هل الفتاة الجريئة قليلة أدب؟؟؟

[مايلي]

السلام عليكم ورحمة الله وبركاته...
واش يالحباب ؟؟راكم صافا...صح فطوركم...
المهم سؤالي يقول:هل الفتاة الجريئة قليلة أدب؟؟؟
يعني كل وحدا وفهامتها كاين الي تحب تدافع على روحها عن طريق الجرأة وكاين ...وكاين...
علما أنو الجرأة من صفاتي ههههههههههه
أتمنى تتفاعلو معي...

 

[aziz-org-007]

الطفلة الا تخطات حدود الجراء نتاعها تولي ماشي مربية و ما شي محبوبة عند الناس ...
و انا نفضل الطفلة للي تحشم واش نهي ما تكونش جايحة و طالقة روحها برك

 

[مايلي]

شكرا أخي على المرور...نعرف أنو الجرأة لها حدود لكن إلى أين...

 

[aziz-org-007]

تتوقف عند حدود الادب و الاخلاق
يعني ماشي كي نشوفو طفلة لابسة ملابس خليعة و ما شية على حل شعرها كيما قال عمر الحريري لسفرود نقولو عليها ماشاء الله هدي طفلة جريئة

 

[مايلي]

إيه عندك الحق بصح كاين الي تصيبها شاطرة وتدافع علا روحها لكن مش باللبسا وهادوك لحويج لالا بلسانها....

 

[aziz-org-007]

إيه عندك الحق بصح كاين الي تصيبها شاطرة وتدافع علا روحها لكن مش باللبسا وهادوك لحويج لالا بلسانها....

في هادي عندك الحق ..و الصراحة انا مادا بيا البنات قاع يكونو هكدا..و اهم حاجة للي ما تتخلاش عليها هي كبرياءها...خاطرش في الوقت هدا ولات الطفلة للي تدراقي في الطفل

 

[Klach]

الجريئة في حدود واطر معينة

 

[مايلي]

يسلمو عالمرور...

 

[نبيل الوهراني]

اكيد لا

شكرا لك

 

[G UNIT]

الجراة بزاف ماتسلكش مولاها على خير..........

 

[fakhri-dz19]

الجراة قوة شخصية
انا بطبعي نحب لبنات الطايرات
ومرسي عليك​

 

[سهى86]

إذا زاد الشيءعن حده إنقلب إلى ضده

 

[سهى86]

الجراة قوة شخصية

انا بطبعي نحب لبنات الطايرات

ومرسي عليك​

:confused1:....................................؟؟؟؟؟؟؟؟؟؟؟؟؟

 

[aziz-org-007]

تدير فيها واحدة جريئة و ما تحشمش
هديك ما شي موحال تكون قاعد في قهوة تلعب دومين تدخل عليك و تقولك خليني نلعب معاك و بلاك الا تزوجت بيها تكون راجل من الخدمة للدار تلقاها تنشر للحوايج في الكارتي

 

[مايلي]

الجراة قوة شخصية

انا بطبعي نحب لبنات الطايرات

ومرسي عليك​

هههههههههه..أنا وحدا منهم يعطيك الصحة ..

 

[مايلي]

إذا زاد الشيءعن حده إنقلب إلى ضده

في هادي عندك الحق..

 

[مايلي]

تدير فيها واحدة جريئة و ما تحشمش
هديك ما شي موحال تكون قاعد في قهوة تلعب دومين تدخل عليك و تقولك خليني نلعب معاك و بلاك الا تزوجت بيها تكون راجل من الخدمة للدار تلقاها تنشر للحوايج في الكارتي

إيه عندك الحق...صح نلعبو كامل الدومينو بصح الكلام هادا ماهوش من الجرأة لالا راهو من شي حوايج فاسدين.....نتا راهو قصدك المرا الي حابا تكون راجل:cursing::confused1:

 

[كاميلية]

نص بنص هكذا وهكذا

 

[abdou19]

الجراة بزاف ماتسلكش مولاها على خير..........

عندك الحق خويا

 

[قطرة ندى1]

نورمال مي كان شي ناس سورتو في الدزاير كي وحدة تكون بابيشة ديما يقولو عليها متحشمش بصح انا نقول متعرفش كامل وين تصيب الصح باسكو كاين بنات يلبسو حجاب وخمارشرعي اون بلوس بصح معندي منقول