي :


لا في الـــــــــجبل واد مــعلوم :::::: ولا في الـــــــــشتاء ريح دافي
لا في الـــــــــعدو قلب مرحوم :::::: ولا في النــــــــساء عهد وافي

اللي حــــــــــبك حبــــــــــــــــو :::::: وفي محــــــــــبتك كون صافي
واللي كرهــــــــــك لا تسبـــــو :::::: وخلــــــــــــــــّيه تلقى العوافي

الطير الطير ما ظــــــنيتو يطير :::::: من بــــــــــــــــــــــعد ما والف
خلّى قفصي وعمّر قفص الغير :::::: ورماني في بحور خلاني تالف

يا لايم لا تلومنى وســط الناس :::::: واذا عينك فالــملامة استناني
الفضة الــــصافية ولاّت نحاس :::::: والثوب اللي كان دافي عراني

تحياتي​

 

[أريج الفجر]

رد: ناس بكري هدروا و قالوا.....اتمنى المشاركة من الجميع

موضوع شباب بزاااف صحيت

حبيت نشارك بهاد المتل

قالو الناس اللوليين لي سمع كلمة وبكاتو

يفهم روحو فالحين هاداك يماه ولداتو

وليد الاصل رزين والحرطاني بنشعاتو

يحلفلك بالستين ماصفاش حتى في داتو ​

 

[Ra Off]

رد: ناس بكري هدروا و قالوا.....اتمنى المشاركة من الجميع

موضوع شباب بزاااف صحيت

حبيت نشارك بهاد المتل

قالو الناس اللوليين لي سمع كلمة وبكاتو

يفهم روحو فالحين هاداك يماه ولداتو

وليد الاصل رزين والحرطاني بنشعاتو

يحلفلك بالستين ماصفاش حتى في داتو ​

مازال حنــــــــا حيين ونتوما قلتو ماتو
الله يحفظنا مالعين والله يــــــستر امتو​

 

[sama-h]

رد: ناس بكري هدروا و قالوا.....اتمنى المشاركة من الجميع

شكرا وهذوا تانيك وحداخرين وبسم الله:الصبر يضبر ويوصل لقبر
كل خنفوس عند امو غزال
العمية والمجنونة وراي في ايد العقونة
يعطي اللحم اللي ما عنده سنين

 

[ِchdz]

رد: ناس بكري هدروا و قالوا.....اتمنى المشاركة من الجميع

أشكر كل من مر على الموضوع و شارك فيه.....

و أنا نزيدلكم:

..
توالي و نغرسو الدوالي
..
كل خنفوس عند أمو غزال
..
ما يبقى في الواد غير حجارو
..
صام عام و فطر على بصلة(كاين اللي يقول جرانة..اخخخ بصح بصلة خير)
..
زوج عجايز على مقايز
..
الداب راكب مولاه
..
طلق واش في يدو وتبع ما فالغار
..
عيش يا بلارج في بلاد الواق واق

ومازال الخير مازال​

 

[Algeria4EvEr]

رد: ناس بكري هدروا و قالوا.....اتمنى المشاركة من الجميع

خوك خوك لا يغرك صاحبك

اللي رايح طبطب في الباب رد بالك ... النسا ينعتولك من الربح قنطار ويودرولك راس مالك

اللي عينو في صيد الغزال ابكر ليه

من اقبيل سيدي زين وزادتو القرحة فالعين

حسبت حساب طلعلي معزة وداب

اتكل على بو مهني حتى يطيب الزعرور ( لأصحب الوعود الكاذبة ... مش نتوما بيانسور:biggrin2: )

عيطة وشهود على دبيحة القنفود = المندبة كبيرة والميت فار :biggrin:

اللي فاتو وقتو ما يطمع في وقت الناس

عند الشدة والضيق يظهر لعدو والصديق

أخدم باطل ولا تقعد عاطل .....يا les jeunes

الفم قاصد والقلب فاسد

الدنيا بالوجوه والاخرة بالفعال

العرس ليلة ةتدبيرو عام

عاونو بالنعالة حتى يجي الصباط ( هاذي عندنا في قسنطينة غير لبنات علاباهم كيفاه يطبقوها بال bien

:biggrin2: لاكان فهمتو نتوما تاني قولولي )


Bon .. هاذا اللي حضرني pr le moment كي نزيد نتفكر ولا نسمع ماما ولا جداتي نجيبلكم
تهلاونا في رواحم

 

[لحسن القنال]

رد: ناس بكري هدروا و قالوا.....اتمنى المشاركة من الجميع

1- إلي عطاه العاطي ما يشقى ما يباطي
2- حرام علينا حلال عليكم
3-

 

[لحسن القنال]

رد: ناس بكري هدروا و قالوا.....اتمنى المشاركة من الجميع

واش قال للذيب أخرج للعيب

 

[لحسن القنال]

رد: ناس بكري هدروا و قالوا.....اتمنى المشاركة من الجميع

نهار فروج و لا 100 سنة دجاجة