الاستعمار العثماني الجديد

[Mr Brahim]

بدون اطلاع على الموضوع الاستعمار الجديد يعتمد على سذاجة الشعوب و بلادتها هذه اهم الاسباب فقط.
سلاااام
​

 

[tarek ess]

عنوانك يتضمن ظلم لدولة الخلافة الدولة العثمانية
الدولة العثانية لم تكن يوما استعمارا ولكن مشروع امة الاسلام والغرب لم يتمكن من احتلال شبر واحد من الاراضي الاسلامية الا بعد دخول دولة الخلافة في مرحلة الضعف التي اطلق عليها مرحلة الرجل المريض فشتان بين الثرى والثريا
شتان بين احفاد محمد الفاتح وبين احفاد اتاتورك العلماني تركيا اليوم تسبح في فلك المشروع الغربي
بالنسبة لمضمون موضوعك فالترك اليوم يكملون ما بدا به المصاروة و هوليود وبوليود وغيرها .

 

[nanoche]

يعطيك الصحة على مواضيعك الرائعة يا الحبيبة
وحبيت نبدا بكلام الرسول عليه الصلاة و السلام "( لَا تَقُومُ السَّاعَةُ حَتَّى يُقَاتِلَ الْمُسْلِمُونَ التُّرْكَ قَوْمًا كَأَنَّ وُجُوهَهُمْ الْمَجَانُّ الْمُطْرَقَةُ, يَلْبَسُونَ الشَّعْرَ , وَيَمْشُونَ فِي الشَّعْر) يعني لازم الحذر منهم ماشي نصاحبوهم
هذا غزو كبير وقع عندنا في الجزائر من المسلسلات التركية اللي عايشين فيها غير الخرطي في الخرطي واش من حب يا ناس
مهند لما جابوه في ابو ظبي قاللهم انا زير نساء و مسلسلي مع نور ما يعكسش شخصيتي
والله لا رجعت نحير كي نلقى نساء كبارات في السن قاعدين يحكيو على المسلسلات و يعجبك انهم يحكيولك الاحداث بالتفاصيل يعني اذا ضاعت منك حلقة ما تحيريش كاين اللي يعاودهالك هههه:d
الحمد لله ربي عافاني من التلفزيون كله ما نحوسش عليه خلاص يعني كيما كاين كيما ماكانش
​

 

[tarek ess]

يعطيك الصحة على مواضيعك الرائعة يا الحبيبة
وحبيت نبدا بكلام الرسول عليه الصلاة و السلام "( لَا تَقُومُ السَّاعَةُ حَتَّى يُقَاتِلَ الْمُسْلِمُونَ التُّرْكَ قَوْمًا كَأَنَّ وُجُوهَهُمْ الْمَجَانُّ الْمُطْرَقَةُ, يَلْبَسُونَ الشَّعْرَ , وَيَمْشُونَ فِي الشَّعْر) يعني لازم الحذر منهم ماشي نصاحبوهم
هذا غزو كبير وقع عندنا في الجزائر من المسلسلات التركية اللي عايشين فيها غير الخرطي في الخرطي واش من حب يا ناس
مهند لما جابوه في ابو ظبي قاللهم انا زير نساء و مسلسلي مع نور ما يعكسش شخصيتي
والله لا رجعت نحير كي نلقى نساء كبارات في السن قاعدين يحكيو على المسلسلات و يعجبك انهم يحكيولك الاحداث بالتفاصيل يعني اذا ضاعت منك حلقة ما تحيريش كاين اللي يعاودهالك هههه:d
الحمد لله ربي عافاني من التلفزيون كله ما نحوسش عليه خلاص يعني كيما كاين كيما ماكانش
​

بالنسبة لحديث النبي صلى الله عليه وسلم اجمع علماء السلف ان المقصود بالترك هم التتار فاتقي الله فمن الترك قوم موحدين لله يجب ان نفصل بين هذه المسلسلات وبين المسلين الاتراك

