هل يمكنك انت تحب شخص من النت وانت لم تراه؟؟؟!!!!!!!!!

[IMANE91]

انا نشوف انوا مع الوقت الحالي والناس الكل عندها النت
ما رح يقدروا يتجنبوا الحب
لانوا انا شخصيا الوقت اللي نقضيه مع اصدقائي في الماسنجر اكثر من الوقت اللي نقضيه مع اهلي ومع صحابي
لذلك نشوف انوا شي طبيعي وبالنسبة انوا ما يشفهاش ولا ما تشوفوش
وعلاه ما يشفهاش
ياخي كاين الكام والصورة وكلش

انا نشوف انها حاجة عادية ومرات تثمر بالزواج
وانا جربتها قبل وممكن اني نجربها مرة اخرى ...نورمال

 

[دودو لبزاف]

معلوم تقدر وباش ناكدلك انا كنت واقع فيه مي ربي سترني وفضحها بويسك كانت عاطيتني فوتو تاع بنت حومتها

 

[micha44]

بالنسبة لي نعم يمكن ان تحب شخص بدون ان تراه
بحيث يمكن ان يتطور الاعجاب بالشخصية و (mentalité ) الى حب
انا حدث معي هذا و لما شفته زدت بغيته اكثر و لا يهمني ان كان يبادلني نفس الشعور او لا
المهم ارتاح عندما اتكلم معه ​

 

[IMANE91]

نقولوا الفوتو تقدر تخدعك بيها
مي الكاميرا نو وي انها تقدر تخدعك
وش رايك خويا؟؟

 

[دودو لبزاف]

ما حبتش تجوز روحها في الكام بالقالب ديال " البس في الصالون ومارانيش وحدي" وزيد انا المرة الاولى همتني العقلية و ميش مسالة ما عجبتنيش الفوتو ولا انا لي زعفني هو علاش ما صارحتنيش كيما صارحتها

 

[IMANE91]

ايه عندك الحق
مي لازم تفهم انوا كاين بنات ما يحبوش يمدوا لفوتو تاعهم لخاتر يقدروا يعملوا بيها
حوايج بزااف
شكون ضامنلي رح نقعد معاه طول العمر
وانا هاد اللي خلاني نسيب اللي كنت نحبوا
انا ما نمدش صورتي حتى كون يعمل ما يعمل

 

[أمير الجمال]

يا جماعة​

أنا بالنسبة ليّا اللي قال راه ما كانش منها الكل راكم غالطين​

'''''' مجرد رأي خاص بكاتبه '''''''​

لأنو أنا هاذي الأيام تعلقت ''' حبيت ''' وحدة من النت... نعرفها من قبل ​

وكنت نقرا مواضيعها​

والآن​

راني نحكي معاها​

وعجبتني بالزاف​

على خاطر هيّ صريحة معايا​

أنا الآن أثق فيها ثقة عمياء​

يعني لو ماصار لو ماجرى نبقى نعشقها​

والله الحب عن طريق النت كاينة منها​

جربوا وتشوفوا​

..........​

أنا هاذي البنت تحبني مع أنها ما شافتنيش​

أنا شفتها​

بصّح هي لا​

وأنا بعد ماشفتها زدت حبيتها أكثر​

وقلتلها كيفاه تحبي واحد ما شفتيهش​

قالتلي أنا نحبك لنفسك ما نحبكش لمظهرك!!!!


لكن هيّا ما فاقتش باللي راني عامل التصويرة تاعي في الصورة الرمزية في المنتدى

خخخخخخخخ

​

..........​

 

[دودو لبزاف]

كيفاش راح يحب بلا ما يشوف الفوتو

هادي مستحيييييييلة

تقبلوا رايي

 

[karine]

نحن نميل الى تصديق من لم نلتقى بهم لأنهم لو يكدبو علينا من قبل
و لا نستطيع أن نلومهم لدا نحن نتق بهم و نستأمنهم على أسرارنا لأنهم
لا يستطيعون خداعنا و هادا لا يسمى حب بل ملأ الفراغ
و طلاق الوحدة فالصداقات على النت تشعرك بالأمان
أكتر من من هم حولنا أحياناً



بعيداً عن العين بعيداً عن القلب​

 

[دودو لبزاف]

الحب الي تبنى في النت والتلفون عمرو ما سكن القلوب حالو كي حال الزبدة طرية غير طل الشمس يدوب

 

[faiza34]

هدا الحب يكون بصح في اغلب الاحيان يكون ااحد الطرفان مخدوع

 

[malika55]

انا كذلك ضد هذهي الفكرة مستحيل تعشق بلا متعرف معمن راك بلاك يكون راجل ههههههههههههه

 

[دودو لبزاف]

انا كذلك ضد هذهي الفكرة مستحيل تعشق بلا متعرف معمن راك بلاك يكون راجل ههههههههههههه

و هادي صرات واحد طاح بقلبو مسكين وقالي خلاص " عندي وحدة فور" هههههههههه
مع الاخر لقاه راجل تشوكا والله حلف على النت من هاداك النهااااااار

 

[malika55]

ههههههههههههههههههه هاد هو حال الي يثق من وراء السيتااااااااااار

 

[sarah02]

انا نشوفوا ومانحبوش مشي حتا من النت ....:closedeyes:

 

[IMANE91]

كل واحد ووجهة نظروا
انا نشوف كاين منوا
وبالعكس يكون احسن من الحب العادي
لانوا يكون مبني على اعجاب بالشخصية والكلام مشي الصورة والمظهر الخارجي

 

[zahra09]

انا لي يرتاحلو قلبي نشوفو ولا مانشوفوش كيفكيف نحبوا بعيد ولا قريب

 

[عبد النور]

يا و قادر تعشق في وحدة .......... و مبعد تلقاها طفل :laugh::laugh::laugh:

 

[sama-h]

انا في راي ممكن وجدا.
الحب ما يستادنش كي يدخل القلب قادر الانسان يلقى طرفو الاخر قبل ما يشوفو يتكلم معاه يعرف عقليتو كيفاش يخمم واشنو حلمو وطموحو فالحياة يعني يمكن يرتاح معاه يتكلم ويتناقش معاه دون حتى التزام وقادر مع ليام يحب كل واحد الاخر ويتفاهموا وحتى يرتابطو نطلب ربي يوفق الجميع

 

[sama-h]

الحمد لله كاين la cam فالخر تاكدوا برك وانا ديجا قلت ارتياح نفسي وممبعد يجي العاطفي