والله ماعرفة واش نهدر وين راح نوصل ؟؟؟؟؟

أفراح الجزائر · 29 جانفي 2010

السلام عليكم ورحمة الله
صباح الخير وجمعة مباركة للجميع
والله ماعرفة واش نهدر...... كلما تمثلتلي القيم والأخلاق في حاجة نلقاها كذبة ... كلما قلت الحمدولله تجيني صفعة تقولي فيقي ..واش من قيم واش من أخلاق راكي تشوفي فيها
الصفعة الأولى تلقيتها في الجامعة لما تكرص كل جهدك للدراسة وتسهر مع لي نوي بلونش والحفظة والخ ...وفي الأخير يجي واحد يكوبيي يتلقى كل الاحترام والتقدير من الناس
واش راح نقول غير انقلاب القيم والأخلاق
لما دخلت لمجال العمل ...صادفة انسان كنت نقول الله يبارك مثال للقيم والأخلاق الناس كامل تحتارمو ..انسان يحترم الناس صلاتوا ديما في وقتها ...يتوضى ويصلي في المكتب ومانقولكمش على الأيات والأدعية لي معلقها في المكتب ..والصفعة كانت قوية هذه المرة انسان نحتارمو باحتارامي لوالدي نشوف أحد العملاء يرشي فيه وعادي حطها في جيبوا وراح يصلي ؟؟؟(تكذب عليا ولا على ربي )مع احترامي لسنوا
لبارح نتفرج في المباراة أنا ووليد عمي في عمرو 11 سنة .....وكانت أسئلتو كتيرة
- نوال وعلاش حليش أخذ بطاقة حمراء ؟
* ربما لأنو أخطأ !!!!!!!!!!!
- نوال وعلاش شاوشي رهو يزعف على الحكم ؟؟؟
* لأن الشاوشي مايحبش الحgراه
-يانوال وعلاش غزال صفع شاوشي ؟؟؟؟؟
*لأنوا أصغر منو وكان لازم يأدبو هكدا تعلمنا حنا الجزائريين نحتارمو الأكبر منا
-مي وعلاش شاوشي مازعفش على غزال ؟؟؟؟
*لأنو يحتارم الأكبر منوا !!!!!!
اواه جماعة كاين خطأ في الموضوع وعلاش شاوشي يحترم غزال ومايحترمش الحكم (كل بساطة حنا جزائريين والحمدولله نشوفو الخطأ ومانسكتوش عليه)
خلاصة المباراة وبقيت نسمع للمحلل الرايضي واش يقول ...كانت المباراة نزيهة
-سألني وليد عمي.... واش رهو يقول ؟؟؟؟؟؟؟
* قتلوا راهو يكذب !!!!!
- قالي يانوال ماشي انت تقوليلي ديما نحتارمو لكبير !!!!!!!
سكت ومالقيت واش نقول .....غير انقلاب القيم والأخلاق

رجعت كيما جدو عبدالله لما راح لطبيب وقالو .....
اذا كانو هما الأصحاء وصفلي علاج يرجعني كيفهم(نشوف المقلوب معدول،والحرام حلال، والحلال حرام،والأمانة خيانة،والخداع شطارة وتجارة،وزبالة جمال،وإشعال الفتن إلى حد الإبادة اقتصاد وسياسة)

Silent Hill · 29 جانفي 2010

:: . :ّ ما شاء الله ّّ: . ::
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
سلام الله ، اختي
و الله كلام تاع الصح
الكلام تاع العاقلين
مشكوره على طرحك الطيب الاكثر من راقي:،)
جزاكي الله كل الخير
في رعاية الرحمان
‘ــــرمضًان كريمــــ’
ــــروحي غزةــــ
تحياتي و احترامي و تقديري
ـــــسلامــــــــــــ

و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر
●|ღقلبيـے بــالوفــا رآقـــــيـےღ|●

Silent Hill

BARCA232 · 29 جانفي 2010

شكرا أختي نوال
والله كلام جميل جدا
شكرا لك
اخوك محمد

ريما الجزائرية · 29 جانفي 2010

صح كلامك اختي افراح
ربي يهدي الجميع

** غزال الصحراء ** · 29 جانفي 2010

و الله كلامك صحيح يا نوال , هاذا واش راهو صاري في يومنا هاذا ما بقاش المحترم ما بقاش النزيه

تلقاه إمام في الجامع شاري سيارتو بالربى , تلقاه شاد حاجة في الشؤون الدينية و مدي الخدمة هاذي