 

[SETIF étudiant]

السلام عليكم مرحبا بيا عندك ... موضوووووووعك ابدااااااع

المسلسلات التركية عفن مشرقي برك مسلسلات هابطة تافهة يرحم والديك برك واش تستفاد كي تتفرج من واحد يحب واحدة ولا غير لا تفرجتهم باش تتعلم تحب هههههههههههههههههههههههههه:p والشيء لي بلوكالي مخي عدت نشوف حتا في الرجال يدمنون على هاد المسلسلات خخخخخخخخخخخخخ :s.....
بورموا انا عندي هادو المسلسلات كعالم خيالي برك سورتو على لي محروم يقدر يتفرجو باش يرتاح شوي الهروووووووووووووب من الواقع خخخخخخخخخخخخخخخخخخخخخخخخخخخخخخ

وانا نقوووووووووووووووولك اختي صراحة والواحد ما بكذبش على روحو برك التيليكومند راهي في يدي ماشي في يديهم ونعرف واش نتفرج

مالقري على الكلام لي قلتو انا نحب نتابع واحد رسوم هكدا تاع هزيم الرعد والله اغنية البداية تاعو نموووووت عليها كان داروها نشيد وطني لينا ماشي خير ههههههههههههههههههههههههه زيد كي نسمعها نحس روحي نقدر نروح نحرر فلسطين وحدي ونرجع خخخخخخخخخخخخخخخخخخخخخ

 

[nanoche]

بالنسبة لحديث النبي صلى الله عليه وسلم اجمع علماء السلف ان المقصود بالترك هم التتار فاتقي الله فمن الترك قوم موحدين لله يجب ان نفصل بين هذه المسلسلات وبين المسلين الاتراك

أولا الحمد لله انا ممن يتقين الله و يخشونه في كل خطوة
و انا لم أقم بتأليف حديث من عندي و أعلم جيدا أنه يوجد موحدين يؤمنون بالله في الترك كما هم موجودين في كل بقاع العالم و عندما تقول المقصود بالترك في حديث الرسول الكريم هم "التتار" فارجع الى التاريخ لتعرف من هم
التتار هم قبائل تركية وهم جزء لا يتجزأ من الأمة التركية يتكلمون اللغة التركية، قسم منهم شكلوا دولة مستقلة تسمى تترستان في جبال الآورال ورد ذكرهم في نقوش الأرخون (بضم الألف مع الهمزة وضم الخاء) التركية التي ترجع إلى القرن الثاني الهجري (الثامن الميلادي)، كما أطلق هذا الاسم على المغول عامة أو على فريق منهم خاصة.
وفي جميع الفتوحات المغولية التي وقعت في القرن السابع الهجري كان الفاتحون يسمون التتار في كل مكان نزلوا فيه، سواء أكان في الصين أم في البلاد الإسلامية أم في بلاد روسيا وغرب أوروبا وقد استبدلت كلمة تتار بعد جنكيزخان في بلاد منغوليا وأواسط آسيا بكلمة مغل(بضم الميم والغين)، ولا يزال هذا اللقب مستعملاً إلى اليوم في بلاد الأفغان بين أعقاب المغول الذين لا يزالون يحتفظون بلغتهم حتى الآن.
و لا أريد الإطالة لأن قصتهم طويلة يمكنك البحث فيها
أنا لا أضع أي حديث قبل أن اتأكد مما أدونه و أنا لم أقصد المسلمين طبعا فالأتراك يتمركزون في بقاع عدة من العالم و محتوى هذه المسلسلات لا يمد للإسلام بأية صلة
​

 

[tarek ess]

