تجمع المتأخرات في الحمل

الحالة
مغلق ولا يسمح بالمزيد من الردود.
د

داليا

:: عضو مُشارك ::
إنضم
2 أكتوبر 2011
المشاركات
133
نقاط التفاعل
19
النقاط
7
jb13235528772.gif


​
السلام عليكم اخواتي
​
حبيت نفتح المجال في هذا الموضوع لكل المتاخرات في الحمل يقولونا فيه على تجربتهم مع تاخر الحمل على خاطر انا اتضريت من هذا الامر و حبيت نحكيو هنا شوية باه نصبرو بعضانا و انا الاولى نبدا
عندي تقريب عام ملي تزوجت و حملت في الشهر الرابع لكن ما كتبش ربي باه نشوفو و اجهضت في شهري الاول و لحد الان و بعد مرور 7 اشهر لم يحصل حمل و الحمد لله و هذا الامر ماثر عليا بزاف سيرتو كي راني بعيدة على اهلي و بغيت نجيب اللي يونسني راجلي مسكين عيا واش يديرلي بصح انا دموعي ديما على خدي
المهم انشاالله نلقى تفاعل منكم و ردود مع الدعاء لكل واحدة ما رزقهاش ربي
jb13235528771.gif
 
آخر تعديل بواسطة المشرف:
ربي يرزقك حبيبتي
الصبر والدعاء ما زلتي جديدة
اختي صراتلها كيما راكي تحكي هزت بالحمل بصح ما كتبش ربي واجهضت في الشهر الثاني
بصح ربي حنين كريم بعد عامين تقريبا عاودت هزت وعندها طفلة ماشاء الله عليها عندها عام ونص ذرك
اكثري من الاستغفار فعال جدا
ربي يرزقك اختي وحاولي ما تزيديش على روحك وعلى زوجك
​
 
آخر تعديل:
امين ربي يخليك اختي ام منصف و شكرا على مرورك الطيب​
 
وعليكم السلام
ان شاء الله ربي يرزقك ماتتمناي اختي
سيثبت الموضوع
ويكون ملتقى لتلقي الفائدة بين
السيدات المتأخرات عن الحمل
ولربما تكون هنا نصائح تفي بالغرض
تحياتي
​
 
السلام عليكم ورحمة الله وبركاته
موضوج مهم وجميل
بارك الله فيك اختى
شوفى
قال الله تعالي بكتابه العزيز : بسم الله الرحمن الرحيم (( قُلْ يَا عِبَادِيَ الَّذِينَ أَسْرَفُوا
عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ))
ننصحك باه تكثرى من الدعاء ربي سبحانو قال ادعونى استجب لكم
وكي تتدعيه وانت خاشعة باكية موكلة امرك الى الله اكيد باذن الله لايردك
وتانيك انت ماعندكش بزاف ملى مزوجة راكي جديدة كاين شي ناس 5 سنين و10 سنين باه ولدو وراني نعرفهم مليح مليح والله غير من الدعاء يدعو ديما ويقيمو الثلث الاخير من اليل ايصلو
والحمد لله درك راهم بولادهم
وانت على الاقل اجهضت يعنى متاكدة انك ستحملين مرة ثانية باذن الرحمان كاين شيء ناس والو
يتمناو ايكونو في بلاصتك
لازم تشكرى ربي وتحمديه طول مانت حية اختاه
اسمحيلى طولت عليك
++++
ننصحك كاين عشبة اسمها شجرة مريم يجيبوها من الحج ادا عندك معريفة قوليلهم ايجيبوهالك واستعمليها
وان شاء الله تحملى واتشوفي اولادك يحومون حولك
هده صورتها
132504_1208298120.jpg
​
 
آخر تعديل:
موضوع جميل اختي والله يرزقك كثري الدعاء والصبر جميل
 
السلام عليكم ورحمة الله تعالى وبركاته
والله الناظر لردي هنا يبدو له غريب جدا
كيف أرد في موضوع خاص بالحوامـــــــــــل
ولكن لما احمله من نبأ سار
يعني كانت تجربة زوجة اخي مرة في الحمل
مدة 05 سنوات والعلم لله
ولكن بقدوم احدى النساء الحمد لله بفضل الله وبفضل بعض الأدوية البسيطة
تم ذلك بحمد لله
ويعني ليست المرأة الوحيدة التي تم علاجها على يدها فكثيرات من رزقي بالأبناء
بفضل الله
من يهمها الأمـــــــــــــر
انا هنا للمسااااااااااعدة أمهاتنا ربي يوفقكم
ويرزقكم بالذرية الصالحة يارب
عذرا للدخول
​
 
