- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
السلام عليكم ورحمة الله وبركاته
نهاركم طيب ان شالله اخواتي
اليوم ننطلق معا في الدرس الثاني لدورة اللمة لفنون الطبخ
شخشوخة المريش
صحون البطاطا المحشية
طورطة المورانق والشوكولا
شخشوخة المريــــش
- بصـــل
- ثوم
- طمــــاطم
- طماطم مصبرة
- لحم أو دجاج
- توابل ( فلفل احمر حار كسبرمطحون القليل من رآس الحانوت)
- كسبر اخضر
- فلفل اخضر حار
- حمص
- دقيق
- فرينة
- ملح
أولا نبل العجين نعملو مثلا مكيال دقيق وربع مكيال فرينة مع الملح نعجنوه بالماء وندلكوه مليح حتان يرجع رطب ونخلوه ينزل ويرتاح
نجيبو طنجرة نرحيو البصل في الخشين والطماطم نحطو الدجاج ونحطوه على النار يغلي شوي بعدو نديرو االدوزان اللي هو التوابل ونقسمو حبة فلفل على اثنين ونحطوها تاني مع اضافة القليل من الزيت والحمص وخلو الخليط يغلي شوي مع بعضو وبعد ذلك نمرقو ونغلقو الطنجرة باه يطيب اللحم
بعد ما يكون ارتاح العجين نتاعنا نكربعوع او نلوزوه لوزات صغار ونحلوها رقيق باستعمال الزيت
وبعد هذا نلوحوها على الطاجين نتاع الحديد ولا المقلة نتاع تيفال اللي ما عندهاش طاجين يكون خفيف النار
ونعاودو العملية نحلو عجينة صغيرة ونلوحوها فوق الاولى ونقلبو باه العجينة اللي لحناها تجي من لتحت تطيب واللي كانت من لتحت نلوحو فوقها (نتمنى تكونو فهمتوني)
وهكذا حتان نكملو كامل العجين نتاعنا وكي نوصلو لمستوى معين ننحيو الرزمة نتاع المريش ونعاودو نفس العملية
وبعد ما طابت المرقة
نكونو كملنا المريش ونفتحلو الورقة نقطعوها على 4 طراف يعني عشوائي
ونحطو في الصحن اللي رح نقدمو فيه نص من المريش
ونسقيوه بالمرقة باه يتشرب الجزء الاسفل
ونزدو نحطو فوقو تاني جزء آخر من المريش ونزيدونسقيو تاني
ونزينوه بالبيض والكسبر الاخضر المقطع وكاين اللي يحب يحمر قطع الدجاج في الفرن بعد ما يطيبو
وهذا شكل الطبق النهائي
صحون البطاطا المحشية
- عصيدة البطاطا او حبات بطاطا مغلية
- معدنوس
- ملح
- فلفل اكحل
- شابلير
- بيضتين
- كرام فراش
- لحم مرحي
- بصلة صغيرة
- ثوم
- توابل
- ومعدنوس
اذا كانتعندنا عصيدة البطاطا نحضروها او اذا ما عندناش نعملو بطاطا مغلية ونهرسوها كي لابيري بشرط لازم نخلوها تكون ثقيلة نضيفولها لاشابلير المعدنوس بيضة ملح وفلفل اكحل
نخلطو الكل مليح
من جهة اخرى نحضرو الحشو بخلط اللحم البصل الثوم المعدنوس الفلف الاكحل والقليل من الزيت ونخلو كل شي ينشف
نجيبو الصحون الي رح نحطو فيها ندهنوها بالزبدة ونحطو في وسطها البطاطا ونطلعو على الجوانب بشرط نخليو فراغ في الوسط
وندخلوها للفرن تتحمر وتطيب نص طياب
ومن جهة اخرى نضربو بيضة والقليل من الكرام فراش
بعد ما تطيب ونخرجوها من الفرن نحطو الحشو في الوسط
ونحطو عليه خليط البيضة والكرام فراش ونرجعوه للفرن قيس ما يطيب البيض فقط
وهذا الشكل النهائي
طورطة المورانغ والشوكولا
العجينة :
- 250غ بسكويت الصابلي بيمو اي ما يقارب علبة ونص
- 60غ زيدة طرية
- بياض بيضتين او ثلاثة
- 100 غ سكر
- فاني
- 10 غ سكر ناعم
- قرصة مليح
- صفار 3 بيضات
- 4 مغارف سكر
- 4 مغارف مايزينة
- 600مل حليب
- 100 غ شيكولا ذايبة
نقسمو حباتا لبسكويت ونحطوهم في الروبو نطحنوهم مليح
وبعد ما نطحنوهم نضيفولهم الزيدة ونزيدو نعجنوهم مع بعض في الروبو
بعد ما يتخلط تحطوه في البلاطو ونرصوه مليح بالاصابع
من جهةتانية نخلطو صفار البيض والفانيلا والمايزينة مع بعض
ونضيفو السكر
بعد ذلك نضيفو الحليب الساخن بالشوي ونخلطو
بعد ما نضيفو الحليب ونخلطو نردوه للنار حتان يتخثر
ونكونو ذوبنا الشوكولا في حمام مائي ونضيفوها للخليط
ونخلطو الكل
ونسكبوه فوق الطورطة ونبسطوها مليح
ونوجدو المورانغ
نضربو بياض البيض مع قرصة مليح
نخفقو مع اضافة السكر تدريجيا حتان يطلع ويوجد
نزينو بيها فوق الطورطة باستمعال الجيب الحلواني
وندخلوها للفرن متوسط باه ما ينحرقش المورانغ من فوق بزاف
بعدو نرشو عليه السكر الرطب وندخلوها للفرن
وهذا الشكل النهائي
بهذا وهنا نكون انتهينا من طرح الدرس الثاني على امل ان يلاقي تفاعل من طرف الاخوات ولو إفادة بالقليل
بالتوفيق للجميع