أولا الحمد لله انا ممن يتقين الله و يخشونه في كل خطوة
و انا لم أقم بتأليف حديث من عندي و أعلم جيدا أنه يوجد موحدين يؤمنون بالله في الترك كما هم موجودين في كل بقاع العالم و عندما تقول المقصود بالترك في حديث الرسول الكريم هم "التتار" فارجع الى التاريخ لتعرف من هم
التتار هم قبائل تركية وهم جزء لا يتجزأ من الأمة التركية يتكلمون اللغة التركية، قسم منهم شكلوا دولة مستقلة تسمى تترستان في جبال الآورال ورد ذكرهم في نقوش الأرخون (بضم الألف مع الهمزة وضم الخاء) التركية التي ترجع إلى القرن الثاني الهجري (الثامن الميلادي)، كما أطلق هذا الاسم على المغول عامة أو على فريق منهم خاصة.
وفي جميع الفتوحات المغولية التي وقعت في القرن السابع الهجري كان الفاتحون يسمون التتار في كل مكان نزلوا فيه، سواء أكان في الصين أم في البلاد الإسلامية أم في بلاد روسيا وغرب أوروبا وقد استبدلت كلمة تتار بعد جنكيزخان في بلاد منغوليا وأواسط آسيا بكلمة مغل(بضم الميم والغين)، ولا يزال هذا اللقب مستعملاً إلى اليوم في بلاد الأفغان بين أعقاب المغول الذين لا يزالون يحتفظون بلغتهم حتى الآن.
و لا أريد الإطالة لأن قصتهم طويلة يمكنك البحث فيها
أنا لا أضع أي حديث قبل أن اتأكد مما أدونه و أنا لم أقصد المسلمين طبعا فالأتراك يتمركزون في بقاع عدة من العالم و محتوى هذه المسلسلات لا يمد للإسلام بأية صلة
​

نعم هو كذلك ولكن هل التتر او المغول يمتون بصلة الى الترك كدولة في وقتنا الحاضر
نعم المسلسلات لا تمد بصلة الى الاسلام وهي تحارب الاسلام في كل مكان وبما في ذلك تركيا نفسها
ثم ان دولة العثمانية دولة الاسلام دولة الفتوحات حمت بيضة الامة لقرون طويلة بل وغزت الاوروبيين في عقر دارهم
وانت من خلا ل وضعك للحديث لم تستثني والقارئ لحديثك بدون تفصيل يخيل له ان الكل سواء بما فيهم العثمانيون

 

[fahou]

سلام ، يعطيك الصحة أختي على الموضوع ، بصح مرانيش نوافق الإخوة في الرأي ، وعلاش نحصلو في المسلسلات تركية ولا مصرية ولا هندية و لا حتى مريخية؟؟؟؟؟؟؟
الشخصية تاع الإنسان وين راهي والمبادئ و الأخلاق طبعا ؟؟؟
اتن تقولي امرأة متزوجة طلبت الطلاق على جال مهند ، المشكل ماراهوش في مهند ولا في المسلسل ، هدي امرأة متزوجة نورمالمو راهي واعية ، مسؤولة تربي في أجيال ، ولا كان زوجوها وهي عقلها صغير علاش تحصلو في المسلسل .
وإدا الناس تشوف في المسلسلات مع ولادها و تخليهم يشوفو التلفزيون كيما يحبو علاش تحصلو في عالم دار؟؟؟؟؟؟؟
كي كنت صغيرة وحد 8 سنين كان يلعب مسلسل ركال ، كنا الإثنين العشية منقراوش ، أمي متشعلش التليفزيون و ما تشوفش الفيلم على جالي .

المشكل يا خاوتي راهو فينا احنا و في أخلاقنا وفي الوعي الديني نتاعنا ، من بكري المسلسلات كاينين ، أمي و أمك علاش ماداروش كيما فاتن حمامة ، و بوسي ,,,,,, وعلاش مطلقوش بسبة عبد الحليم حافظ ، و محمود ياسين ,,,,,

الله يهدينا أجمعين .