بالرشوة , و أنا نعرف واحد ربي يسامحو كان هاكا حاجة في الشؤون الدينية و بنتو تقرى معايا

يا حسراه على الشؤون الدينية اللبسة كلش خارجتها للعيب ايه هو الإنحلال في الأخلاق

هاذا واش راهو صاري .. على الماتش الحكم كان يستاهل الإعدام ماشي اللمس بالٍرأس و غزال

عندو الحق كي ضرب شاوشي لأنو علابالو بالي الكورة صعيبة و قادر يخرجو ثما

و نحصلو تاع الصح ..و أنا في بالي كون ماجاش غزال دار الجاست هاذيك

كون راه ثم الحكم طلع الحمرة لشاوشي .. برك حشم من الجاست

مي الحشمة ما طولتش بزاف ثم ثم عاود خلفهالو على جال عفسة

مامسش فيها المهاجم Même pas .. مي كيما قال الحكم الخامس هدد بالمس !!

نوكلو ربي على الإنحلال الأخلاقي و على الحكم البينيني

و قولي لوليد عمك ثلاث كلمات ( تجي تفهم أدوخ )

بنـ MaPa ـت · 29 جانفي 2010

عندك الحق فكامل واش قلتي الناس راهي تخمم باش تبان في الدنيا ونسات الأخرة.....تقبلي مروري..

H@teM · 29 جانفي 2010

والله غير عندك اختي في كل ماقلتيه
ونحيك على هاد التفكير الرائع
بصح حبيت ندخل في حاجة برك في لي قولتيه
في ميخص شاوشي ادا الحكم محترمش روحوا
كيفاه راح يحترموه لي جوار برك
ونضن شفتي البارح غزال راح يسلم عليه ممدلوش يدوا
تليقلوا يقيموا فيه الحد

titou_le_roi2009 · 29 جانفي 2010

كوفي كودجا .......ربي وكيلك

واش نقولك موضوع في القمة وولد عمك فهميه حاجة وحدة
الجزائري وين يروح راجل ووين يكون فحل ومايخلعه حتى واحد وعلامنا دائما طالع ومعاك يا الخضرة رابحة ولا خاسرة

:001_wub:

فؤاد الورقلي · 29 جانفي 2010

السلام عليييييييييييييييييييكم

رانا في اخر الزمان وربي يسترنا ويهدينا هذا مانقولوا

شكرا نوال ربي يحفظك

أفراح الجزائر · 29 جانفي 2010

بارك الله فيكم أخوتي ...والله سامحوني هذه المرة لم أقدر أن أشكر كل واحد وحدو
لأنو المورال رهو 00000 ليوم
شكرا Silent Hill على الكلمات الجميلة ...والعفو أخي ماأنا الا فتاة بسيطة عايشة في مجتمع وتحكم عليه من خلال نظرتها ليه
barca232 ريما الجزائرية .... الشكر الكتير لكم على مروركما الطيب
غزال الصحراء ...بارك الله فيك والله انحلال الأخلاق ...لدرجة ماعدناش نعرفو الصح من الخطأ...شكرا وحقا لازم كلنا نتعلمو ثلاث كلمات ( تجي تفهم دوخ)
sndrine فؤاد الورقلي شكرا لكما وبارك الله فيكما

RaNiA · 29 جانفي 2010

حتشي احنا نقولو حسبنا الله ونعم الوكيل
لعن الله الراشي والمرتشي والرائش

أفراح الجزائر · 29 جانفي 2010

قال H@teM:
والله غير عندك اختي في كل ماقلتيه

ونحيك على هاد التفكير الرائع
بصح حبيت ندخل في حاجة برك في لي قولتيه
في ميخص شاوشي ادا الحكم محترمش روحوا
كيفاه راح يحترموه لي جوار برك
ونضن شفتي البارح غزال راح يسلم عليه ممدلوش يدوا
تليقلوا يقيموا فيه الحد

شكرا أخي وبارك الله فيك ....عندك الحق وعلى هدا قلت انقلاب القيم والأخلاق ...علمونا والدينا احترام لكبير ...لكن ماوراوناش الكبير يغلط على داك احترت واش نقول لوليد عمي
كيفاش انسان في مرتبتو يكون واطي لهذه الدرجة
اذا هذا الحكم معه عيسى حياتو حنا معانا ربي سبحانوا

قال titou_le_roi2009:
واش نقولك موضوع في القمة وولد عمك فهميه حاجة وحدة
الجزائري وين يروح راجل ووين يكون فحل ومايخلعه حتى واحد وعلامنا دائما طالع ومعاك يا الخضرة رابحة ولا خاسرة :001_wub:

شكرا أخي ..بارك الله فيك

اللؤلؤة المصونة · 29 جانفي 2010

السلام اختىـ..

