الى البنات واش احساسك....

[مسلم_جزائرية_ة]

السلام عليكم و انا اتصفح المنتدى و بالتحديد واحد من المواضيع خرجت منه بسؤال يخص البنات
هل تحسون ان قراراتنا متعلقة بموافقة الجنس الآخر الى حد كبير ؟ سواءا كان اب او اخ او زوج؟
هل تحبين هذا ام تستائين منه؟
كيف تودين ان تكون قراراتك ناعة عن قناعة و تنفذ دون تدخل اي احد؟
يا ريت تكلمونا شوية على هذا الموضوع الى اي مدى تحبي الجنس الآخر يعطيك حريتك و يخليك تعيشي دون ضغوط
و خصوصا ان مجتمعنا يفرض على الكثيرات هذا
يلا يا بنات افتحوا قلوبكم و قلونا واش راكم مخبيين فيها علها تكون رسالة من هذا المنبر الى ذلك الرجل الاب و الاخ و الزوج
علنا نغير من آمر من درجة اعلى الى ناصح من نفس الدرجة
يلا راني نستنا

 

[سهى86]

إذا أب أو أخ أو زوج صالح وطيب وعندو خبرة في الحياة يشرفني أنو يعمل سلطة علي

 

[faiza34]

انا منضنش ان مقيدين عندنا حرية بصح كاين حوايج لازم الانسان يستشير فيهم والديه لا خاطر اكيد يعرفوا اكثر منوا كما يقولوا لفاتك بليلة فاتك بحيلة

 

[سندس الجزائر]

هناك مثلين اعتبرها قاعدة

انا حرة طالما استطعت ذلك

تنتهي حريتك عندما تبدأ حريات الاخرين

هناك اشياء تغرس مع الصغر لكل شيء قاعدة فان كانت مبنية علي صح تأخذ حريتك من الجميع سواء اخ اب زوج لانك لا تعدي الا ما يستدعي تدخل في صلاحياتك وطالما انا تحت الرعاية يهمني وسشرفني ان اكون موجهة لانه الحياة صعبة ودائما داخل نفسك تحس بأنك بحاجة الا من يقمعك

رايي الخاص ولا الزم به احد عندي حرية قد لا تجدها اي فتاة لكن في داخلي اقمع حريتي لانها اكبر مسؤولية علي عاتقي لانه من منحك ثقته من واجبك ان تردها بضعفين احب ان اكون دائما تحت الاعين وان احسست بعدمها اقول بانني احتاج الكثير

 

[sarah02]

اوواااااااااه انا مكاش لي يحكم فيا من غير بابا وماما
وهوما كي يقلونا مديرش ديك ولاديك صافي راهم يحوسوا لمصحتنا
مي جامي بابا قلي ديري حاجة انا مانطيقش عليها
كاين صوالح انتي تخدي قرارات فيهم وتحكمي فيهم
كيما الحجاب (هادي انا وحدة من ناس بابا عاطيني لاليبرتي قالي الا حبيتي ديري حجاب ديريه مي كي ديريه ييق تكوني قانعة مشي نديروا تقليد ومزال ماققنعتش خخخخ)
كاين دي شووز يليق يدخحلوا فيها واليديك
مي خويا ولا عبد وحدوخر ماكان مادخلوا فيا سي سا
كل واحد وعند حدوا

 

[أريج الفجر]

مشكوورة اختي على الموضوع

مادمنا عايشين في مجتمع لابد ان تقيد حريتنا لحد ما

وفي اطار الاسرة اكيد الفتاة تخضع احيانا لقرارت الاهل

لكن هنا الاهل وذكائهم يعني لو كان الوالد يستطيع ان يقنع الفتاة ان الراي الذي اشاره عليها هو الصواب و حببها فيه لا تشعر انه فرض عليها بل تشعر انه نابع عن قناعتها
ولكن عندما يفرضه دون حوار وبطريقة تعسفية هنا تحس بالضغط و ان حريتها مقيدة

اما بالنسبة لينا حنا فادار بابا حاط قاعدة حتى واحد من خاوتي ماعندو كلمة عليا من غيرو هو
يعني لي يجي يرجل معايا نبيع لبابا مايخليلوش :laugh:
ومع بابا مانحسش بلي يفرض عليا رأيو لان تفكيرنا تقريبا متشابه تقدري تقولي عقلية واحدة
علابيها خاوتي دايما يتغزلو مني ديقلهم :lol:

لكن اكثر مايزعج هو ضغط المجتمع مثلا
تحبي ديري حاجة يقوللك لالا عيب تقولي علاه حرام؟
يقولك لالا ماشي حرام مي الناس مايديروهاش !!!!!
هنا صح نتقلق لان الله يحلل اشياء يحرمها عليك المجتمع

هناك عادات وتقاليد رجعية لازم الواحد يكون عندو الكوراج ويتخلص منها

يعطيك الصحة ختي
​

 

[sarah02]

تحبي ديري حاجة يقوللك لالا عيب تقولي علاه حرام؟
يقولك لالا ماشي حرام مي الناس مايديروهاش !!!!!