 

[عابر سبيل12]

للاسف اختي
الامر هاذا واقع فعلا
وتقريبا 99 بالمئة من بناتنا يتفرجو المسلسلات هادي ومتاثرين بيها لاقصى درجة
للاسف الشديد الفتاة الجزائرية تاثرت بصورة الرجل الشرقي اللي تصدرها المسلسلات السورية والا التركية
متناسية في نفس الوقت ان هناك فروقات بين المجتمعات

فصارت لاتتخيل الرجل الا كمهند وغيرهم ...طويل وعريض ..واشقر وجميل ...وشفتاه ورديتان وجلد ناعم
قد لايتخلف تركيبيا عن حبيبته في المسلسل

يصورون لنا الرذيلة والخيانة والعلاقات الغير شرعية وكل ماهو محرم في قالب اسمه الحب
لاحول ولاقوة الا بالله
​

 

[عابر سبيل12]

ربي يبارك فيك ....يا ام انس ........
و الله عجبني العنوان يااااااااااااااسر و كمل عجبني كي قريت الموضوع ......موضوع هادف صح ....
المسلسلات التركية ما خلات ما يقات في عقلية نساءنا
ماشي غار الماشي متزوجات ...حتى المتزوجات ولاو يقارنو ازواجهم بمهند و ما نعرف شكون .....
مجتمع مسكين فارغ راحت.. انا كرستينا.. و خلات بلاصتها للميس..........
اللوم ماشي على الاستعمار اللوم على لي دارو خاربة و الي يجي يسكنها .......
و خلي يخربو و ش تبقى من الي خربوه المصريين .....
​

ههههههههه:d:dهههههههه
فكرتيني في انا كرستينا واليخندرو .......وخاسينتو الاعرج :d
​

 

[قلمي سلاحي]

 

[أم أمين23]

احنا من بكري مستعمرين من فرنسا ومن المصريين ومن السوريين ومن الهنودة والمكسيكيين وضرك كملناها بالاتراك احنا للاسف مجتمع مستهلك لكل شيء من الماكلة للبسة للاعلام والسينما مالا باش نخرجو من هاد الغرقة لازم نبداو نسلكو رواحنا من الامور البسيطة الي نقدرو عليها ومن بعد يجي التحرر الكلي لخاطر مشكل الجزائري ما عاجبو والو من بلادو وواش فيها لانو كل شيء ولى خاطينا وعندو ماليه مالا ما بقالنا غير نديو ونقبلو بواش يعطينا الاخر بغض النظر هو منين

 

[Amauri]

هذا الشعب الريح لي يجي يديه عندوا عقدة اتجاه اي حاجة تجيه من الخارج
ربي يهدينا

 

[Moha le sage]

موضوع جميل و هادف ما شفتوش حتى هذوين ....


علمدار وواش دار في ليزالجيريان ...

ماشي غير البنات برك ....... بزاف من الذراري يتفرجوه و يتيليشارجيو في حلقاتو كل يوم ... ما فهمتش وش فيه من سر ...


عنوان قاوي صح .. الاستعمار العثماني الجديد ...بالمسلسلات ...

يعطيك الصحة ختي على الموضوع و الفكرة و طريقة الطرح ......



​

 

[ام انس الحبيب]

