سمحلي يا...الكبش واش حاسب روحك...؟؟؟؟؟

حكايا الورد

حكايا الورد

:: عضو بارز ::
أحباب اللمة
إنضم
19 ماي 2011
المشاركات
4,729
نقاط التفاعل
5,225
النقاط
351
محل الإقامة
جيجل
الجنس
أنثى
images




حبيت نطرح هذا الموضوع هنا في المنتدى بعد ما طرح أول أمس في بيتنا العزيز:...الكبش
أبي المسكين راهو محتار في الاضحية يقول الكباش راهم غاليين الكبش المليح راهو ب4ملايين؟؟؟
وطبعا اللي عندو عايلة كبيرة لازم كبش كبير تاع 4ملايين....الناس راهي تشكي من الاسعار...
في المقابل اللي راهم يبيعوا راهم يقولو هذاك هو السعر انتم هاربين من تربية المواشي وفالعيد تشكيو من السعر حنا تاني رانا نتعبوا معاهم ...باختصار هداك هو..
ومادام ابي الحنون خاطي ..والفلاح المسكين خاطي..امالا المشكل راهو فالكبش...؟؟
انا نقولك يا الكبش ..سمحلي راك حاسب روحك سيري6 مثلا...؟؟؟

​

images
 
أهلا بيك سالي
كلش غالي وكلش زاد والله حيرة
الزوالي يروح يسويسيدي والله
 
والله يا حبيبتي الكبش تاع 4 ملاين معندناش هنا هههه
ربي يكون فالعون و سيرتو الزوالي وش حيشري باه حيعيد؟ ضك 5 ملاين و ياربي تلحق عليه
ربي يجيب الخير برك​
 
والله راه كلشي غالي ماشي غير لكباش لواحد يخلص 4 واش يدير بيها ولايجيبها كبش ويريح
ربي يجيب الخير ويكون في العون
هههههه بلا مننسى صحا عيدكم
 
و الله يا silla غير الكبش عاد بقيمتو درك
بكري ماكانش الي يدرلو حساب خاطر كان رخيس
بصح ذرك 4 ملاين شهرية
يعني كي تذبحوا الكبش تاع السنة ابداو خممو في نتاع العام الجاي
​
 
الزاوالي يشوف برك
الله يعين برك
شكرا sali
​
 
الواحد يبغي يطبق حاجة ربي يصعبوها عليه
​
 
ههههههه ايه
بلاك راه حاسب روحه سيري 6

نشكو من الزيت والسكر خرجنا الكبش مور الكبش تجي اللوبيا
​
 
وعليكم السلام
حطيتي يدك على الجرح اختي
قرب العيد وطلعت الاسعار في السما
بابا اليوم شراه ب 4ملايين
و200 الف تاع العلف

يكثر خير الرابال تاع المعلمين كون ماش هو راه جابلنا قط

ربي يستر حنا نقولو الحمد لله
والناس لفقيرة منين راح تجيب

شكرا على الموضوع
سلامي
​
 
ايه يااختي غلاء الاسعار
ليوم جانا واحد من الجلفة قالك راهم غالين مي الحمد لله العام هذا كبش العيد جبناه من آفلوا
مي مازال مالحقش لآلجي:d

ربي يعين الزاوالي مسكين وخاصة الاطفال

سلامي
 
اييييه الزوالي في هذا الوقت غير يشوووف
الله يكوون في العون

​
 
ايه يابنتي ربي يعين المسگين
ان شاء الله برگ تطيح سومتو ويقدرو يعيدو
حنا شرينآه بــ 4.5 ملآين

​
 
والله غير صح الكبش هادا العام تزيد عليه 10 دج تجيب نمر :p
والله غير عجب علاه يديرو هكدا مانعرف
والاب يبقى حاير. انا عن نفسي راحت بنة العيد عندي
و هادي الكبش ولا لمن استطاع اليه سبيلا
​
 
أختي واش بيك..:s
4 ملايين... ؟؟ لبارح بابا دخل للدار كامل نخزرو فيه واش بيك واش بيك؟
قال لنا: واحد صاحبي شرى كبش بـ11 مليون أنا قلت له 11 مئة قال لا لا :( 11 مليون
ايه عادي الزوالي نهار العيد يطيب القاطو و يقعد في الدار و صح عيدهم و عيدنا حنا دك مشرينا نستناو نيزيد يشوي في السومة راه رخيس....:up:
سلامو بلا متشوكاي:regards01:​
 
hhhhhhhhhh rahou tayehh khchinee mahalabnach ga3 lool
mm nn wllh +3la 4 million
mm hna nhawssou 3la l ajr lmouhim odhia
 
بابا شراه ب 4ملايين
كل شي عاد غـالي في هذي البـلاد
والزوالي مسكيــــــــن ماعندو مايدير
ربي يجــيب الخير ​
 
هههههههه...
والله تاع الصح حاسب روحو سيري 6 راهو يتقلش علينا
مشكل تاع الاسعار ربي يجيب الخير مشكورة اختي على الطرح
 


يا ختي لعزيزة
وشمن 4 و 5
فالجلفة تباع واحد ب 13 مليون
ربي يستر

​
 
اذا راهو يدير عندكم 4 ملاين برك .. دزاير كامل تجي لميلة تشري كباش
:d​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top