آخر تعديل:
الله يرزقك ويرزق كل متزوجة بالدرية الصالحة
اختي حاولي تصبري و ادعي ربي و استغفري
​
 
شكرا ليكم كامل ربي يحفظكم و شكرا على النصائح فعلا كنت محتاجة هذا الدعم المعنوي منكم ما عنديش غيركم نحكيلو على خاطر ما نقدرش نحكي في هذا الموضوع مع اي واحد و الله غير نحيتو عليا شوية مشكورين على هذا المرور الطيب​
 
و الله يا ختي راني متمنية نكون في بلاصتك حتى انا عندي 7 اشهر زواج و مازال مرفدتش
عندي اختي صراتلها كيما .انتي مي درك الحمد لله راهي بالجوف
 
آخر تعديل:
الحمد لله ربي يكمللها و يرزقك و يرزقني معاك الذرية الصالحة و الطيبة يا رب
شكرا على مرورك اختي كريمة​
 
حبيبتي انتي حاسة فيك والله ما يحس بالجمرة غير اللي كوااتو مممكن ما كانش اللي حاس اللي في قلبي غير الي متمحن
انما عمري لا يتجاوز 24 سنة وليا تجربة بالحيااة المرة
مقهورة والله ووحيدة
ولكن الحمد الله الله معانا ز
ليش نحزن
اخيتي
انت ليك عام
انا من 2007 سبحان الله
الله يرزقنا بشئ درية صالحة تقر اعيننا وتنحي علينا غباار الظلمة اللي في بيتنا
يا ربي امين
يا اختي
ان شااااااااااااء الله
افيدك يشئ شغلااات
كنت راح اسويها ولكن ما فيش اعشااب هون

يا الغالية
ليا رجعة​
 


السلام عليكم

جلبني الموضوع العنوان كيما يقولو ما يحس بالجمرة غير الي كواتو
ربي يرزقك الذرية الصالة اختي داليا والاخت حلمي الامومة يا رب ان شاء الله لكل محرومة من هذي النعمة يرزقهم عاجلا ما نقدر نقولك غير اصبري ومزالكي جديدة ومتعتبريهش تأخر لعلى فيها خير لكي وأي زوج وزوجة يحلمو يكونو عندهم ذراري سند لبهم فالدنيا
يا أختاه واش نقول أنا عندي 6 سنوات محرومة من نعمة الامومة وداخلة على العام السابع ونقول الحمد لله قضاء الله وقدرو انا في عامي الاول رفدت وطاحلي في شهر ومن يومها ما ذقت طعم الفرح هذا مش باه نهبط معنوياتك وماشي الي صرالي يصرالك ولا نتمناهلك نفرح لأي وحدة نسمع بيها حامل وكانني انا الي حملت ضروفك مريت بيها وعشتها وكانت الدموع متفارقنيش مي نصيحة مني ليك مش مليح القلق والتخمام بزاف هذا راح يرجع بالسلب عليك وعلى صحتك وينقص الفرص فالحمل خلي ربي في قلبك وكثري من الدعاء والصلاة وربي يرزقك باذن الله

​
 
قال حلمي الأمومة يا رب:
انا ليا خربطة في الهرمونات والدورة ما تجشيش ب شهرين ولا اكتر الله المستعان
إضغط للتوسيع...
مثل المكشل الي كان عندي ارتفاع فهرمون الحليب مي انا تأخر فالدورة بسبب الهرمون
مي دوك الحمد لله تخلصت من المشكل ودواء الجزائر منفعنيش جابهولي بابا من فرنسا ربي يخليهولي وكي ريحت انا ظهر مشكل اخر فزوجي ربي يشافيه


​
 
طريقه مضمونه للحمل 100 % 100 باذن من الله وتوفيقه
السلام عليكم ورحمة الله وبركاته ...
حبيباتي هذي طريقه للحمل شوفتها بأحدى المنتديات واستعملتها صديقتي وبفضل الله حملت بعد سنتين من زواجها ...
واستخدمتها بنت خالتي والحمدلله حملت بعد 17 سنه والله قادر على كل...شي




ولا أريد منكــــم سوا الدعاء لي ولزوجــــي ...



واليكـــــــــم الوصفــــــــــــه ....