حييلي مراد علم دار هههههههههههه
صحيتي ام انوس موضوع فالصميم
مميز :up:
معنديش يومين ملي قريت أرتيكل عليه فالنهار لا مخانتنيش الذاكرة
مي ركزو على مسلسل حريم السلطان اللي يحكي على واقع العهد العثماني في وقت السلطان سليمان القانوني
حتى هنا وشوهو التاريخ :-o حتى قام الوزير التركي بمنع بث الجزء الثالث قالهم فسدو صورة أعظم سلاطين
الدولة العثمانية ورجعوه زير نساء :-o
( على الرغم من ان التاريخ يقول صح بلي كاينة جارية روسية كان لها الدور الأعظم في حكم السلطان)
لا علينا
المسلسلات هادو لي يتبعها يمرض صح وكاين ناس مهووسين ويبالغو بزاف
مرة قريت فالشروق في صفحة تع المشاكل هديك
وحدة قاتلهم بنتي مولات 8 سنين قريب طلقتني من راجلي
كيفاه:s؟ دك نقلك :d
قالت هي كانت تتفرج معايا العشق الممنوع = تعرف الأحداث = فهمت القصة ==> حبت تورنيها فالواقع
راحت مع ماماها للعرس كي رجعت قالت لباباها انا شفت ماما وولد عمها في وضعية :down:
السيد حاوز مرتو مالدار .. قعدت البنت وحدها لمدة اسبوع
فهاداك الوقت بدا مسلسل فاطمة وش دارت الطفلة ؟
قالت لباباها : خويا وصحابو خطفوني وحاولو يعتديو عليا
حكم ولدو قتلو بطريحة قريب مات ... ومبرر تصرفو بلي بنتو موحال تجيب هاد القصة من خيالها
المهم من بعد المرأة اثبتت لراجلها بلي الشي اللي قالتو بنتها مكانش منو ورجعها ...الخ
انا فسرت تصرفات الطفلة على انها نوع من التقمص الوجداني لاحداث ملسلات
كادت تخرب حياة عايلة

الموضوع او خطير يا جماعة (كيما كان يقولها البروف تع العلوم شرعية :d)

شفتي وين وصلنا
ويقولو شبيه المجتمع تعنا ولى منحط؟


​

مشكورة اختي مينات
يا للاسف شفتي الوقت الي لحقنا ليه
والله ايمرض انتاع الصح
​

 

[ام انس الحبيب]

قتلتيني بالضحك ام أنس في هاديك الكلمة

عريس الغفلة
​

الحالة وصلت واحد المرة وليد عمره 7 سنوات قال لماماه وهو يحكي على واحد المسلسلات التركية

قالها ماما علاش الاتراك يجيبوا بيبي قبل الزواج بلوكات في بلاصتها وحاولت تجاوبه بطريقة لطيفة يفهمها قاتله هذا الشي حرام

الطفل يقوللها لالالالالالالالالالا بشدة وثقة ماهوش حرام يسموه برك إبن غير شرعي

ومبعد قاللها ماما نسألك انا طفل غير شرعي تانيك :-o:-o:-o:-o:-o
​

تعرفي قريب تبكي ههههههههههههههههههه​

والكوارث مستمرة عزيزتي ام أنس
​

واي كوارث الله يسترنا من الي جاي
​

 

[ام انس الحبيب]

غزو تركي الى الدول العربية و بالأخص الدولة الجزائرية :d
كشما بقى الطفلة تخلي شغل الدار و تروح تتفرج مسلسل تركي
فيه 700 حلقة ، مايكملش خلاص :d
كي شغل الطفلة ماتزيدش تخدم خدمة الدار بتاتا
منقولوش غير البنات ، bien sur الذراري تاني راهم يتبعوا المسلسلات ، مي ماشي كيما البنات
سلآلآمي
​

او كان غير جات في الشغل برك اخي الكريم
آت العقلية ما تتخسرش من الي تتفرج فيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
​

 

[ام انس الحبيب]

ربي يبارك فيك ....يا ام انس ........
و الله عجبني العنوان يااااااااااااااسر و كمل عجبني كي قريت الموضوع ......موضوع هادف صح ....
المسلسلات التركية ما خلات ما يقات في عقلية نساءنا
ماشي غار الماشي متزوجات ...حتى المتزوجات ولاو يقارنو ازواجهم بمهند و ما نعرف شكون .....
مجتمع مسكين فارغ راحت انا كرستينا و خلات بلاصتها للميس..........
اللوم ماشي على الاستعمار اللوم على لي دارو خاربة و الي يجي يسكنها .......
و خلي يخربو و ش تبقى من الي خربوه المصريين .....
​

