اهلا وسهلا ومرحبا بالاخت اماني.
الله يسلمك اخي خفيف الروح والدم:santa_1:
تشرفتي بالضيافة وصح فطورك وصح سحورك .
شكرا لك ورمضان كريم اخي
واليك بداية اسئلة تسخينية ومقدمات قبل الولوج للموضوع .
يلا نسخنو ....:sheer:
الاسم الكامل الشامل حقيقي والا .........و12 يعني تبسة والا حاجه اخرى؟؟
اسمي سالي و12 جات هكاك لالا مش تبسة لاني من سكيكدة
العمر والسن وتاريخ الميلاد والمكان والزمن بالدقيقة والثانية ؟؟؟ مسابقة؟؟هههه
24 اوث القل ولاية سكيكدة كان ذلك صباحا ..هذه مش مسابقة هذة FBI
الوظيفة والعمل ومكان التواجد ؟؟؟ والا الدارسة والمستوى والمؤسسة التعليمية الخ كل ما له علاقة؟؟؟
بدون عمل
الحالة الاجتماعية : كل ما يخطر في بالك من الزواج الى الطلاق الى العنوسة الى التعدد نحب نسمع حالك
عازبة
ورايك فيهم وحالتك انت شخصيا ؟؟؟؟؟؟ مهم جدا وضرور واكيد مطلوب في الملف متاع السكنى.
العازب الله يرزقو ببنت لحلال والبنت بولد لحلال :sheer:
المتزوج ربي يهنيه والمتزوجة ربي يهنيها ونتمنى لهم حياة سعيدة :shiny:
المطلق ربي يعوض عليه ويلقى الي يناسبه والمطلقة كيف كيف ربي يعوض عليها :santa_1:
العانس بالنسبة للرجل والمرأة ربي يزرقهم وتفتح لبواب في وجهم ويضحو بشوية شروط :sad:
الحالة النفسية والعقلية : الاعصاب والنرفزة الهدوء والطيبة ، امخلط ، المزاج معكر ديما امليح ديمه ، العقلية وين بين
هذا المجموعة ناقص كامل متوسط منغولي بهلول معتوه ...ههههه
هادئة وعصبية طيبة الى حد كبير .
الحالة الشكلية والمظهرية : تسر الناظرين ، تبعد الحاسدين ، تجلب الحظ بين السمنة والنحافة بين الطول والقصر
بيكاسو طلع الصورة حلو اوك ...الحمد لله
كل ما يتعلق بتضاريس العبد بما فيه طول الانف والاذنين....مطلوب في مسابقة ملكة الجمال
وصلنا للجعرافيا .انا مانحبش الجعرافيا :cra_zy:
الهوايات والرغبات : رياضة اشطيح ورديح ، موسيقى الحان وشباب ، مسلسلات سورية تركية ، افلام رسوك كرتون
خياطة اطبيخ رسم ونحت ....الخ مهم للتقدم للوظيفة.
الهواية نحب كل شئ فيه ابداع طبخ خياطة تطريز رسم كنت وحد الوقت نرسم اما الان لا ان شاء الله تقبلوني بليز:crying:
اخلاص هذه المقدمة الضرورية وامبعد نرجعلك ان شاء الله مع صلب الموضوع. وطبعا رايح اتكون خاتمة.......
الحمد لله على هذه المقدمة الله يستر من الموضوع والختام
راني اخفيف الروح والظل وما بغيتش نشنقك على الصباح .
خفيف بزاف قريب يديك الريح:busted_red:
صح فطورك وصح صيامك والسوهال اللي ماعجبك ما تشوفي فيها اخلاص اخلاص مسامحة....هههه