هادا واش نكره

 

[asmaa_h]

يا لوكان يعطولنا نصف حريتنا

 

[مسلم_جزائرية_ة]

إذا أب أو أخ أو زوج صالح وطيب وعندو خبرة في الحياة يشرفني أنو يعمل سلطة علي

حبيبتي سها و نعم الراي رايك ينم عن نضوج فكري
ربي يكملك بعقلك

 

[مسلم_جزائرية_ة]

فايزة معك حق لانك ربما تكلمت عن شريحة من البنات الي مرتاحين و آخذين حريتهم بما يرضيهم
و بالفعل امرنا شورى بيننا و خاصة نحن البنات يمكن يغلب علينا الطابع العاطفي في قراراتنا
و لكن يجب ان تعلمي يا فايزة انه هناك فئة من البنات الجزائريات محرومات من ادنى حقوقهن الشرعية
شكرا حبيبتي نورتي الموضوع

 

[khaoula1991]

هذه حياتنا
انا لا افضل السلطة بل افضل الاحترام

 

[مسلم_جزائرية_ة]

هناك مثلين اعتبرها قاعدة

انا حرة طالما استطعت ذلك

تنتهي حريتك عندما تبدأ حريات الاخرين

هناك اشياء تغرس مع الصغر لكل شيء قاعدة فان كانت مبنية علي صح تأخذ حريتك من الجميع سواء اخ اب زوج لانك لا تعدي الا ما يستدعي تدخل في صلاحياتك وطالما انا تحت الرعاية يهمني وسشرفني ان اكون موجهة لانه الحياة صعبة ودائما داخل نفسك تحس بأنك بحاجة اليهم
حبيبتي سندس ربي يخليك دايما تحت جناح اهلك و يكونو متفهمين و ربي يرزقك زوج صالح يحتويك و يكون اهل بك

 

[مسلم_جزائرية_ة]

اوواااااااااه انا مكاش لي يحكم فيا من غير بابا وماما
وهوما كي يقلونا مديرش ديك ولاديك صافي راهم يحوسوا لمصحتنا
مي جامي بابا قلي ديري حاجة انا مانطيقش عليها
كاين صوالح انتي تخدي قرارات فيهم وتحكمي فيهم
كيما الحجاب (هادي انا وحدة من ناس بابا عاطيني لاليبرتي قالي الا حبيتي ديري حجاب ديريه مي كي ديريه ييق تكوني قانعة مشي نديروا تقليد ومزال ماققنعتش خخخخ)
كاين دي شووز يليق يدخحلوا فيها واليديك
مي خويا ولا عبد وحدوخر ماكان مادخلوا فيا سي سا
كل واحد وعند حدوا

حبيبتي
سرسورة انتي بهذا فرعت الشجرؤة لفرع آخر و اخذتينا للحديث عن الحرية المطلقة التي اراها مضرة اكثر ما هي نافعة
صحيح نطالب بالحرية و لكن نود الحرية الوسطية التي لا تكبح رغباتنا و و كذلك لا تطلق العنان لاهوائنا
و لذا اذا كانت الحرية بهذا الشكل نحن نرفضها لان كل امر يجب ان يسيج بسياج الدين فمثلا انت عندك الحرية و لكن حريتك تتوقف عند امر شرعي ما فلا تقولين ان لك الحرية في ارتداء الحجاب او لا هذه ليست من شيم الفتاة المسلمة
لذا علينا دائما ان نغلف كل مواضيعنا بغلاف اسلامي محترم لكي لا نخرج عن حدود الشرع
مشكورة حياتي على رايك و ربي يحببلك الحجاب و يهديك لارتدائه
يلا قولي آمين

 

[مسلم_جزائرية_ة]

حبيبتي اريج نورتينا و ردك رائع و معك حق فيما قلتي
ربي يحفظلك الوالد الغالي و ما يحرمكش منه يا رب

 

[مسلم_جزائرية_ة]

اسومة مشكورة لمرورك و انشاء الله تكون كلها لما نصفها
لاننا نامن بقانون الكل او الاشيىء خلي عندك طموح كامل و ليس نصف طموح
بوركت يا الغالية

 

[مسلم_جزائرية_ة]

حبيبتي خولة لقد ضربت الوتر الحساس
لو كان عنصر الاحترام موجود لما فتحنا هذا الموضوع اصلا
لو كنا نحتلرم آراء الآخرين تلقائيا جعلناهم يحصلون على حرياتهم
شكرا لتعطيرك الصفحة