والله عندك الحق اختي ام اسحاق
الله يسترنا او صح هنا الدور الاكبر للاباء
على خاطر الخطر ولا كبير
​

 

[ام انس الحبيب]

وزادوها كي ترجموها باللهجة السورية
الشعب ولا يعرف السورية اكثر من اللهجة الجزائرية ​

والله ما يهمهم حتى لو كان جات بالعربية الفصحى
شعب فاضي ما عندو ما يدير
مع احترامي للخدام فيهم
​

 

[ام انس الحبيب]

وعليكم السلآآم
موضوع مميز تآع الصح
كنت مع خويآ حسني في موضوع الأغآني ودرك جيت للمسلسلآت
بوون اول حآجة يعطيهآ الصحة مينآث الي جآوبت على كيستيون هدي شحآل وهي في رآسي
علآش مآحطوش الجزء الثآلث لمسلسل حريم السلطآن :p
نوليو للسوجي ، آآو صح ولآت كآرثة وكمآ قلتي فسدو القيم والمبآدئ تآعنآ
الجيل تآع دركـ يشوف ويطبق ، والنسآ تعفنو ديآرهم وقآبلو المسلسلآت التركية
يآخي كآين الي طلقو في سبتهم ، نشفى كي خرج مهند هدآكـ قآلك وحده طلبت الطلآق من رآجلهآ
كي سقسآهآ القآضي على السبب قآلتله وليت مآنقدرش نشوف في وجه وين يجي مع مهند :-o
ويآخي شفتيهم على الأولآد غير الشرعيين عندهم نورمآل ويفرحو بيه
البآرح كنت نشوف في مسلسل تركي بعد ، جآت مآمآ جيهتي وقعدت تتفرج معيآ
ومن الحكآية فهمت بلي مهند يحب زينب ، وسمرآآ مرته مآيسحقهآش
قآتلي وعلآش مآيسحقش مرته قلتله هكدكـ ، قالتلي وعلآه مآلآ تزوجهآ كي عآد مآيسحقهآش انآ سكتت
وأختي الصغيرة ـ تقرى فالليسي ـ جآتهآ نورمآل تقولهآ آي هزت منه تحتمت عليه تزوجهآ
علبآلك كون تشقت الارض في ديك الدقيقة ندخل تحتهآ ، ومآمآ شىفت معهآ قالتلهآ هدآآ وآش تشوفو أنتمآ وبقىت غير تقول
يآآربي الطف ، يآربي استرنآآ ، حبيت نعض أختي على الهدرة هديكـ قلتلهآ مش معرفتش نقولهآ حشمت وانتي بىنتلك شطآرة
يآخي تبعتهآ من معيآ ورآحت تشوفه وحدهآ
وخلي مآنحكيوش على مرآد عآلمدآر هدآكـ ـ انا مآشفتوش كنت مرآت نشوف لقطآت فيه وعلبآلي فيه العنف شويآ
مرة خرجت كي كنت طآلعة للدآر لقيت جيرآننآ صغآر يلعبو ، الأول شآد فالثآني من الثريكو وهآز فيه لفوق قريب خنقه مسكين
قلتله اطلقو آآو قريب تقتله ، مآنقتلوش آو هكدآ دآر ميمىتي لمنعرف شون ـ سمآهلي ـ بصح مآتخنقش ، اليمىجين كون تخنق الطفل صح :s
كل مرة يخرجولنآ بجهة بدآوهآ المصريين ، المكسيك ودركـ التروكآآ
المرة الجآية وآقيلآآ الثوووغ على موزمبيق :d
واخيرآ نختم كلآمي بجملة عجبتني ختمت بيهآ منوش كلآمهآ :
ويقولو شبيه المجتمع تعنا ولى منحط؟




​

كلامك كلو صح تعددت اسماء المسلسلات
لكن المحتوى واحد كلو ضد الاخلاق والدين
يهدم بدل ان يبني
لله درنا والله المستعان
​