٣ فنجان قهوه كمون مطحون ٠
٣ فنجان قهوه قرنفل مطحون ٠
٣ فنجان قهوه حبه سوداء ٠
٣ فنجان قهوه فلفل اسود مطحون٠
٣ فنجان قهوه رشاد بدون طحن ٠
٣ ملاعق صغيره حلبه ٠
الطريقه :
يطحن كل مقدار على حده ماعاد الرشاد ٠
تؤكل ثالث يوم من الدوره ملعقه كبيره ويشرب كأس ماء بعدها حتى تنتهي الدوره
( تسف مو تخلط مع الماء )
الخلطه طعمها مر وعلى الوحده ان تتحمل حتى يرزقها الله من فضله ٠




١ _ إذا نزل دم كثير أو قطع أو ماء كثير يكون لديها سدد ٠
٢ _ إذا توقف الدم ونشف أثناء تناولها يكون عندها ضعف في المبايض ٠
٣ _ إذا جاء وقت الدوره الثانيه ولم تنزل الدوره يعمل تحليل لتأكد من وجود حمل أو عدمه ٠
٤ _ إذا لم يوجد حمل ويبدأ نزول الدوره الثانيه يعاد أكل هذه الخلطه مره أخرى في نفس التوقيت ( اليوم الثالث من الدوره ) حتى يثبت وجود الحمل بإذن الله ٠



تمنيــــــاتي لكـــــــــم بحياة سعيده منقووووووووول لعيونكم
 
قال maha16:
مثل المكشل الي كان عندي ارتفاع فهرمون الحليب مي انا تأخر فالدورة بسبب الهرمون

مي دوك الحمد لله تخلصت من المشكل ودواء الجزائر منفعنيش جابهولي بابا من فرنسا ربي يخليهولي وكي ريحت انا ظهر مشكل اخر فزوجي ربي يشافيه​
إضغط للتوسيع...



الله يشاافيك يا اختي ويرزقك الدرية العافاة يا رب وكل محرومة
ولكن اشنو هادا الدوااء اللي جابو ليك الواالد نتاعك من فرنسا؟​
 
قال حلمي الأمومة يا رب:
الله يشاافيك يا اختي ويرزقك الدرية العافاة يا رب وكل محرومة
ولكن اشنو هادا الدوااء اللي جابو ليك الواالد نتاعك من فرنسا؟​
إضغط للتوسيع...


كنت نشرب parlodel باغلودال مي كل ما ندير كونترول ونعمل تحاليل نلقاه يزيد يطلع نصتحتني وحدة بزيارة طبيبة وطلب دواء دوستنكس وشخصت الحالة وقاتلي الا عندك شكون يجيبهولك احسن مع العلم الي وجهتني للطبيبة كان عندها نفس المشكل وشربت الدواء وراهي بولادها
اسم الدواء dostinex 0,5 mg وطريقة الشرب حبة فالاسبوع وعندو نتيجة ايجابية وسريعة

​
 
شكرا ليكم اخواتي ربي يحفظكم انا قاتلي الطبيبة عندك ضعف في المبايض و هذ الشهر ان شاء الله نبدا ندير الكلوميد و ربي يكون الخير
اختي حلمي الامومة مشكورة على الوصفة مي خفت نديرها تاثر على مفعول الدواء نشوف مع الكلوميد اذا ما جابش نتيجة نديرها
 
ربي يرزقكم اخوتي الذرية الصالحة عاجلا غير اجل بفضل ورحمة الله
انصحكم بصلاة الحاجة و كثرة الاستغفار و الدعاء ​
 
الحالة
مغلق ولا يسمح بالمزيد من الردود.

المواضيع المشابهة

الامين محمد
كاميرا كاشي {لمّة خير} الحلقة الخامسة( الضحية لؤلؤة قسنطينة) خخخخخخخخخخ مسكيييينة
2
المشاركات
20
المشاهدات
2K
همس الوُرود
همس الوُرود
ق
تخيلو حياة الفايس بوك نعيشوها في الواقع ؟؟؟؟
2 3
المشاركات
46
المشاهدات
4K
قرصان الساحل
ق
م
  • مغلق
هل انتظر من هويت ام اتزوج استاذي
2
المشاركات
30
المشاهدات
3K
imano bogi
I
ط
كيف تغيرت حياتي...؟
المشاركات
7
المشاهدات
3K
أمــ وليــد الجزائرية
أ
م
كميرا كاشي ... الحلقة الثانية... مع معتـــز اللمــــة
المشاركات
14
المشاهدات
3K
M3TaZ eLLMa
M3TaZ eLLMa
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top