والله انا عايشة نشوف في تناقضات من كل جيهه.......

اقل حاجة استاذة تلعبها يتكلم على التربية وكداوكدا ..

.هي يغازلها واحد من الطلبة تلقاها تضحكلوا

!!!!!!!!!!!!!!!!!!!!!

((اوو قريبـ نهبل انا)))

}؛{تجي تفهمـــــــــ ذدوخ }؛{ـــــ

fufa22 · 29 جانفي 2010

يانوال وعلاش غزال صفع شاوشي ؟؟؟؟؟
*لأنوا أصغر منو وكان لازم يأدبو هكدا تعلمنا حنا الجزائريين نحتارمو الأكبر منا
-مي وعلاش شاوشي مازعفش على غزال ؟؟؟؟
*لأنو يحتارم الأكبر منوا !!!!!!

***********************
هاذي بزااااااااف
الله اكبر الجزائر فوق الجميع
***************
يعطيك الصحة نونو ع الموضوع الرائع
بزززززاف

جوانا · 29 جانفي 2010

مشكورة الأخت نوال على الموضوع و سيفري كلامك صح كل شيء عاد بي المقلوب بصح ديما يبقى الحق فوق كل شيء و ربي معا الحق و حنا أكيد معا الحق و ربي وكيلهم برك

أفراح الجزائر · 29 جانفي 2010

شكرا على المرور الطيب أنتم الأروع
بارك الله فيكم

sami44 · 29 جانفي 2010

والله غير عندك الحق
انتي ما لقيتي واش تهدري
ونهار هدرتي ما خليتيلي واش نهدر
نحييك اخت افراح

mimouch · 29 جانفي 2010

شكرا لك أيتها الوفية للمنتدي ... بارك الله فيك علي الشجاعة في الكتابة و الصراحة في البلاغة .... مهما قلنا و فعلنا لايجب الحد من المضاهر الخداعة لا نستطيع الحد منها و القضاء عليها اصبح جل أفراد مجتمعنا تسيطر عليهم المصلحة النفسية الداتية .... نفسي ثم نفسي ....لا يراعي القيم و الأخلاق نسي و تناسي تربية ابنائه و بناته و فلدة كبده المهم هههههههو ... ربي يهدي الضالم و يصحي ضميره
ة الحل كيفاش ووقتاش

omar75 · 29 جانفي 2010

بارك الله فيك اختــــــــــــــي نوال

أفراح الجزائر · 30 جانفي 2010

قال sami44:
والله غير عندك الحق

انتي ما لقيتي واش تهدري
ونهار هدرتي ما خليتيلي واش نهدر
نحييك اخت افراح

شكرا أخي سامي والله لما تكون معمر من واش راك تشوف ...القلم ينطق وحدوا

قال mimouch:
شكرا لك أيتها الوفية للمنتدي ... بارك الله فيك علي الشجاعة في الكتابة و الصراحة في البلاغة .... مهما قلنا و فعلنا لايجب الحد من المضاهر الخداعة لا نستطيع الحد منها و القضاء عليها اصبح جل أفراد مجتمعنا تسيطر عليهم المصلحة النفسية الداتية .... نفسي ثم نفسي ....لا يراعي القيم و الأخلاق نسي و تناسي تربية ابنائه و بناته و فلدة كبده المهم هههههههو ... ربي يهدي الضالم و يصحي ضميره
ة الحل كيفاش ووقتاش

العفو أستاذي الكريم ....يشرفني كتير ردك الطيب في موضوعي
ننتظر منك دورك المميز في مساعدة طلاب الثانوية في المنتدى ...لأنني أدرك أنك أستاذ متميز كما عهدك طلابك في الولاية

قال omar75:
بارك الله فيك اختــــــــــــــي نوال

وفيك بارك الله أخي عمر ..دائما طلتك لها وقع جميل في المواضيع

والله ماعرفة واش نهدر وين راح نوصل ؟؟؟؟؟

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضوية محظورة ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو مُتميز ::

:: عضو بارز ::

المواضيع المشابهة